Sri Pratyangira Kavacham 1 (Sarvartha Sadhanam) – ஶ்ரீ ப்ரத்யங்கி³ரா கவசம் – 1 (ஸர்வார்த²ஸாத⁴நம்)

ஸ்தோத்ரநிதி → தேவீ ஸ்தோத்திரங்கள் → ஶ்ரீ ப்ரத்யங்கி³ரா கவசம் – 1 (ஸர்வார்த²ஸாத⁴நம்)

தே³வ்யுவாச ।
ப⁴க³வந் ஸர்வத⁴ர்மஜ்ஞ ஸர்வஶாஸ்த்ரார்த²பாரக³ ।
தே³வ்யா꞉ ப்ரத்யங்கி³ராயாஶ்ச கவசம் யத்ப்ரகாஶிதம் ॥ 1 ॥

ஸர்வார்த²ஸாத⁴நம் நாம கத²யஸ்வ மயி ப்ரபோ⁴ ।
பை⁴ரவ உவாச ।
ஶ்ருணு தே³வி ப்ரவக்ஷ்யாமி கவசம் பரமாத்³பு⁴தம் ॥ 2 ॥

ஸர்வார்த²ஸாத⁴நம் நாம த்ரைலோக்யே சா(அ)திது³ர்லப⁴ம் ।
ஸர்வஸித்³தி⁴மயம் தே³வி ஸர்வைஶ்வர்யப்ரதா³யகம் ॥ 3 ॥

பட²நாச்ச்²ரவணாந்மர்த்யஸ்த்ரைலோக்யைஶ்வர்யபா⁴க்³ப⁴வேத் ।
ஸர்வார்த²ஸாத⁴கஸ்யா(அ)ஸ்ய கவசஸ்ய ருஷி꞉ ஶிவ꞉ ॥ 4 ॥

ச²ந்தோ³ விராட் பராஶக்திர்ஜக³த்³தா⁴த்ரீ ச தே³வதா ।
த⁴ர்மா(அ)ர்த²காமமோக்ஷேஷு விநியோக³꞉ ப்ரகீர்தித꞉ ॥ 5 ॥

ந்யாஸ꞉ –
ஶ்ரீஸர்வார்த²ஸாத⁴ககவசஸ்ய ஶிவ ருஷயே நம꞉ ஶிரஸி ।
விராட் ச²ந்த³ஸே நம꞉ முகே² ।
ஶ்ரீமத்ப்ரத்யங்கி³ரா தே³வதாயை நம꞉ ஹ்ருத³யே ।
ஐம் பீ³ஜாய நம꞉ கு³ஹ்யே ।
ஹ்ரீம் ஶக்தயே நம꞉ பாதௌ³ ।
ஶ்ரீம் கீலகாய நம꞉ நாபௌ⁴ ।
த⁴ர்மார்த²காமமோக்ஷேஷு விநியோகா³ய நம꞉ ஸர்வாங்கே³ ॥

கவசம் –
ப்ரணவம் மே ஶிர꞉ பாது வாக்³ப⁴வம் ச லலாடகம் ।
ஹ்ரீம் பாது த³க்ஷநேத்ரம் மே லக்ஷ்மீர்வாம ஸுரேஶ்வரீ ॥ 6 ॥

ப்ரத்யங்கி³ரா த³க்ஷகர்ணம் வாமே காமேஶ்வரீ ததா² ।
லக்ஷ்மீ꞉ ப்ராணம் ஸதா³ பாது வத³நம் பாது கேஶவ꞉ ॥ 7 ॥

கௌ³ரீ து ரஸநாம் பாது கண்ட²ம் பாது மஹேஶ்வர꞉ ।
ஸ்கந்த⁴தே³ஶம் ரதி꞉ பாது பு⁴ஜௌ து மகரத்⁴வஜ꞉ ॥ 8 ॥

ஶங்க²நிதி⁴꞉ கரௌ பாது வக்ஷ꞉ பத்³மநிதி⁴ஸ்ததா² ।
ப்³ராஹ்மீ மத்⁴யம் ஸதா³ பாது நாபி⁴ம் பாது மஹேஶ்வரீ ॥ 9 ॥

கௌமாரீ ப்ருஷ்ட²தே³ஶம் து கு³ஹ்யம் ரக்ஷது வைஷ்ணவீ ।
வாராஹீ ச கடிம் பாது சைந்த்³ரீ பாது பத³த்³வயம் ॥ 10 ॥

பா⁴ர்யாம் ரக்ஷது சாமுண்டா³ லக்ஷ்மீ ரக்ஷது புத்ரகாந் ।
இந்த்³ர꞉ பூர்வே ஸதா³ பாது ஆக்³நேய்யாமக்³நிதே³வதா ॥ 11 ॥

யாம்யே யம꞉ ஸதா³ பாது நைர்ருத்யாம் நிர்ருதிஸ்ததா² ।
பஶ்சிமே வருண꞉ பாது வாயவ்யாம் வாயுதே³வதா ॥ 12 ॥

ஸௌம்யாம் ஸோம꞉ ஸதா³ பாது சைஶாந்யாமீஶ்வரோ விபு⁴꞉ ।
ஊர்த்⁴வம் ப்ரஜாபதி꞉ பாது ஹ்யத⁴ஶ்சா(அ)நந்ததே³வதா ॥ 13 ॥

ராஜத்³வாரே ஶ்மஶாநே து அரண்யே ப்ராந்தரே ததா² ।
ஜலே ஸ்த²லே சா(அ)ந்தரிக்ஷே ஶத்ரூணாம் நிவஹே ததா² ॥ 14 ॥

ஏதாபி⁴꞉ ஸஹிதா தே³வீ சதுர்பீ³ஜா மஹேஶ்வரீ ।
ப்ரத்யங்கி³ரா மஹாஶக்தி꞉ ஸர்வத்ர மாம் ஸதா³(அ)வது ॥ 15 ॥

ப²லஶ்ருதி꞉ –
இதி தே கதி²தம் தே³வி ஸாராத்ஸாரம் பராத்பரம் ।
ஸர்வார்த²ஸாத⁴நம் நாம கவசம் பரமாத்³பு⁴தம் ॥ 16 ॥

அஸ்யா(அ)பி பட²நாத்ஸத்³ய꞉ குபே³ரோ(அ)பி த⁴நேஶ்வர꞉ ।
இந்த்³ராத்³யா꞉ ஸகலா தே³வா꞉ தா⁴ரணாத்பட²நாத்³யத꞉ ॥ 17 ॥

ஸர்வஸித்³தீ⁴ஶ்வரா꞉ ஸந்த꞉ ஸர்வைஶ்வர்யமவாப்நுயு꞉ ।
புஷ்பாஞ்ஜல்யஷ்டகம் த³த்த்வா மூலேநைவ ஸக்ருத்படே²த் ॥ 18 ॥

ஸம்வத்ஸரக்ருதாயாஸ்து பூஜாயா꞉ ப²லமாப்நுயாத் ।
ப்ரீதிமந்யே(அ)ந்யத꞉ க்ருத்வா கமலா நிஶ்சலா க்³ருஹே ॥ 19 ॥

வாணீ ச நிவஸேத்³வக்த்ரே ஸத்யம் ஸத்யம் ந ஸம்ஶய꞉ ।
யோ தா⁴ரயதி புண்யாத்மா ஸர்வார்த²ஸாத⁴நாபி⁴த⁴ம் ॥ 20 ॥

கவசம் பரமம் புண்யம் ஸோ(அ)பி புண்யவதாம் வர꞉ ।
ஸர்வைஶ்வர்யயுதோ பூ⁴த்வா த்ரைலோக்யவிஜயீ ப⁴வேத் ॥ 21 ॥

புருஷோ த³க்ஷிணே பா³ஹௌ நாரீ வாமபு⁴ஜே ததா² ।
ப³ஹுபுத்ரவதீ பூ⁴யாத்³வந்த்⁴யா(அ)பி லப⁴தே ஸுதம் ॥ 22 ॥

ப்³ரஹ்மாஸ்த்ராதீ³நி ஶஸ்த்ராணி நைவ க்ருந்தந்தி தத்தநும் ।
ஏதத்கவசமஜ்ஞாத்வா யோ ஜபேத்பரமேஶ்வரீம் ।
தா³ரித்³ர்யம் பரமம் ப்ராப்ய ஸோ(அ)சிராந்ம்ருத்யுமாப்நுயாத் ॥ 23 ॥

இதி ஶ்ரீருத்³ரயாமளதந்த்ரே பஞ்சாங்க³க²ண்டே³ ஸர்வார்த²ஸாத⁴நம் நாம ஶ்ரீ ப்ரத்யங்கி³ரா கவசம் ।

---

மேலும் தேவீ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.