Sri Samba Sada Shiva Bhujanga Prayata Stotram – ஶ்ரீ ஸாம்பஸதாஶிவ புஜங்க ப்ரயாத ஸ்தோத்ரம்

ஸ்தோத்ரநிதி → ஶ்ரீ ஶிவ ஸ்தோத்திரங்கள் → ஶ்ரீ ஸாம்பஸதாஶிவ புஜங்க ப்ரயாத ஸ்தோத்ரம்

கதா³ வா விரக்தி꞉ கதா³ வா ஸுப⁴க்தி꞉
கதா³ வா மஹாயோகி³ ஸம்ஸேவ்ய முக்தி꞉ ।
ஹ்ருதா³காஶமத்⁴யே ஸதா³ ஸம்வஸந்தம்
ஸதா³நந்த³ரூபம் ஶிவம் ஸாம்ப³மீடே³ ॥ 1 ॥

ஸுதீ⁴ராஜஹம்ஸை꞉ ஸுபுண்யாவதம்ஸை꞉
ஸுரஶ்ரீ ஸமேதை꞉ ஸதா³சாரபூதை꞉ ।
அதோ³ஷை꞉ ஸுருத்³ராக்ஷபூ⁴ஷாவிஶேஷை-
-ரதீ³நைர்விபூ⁴த்யங்க³ராகோ³ஜ்ஜ்வலாங்கை³꞉ ॥ 2 ॥

ஶிவத்⁴யாநஸம்ஸக்த ஶுத்³தா⁴ந்தரங்கை³꞉
மஹாஶைவபஞ்சாக்ஷரீ மந்த்ரஸித்³தை⁴꞉ ।
தமோ மோசகை ரேசகை꞉ பூரகாத்³யை꞉
ஸமுத்³தீ³பிதாதா⁴ர முக்²யாப்³ஜஷட்கை꞉ ॥ 3 ॥

ஹட²ல்லம்பி³கா ராஜயோக³ ப்ரபா⁴வா-
-ல்லுட²த்குண்ட³லீ வ்யக்த முக்தாவகாஶாம் ।
ஸஹஸ்ராரபத்³மஸ்தி²தாம் பாரவாராம்
ஸுதா⁴மாது⁴ரீம் ஸாது⁴ரீத்யா பிப³த்³பி⁴꞉ ॥ 4 ॥

ஸதா³நந்த³ கந்தை³ர்மஹாயோகி³ப்³ருந்தை³꞉
ஸதா³ஸேவ்யமாநம் ஸமுஜ்ஜ்ரும்ப⁴மாணம் ।
மஹாபுண்யபாகே புந꞉புண்ட³ரீகே
ஸதா³ ஸம்வஸந்தம் சிதா³நந்த³ரூபம் ॥ 5 ॥

தடித்புஞ்ஜ சஞ்சஜ்ஜடாஜூட வாடீ
நடஜ்ஜஹ்நுகந்யா தடிந்யா ஸமேதம் ।
மஹாநர்க⁴ மாணிக்ய கோடீரஹீர
ப்ரபா⁴பூரிதார்தே⁴ந்து³ரேகா²வதம்ஸம் ॥ 6 ॥

ப²ணாப்⁴ருந்மணீ குண்ட³லாலோலகர்ண
த்³வயீ சாருதா த³ர்பணாத்³க³ண்ட³பா⁴க³ம் ।
ஸுநேத்ராளிகம் ஸாத³ர ப்⁴ரூவிளாஸம்
ஸமந்த³ஸ்மிதா(ஆ)ஸ்யாரவிந்த³ம் ஶ்ரயந்தம் ॥ 7 ॥

லஸத்பீவராம்ஸத்³வயம் நீலகண்ட²ம்
மஹோரஸ்ஸ்த²லம் ஸூக்ஷ்ம மத்⁴யப்ரதே³ஶம் ।
வலித்³யோதமாநோத³ரம் தி³வ்யநாபி⁴ம்
குடா²ரைண ஶாபா³ஞ்சிதாப்⁴யாம் கராப்⁴யாம் ॥ 8 ॥

முகா²ப்³ஜை꞉ ஸ்துவந்தம் கராப்³ஜைர்நமந்தம்
விதி⁴ம் மாநயந்தம் முநீந்லாலயந்தம் ।
க³ணாந்போஷயந்தம் ம்ருதூ³க்தீர்வத³ந்தம்
கு³ஹம் சைகத³ந்தம் கரேண ஸ்ப்ருஶந்தம் ॥ 9 ॥

மஹாதே³வமந்தர்ப⁴ஜே(அ)ஹம் ப⁴ஜே(அ)ஹம்
ஸதா³ பார்வதீஶம் ப⁴ஜே(அ)ஹம் ப⁴ஜே(அ)ஹம் ।
ஸதா³நந்த³ரூபம் ப⁴ஜே(அ)ஹம் ப⁴ஜே(அ)ஹம்
சிதா³நந்த³ரூபம் ப⁴ஜே(அ)ஹம் ப⁴ஜே(அ)ஹம் ॥ 10 ॥

பு⁴ஜங்க³ப்ரயாதஸ்தவம் ஸாம்ப³மூர்தே-
-ரிமம் த்⁴யாநக³ம்யம் ததே³காக்³ரசித்த꞉ ।
படே²த்³ய꞉ ஸுப⁴க்த꞉ ஸமர்த²꞉ க்ருதார்த²꞉
ஸதா³ தஸ்ய ஸாக்ஷாத்ப்ரஸந்ந꞉ ஶிவ꞉ ஸ்யாத் ॥ 11 ॥

இதி ஶ்ரீஶங்கரப⁴க³வத்பாத³ விரசிதம் ஶ்ரீ ஸாம்ப³ஸதா³ஶிவபு⁴ஜங்க³ப்ரயாத ஸ்தோத்ரம் ॥

---

மேலும் ஶ்ரீ ஶிவ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.