Sri Kubera Stotram – ஶ்ரீ குபே³ர ஸ்தோத்ரம்

குபே³ரோ த⁴நத³ ஶ்ரீத³꞉ ராஜராஜோ த⁴நேஶ்வர꞉ ।
த⁴நலக்ஷ்மீப்ரியதமோ த⁴நாட்⁴யோ த⁴நிகப்ரிய꞉ ॥ 1 ॥

தா³க்ஷிண்யோ த⁴ர்மநிரத꞉ த³யாவந்தோ த்⁴ருட⁴வ்ரத꞉ ।
தி³வ்ய லக்ஷண ஸம்பந்நோ தீ³நார்தி ஜநரக்ஷக꞉ ॥ 2 ॥

தா⁴ந்யலக்ஷ்மீ ஸமாராத்⁴யோ தை⁴ர்யலக்ஷ்மீ விராஜித꞉ ।
த³யாரூபோ த⁴ர்மபு³த்³தி⁴꞉ த⁴ர்ம ஸம்ரக்ஷணோத்ஸக꞉ ॥ 3 ॥

நிதீ⁴ஶ்வரோ நிராளம்போ³ நிதீ⁴நாம் பரிபாலக꞉ ।
நியந்தா நிர்கு³ணாகார꞉ நிஷ்காமோ நிருபத்³ரவ꞉ ॥ 4 ॥

நவநாக³ ஸமாராத்⁴யோ நவஸங்க்²யா ப்ரவர்தக꞉ ।
மாந்யஶ்சைத்ரரதா²தீ⁴ஶ꞉ மஹாகு³ணக³ணாந்வித꞉ ॥ 5 ॥

யாஜ்ஞிகோ யஜநாஸக்த꞉ யஜ்ஞபு⁴க்³யஜ்ஞரக்ஷக꞉ ।
ராஜசந்த்³ரோ ரமாதீ⁴ஶோ ரஞ்ஜகோ ராஜபூஜித꞉ ॥ 6 ॥

விசித்ரவஸ்த்ரவேஷாட்⁴ய꞉ வியத்³க³மந மாநஸ꞉ ।
விஜயோ விமலோ வந்த்³யோ வந்தா³ரு ஜநவத்ஸல꞉ ॥ 7 ॥

விரூபாக்ஷ ப்ரியதமோ விராகீ³ விஶ்வதோமுக²꞉ ।
ஸர்வவ்யாப்தோ ஸதா³நந்த³꞉ ஸர்வஶக்தி ஸமந்வித꞉ ॥ 8 ॥

ஸாமதா³நரத꞉ ஸௌம்ய꞉ ஸர்வபா³தா⁴நிவாரக꞉ ।
ஸுப்ரீத꞉ ஸுலப⁴꞉ ஸோமோ ஸர்வகார்யது⁴ரந்த⁴ர꞉ ॥ 9 ॥

ஸாமகா³நப்ரிய꞉ ஸாக்ஷாத்³விப⁴வ ஶ்ரீ விராஜித꞉ ।
அஶ்வவாஹந ஸம்ப்ரீதோ அகி²லாண்ட³ ப்ரவர்தக꞉ ॥ 10 ॥

அவ்யயோர்சந ஸம்ப்ரீத꞉ அம்ருதாஸ்வாத³ந ப்ரிய꞉ ।
அலகாபுரஸம்வாஸீ அஹங்காரவிவர்ஜித꞉ ॥ 11 ॥

உதா³ரபு³த்³தி⁴ருத்³தா³மவைப⁴வோ நரவாஹந꞉ ।
கிந்நரேஶோ வைஶ்ரவண꞉ காலசக்ரப்ரவர்தக꞉ ॥ 12 ॥

அஷ்டலக்ஷ்ம்யா ஸமாயுக்த꞉ அவ்யக்தோ(அ)மலவிக்³ரஹ꞉ ।
லோகாராத்⁴யோ லோகபாலோ லோகவந்த்³யோ ஸுலக்ஷண꞉ ॥ 13 ॥

ஸுலப⁴꞉ ஸுப⁴க³꞉ ஶுத்³தோ⁴ ஶங்கராராத⁴நப்ரிய꞉ ।
ஶாந்த꞉ ஶுத்³த⁴கு³ணோபேத꞉ ஶாஶ்வத꞉ ஶுத்³த⁴விக்³ரஹ꞉ ॥ 14 ॥

ஸர்வாக³மஜ்ஞோ ஸுமதி꞉ ஸர்வதே³வக³ணார்சக꞉ ।
ஶங்க²ஹஸ்தத⁴ர꞉ ஶ்ரீமாந் பரம் ஜ்யோதி꞉ பராத்பர꞉ ॥ 15 ॥

ஶமாதி³கு³ணஸம்பந்ந꞉ ஶரண்யோ தீ³நவத்ஸல꞉ ।
பரோபகாரீ பாபக்⁴ந꞉ தருணாதி³த்யஸந்நிப⁴꞉ ॥ 16 ॥

தா³ந்த꞉ ஸர்வகு³ணோபேத꞉ ஸுரேந்த்³ரஸமவைப⁴வ꞉ ।
விஶ்வக்²யாதோ வீதப⁴ய꞉ அநந்தாநந்தஸௌக்²யத³꞉ ॥ 17 ॥

ப்ராத꞉ காலே படே²த் ஸ்தோத்ரம் ஶுசிர்பூ⁴த்வா தி³நே தி³நே ।
தேந ப்ராப்நோதி புருஷ꞉ ஶ்ரியம் தே³வேந்த்³ரஸந்நிப⁴ம் ॥ 18 ॥

இதி ஶ்ரீ குபே³ர ஸ்தோத்ரம் ॥

---