Sri Pavanaja Ashtakam – ஶ்ரீ பவநஜாஷ்டகம்

ப⁴வப⁴யாபஹம் பா⁴ரதீபதிம்
ப⁴ஜகஸௌக்²யத³ம் பா⁴நுதீ³தி⁴திம் ।
பு⁴வநஸுந்த³ரம் பூ⁴தித³ம் ஹரிம்
ப⁴ஜத ஸஜ்ஜநா மாருதாத்மஜம் ॥ 1 ॥

அமிதவிக்ரமம் ஹ்யஞ்ஜநாஸுதம்
ப⁴யவிநாஶநம் த்வப்³ஜலோசநம் ।
அஸுரகா⁴திநம் ஹ்யப்³தி⁴ளங்கி⁴நம்
ப⁴ஜத ஸஜ்ஜநா மாருதாத்மஜம் ॥ 2 ॥

பரப⁴யங்கரம் பாண்டு³நந்த³நம்
பதிதபாவநம் பாபஹாரிணம் ।
பரமஸுந்த³ரம் பங்கஜாநநம்
ப⁴ஜத ஸஜ்ஜநா மாருதாத்மஜம் ॥ 3 ॥

கலிவிநாஶகம் கௌரவாந்தகம்
கலுஷஸம்ஹரம் காமிதப்ரத³ம் ।
குருகுலோத்³ப⁴வம் கும்பி⁴ணீபதிம்
ப⁴ஜத ஸஜ்ஜநா மாருதாத்மஜம் ॥ 4 ॥

மதவிவர்த⁴நம் மாயிமர்த³நம்
மணிவிப⁴ஞ்ஜநம் மத்⁴வநாமகம் ।
மஹிதஸந்மதிம் மாநதா³யகம்
ப⁴ஜத ஸஜ்ஜநா மாருதாத்மஜம் ॥ 5 ॥

த்³விஜகுலோத்³ப⁴வம் தி³வ்யவிக்³ரஹம்
தி³திஜஹாரிணம் தீ³நரக்ஷகம் ।
தி³நகரப்ரப⁴ம் தி³வ்யமாநஸம்
ப⁴ஜத ஸஜ்ஜநா மாருதாத்மஜம் ॥ 6 ॥

கபிகுலோத்³ப⁴வம் கேஸரீஸுதம்
ப⁴ரதபங்கஜம் பீ⁴மநாமகம் ।
விபு³த⁴வந்தி³தம் விப்ரவம்ஶஜம்
ப⁴ஜத ஸஜ்ஜநா மாருதாத்மஜம் ॥ 7 ॥

பட²தி ய꞉ புமாந் பாபநாஶகம்
பவநஜாஷ்டகம் புண்யவர்த⁴நம் ।
பரமஸௌக்²யத³ம் ஜ்ஞாநமுத்தமம்
பு⁴வி ஸுநிர்மலம் யாதி ஸம்பத³ம் ॥ 8 ॥

இதி ஶ்ரீ பவநஜாஷ்டகம் ॥

Did you see any mistake/variation in the content above? Click here to report mistakes and corrections in Stotranidhi content.