Read in తెలుగు / ಕನ್ನಡ / தமிழ் / देवनागरी / English (IAST)
ராதா⁴ ராஸேஶ்வரீ ராஸவாஸிநீ ரஸிகேஶ்வரீ ।
க்ருஷ்ணப்ராணாதி⁴கா க்ருஷ்ணப்ரியா க்ருஷ்ணஸ்வரூபிணீ ॥ 1 ॥
க்ருஷ்ணவாமாங்க³ஸம்பூ⁴தா பரமாநந்த³ரூபிணீ ।
க்ருஷ்ணா வ்ருந்தா³வநீ வ்ருந்தா³ வ்ருந்தா³வநவிநோதி³நீ ॥ 2 ॥
சந்த்³ராவளீ சந்த்³ரகாந்தா ஶரச்சந்த்³ரப்ரபா⁴நநா ।
நாமாந்யேதாநி ஸாராணி தேஷாமப்⁴யந்தராணி ச ॥ 3 ॥
ராதே⁴த்யேவம் ச ஸம்ஸித்³தா⁴ ராகாரோ தா³நவாசக꞉ ।
ஸ்வயம் நிர்வாணதா³த்ரீ யா ஸா ராதா⁴ பரிகீர்திதா ॥ 4 ॥
ரா ச ராஸே ச ப⁴வநாத்³தா⁴ ஏவ தா⁴ரணாத³ஹோ ।
ஹரேராளிங்க³நாதா³ராத்தேந ராதா⁴ ப்ரகீர்திதா ॥ 5 ॥
ராஸேஶ்வரஸ்ய பத்நீயம் தேந ராஸேஶ்வரீ ஸ்ம்ருதா ।
ராஸே ச வாஸோ யஸ்யாஶ்ச தேந ஸா ராஸவாஸிநீ ॥ 6 ॥
ஸர்வாஸாம் ரஸிகாநாம் ச தே³வீநாமீஶ்வரீ பரா ।
ப்ரவத³ந்தி புரா ஸந்தஸ்தேந தாம் ரஸிகேஶ்வரீம் ॥ 7 ॥
ப்ராணாதி⁴கா ப்ரேயஸீ ஸா க்ருஷ்ணஸ்ய பரமாத்மந꞉ ।
க்ருஷ்ணப்ராணாதி⁴கா ஸா ச க்ருஷ்ணேந பரிகீர்திதா ॥ 8 ॥
க்ருஷ்ணாஸ்யாதிப்ரியா காந்தா க்ருஷ்ணோ வா(அ)ஸ்யா꞉ ப்ரிய꞉ ஸதா³ ।
ஸர்வைர்தே³வக³ணைருக்தா தேந க்ருஷ்ணப்ரியா ஸ்ம்ருதா ॥ 9 ॥
க்ருஷ்ணரூபம் ஸம்விதா⁴தும் யா ஶக்தா சாவளீலயா ।
ஸர்வாம்ஶை꞉ க்ருஷ்ணஸத்³ருஶீ தேந க்ருஷ்ணஸ்வரூபிணீ ॥ 10 ॥
வாமாங்கா³ர்தே⁴ந க்ருஷ்ணஸ்ய யா ஸம்பூ⁴தா பரா ஸதீ ।
க்ருஷ்ணவாமாங்க³ஸம்பூ⁴தா தேந க்ருஷ்ணேந கீர்திதா ॥ 11 ॥
பரமாநந்த³ராஶிஶ்ச ஸ்வயம் மூர்திமதீ ஸதீ ।
ஶ்ருதிபி⁴꞉ கீர்திதா தேந பரமாநந்த³ரூபிணீ ॥ 12 ॥
க்ருஷிர்மோக்ஷார்த²வசநோ ண ஏவோத்க்ருஷ்டவாசக꞉ ।
ஆகாரோ தா³த்ருவசநஸ்தேந க்ருஷ்ணா ப்ரகீர்திதா ॥ 13 ॥
அஸ்தி வ்ருந்தா³வநம் யஸ்யாஸ்தேந வ்ருந்தா³வநீ ஸ்ம்ருதா ।
வ்ருந்தா³வநஸ்யாதி⁴தே³வீ தேந வா(அ)த² ப்ரகீர்திதா ॥ 14 ॥
ஸங்க⁴꞉ ஸகீ²நாம் வ்ருந்த³꞉ ஸ்யாத³காரோ(அ)ப்யஸ்திவாசக꞉ ।
ஸகி²வ்ருந்தோ³(அ)ஸ்தி யஸ்யாஶ்ச ஸா வ்ருந்தா³ பரிகீர்திதா ॥ 15 ॥
வ்ருந்தா³வநே விநோத³ஶ்ச ஸோ(அ)ஸ்யா ஹ்யஸ்தி ச தத்ர வை ।
வேதா³ வத³ந்தி தாம் தேந வ்ருந்தா³வநவிநோதி³நீம் ॥ 16 ॥
நக²சந்த்³ராவளீவக்த்ரசந்த்³ரோ(அ)ஸ்தி யத்ர ஸந்ததம் ।
தேந சந்த்³ரவலீ ஸா ச க்ருஷ்ணேந பரிகீர்திதா ॥ 17 ॥
காந்திரஸ்தி சந்த்³ரதுல்யா ஸதா³ யஸ்யா தி³வாநிஶம் ।
ஸா சந்த்³ரகாந்தா ஹர்ஷேண ஹரிணா பரிகீர்திதா ॥ 18 ॥
ஶரச்சந்த்³ரப்ரபா⁴ யஸ்யாஶ்சா(ஆ)நநே(அ)ஸ்தி தி³வாநிஶம் ।
முநிநா கீர்திதா தேந ஶரச்சந்த்³ரப்ரபா⁴நநா ॥ 19 ॥
இத³ம் ஷோட³ஶநாமோக்தமர்த²வ்யாக்²யாநஸம்யுதம் ।
நாராயணேந யத்³த³த்தம் ப்³ரஹ்மணே நாபி⁴பங்கஜே ॥ 20 ॥
ப்³ரஹ்மணா ச புரா த³த்தம் த⁴ர்மாய ஜநகாய மே ।
த⁴ர்மேண க்ருபயா த³த்தம் மஹ்யமாதி³த்யபர்வணி ॥ 21 ॥
புஷ்கரே ச மஹாதீர்தே² புண்யாஹே தே³வஸம்ஸதி³ ।
ராதா⁴ப்ரபா⁴வப்ரஸ்தாவே ஸுப்ரஸந்நேந சேதஸா ॥ 22 ॥
இத³ம் ஸ்தோத்ரம் மஹாபுண்யம் துப்⁴யம் த³த்தம் மயா முநே ।
நிந்த³காயா(அ)வைஷ்ணவாய ந தா³தவ்யம் மஹாமுநே ॥ 23 ॥
யாவஜ்ஜீவமித³ம் ஸ்தோத்ரம் த்ரிஸந்த்⁴யம் ய꞉ படே²ந்நர꞉ ।
ராதா⁴மாத⁴வயோ꞉ பாத³பத்³மே ப⁴க்திர்ப⁴வேதி³ஹ ॥ 24 ॥
அந்தே லபே⁴த்தயோர்தா³ஸ்யம் ஶஶ்வத் ஸஹசரோ ப⁴வேத் ।
அணிமாதி³கஸித்³தி⁴ம் ச ஸம்ப்ராப்ய நித்யவிக்³ரஹம் ॥ 25 ॥
வ்ரததா³நோபவாஸைஶ்ச ஸர்வைர்நியமபூர்வகை꞉ ।
சதுர்ணாம் சைவ வேதா³நாம் பாடை²꞉ ஸர்வார்த²ஸம்யுதை꞉ ॥ 26 ॥
ஸர்வேஷாம் யஜ்ஞதீர்தா²நாம் கரணைர்விதி⁴போ³தி⁴தை꞉ ।
ப்ரத³க்ஷிணேந பு⁴மேஶ்ச க்ருத்ஸ்நாயா ஏவ ஸப்ததா⁴ ॥ 27 ॥
ஶரணாக³தரக்ஷாயாமஜ்ஞாநாம் ஜ்ஞாநதா³நத꞉ ।
தே³வாநாம் வைஷ்ணவாநாம் ச த³ர்ஶநேநாபி யத் ப²லம் ॥ 28 ॥
ததே³வ ஸ்தோத்ரபாட²ஸ்ய கலாம் நார்ஹதி ஷோட³ஶீம் ।
ஸ்தோத்ரஸ்யாஸ்ய ப்ரபா⁴வேண ஜீவந்முக்தோ ப⁴வேந்நர꞉ ॥ 29 ॥
இதி ஶ்ரீப்³ரஹ்மவைவர்தே மஹாபுராணே ஶ்ரீக்ருஷ்ணஜந்மக²ண்டே³ ஸப்தத³ஶோ(அ)த்⁴யாயே ஶ்ரீநாராயணக்ருத ஶ்ரீ ராதா⁴ ஷோட³ஶநாம வர்ணநம் ॥
గమనిక: మాఘమాసములో వచ్చే శ్యామలా నవరాత్రులలో మీరు అమ్మవారి పూజ చేసుకోవడం కోసం "శ్రీ శ్యామలా స్తోత్రనిధి" పుస్తకం అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
