Sri Krishna Sahasranama Stotram – ஶ்ரீ க்ருஷ்ண ஸஹஸ்ரனாம ஸ்தோத்ரம்

ஸ்தோத்ரநிதி → ஶ்ரீ க்ருஷ்ண ஸ்தோத்திரங்கள் → ஶ்ரீ க்ருஷ்ண ஸஹஸ்ரனாம ஸ்தோத்ரம்

– பூர்வபீடி²கா –

ஶ்ரீமத்³ருக்மிமஹீபாலவம்ஶரக்ஷாமணி꞉ ஸ்தி²ர꞉ ।
ராஜா ஹரிஹர꞉ க்ஷோணீம் ரக்ஷத்யம்பு³தி⁴மேக²லாம் ॥ 1 ॥

ஸ ராஜா ஸர்வதந்த்ரஜ்ஞ꞉ ஸமப்⁴யர்ச்ய வரப்ரத³ம் ।
தே³வம் ஶ்ரிய꞉ பதிம் ஸ்துத்யா ஸமஸ்தௌத்³வேத³வேதி³தம் ॥ 2 ॥

தஸ்ய ஹ்ருஷ்டாஶய꞉ ஸ்துத்யா விஷ்ணுர்கோ³பாங்க³நாவ்ருத꞉ ।
ஸ பிஞ்ச²ஶ்யாமளம் ரூபம் பிஞ்சோ²த்தம்ஸமத³ர்ஶயத் ॥ 3 ॥

ஸ புந꞉ ஸ்வாத்மவிந்யஸ்தசித்தம் ஹரிஹரம் ந்ருபம் ।
அபி⁴ஷிச்ய க்ருபாவர்ஷைரபா⁴ஷத க்ருதாஞ்ஜலிம் ॥ 4 ॥

ஶ்ரீப⁴க³வாநுவாச ।
மாமவேஹி மஹாபா⁴க³ க்ருஷ்ணம் க்ருத்யவிதா³ம் வர ।
புர꞉ ஸ்தி²தோ(அ)ஸ்மி த்வத்³ப⁴க்த்யா பூர்ணா꞉ ஸந்து மநோரதா²꞉ ॥ 5 ॥

ஸம்ரக்ஷணாய ஶிஷ்டாநாம் து³ஷ்டாநாம் ஶிக்ஷணாய ச ।
ஸம்ருத்³த்⁴யை வேத³த⁴ர்மாணாம் மமாம்ஶஸ்த்வமிஹோதி³த꞉ ॥ 6 ॥

ராஜந்நாமஸஹஸ்ரேண ராமோ நாம்நாம் ஸ்துதஸ்த்வயா ।
ஸோ(அ)ஹம் ஸர்வவித³ஸ்தஸ்மாத் ப்ரஸந்நோ(அ)ஸ்மி விஶேஷத꞉ ॥ 7 ॥

மாமபி த்வம் மஹாபா⁴க³ மதீ³யசரிதாத்மநா ।
ஸம்ப்ரீணய ஸஹஸ்ரேண நாம்நாம் ஸர்வார்த²தா³யிநாம் ॥ 8 ॥

பராஶரேண முநிநா வ்யாஸேநாம்நாயத³ர்ஶிநா ।
ஸ்வாத்மபா⁴ஜா ஶுகேநாபி ஸூக்தே(அ)ப்யேதத்³விபா⁴விதம் ॥ 9 ॥

தம் ஹி த்வமநுஸந்தே⁴ஹி ஸஹஸ்ரஶிரஸம் ப்ரபு⁴ம் ।
த³த்தாஸ்யேஷு மயா ந்யஸ்தம் ஸஹஸ்ரம் ரக்ஷயிஷ்யதி ॥ 10 ॥

இத³ம் விஶ்வஹிதார்தா²ய ரஸநாரங்க³கோ³சரம் ।
ப்ரகாஶய த்வம் மேதி³ந்யாம் பரமாக³மஸம்மதம் ॥ 11 ॥

இத³ம் ஶடா²ய மூர்கா²ய நாஸ்திகாய விகீர்ணிநே ।
அஸூயிநே(அ)ஹிதாயாபி ந ப்ரகாஶ்யம் கதா³சந ॥ 12 ॥

விவேகிநே விஶுத்³தா⁴ய வேத³மார்கா³நுஸாரிணே ।
ஆஸ்திகாயாத்மநிஷ்டா²ய ஸ்வாத்மந்யநுஸ்ருதோத³யம் ।
க்ருஷ்ணநாமஸஹஸ்ரம் வை க்ருததீ⁴ரேததீ³ரயேத் ॥ 13 ॥

அஸ்ய ஶ்ரீக்ருஷ்ண ஸஹஸ்ரநாம ஸ்தோத்ரமந்த்ரஸ்ய பராஶர ருஷி꞉, அநுஷ்டுப் ச²ந்த³꞉, ஶ்ரீக்ருஷ்ண꞉ பரமாத்மா தே³வதா, ஶ்ரீக்ருஷ்ணேதி பீ³ஜம், ஶ்ரீவல்லபே⁴தி ஶக்தி꞉, ஶார்ங்கீ³தி கீலகம், ஶ்ரீக்ருஷ்ணப்ரீத்யர்தே² ஜபே விநியோக³꞉ ॥

த்⁴யாநம் –
கேஷாம் சித்ப்ரேம பும்ஸாம் விக³ளிதமநஸாம் பா³லலீலாவிளாஸம்
கேஷாம் கோ³பாலலீலாங்கிதரஸிகதநுர்வேணுவாத்³யேந தே³வம் ।
கேஷாம் வாமாஸமாஜே ஜநிதமநஸிஜோ தை³த்யத³ர்பாபஹைவம்
ஜ்ஞாத்வா பி⁴ந்நாபி⁴லாஷம் ஸ ஜயதி ஜக³தாமீஶ்வரஸ்தாத்³ருஶோ(அ)பூ⁴த் ॥ 1 ॥

க்ஷீராப்³தௌ⁴ க்ருதஸம்ஸ்தவ꞉ ஸுரக³ணைர்ப்³ரஹ்மாதி³பி⁴꞉ பண்டி³தை꞉
ப்ரோத்³பூ⁴தோ வஸுதே³வஸத்³மநி முதா³ சிக்ரீட³ யோ கோ³குலே ।
கம்ஸத்⁴வம்ஸக்ருதே ஜகா³ம மது⁴ராம் ஸாராமஸத்³வாரகாம்
கோ³பாலோ(அ)கி²லகோ³பிகாஜநஸக²꞉ பாயாத³பாயாத் ஸ ந꞉ ॥ 2 ॥

பு²ல்லேந்தீ³வரகாந்திமிந்து³வத³நம் ப³ர்ஹாவதம்ஸப்ரியம்
ஶ்ரீவத்ஸாங்கமுதா³ரகௌஸ்துப⁴த⁴ரம் பீதாம்ப³ரம் ஸுந்த³ரம் ।
கோ³பீநாம் நயநோத்பலார்சிததநும் கோ³கோ³பஸங்கா⁴வ்ருதம்
கோ³விந்த³ம் கலவேணுவாத³நரதம் தி³வ்யாங்க³பூ⁴ஷம் ப⁴ஜே ॥ 3 ॥

– ஸ்தோத்ரம் –

ஓம் । க்ருஷ்ண꞉ ஶ்ரீவல்லப⁴꞉ ஶார்ங்கீ³ விஷ்வக்ஸேந꞉ ஸ்வஸித்³தி⁴த³꞉ ।
க்ஷீரோத³தா⁴மா வ்யூஹேஶ꞉ ஶேஷஶாயீ ஜக³ந்மய꞉ ॥ 1 ॥

ப⁴க்திக³ம்யஸ்த்ரயீமூர்திர்பா⁴ரார்தவஸுதா⁴ஸ்துத꞉ ।
தே³வதே³வோ த³யாஸிந்து⁴ர்தே³வோ தே³வஶிகா²மணி꞉ ॥ 2 ॥

ஸுக²பா⁴வ꞉ ஸுகா²தா⁴ரோ முகுந்தோ³ முதி³தாஶய꞉ ।
அவிக்ரிய꞉ க்ரியாமூர்திரத்⁴யாத்மஸ்வஸ்வரூபவாந் ॥ 3 ॥

ஶிஷ்டாபி⁴லக்ஷ்யோ பூ⁴தாத்மா த⁴ர்மத்ராணார்த²சேஷ்டித꞉ ।
அந்தர்யாமீ காலரூப꞉ காலாவயவஸாக்ஷிக꞉ ॥ 4 ॥

வஸுதா⁴யாஸஹரணோ நாரத³ப்ரேரணோந்முக²꞉ ।
ப்ரபூ⁴ஷ்ணுர்நாரதோ³த்³கீ³தோ லோகரக்ஷாபராயண꞉ ॥ 5 ॥

ரௌஹிணேயக்ருதாநந்தோ³ யோக³ஜ்ஞாநநியோஜக꞉ ।
மஹாகு³ஹாந்தர்நிக்ஷிப்த꞉ புராணவபுராத்மவாந் ॥ 6 ॥

ஶூரவம்ஶைகதீ⁴꞉ ஶௌரி꞉ கம்ஸஶங்காவிஷாத³க்ருத் ।
வஸுதே³வோல்லஸச்ச²க்திர்தே³வக்யஷ்டமக³ர்ப⁴க³꞉ ॥ 7 ॥

வஸுதே³வஸுத꞉ ஶ்ரீமாந் தே³வகீநந்த³நோ ஹரி꞉ ।
ஆஶ்சர்யபா³ல꞉ ஶ்ரீவத்ஸலக்ஷ்மவக்ஷாஶ்சதுர்பு⁴ஜ꞉ ॥ 8 ॥

ஸ்வபா⁴வோத்க்ருஷ்டஸத்³பா⁴வ꞉ க்ருஷ்ணாஷ்டம்யந்தஸம்ப⁴வ꞉ ।
ப்ராஜாபத்யர்க்ஷஸம்பூ⁴தோ நிஶீத²ஸமயோதி³த꞉ ॥ 9 ॥

ஶங்க²சக்ரக³தா³பத்³மபாணி꞉ பத்³மநிபே⁴க்ஷண꞉ ।
கிரீடீ கௌஸ்துபோ⁴ரஸ்க꞉ ஸ்பு²ரந்மகரகுண்ட³ல꞉ ॥ 10 ॥

பீதவாஸா க⁴நஶ்யாம꞉ குஞ்சிதாஞ்சிதகுந்தல꞉ ।
ஸுவ்யக்தவ்யக்தாப⁴ரண꞉ ஸூதிகாக்³ருஹபூ⁴ஷண꞉ ॥ 11 ॥

காராகா³ராந்த⁴காரக்⁴ந꞉ பித்ருப்ராக்³ஜந்மஸூசக꞉ ।
வஸுதே³வஸ்துத꞉ ஸ்தோத்ரம் தாபத்ரயநிவாரண꞉ ॥ 12 ॥

நிரவத்³ய꞉ க்ரியாமூர்திர்ந்யாயவாக்யநியோஜக꞉ ।
அத்³ருஷ்டசேஷ்ட꞉ கூடஸ்தோ² த்⁴ருதலௌகிகவிக்³ரஹ꞉ ॥ 13 ॥

மஹர்ஷிமாநஸோல்லாஸோ மஹீமங்க³ளதா³யக꞉ ।
ஸந்தோஷிதஸுரவ்ராத꞉ ஸாது⁴சித்தப்ரஸாத³க꞉ ॥ 14 ॥

ஜநகோபாயநிர்தே³ஷ்டா தே³வகீநயநோத்ஸவ꞉ ।
பித்ருபாணிபரிஷ்காரோ மோஹிதாகா³ரரக்ஷக꞉ ॥ 15 ॥

ஸ்வஶக்த்யுத்³கா⁴டிதாஶேஷகபாட꞉ பித்ருவாஹக꞉ ।
ஶேஷோரக³ப²ணாச்ச²த்ர꞉ ஶேஷோக்தாக்²யாஸஹஸ்ரக꞉ ॥ 16 ॥

யமுநாபூரவித்⁴வம்ஸீ ஸ்வபா⁴ஸோத்³பா⁴ஸிதவ்ரஜ꞉ ।
க்ருதாத்மவித்³யாவிந்யாஸோ யோக³மாயாக்³ரஸம்ப⁴வ꞉ ॥ 17 ॥

து³ர்கா³நிவேதி³தோத்³பா⁴வோ யஶோதா³தல்பஶாயக꞉ ।
நந்த³கோ³போத்ஸவஸ்பூ²ர்திர்வ்ரஜாநந்த³கரோத³ய꞉ ॥ 18 ॥

ஸுஜாதஜாதகர்மஶ்ரீர்கோ³பீப⁴த்³ரோக்திநிர்வ்ருத꞉ ।
அலீகநித்³ரோபக³ம꞉ பூதநாஸ்தநபீட³ந꞉ ॥ 19 ॥

ஸ்தந்யாத்தபூதநாப்ராண꞉ பூதநாக்ரோஶகாரக꞉ ।
விந்யஸ்தரக்ஷாகோ³தூ⁴ளிர்யஶோதா³கரளாலித꞉ ॥ 20 ॥

நந்தா³க்⁴ராதஶிரோமத்⁴ய꞉ பூதநாஸுக³திப்ரத³꞉ ।
பா³ல꞉ பர்யங்கநித்³ராளுர்முகா²ர்பிதபதா³ங்கு³ளி꞉ ॥ 21 ॥

அஞ்ஜநஸ்நிக்³த⁴நயந꞉ பர்யாயாங்குரிதஸ்மித꞉ ।
லீலாக்ஷஸ்தரளாலோக꞉ ஶகடாஸுரப⁴ஞ்ஜந꞉ ॥ 22 ॥

த்³விஜோதி³தஸ்வஸ்த்யயநோ மந்த்ரபூதஜலாப்லுத꞉ ।
யஶோதோ³த்ஸங்க³பர்யங்கோ யஶோதா³முக²வீக்ஷக꞉ ॥ 23 ॥

யஶோதா³ஸ்தந்யமுதி³தஸ்த்ருணாவர்தாதி³து³ஸ்ஸஹ꞉ ।
த்ருணாவர்தாஸுரத்⁴வம்ஸீ மாத்ருவிஸ்மயகாரக꞉ ॥ 24 ॥

ப்ரஶஸ்தநாமகரணோ ஜாநுசங்க்ரமணோத்ஸுக꞉ ।
வ்யாளம்பி³சூலிகாரத்நோ கோ⁴ஷகோ³பப்ரஹர்ஷண꞉ ॥ 25 ॥

ஸ்வமுக²ப்ரதிபி³ம்பா³ர்தீ² க்³ரீவாவ்யாக்⁴ரநகோ²ஜ்ஜ்வல꞉ ।
பங்காநுலேபருசிரோ மாம்ஸலோருகடீதட꞉ ॥ 26 ॥

க்⁴ருஷ்டஜாநுகரத்³வந்த்³வ꞉ ப்ரதிபி³ம்பா³நுகாரக்ருத் ।
அவ்யக்தவர்ணவாக்³வ்ருத்தி꞉ ஸ்மிதலக்ஷ்யரதோ³த்³க³ம꞉ ॥ 27 ॥

தா⁴த்ரீகரஸமாலம்பீ³ ப்ரஸ்க²லச்சித்ரசங்க்ரம꞉ ।
அநுரூபவயஸ்யாட்⁴யஶ்சாருகௌமாரசாபல꞉ ॥ 28 ॥

வத்ஸபுச்ச²ஸமாக்ருஷ்டோ வத்ஸபுச்ச²விகர்ஷண꞉ ।
விஸ்மாரிதாந்யவ்யாபாரோ கோ³பகோ³பீமுதா³வஹ꞉ ॥ 29 ॥

அகாலவத்ஸநிர்மோக்தா வ்ரஜவ்யாக்ரோஶஸுஸ்மித꞉ ।
நவநீதமஹாசோரோ தா³ரகாஹாரதா³யக꞉ ॥ 30 ॥

பீடோ²லூக²லஸோபாந꞉ க்ஷீரபா⁴ண்ட³விபே⁴த³ந꞉ ।
ஶிக்யபா⁴ண்ட³ஸமாகர்ஷீ த்⁴வாந்தாகா³ரப்ரவேஶக்ருத் ॥ 31 ॥

பூ⁴ஷாரத்நப்ரகாஶாட்⁴யோ கோ³ப்யுபாலம்ப⁴ப⁴ர்த்ஸித꞉ ।
பராக³தூ⁴ஸராகாரோ ம்ருத்³ப⁴க்ஷணக்ருதேக்ஷண꞉ ॥ 32 ॥

பா³லோக்தம்ருத்கதா²ரம்போ⁴ மித்ராந்தர்கூ³ட⁴விக்³ரஹ꞉ ।
க்ருதஸந்த்ராஸலோலாக்ஷோ ஜநநீப்ரத்யயாவஹ꞉ ॥ 33 ॥

மாத்ருத்³ருஶ்யாத்தவத³நோ வக்த்ரளக்ஷ்யசராசர꞉ ।
யஶோதா³ளாலிதஸ்வாத்மா ஸ்வயம் ஸ்வாச்ச²ந்த்³யமோஹந꞉ ॥ 34 ॥

ஸவித்ரீஸ்நேஹஸம்ஶ்லிஷ்ட꞉ ஸவித்ரீஸ்தநலோலுப꞉ ।
நவநீதார்த²நாப்ரஹ்வோ நவநீதமஹாஶந꞉ ॥ 35 ॥

ம்ருஷாகோபப்ரகம்போஷ்டோ² கோ³ஷ்டா²ங்க³ணவிளோகந꞉ ।
த³தி⁴மந்த²க⁴டீபே⁴த்தா கிங்கிணீக்வாணஸூசித꞉ ॥ 36 ॥

ஹையங்க³வீநரஸிகோ ம்ருஷாஶ்ருஶ்சௌர்யஶங்கித꞉ ।
ஜநநீஶ்ரமவிஜ்ஞாதா தா³மப³ந்த⁴நியந்த்ரித꞉ ॥ 37 ॥

தா³மாகல்பஶ்சலாபாங்கோ³ கா³டோ⁴லூக²லப³ந்த⁴ந꞉ ।
ஆக்ருஷ்டோலூக²லோ(அ)நந்த꞉ குபே³ரஸுதஶாபவித் ॥ 38 ॥

நாரதோ³க்திபராமர்ஶீ யமலார்ஜுநப⁴ஞ்ஜந꞉ ।
த⁴நதா³த்மஜஸங்கு⁴ஷ்டோ நந்த³மோசிதப³ந்த⁴ந꞉ ॥ 39 ॥

பா³லகோத்³கீ³தநிரதோ பா³ஹுக்ஷேபோதி³தப்ரிய꞉ ।
ஆத்மஜ்ஞோ மித்ரவஶகோ³ கோ³பீகீ³தகு³ணோத³ய꞉ ॥ 40 ॥

ப்ரஸ்தா²நஶகடாரூடோ⁴ ப்³ருந்தா³வநக்ருதாலய꞉ ।
கோ³வத்ஸபாலநைகாக்³ரோ நாநாக்ரீடா³பரிச்ச²த³꞉ ॥ 41 ॥

க்ஷேபணீக்ஷேபணப்ரீதோ வேணுவாத்³யவிஶாரத³꞉ ।
வ்ருஷவத்ஸாநுகரணோ வ்ருஷத்⁴வாநவிட³ம்ப³ந꞉ ॥ 42 ॥

நியுத்³த⁴ளீலாஸம்ஹ்ருஷ்ட꞉ கூஜாநுக்ருதகோகில꞉ ।
உபாத்தஹம்ஸக³மந꞉ ஸர்வஜந்துருதாநுக்ருத் ॥ 43 ॥

ப்⁴ருங்கா³நுகாரீ த³த்⁴யந்நசோரோ வத்ஸபுரஸ்ஸர꞉ ।
ப³லீ ப³காஸுரக்³ராஹீ ப³கதாலுப்ரதா³ஹக꞉ ॥ 44 ॥

பீ⁴தகோ³பார்ப⁴காஹூதோ ப³கசஞ்சுவிதா³ரண꞉ ।
ப³காஸுராரிர்கோ³பாலோ பா³லோ பா³லாத்³பு⁴தாவஹ꞉ ॥ 45 ॥

ப³லப⁴த்³ரஸமாஶ்லிஷ்ட꞉ க்ருதக்ரீடா³நிலாயந꞉ ।
க்ரீடா³ஸேதுநிதா⁴நஜ்ஞ꞉ ப்லவங்கோ³த்ப்லவநோ(அ)த்³பு⁴த꞉ ॥ 46 ॥

கந்து³கக்ரீட³நோ லுப்தநந்தா³தி³ப⁴வவேத³ந꞉ ।
ஸுமநோ(அ)லங்க்ருதஶிரா꞉ ஸ்வாது³ஸ்நிக்³தா⁴ந்நஶிக்யப்⁴ருத் ॥ 47 ॥

கு³ஞ்ஜாப்ராளம்ப³நச்ச²ந்ந꞉ பிஞ்சை²ரளகவேஷக்ருத் ।
வந்யாஶநப்ரிய꞉ ஶ்ருங்க³ரவாகாரிதவத்ஸக꞉ ॥ 48 ॥

மநோஜ்ஞபல்லவோத்தம்ஸபுஷ்பஸ்வேச்சா²த்தஷட்பத³꞉ ।
மஞ்ஜுஶிஞ்ஜிதமஞ்ஜீரசரண꞉ கரகங்கண꞉ ॥ 49 ॥

அந்யோந்யஶாஸந꞉ க்ரீடா³படு꞉ பரமகைதவ꞉ ।
ப்ரதித்⁴வாநப்ரமுதி³த꞉ ஶாகா²சதுரசங்க்ரம꞉ ॥ 50 ॥

அக⁴தா³நவஸம்ஹர்தா வ்ரஜவிக்⁴நவிநாஶந꞉ ।
வ்ரஜஸஞ்ஜீவந꞉ ஶ்ரேயோநிதி⁴ர்தா³நவமுக்தித³꞉ ॥ 51 ॥

காளிந்தீ³புலிநாஸீந꞉ ஸஹபு⁴க்தவ்ரஜார்ப⁴க꞉ ।
கக்ஷாஜட²ரவிந்யஸ்தவேணுர்வல்லவசேஷ்டித꞉ ॥ 52 ॥

பு⁴ஜஸந்த்⁴யந்தரந்யஸ்தஶ்ருங்க³வேத்ர꞉ ஶுசிஸ்மித꞉ ।
வாமபாணிஸ்த²த³த்⁴யந்நகப³ல꞉ கலபா⁴ஷண꞉ ॥ 53 ॥

அங்கு³ல்யந்தரவிந்யஸ்தப²ல꞉ பரமபாவந꞉ ।
அத்³ருஶ்யதர்ணகாந்வேஷீ வல்லவார்ப⁴கபீ⁴திஹா ॥ 54 ॥

அத்³ருஷ்டவத்ஸபவ்ராதோ ப்³ரஹ்மவிஜ்ஞாதவைப⁴வ꞉ ।
கோ³வத்ஸவத்ஸபாந்வேஷீ விராட்புருஷவிக்³ரஹ꞉ ॥ 55 ॥

ஸ்வஸங்கல்பாநுரூபார்த²வத்ஸவத்ஸபரூபத்⁴ருத் ।
யதா²வத்ஸக்ரியாரூபோ யதா²ஸ்தா²நநிவேஶந꞉ ॥ 56 ॥

யதா²வ்ரஜார்ப⁴காகாரோ கோ³கோ³பீஸ்தந்யப꞉ ஸுகீ² ।
சிராத்³ப³லோஹிதோ தா³ந்தோ ப்³ரஹ்மவிஜ்ஞாதவைப⁴வ꞉ ॥ 57 ॥

விசித்ரஶக்திர்வ்யாளீநஸ்ருஷ்டகோ³வத்ஸவத்ஸப꞉ ।
ப்³ரஹ்மத்ரபாகரோ தா⁴த்ருஸ்துத꞉ ஸர்வார்த²ஸாத⁴க꞉ ॥ 58 ॥

ப்³ரஹ்ம ப்³ரஹ்மமயோ(அ)வ்யக்தஸ்தேஜோரூப꞉ ஸுகா²த்மக꞉ ।
நிருக்தம் வ்யாக்ருதிர்வ்யக்தோ நிராளம்ப³நபா⁴வந꞉ ॥ 59 ॥

ப்ரப⁴விஷ்ணுரதந்த்ரீகோ தே³வபக்ஷார்த²ரூபத்⁴ருத் ।
அகாம꞉ ஸர்வவேதா³தி³ரணீய꞉ ஸ்தூ²லரூபவாந் ॥ 60 ॥

வ்யாபீ வ்யாப்ய꞉ க்ருபாகர்தா விசித்ராசாரஸம்மத꞉ ।
ச²ந்தோ³மய꞉ ப்ரதா⁴நாத்மா மூர்தாமூர்தத்³வயாக்ருதி꞉ ॥ 61 ॥

அநேகமூர்திரக்ரோத⁴꞉ பர꞉ ப்ரக்ருதிரக்ரம꞉ ।
ஸகலாவரணோபேத꞉ ஸர்வதே³வோ மஹேஶ்வர꞉ ॥ 62 ॥

மஹாப்ரபா⁴வந꞉ பூர்வவத்ஸவத்ஸபத³ர்ஶக꞉ ।
க்ருஷ்ணயாத³வகோ³பாலோ கோ³பாலோகநஹர்ஷித꞉ ॥ 63 ॥

ஸ்மிதேக்ஷாஹர்ஷிதப்³ரஹ்மா ப⁴க்தவத்ஸலவாக்ப்ரிய꞉ ।
ப்³ரஹ்மாநந்தா³ஶ்ருதௌ⁴தாங்க்⁴ரிர்லீலாவைசித்ர்யகோவித³꞉ ॥ 64 ॥

ப³லப⁴த்³ரைகஹ்ருத³யோ நாமாகாரிதகோ³குல꞉ ।
கோ³பாலபா³லகோ ப⁴வ்யோ ரஜ்ஜுயஜ்ஞோபவீதவாந் ॥ 65 ॥

வ்ருக்ஷச்சா²யாஹதாஶாந்திர்கோ³போத்ஸங்கோ³பப³ர்ஹண꞉ ।
கோ³பஸம்வாஹிதபதோ³ கோ³பவ்யஜநவீஜித꞉ ॥ 66।
கோ³பகா³நஸுகோ²ந்நித்³ர꞉ ஶ்ரீதா³மார்ஜிதஸௌஹ்ருத³꞉ ।
ஸுநந்த³ஸுஹ்ருதே³காத்மா ஸுப³லப்ராணரஞ்ஜந꞉ ॥ 67 ॥

தாலீவநக்ருதக்ரீடோ³ ப³லபாதிததே⁴நுக꞉ ।
கோ³பீஸௌபா⁴க்³யஸம்பா⁴வ்யோ கோ³தூ⁴ளிச்சு²ரிதாலக꞉ ॥ 68 ॥

கோ³பீவிரஹஸந்தப்தோ கோ³பிகாக்ருதமஜ்ஜந꞉ ।
ப்ரளம்ப³பா³ஹுருத்பு²ல்லபுண்ட³ரீகாவதம்ஸக꞉ ॥ 69 ॥

விளாஸலலிதஸ்மேரக³ர்ப⁴லீலாவளோகந꞉ ।
ஸ்ரக்³பூ⁴ஷணாநுலேபாட்⁴யோ ஜநந்யுபஹ்ருதாந்நபு⁴க் ॥ 70 ॥

வரஶய்யாஶயோ ராதா⁴ப்ரேமஸல்லாபநிர்வ்ருத꞉ ।
யமுநாதடஸஞ்சாரீ விஷார்தவ்ரஜஹர்ஷத³꞉ ॥ 71 ॥

காளியக்ரோத⁴ஜநக꞉ வ்ருத்³தா⁴ஹிகுலவேஷ்டித꞉ ।
காளியாஹிப²ணாரங்க³நட꞉ காளியமர்த³ந꞉ ॥ 72 ॥

நாக³பத்நீஸ்துதிப்ரீதோ நாநாவேஷஸம்ருத்³தி⁴க்ருத் ।
அவிஷ்வக்தத்³ருகா³த்மேஶ꞉ ஸ்வத்³ருகா³த்மஸ்துதிப்ரிய꞉ ॥ 73 ॥

ஸர்வேஶ்வர꞉ ஸர்வகு³ண꞉ ப்ரஸித்³த⁴꞉ ஸர்வஸாத்வத꞉ ।
அகுண்ட²தா⁴மா சந்த்³ரார்கத்³ருஷ்டிராகாஶநிர்மல꞉ ॥ 74 ॥

அநிர்தே³ஶ்யக³திர்நாக³வநிதாபதிபை⁴க்ஷத³꞉ ।
ஸ்வாங்க்⁴ரிமுத்³ராங்கநாகே³ந்த்³ரமூர்தா⁴ காளியஸம்ஸ்துத꞉ ॥ 75 ॥

அப⁴யோ விஶ்வதஶ்சக்ஷு꞉ ஸ்துதோத்தமகு³ண꞉ ப்ரபு⁴꞉ ।
அஹமாத்மா மருத்ப்ராண꞉ பரமாத்மா த்³யுஶீர்ஷவாந் ॥ 76 ॥

நாகோ³பாயநஹ்ருஷ்டாத்மா ஹ்ரதோ³த்ஸாரிதகாளிய꞉ ।
ப³லப⁴த்³ரஸுகா²லாபோ கோ³பாலிங்க³நநிர்வ்ருத꞉ ॥ 77 ॥

தா³வாக்³நிபீ⁴தகோ³பாலகோ³ப்தா தா³வாக்³நிநாஶந꞉ ।
நயநாச்சா²த³நக்ரீடா³லம்படோ ந்ருபசேஷ்டித꞉ ॥ 78 ॥

காகபக்ஷத⁴ர꞉ ஸௌம்யோ ப³லவாஹககேலிமாந் ।
ப³லகா⁴திதது³ர்த⁴ர்ஷப்ரளம்போ³ ப³லவத்ஸல꞉ ॥ 79 ॥

முஞ்ஜாடவ்யக்³நிஶமந꞉ ப்ராவ்ருட்காலவிநோத³வாந் ।
ஶிலாந்யஸ்தாந்நப்⁴ருத்³தை³த்யஸம்ஹர்தா ஶாத்³வலாஸந꞉ ॥ 80 ॥

ஸதா³ப்தகோ³பிகோத்³கீ³த꞉ கர்ணிகாராவதம்ஸக꞉ ।
நடவேஷத⁴ர꞉ பத்³மமாலாங்கோ கோ³பிகாவ்ருத꞉ ॥ 81 ॥

கோ³பீமநோஹராபாங்கோ³ வேணுவாத³நதத்பர꞉ ।
விந்யஸ்தவத³நாம்போ⁴ஜஶ்சாருஶப்³த³க்ருதாநந꞉ ॥ 82 ॥

பி³ம்பா³த⁴ரார்பிதோதா³ரவேணுர்விஶ்வவிமோஹந꞉ ।
வ்ரஜஸம்வர்ணித꞉ ஶ்ராவ்யவேணுநாத³꞉ ஶ்ருதிப்ரிய꞉ ॥ 83 ॥

கோ³கோ³பகோ³பீஜந்மேப்ஸுப்³ரஹ்மேந்த்³ராத்³யபி⁴வந்தி³த꞉ ।
கீ³தஸ்ருதிஸரித்பூரோ நாத³நர்திதப³ர்ஹிண꞉ ॥ 84 ॥

ராக³பல்லவிதஸ்தா²ணுர்கீ³தாநமிதபாத³ப꞉ ।
விஸ்மாரிதத்ருணக்³ராஸம்ருகோ³ ம்ருக³விளோபி⁴த꞉ ॥ 85 ॥

வ்யாக்⁴ராதி³ஹிம்ஸ்ரஸஹஜவைரஹர்தா ஸுகா³யந꞉ ।
கா³டோ⁴தீ³ரிதகோ³ப்³ருந்த³ப்ரேமோத்கர்ணிததர்ணக꞉ ॥ 86 ॥

நிஷ்பந்த³யாநப்³ரஹ்மாதி³வீக்ஷிதோ விஶ்வவந்தி³த꞉ ।
ஶாகோ²த்கர்ணஶகுந்தௌக⁴ஶ்ச²த்ராயிதப³லாஹக꞉ ॥ 87 ॥

ப்ரஸந்ந꞉ பரமாநந்த³ஶ்சித்ராயிதசராசர꞉ ।
கோ³பிகாமத³நோ கோ³பீகுசகுங்குமமுத்³ரித꞉ ॥ 88 ॥

கோ³பகந்யாஜலக்ரீடா³ஹ்ருஷ்டோ கோ³ப்யம்ஶுகாபஹ்ருத் ।
ஸ்கந்தா⁴ரோபிதகோ³பஸ்த்ரீவாஸா꞉ குந்த³நிப⁴ஸ்மித꞉ ॥ 89 ॥

கோ³பீநேத்ரோத்பலஶஶீ கோ³பிகாயாசிதாம்ஶுக꞉ ।
கோ³பீநமஸ்க்ரியாதே³ஷ்டா கோ³ப்யேககரவந்தி³த꞉ ॥ 90 ॥

கோ³ப்யஞ்ஜலிவிஶேஷார்தீ² கோ³பக்ரீடா³விளோபி⁴த꞉ ।
ஶாந்தவாஸஸ்பு²ரத்³கோ³பீக்ருதாஞ்ஜலிரகா⁴பஹ꞉ ॥ 91 ॥

கோ³பீகேலிவிளாஸார்தீ² கோ³பீஸம்பூர்ணகாமத³꞉ ।
கோ³பஸ்த்ரீவஸ்த்ரதோ³ கோ³பீசித்தசோர꞉ குதூஹலீ ॥ 92 ॥

ப்³ருந்தா³வநப்ரியோ கோ³பப³ந்து⁴ர்யஜ்வாந்நயாசிதா ।
யஜ்ஞேஶோ யஜ்ஞபா⁴வஜ்ஞோ யஜ்ஞபத்ந்யபி⁴வாஞ்சி²த꞉ ॥ 93 ॥

முநிபத்நீவிதீர்ணாந்நத்ருப்தோ முநிவதூ⁴ப்ரிய꞉ ।
த்³விஜபத்ந்யபி⁴பா⁴வஜ்ஞோ த்³விஜபத்நீவரப்ரத³꞉ ॥ 94 ॥

ப்ரதிருத்³த⁴ஸதீமோக்ஷப்ரதோ³ த்³விஜவிமோஹிதா ।
முநிஜ்ஞாநப்ரதோ³ யஜ்வஸ்துதோ வாஸவயாக³வித் ॥ 95 ॥

பித்ருப்ரோக்தக்ரியாரூபஶக்ரயாக³நிவாரண꞉ ।
ஶக்ரா(அ)மர்ஷகர꞉ ஶக்ரவ்ருஷ்டிப்ரஶமநோந்முக²꞉ ॥ 96 ॥

கோ³வர்த⁴நத⁴ரோ கோ³பகோ³ப்³ருந்த³த்ராணதத்பர꞉ ।
கோ³வர்த⁴நகி³ரிச்ச²த்ரசண்ட³த³ண்ட³பு⁴ஜார்க³ள꞉ ॥ 97 ॥

ஸப்தாஹவித்⁴ருதாத்³ரீந்த்³ரோ மேக⁴வாஹநக³ர்வஹா ।
பு⁴ஜாக்³ரோபரிவிந்யஸ்தக்ஷ்மாத⁴ரக்ஷ்மாப்⁴ருத³ச்யுத꞉ ॥ 98 ॥

ஸ்வஸ்தா²நஸ்தா²பிதகி³ரிர்கோ³பீத³த்⁴யக்ஷதார்சித꞉ ।
ஸுமந꞉ ஸுமநோவ்ருஷ்டிஹ்ருஷ்டோ வாஸவவந்தி³த꞉ ॥ 99 ॥

காமதே⁴நுபய꞉பூராபி⁴ஷிக்த꞉ ஸுரபி⁴ஸ்துத꞉ ।
த⁴ராங்க்⁴ரிரோஷதீ⁴ரோமா த⁴ர்மகோ³ப்தா மநோமய꞉ ॥ 100 ॥

ஜ்ஞாநயஜ்ஞப்ரிய꞉ ஶாஸ்த்ரநேத்ர꞉ ஸர்வார்த²ஸாரதி²꞉ ।
ஐராவதகராநீதவியத்³க³ங்கா³ப்லுதோ விபு⁴꞉ ॥ 101 ॥

ப்³ரஹ்மாபி⁴ஷிக்தோ கோ³கோ³ப்தா ஸர்வலோகஶுப⁴ங்கர꞉ ।
ஸர்வவேத³மயோ மக்³நநந்தா³ந்வேஷீ பித்ருப்ரிய꞉ ॥ 102 ॥

வருணோதீ³ரிதாத்மேக்ஷாகௌதுகோ வருணார்சித꞉ ।
வருணாநீதஜநகோ கோ³பஜ்ஞாதாத்மவைப⁴வ꞉ ॥ 103 ॥

ஸ்வர்லோகாலோகஸம்ஹ்ருஷ்டகோ³பவர்க³ஸ்த்ரிவர்க³த³꞉ ।
ப்³ரஹ்மஹ்ருத்³கோ³பிதோ கோ³பத்³ரஷ்டா ப்³ரஹ்மபத³ப்ரத³꞉ ॥ 104 ॥

ஶரச்சந்த்³ரவிஹாரோத்க꞉ ஶ்ரீபதிர்வஶக꞉ க்ஷம꞉ ।
ப⁴யாபஹோ ப⁴ர்த்ருருத்³த⁴கோ³பிகாத்⁴யாநகோ³சர꞉ ॥ 105 ॥

கோ³பிகாநயநாஸ்வாத்³யோ கோ³பீநர்மோக்திநிர்வ்ருத꞉ ।
கோ³பிகாமாநஹரணோ கோ³பிகாஶதயூத²ப꞉ ॥ 106 ॥

வைஜயந்தீஸ்ரகா³கல்போ கோ³பிகாமாநவர்த⁴ந꞉ ।
கோ³பகாந்தாஸுநிர்தே³ஷ்டா காந்தோ மந்மத²மந்மத²꞉ ॥ 107 ॥

ஸ்வாத்மாஸ்யத³த்ததாம்பூ³ல꞉ ப²லிதோத்க்ருஷ்டயௌவந꞉ ।
வல்லவீஸ்தநஸக்தாக்ஷோ வல்லவீப்ரேமசாலித꞉ ॥ 108 ॥

கோ³பீசேலாஞ்சலாஸீநோ கோ³பீநேத்ராப்³ஜஷட்பத³꞉ ।
ராஸக்ரீடா³ஸமாஸக்தோ கோ³பீமண்ட³லமண்ட³ந꞉ ॥ 109 ॥

கோ³பீஹேமமணிஶ்ரேணிமத்⁴யேந்த்³ரமணிருஜ்ஜ்வல꞉ ।
வித்³யாத⁴ரேந்து³ஶாபக்⁴ந꞉ ஶங்க²சூட³ஶிரோஹர꞉ ॥ 110 ॥

ஶங்க²சூட³ஶிரோரத்நஸம்ப்ரீணிதப³லோ(அ)நக⁴꞉ ।
அரிஷ்டாரிஷ்டக்ருத்³து³ஷ்டகேஶிதை³த்யநிஷூத³ந꞉ ॥ 111 ॥

ஸரஸ꞉ ஸஸ்மிதமுக²꞉ ஸுஸ்தி²ரோ விரஹாகுல꞉ ।
ஸங்கர்ஷணார்பிதப்ரீதிரக்ரூரத்⁴யாநகோ³சர꞉ ॥ 112 ॥

அக்ரூரஸம்ஸ்துதோ கூ³டோ⁴ கு³ணவ்ருத்த்யுபலக்ஷித꞉ ।
ப்ரமாணக³ம்யஸ்தந்மாத்ராவயவீ பு³த்³தி⁴தத்பர꞉ ॥ 113 ॥

ஸர்வப்ரமாணப்ரமதீ² ஸர்வப்ரத்யயஸாத⁴க꞉ ।
புருஷஶ்ச ப்ரதா⁴நாத்மா விபர்யாஸவிளோசந꞉ ॥ 114 ॥

மது⁴ராஜநஸம்வீக்ஷ்யோ ரஜகப்ரதிகா⁴தக꞉ ।
விசித்ராம்ப³ரஸம்வீதோ மாலாகாரவரப்ரத³꞉ ॥ 115 ॥

குப்³ஜாவக்ரத்வநிர்மோக்தா குப்³ஜாயௌவநதா³யக꞉ ।
குப்³ஜாங்க³ராக³ஸுரபி⁴꞉ கம்ஸகோத³ண்ட³க²ண்ட³ந꞉ ॥ 116 ॥

தீ⁴ர꞉ குவலயாபீட³மர்த³ந꞉ கம்ஸபீ⁴திக்ருத் ।
த³ந்தித³ந்தாயுதோ⁴ ரங்க³த்ராஸகோ மல்லயுத்³த⁴வித் ॥ 117 ॥

சாணூரஹந்தா கம்ஸாரிர்தே³வகீஹர்ஷதா³யக꞉ ।
வஸுதே³வபதா³நம்ர꞉ பித்ருப³ந்த⁴விமோசந꞉ ॥ 118 ॥

உர்வீப⁴யாபஹோ பூ⁴ப உக்³ரஸேநாதி⁴பத்யத³꞉ ।
ஆஜ்ஞாஸ்தி²தஶசீநாத²꞉ ஸுத⁴ர்மாநயநக்ஷம꞉ ॥ 119 ॥

ஆத்³யோ த்³விஜாதிஸத்கர்தா ஶிஷ்டாசாரப்ரத³ர்ஶக꞉ ।
ஸாந்தீ³பநிக்ருதாப்⁴யஸ்தவித்³யாப்⁴யாஸைகதீ⁴ஸ்ஸுதீ⁴꞉ ॥ 120 ॥

கு³ர்வபீ⁴ஷ்டக்ரியாத³க்ஷ꞉ பஶ்சிமோத³தி⁴பூஜித꞉ ।
ஹதபஞ்சஜநப்ராப்தபாஞ்சஜந்யோ யமார்சித꞉ ॥ 121 ॥

த⁴ர்மராஜஜயாநீதகு³ருபுத்ர உருக்ரம꞉ ।
கு³ருபுத்ரப்ரத³꞉ ஶாஸ்தா மது⁴ராஜநமாநத³꞉ ॥ 122 ॥

ஜாமத³க்³ந்யஸமப்⁴யர்ச்யோ கோ³மந்தகி³ரிஸஞ்சர꞉ ।
கோ³மந்ததா³வஶமநோ க³ருடா³நீதபூ⁴ஷண꞉ ॥ 123 ॥

சக்ராத்³யாயுத⁴ஸம்ஶோபீ⁴ ஜராஸந்த⁴மதா³பஹ꞉ ।
ஸ்ருகா³ளாவநிபாலக்⁴ந꞉ ஸ்ருகா³ளாத்மஜராஜ்யத³꞉ ॥ 124 ॥

வித்⁴வஸ்தகாலயவநோ முசுகுந்த³வரப்ரத³꞉ ।
ஆஜ்ஞாபிதமஹாம்போ⁴தி⁴ர்த்³வாரகாபுரகல்பந꞉ ॥ 125 ॥

த்³வாரகாநிலயோ ருக்மிமாநஹந்தா யதூ³த்³வஹ꞉ ।
ருசிரோ ருக்மிணீஜாநி꞉ ப்ரத்³யும்நஜநக꞉ ப்ரபு⁴꞉ ॥ 126 ॥

அபாக்ருதத்ரிலோகார்திரநிருத்³த⁴பிதாமஹ꞉ ।
அநிருத்³த⁴பதா³ந்வேஷீ சக்ரீ க³ருட³வாஹந꞉ ॥ 127 ॥

பா³ணாஸுரபுரீரோத்³தா⁴ ரக்ஷாஜ்வலநயந்த்ரஜித் ।
தூ⁴தப்ரமத²ஸம்ரம்போ⁴ ஜிதமாஹேஶ்வரஜ்வர꞉ ॥ 128 ॥

ஷட்சக்ரஶக்திநிர்ஜேதா பூ⁴தபே⁴தாலமோஹக்ருத் ।
ஶம்பு⁴த்ரிஶூலஜிச்ச²ம்பு⁴ஜ்ரும்ப⁴ண꞉ ஶம்பு⁴ஸம்ஸ்துத꞉ ॥ 129 ॥

இந்த்³ரியாத்மேந்து³ஹ்ருத³ய꞉ ஸர்வயோகே³ஶ்வரேஶ்வர꞉ ।
ஹிரண்யக³ர்ப⁴ஹ்ருத³யோ மோஹாவர்தநிவர்தந꞉ ॥ 130 ॥

ஆத்மஜ்ஞாநநிதி⁴ர்மேதா⁴கோஶஸ்தந்மாத்ரரூபவாந் ।
இந்த்³ரோ(அ)க்³நிவத³ந꞉ காலநாப⁴꞉ ஸர்வாக³மாத்⁴வக³꞉ ॥ 131 ॥

துரீயஸர்வதீ⁴ஸாக்ஷீ த்³வந்த்³வாராமாத்மதூ³ரக³꞉ ।
அஜ்ஞாதபாரோ வஶ்யஶ்ரீரவ்யாக்ருதவிஹாரவாந் ॥ 132 ॥

ஆத்மப்ரதீ³போ விஜ்ஞாநமாத்ராத்மா ஶ்ரீநிகேதந꞉ ।
பா³ணபா³ஹுவநச்சே²த்தா மஹேந்த்³ரப்ரீதிவர்த⁴ந꞉ ॥ 133 ॥

அநிருத்³த⁴நிரோத⁴ஜ்ஞோ ஜலேஶாஹ்ருதகோ³குல꞉ ।
ஜலேஶவிஜயீ வீர꞉ ஸத்ராஜித்³ரத்நயாசக꞉ ॥ 134 ॥

ப்ரஸேநாந்வேஷணோத்³யுக்தோ ஜாம்ப³வத்³த்⁴ருதரத்நத³꞉ ।
ஜிதர்க்ஷராஜதநயாஹர்தா ஜாம்ப³வதீப்ரிய꞉ ॥ 135 ॥

ஸத்யபா⁴மாப்ரிய꞉ காம꞉ ஶதத⁴ந்வஶிரோஹர꞉ ।
காளிந்தீ³பதிரக்ரூரப³ந்து⁴ரக்ரூரரத்நத³꞉ ॥ 136 ॥

கைகேயீரமணோ ப⁴த்³ராப⁴ர்தா நாக்³நஜிதீத⁴வ꞉ ।
மாத்³ரீமநோஹர꞉ ஶைப்³யாப்ராணப³ந்து⁴ருருக்ரம꞉ ॥ 137 ॥

ஸுஶீலாத³யிதோ மித்ரவிந்தா³நேத்ரமஹோத்ஸவ꞉ ।
லக்ஷ்மணாவள்லபோ⁴ ருத்³த⁴ப்ராக்³ஜ்யோதிஷமஹாபுர꞉ ॥ 138 ॥

ஸுரபாஶாவ்ருதிச்சே²தீ³ முராரி꞉ க்ரூரயுத்³த⁴வித் ।
ஹயக்³ரீவஶிரோஹர்தா ஸர்வாத்மா ஸர்வத³ர்ஶந꞉ ॥ 139 ॥

நரகாஸுரவிச்சே²த்தா நரகாத்மஜராஜ்யத³꞉ ।
ப்ருத்²வீஸ்துத꞉ ப்ரகாஶாத்மா ஹ்ருத்³யோ யஜ்ஞப²லப்ரத³꞉ ॥ 140 ॥

கு³ணக்³ராஹீ கு³ணத்³ரஷ்டா கூ³ட⁴ஸ்வாத்மா விபூ⁴திமாந் ।
கவிர்ஜக³து³பத்³ரஷ்டா பரமாக்ஷரவிக்³ரஹ꞉ ॥ 141 ॥

ப்ரபந்நபாலநோ மாலீ மஹத்³ப்³ரஹ்மவிவர்த⁴ந꞉ ।
வாச்யவாசகஶக்த்யர்த²꞉ ஸர்வவ்யாக்ருதஸித்³தி⁴த³꞉ ॥ 142 ॥

ஸ்வயம்ப்ரபு⁴ரநிர்வேத்³ய꞉ ஸ்வப்ரகாஶஶ்சிரந்தந꞉ ।
நாதா³த்மா மந்த்ரகோடீஶோ நாநாவாத³நிரோத⁴க꞉ ॥ 143 ॥

கந்த³ர்பகோடிலாவண்ய꞉ பரார்தை²கப்ரயோஜக꞉ ।
அமரீக்ருததே³வௌக⁴꞉ கந்யகாப³ந்த⁴மோசந꞉ ॥ 144 ॥

ஷோட³ஶஸ்த்ரீஸஹஸ்ரேஶ꞉ காந்த꞉ காந்தாமநோப⁴வ꞉ ।
க்ரீடா³ரத்நாசலாஹர்தா வருணச்ச²த்ரஶோபி⁴த꞉ ॥ 145 ॥

ஶக்ராபி⁴வந்தி³த꞉ ஶக்ரஜநநீகுண்ட³லப்ரத³꞉ ।
அதி³திப்ரஸ்துதஸ்தோத்ரோ ப்³ராஹ்மணோத்³கு⁴ஷ்டசேஷ்டந꞉ ॥ 146 ॥

புராணஸ்ஸம்யமீ ஜந்மாலிப்த꞉ ஷட்³விம்ஶகோ(அ)ர்த²த³꞉ ।
யஶஸ்யநீதிராத்³யந்தரஹித꞉ ஸத்கதா²ப்ரிய꞉ ॥ 147 ॥

ப்³ரஹ்மபோ³த⁴꞉ பராநந்த³꞉ பாரிஜாதாபஹாரக꞉ ।
பௌண்ட்³ரகப்ராணஹரண꞉ காஶிராஜநிஷூத³ந꞉ ॥ 148 ॥

க்ருத்யாக³ர்வப்ரஶமநோ விசக்ரவத⁴தீ³க்ஷித꞉ ।
கம்ஸவித்⁴வம்ஸந꞉ ஸாம்ப³ஜநகோ டி³ம்ப⁴கார்த³ந꞉ ॥ 149 ॥

முநிர்கோ³ப்தா பித்ருவரப்ரத³꞉ ஸவநதீ³க்ஷித꞉ ।
ரதீ² ஸாரத்²யநிர்தே³ஷ்டா பா²ல்கு³ந꞉ பா²ல்கு³நிப்ரிய꞉ ॥ 150 ॥

ஸப்தாப்³தி⁴ஸ்தம்ப⁴நோத்³பூ⁴தோ ஹரி꞉ ஸப்தாப்³தி⁴பே⁴த³ந꞉ ।
ஆத்மப்ரகாஶ꞉ பூர்ணஶ்ரீராதி³நாராயணேக்ஷித꞉ ॥ 151 ॥

விப்ரபுத்ரப்ரத³ஶ்சைவ ஸர்வமாத்ருஸுதப்ரத³꞉ ।
பார்த²விஸ்மயக்ருத்பார்த²ப்ரணவார்த²ப்ரபோ³த⁴ந꞉ ॥ 152 ॥

கைலாஸயாத்ராஸுமுகோ² ப³த³ர்யாஶ்ரமபூ⁴ஷண꞉ ।
க⁴ண்டாகர்ணக்ரியாமௌட்⁴யாத்தோஷிதோ ப⁴க்தவத்ஸல꞉ ॥ 153 ॥

முநிப்³ருந்தா³தி³பி⁴ர்த்⁴யேயோ க⁴ண்டாகர்ணவரப்ரத³꞉ ।
தபஶ்சர்யாபரஶ்சீரவாஸா꞉ பிங்க³ஜடாத⁴ர꞉ ॥ 154 ॥

ப்ரத்யக்ஷீக்ருதபூ⁴தேஶ꞉ ஶிவஸ்தோதா ஶிவஸ்துத꞉ ।
க்ருஷ்ணாஸ்வயம்வராளோககௌதுகீ ஸர்வஸம்மத꞉ ॥ 155 ॥

ப³லஸம்ரம்ப⁴ஶமநோ ப³லத³ர்ஶிதபாண்ட³வ꞉ ।
யதிவேஷார்ஜுநாபீ⁴ஷ்டதா³யீ ஸர்வாத்மகோ³சர꞉ ॥ 156 ॥

ஸுப⁴த்³ராபா²ல்கு³நோத்³வாஹகர்தா ப்ரீணிதபா²ல்கு³ந꞉ ।
கா²ண்ட³வப்ரீணிதார்சிஷ்மாந்மயதா³நவமோசந꞉ ॥ 157 ॥

ஸுலபோ⁴ ராஜஸூயார்ஹயுதி⁴ஷ்டி²ரநியோஜக꞉ ।
பீ⁴மார்தி³தஜராஸந்தோ⁴ மாக³தா⁴த்மஜராஜ்யத³꞉ ॥ 158 ॥

ராஜப³ந்த⁴நநிர்மோக்தா ராஜஸூயாக்³ரபூஜந꞉ ।
சைத்³யாத்³யஸஹநோ பீ⁴ஷ்மஸ்துத꞉ ஸாத்வதபூர்வஜ꞉ ॥ 159 ॥

ஸர்வாத்மார்த²ஸமாஹர்தா மந்த³ராசலதா⁴ரக꞉ ।
யஜ்ஞாவதார꞉ ப்ரஹ்லாத³ப்ரதிஜ்ஞாப்ரதிபாலக꞉ ॥ 160 ॥

ப³லியஜ்ஞஸபா⁴த்⁴வம்ஸீ த்³ருப்தக்ஷத்ரகுலாந்தக꞉ ।
த³ஶக்³ரீவாந்தகோ ஜேதா ரேவதீப்ரேமவல்லப⁴꞉ ॥ 161 ॥

ஸர்வாவதாராதி⁴ஷ்டா²தா வேத³பா³ஹ்யவிமோஹந꞉ ।
கலிதோ³ஷநிராகர்தா த³ஶநாமா த்³ருட⁴வ்ரத꞉ ॥ 162 ॥

அமேயாத்மா ஜக³த்ஸ்வாமீ வாக்³மீ சைத்³யஶிரோஹர꞉ ।
த்³ரௌபதீ³ரசிதஸ்தோத்ர꞉ கேஶவ꞉ புருஷோத்தம꞉ ॥ 163 ॥

நாராயணோ மது⁴பதிர்மாத⁴வோ தோ³ஷவர்ஜித꞉ ।
கோ³விந்த³꞉ புண்ட³ரீகாக்ஷோ விஷ்ணுஶ்ச மது⁴ஸூத³ந꞉ ॥ 164 ॥

த்ரிவிக்ரமஸ்த்ரிலோகேஶோ வாமந꞉ ஶ்ரீத⁴ர꞉ புமாந் ।
ஹ்ருஷீகேஶோ வாஸுதே³வ꞉ பத்³மநாபோ⁴ மஹாஹ்ரத³꞉ ॥ 165 ॥

தா³மோத³ரஶ்சதுர்வ்யூஹ꞉ பாஞ்சாலீமாநரக்ஷண꞉ ।
ஸால்வக்⁴நஸ்ஸமரஶ்லாகீ⁴ த³ந்தவக்த்ரநிப³ர்ஹண꞉ ॥ 166 ॥

தா³மோத³ரப்ரியஸக²꞉ ப்ருது²காஸ்வாத³நப்ரிய꞉ ।
க்⁴ருணீ தா³மோத³ர꞉ ஶ்ரீதோ³ கோ³பீபுநரவேக்ஷக꞉ ॥ 167 ॥

கோ³பிகாமுக்திதோ³ யோகீ³ து³ர்வாஸஸ்த்ருப்திகாரக꞉ ।
அவிஜ்ஞாதவ்ரஜாகீர்ணபாண்ட³வாலோகநோ ஜயீ ॥ 168 ॥

பார்த²ஸாரத்²யநிரத꞉ ப்ராஜ்ஞ꞉ பாண்ட³வதௌ³த்யக்ருத் ।
விது³ராதித்²யஸந்துஷ்ட꞉ குந்தீஸந்தோஷதா³யக꞉ ॥ 169 ॥

ஸுயோத⁴நதிரஸ்கர்தா து³ர்யோத⁴நவிகாரவித் ।
விது³ராபி⁴ஷ்டு²தோ நித்யோ வார்ஷ்ணேயோ மங்க³ளாத்மக꞉ ॥ 170 ॥

பஞ்சவிம்ஶதிதத்த்வேஶஶ்சதுர்விம்ஶதிதே³ஹபா⁴க் ।
ஸர்வாநுக்³ராஹக꞉ ஸர்வதா³ஶார்ஹஸததார்சித꞉ ॥ 171 ॥

அசிந்த்யோ மது⁴ராளாப꞉ ஸாது⁴த³ர்ஶீ து³ராஸத³꞉ ।
மநுஷ்யத⁴ர்மாநுக³த꞉ கௌரவேந்த்³ரக்ஷயேக்ஷிதா ॥ 172 ॥

உபேந்த்³ரோ தா³நவாராதிருருகீ³தோ மஹாத்³யுதி꞉ ।
ப்³ரஹ்மண்யதே³வ꞉ ஶ்ருதிமாந் கோ³ப்³ராஹ்மணஹிதாஶய꞉ ॥ 173 ॥

வரஶீல꞉ ஶிவாரம்ப⁴꞉ ஸுவிஜ்ஞாநவிமூர்திமாந் ।
ஸ்வபா⁴வஶுத்³த⁴꞉ ஸந்மித்ர꞉ ஸுஶரண்ய꞉ ஸுலக்ஷண꞉ ॥ 174 ॥

த்⁴ருதராஷ்ட்ரக³தோ த்³ருஷ்டிப்ரத³꞉ கர்ணவிபே⁴த³ந꞉ ।
ப்ரதோத³த்⁴ருத்³விஶ்வரூபவிஸ்மாரிதத⁴நஞ்ஜய꞉ ॥ 175 ॥

ஸாமகா³நப்ரியோ த⁴ர்மதே⁴நுர்வர்ணோத்தமோ(அ)வ்யய꞉ ।
சதுர்யுக³க்ரியாகர்தா விஶ்வரூபப்ரத³ர்ஶக꞉ ॥ 176 ॥

ப்³ரஹ்மபோ³த⁴பரித்ராதபார்தோ² பீ⁴ஷ்மார்த²சக்ரப்⁴ருத் ।
அர்ஜுநாயாஸவித்⁴வம்ஸீ காலத³ம்ஷ்ட்ராவிபூ⁴ஷண꞉ ॥ 177 ॥

ஸுஜாதாநந்தமஹிமா ஸ்வப்நவ்யாபாரிதார்ஜுந꞉ ।
அகாலஸந்த்⁴யாக⁴டநஶ்சக்ராந்தரிதபா⁴ஸ்கர꞉ ॥ 178 ॥

து³ஷ்டப்ரமத²ந꞉ பார்த²ப்ரதிஜ்ஞாபரிபாலக꞉ ।
ஸிந்து⁴ராஜஶிர꞉பாதஸ்தா²நவக்தா விவேகத்³ருக் ॥ 179 ॥

ஸுப⁴த்³ராஶோகஹரணோ த்³ரோணோத்ஸேகாதி³விஸ்மித꞉ ।
பார்த²மந்யுநிராகர்தா பாண்ட³வோத்ஸவதா³யக꞉ ॥ 180 ॥

அங்கு³ஷ்டா²க்ராந்தகௌந்தேயரத²꞉ ஶக்தோ(அ)ஹிஶீர்ஷஜித் ।
காலகோபப்ரஶமநோ பீ⁴மஸேநஜயப்ரத³꞉ ॥ 181 ॥

அஶ்வத்தா²மவதா⁴யாஸத்ராதபாண்டு³ஸுத꞉ க்ருதீ ।
இஷீகாஸ்த்ரப்ரஶமநோ த்³ரௌணிரக்ஷாவிசக்ஷண꞉ ॥ 182 ॥

பார்தா²பஹாரிதத்³ரௌணிசூடா³மணிரப⁴ங்கு³ர꞉ ।
த்⁴ருதராஷ்ட்ரபராம்ருஷ்டபீ⁴மப்ரதிக்ருதிஸ்மய꞉ ॥ 183 ॥

பீ⁴ஷ்மபு³த்³தி⁴ப்ரத³꞉ ஶாந்த꞉ ஶரச்சந்த்³ரநிபா⁴நந꞉ ।
க³தா³க்³ரஜந்மா பாஞ்சாலீப்ரதிஜ்ஞாபரிபாலக꞉ ॥ 184 ॥

கா³ந்தா⁴ரீகோபத்³ருக்³கு³ப்தத⁴ர்மஸூநுரநாமய꞉ ।
ப்ரபந்நார்திப⁴யச்சே²த்தா பீ⁴ஷ்மஶல்யவ்யதா²பஹ꞉ ॥ 185 ॥

ஶாந்த꞉ ஶாந்தநவோதீ³ர்ணஸர்வத⁴ர்மஸமாஹித꞉ ।
ஸ்மாரிதப்³ரஹ்மவித்³யார்த²ப்ரீதபார்தோ² மஹாஸ்த்ரவித் ॥ 186 ॥

ப்ரஸாத³பரமோதா³ரோ கா³ங்கே³யஸுக³திப்ரத³꞉ ।
விபக்ஷபக்ஷக்ஷயக்ருத்பரீக்ஷித்ப்ராணரக்ஷண꞉ ॥ 187 ॥

ஜக³த்³கு³ருர்த⁴ர்மஸூநோர்வாஜிமேத⁴ப்ரவர்தக꞉ ।
விஹிதார்தா²ப்தஸத்காரோ மாஸகாத்பரிவர்தத³꞉ ॥ 188 ॥

உத்தங்கஹர்ஷதா³த்மீயதி³வ்யரூபப்ரத³ர்ஶக꞉ ।
ஜநகாவக³தஸ்வோக்தபா⁴ரத꞉ ஸர்வபா⁴வந꞉ ॥ 189 ॥

அஸோட⁴யாத³வோத்³ரேகோ விஹிதாப்தாதி³பூஜந꞉ ।
ஸமுத்³ரஸ்தா²பிதாஶ்சர்யமுஸலோ வ்ருஷ்ணிவாஹக꞉ ॥ 190 ॥

முநிஶாபாயுத⁴꞉ பத்³மாஸநாதி³த்ரித³ஶார்தி²த꞉ ।
ஸ்ருஷ்டிப்ரத்யவஹாரோத்க꞉ ஸ்வதா⁴மக³மநோத்ஸுக꞉ ॥ 191 ॥

ப்ரபா⁴ஸாலோகநோத்³யுக்தோ நாநாவித⁴நிமித்தக்ருத் ।
ஸர்வயாத³வஸம்ஸேவ்ய꞉ ஸர்வோத்க்ருஷ்டபரிச்ச²த³꞉ ॥ 192 ॥

வேலாகாநநஸஞ்சாரீ வேலாநிலஹ்ருதஶ்ரம꞉ ।
காலாத்மா யாத³வோ(அ)நந்த꞉ ஸ்துதிஸந்துஷ்டமாநஸ꞉ ॥ 193 ॥

த்³விஜாலோகநஸந்துஷ்ட꞉ புண்யதீர்த²மஹோத்ஸவ꞉ ।
ஸத்காராஹ்லாதி³தாஶேஷபூ⁴ஸுர꞉ ஸுரவல்லப⁴꞉ ॥ 194 ॥

புண்யதீர்தா²ப்லுத꞉ புண்ய꞉ புண்யத³ஸ்தீர்த²பாவந꞉ ।
விப்ரஸாத்க்ருதகோ³கோடி꞉ ஶதகோடிஸுவர்ணத³꞉ ॥ 195 ॥

ஸ்வமாயாமோஹிதாஶேஷவ்ருஷ்ணிவீரோ விஶேஷவித் ।
ஜலஜாயுத⁴நிர்தே³ஷ்டா ஸ்வாத்மாவேஶிதயாத³வ꞉ ॥ 196 ॥

தே³வதாபீ⁴ஷ்டவரத³꞉ க்ருதக்ருத்ய꞉ ப்ரஸந்நதீ⁴꞉ ।
ஸ்தி²ரஶேஷாயுதப³ல꞉ ஸஹஸ்ரப²ணிவீக்ஷண꞉ ॥ 197 ॥

ப்³ரஹ்மவ்ருக்ஷவரச்சா²யாஸீந꞉ பத்³மாஸநஸ்தி²த꞉ ।
ப்ரத்யகா³த்மா ஸ்வபா⁴வார்த²꞉ ப்ரணிதா⁴நபராயண꞉ ॥ 198 ॥

வ்யாதே⁴ஷுவித்³த⁴பூஜ்யாங்க்⁴ரிர்நிஷாத³ப⁴யமோசந꞉ ।
புலிந்த³ஸ்துதிஸந்துஷ்ட꞉ புலிந்த³ஸுக³திப்ரத³꞉ ॥ 199 ॥

தா³ருகார்பிதபார்தா²தி³கரணீயோக்திரீஶிதா ।
தி³வ்யது³ந்து³பி⁴ஸம்யுக்த꞉ புஷ்பவ்ருஷ்டிப்ரபூஜித꞉ ॥ 200 ॥

புராண꞉ பரமேஶாந꞉ பூர்ணபூ⁴மா பரிஷ்டுத꞉ ।
ஶுகவாக³ம்ருதாப்³தீ⁴ந்து³꞉ கோ³விந்தோ³ யோகி³நாம் பதி꞉ ॥ 201 ॥

வஸுதே³வாத்மஜ꞉ புண்யோ லீலாமாநுஷவிக்³ரஹ꞉ ।
ஜக³த்³கு³ருர்ஜக³ந்நாதோ² கீ³தாம்ருதமஹோத³தி⁴꞉ ॥ 202 ॥

புண்யஶ்லோகஸ்தீர்த²பாதோ³ வேத³வேத்³யோ த³யாநிதி⁴꞉ ।
நாராயணோ யஜ்ஞமூர்தி꞉ பந்நகா³ஶநவாஹந꞉ ।
பதிராத்³ய꞉ பரம் ப்³ரஹ்ம பரமாத்மா பராத்பர꞉ ॥ 203 ॥

ஶ்ரீபரமாத்மா பராத்பர꞉ ஓம் நம꞉ இதி ॥

– ப²லஶ்ருதி꞉ –

இத³ம் ஸஹஸ்ரம் க்ருஷ்ணஸ்ய நாம்நாம் ஸர்வார்த²தா³யகம் ।
அநந்தரூபீ ப⁴க³வாந் வ்யாக்²யாதா(ஆ)தௌ³ ஸ்வயம்பு⁴வே ॥ 204 ॥

தேந ப்ரோக்தம் வஸிஷ்டா²ய ததோ லப்³தா⁴ பராஶர꞉ ।
வ்யாஸாய தேந ஸம்ப்ரோக்தம் ஶுகோ வ்யாஸாத³வாப்தவாந் ॥ 205 ॥

தச்சி²ஷ்யைர்ப³ஹுபி⁴ர்பூ⁴மௌ க்²யாபிதம் த்³வாபரே யுகே³ ।
க்ருஷ்ணாஜ்ஞயா ஹரிஹர꞉ கலௌ ப்ராக்²யாபயத்³விபு⁴꞉ ॥ 206 ॥

இத³ம் பட²தி ப⁴க்த்யா ய꞉ ஶ்ருணோதி ச ஸமாஹித꞉ ।
ஸ்வஸித்³த்⁴யை ப்ரார்த²யந்த்யேநம் தீர்த²க்ஷேத்ராதி³தே³வதா꞉ ॥ 207 ॥

ப்ராயஶ்சித்தாந்யஶேஷாணி நாலம் யாநி வ்யபோஹிதும் ।
தாநி பாபாநி நஶ்யந்தி ஸக்ருத³ஸ்ய ப்ரஶம்ஸநாத் ॥ 208 ॥

ருணத்ரயவிமுக்தஸ்ய ஶ்ரௌதஸ்மார்தாநுவர்திந꞉ ।
ருஷேஸ்த்ரிமூர்திரூபஸ்ய ப²லம் விந்தே³தி³த³ம் பட²ந் ॥ 209 ॥

இத³ம் நாமஸஹஸ்ரம் ய꞉ பட²த்யேதச்ச்²ருணோதி ச ।
ஶிவலிங்க³ஸஹஸ்ரஸ்ய ஸ ப்ரதிஷ்டா²ப²லம் லபே⁴த் ॥ 210 ॥

இத³ம் கிரீடீ ஸஞ்ஜப்ய ஜயீ பாஶுபதாஸ்த்ரபா⁴க் ।
க்ருஷ்ணஸ்ய ப்ராணபூ⁴த꞉ ஸந் க்ருஷ்ணம் ஸாரதி²மாப்தவாந் ॥ 211 ॥

த்³ரௌபத்³யா த³மயந்த்யா ச ஸாவித்ர்யா ச ஸுஶீலயா ।
து³ரிதாநி ஜிதாந்யேதஜ்ஜபாதா³ப்தம் ச வாஞ்சி²தம் ॥ 212 ॥

கிமித³ம் ப³ஹுநா ஶம்ஸந்மாநவோ மோத³நிர்ப⁴ர꞉ ।
ப்³ரஹ்மாநந்த³மவாப்யாந்தே க்ருஷ்ணஸாயூஜ்யமாப்நுயாத் ॥ 213 ॥

இதி ஶ்ரீவிஷ்ணுத⁴ர்மோத்தர புராணே ஶ்ரீ க்ருஷ்ண ஸஹஸ்ரநாம ஸ்தோத்ரம் ॥

---

மேலும் ஶ்ரீ க்ருஷ்ண ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.