Sri Dakshinamurthy Mantrarna Ashtottara Shatanama Stotram – ஶ்ரீ த³க்ஷிணாமூர்தி மந்த்ரார்ணாஷ்டோத்தரஶதநாம ஸ்தோத்ரம்

ஸ்தோத்ரநிதி → ஶ்ரீ த³க்ஷிணாமூர்தி ஸ்தோத்திரங்கள் → ஶ்ரீ த³க்ஷிணாமூர்தி மந்த்ரார்ணாஷ்டோத்தரஶதநாம ஸ்தோத்ரம்

ஶ்ரீதே³வ்யுவாச ।
ப⁴க³வந் தே³வதே³வேஶ மந்த்ரார்ணஸ்தவமுத்தமம் ।
த³க்ஷிணாமூர்திதே³வஸ்ய க்ருபயா வத³ மே ப்ரபோ⁴ ॥ 1 ॥

ஶ்ரீமஹாதே³வ உவாச ।
ஸாது⁴ ப்ருஷ்டம் மஹாதே³வி ஸர்வலோகஹிதாய தே ।
வக்ஷ்யாமி பரமம் கு³ஹ்யம் மந்த்ரார்ணஸ்தவமுத்தமம் ॥ 2 ॥

ருஷிஶ்ச²ந்தோ³ தே³வதாங்க³ந்யாஸாதி³கமநுத்தமம் ।
மூலமந்த்ரபத³ஸ்யாபி த்³ரஷ்டவ்யம் ஸகலம் ஹி தத் ॥ 3 ॥

த்⁴யாநம் –
ப⁴ஸ்மவ்யாபாண்டு³ராங்க³꞉ ஶஶிஶகலத⁴ரோ ஜ்ஞாநமுத்³ராக்ஷமாலா-
-வீணாபுஸ்தைர்விராஜத்கரகமலத⁴ரோ யோக³பட்டாபி⁴ராம꞉ ।
வ்யாக்²யாபீடே² நிஷண்ணே முநிவரநிகரை꞉ ஸேவ்யமாந꞉ ப்ரஸந்ந꞉
ஸவ்யாள꞉ க்ருத்திவாஸா꞉ ஸததமவது நோ த³க்ஷிணாமூர்திரீஶ꞉ ॥ 4 ॥

இதி த்⁴யாத்வா மஹாதே³வம் மந்த்ரார்ணஸ்தவமுத்தமம் ।
ஜபேத் த்ரிஸந்த்⁴யம் நியதோ ப⁴ஸ்மருத்³ராக்ஷபூ⁴ஷித꞉ ॥ 5 ॥

ஸ்தோத்ரம் –
ஓம் । ஓங்காராசலஸிம்ஹேந்த்³ர꞉ ஓங்காரோத்³யாநகோகில꞉ ।
ஓங்காரநீட³ஶுகராடோ³ங்காராரண்யகுஞ்ஜர꞉ ॥ 6 ॥

நக³ராஜஸுதாஜாநிர்நக³ராஜநிஜாலய꞉ ।
நவமாணிக்யமாலாட்⁴யோ நவசந்த்³ரஶிகா²மணி꞉ ॥ 7 ॥

நந்தி³தாஶேஷமௌநீந்த்³ரோ நந்தீ³ஶாதி³மதே³ஶிக꞉ ।
மோஹாநலஸுதா⁴தா⁴ரோ மோஹாம்பு³ஜஸுதா⁴கர꞉ ॥ 8 ॥

மோஹாந்த⁴காரதரணிர்மோஹோத்பலநபோ⁴மணி꞉ ।
ப⁴க்தஜ்ஞாநாப்³தி⁴ஶீதாம்ஶு꞉ ப⁴க்தாஜ்ஞாநத்ருணாநல꞉ ॥ 9 ॥

ப⁴க்தாம்போ⁴ஜஸஹஸ்ராம்ஶு꞉ ப⁴க்தகேகிக⁴நாக⁴ந꞉ ।
ப⁴க்தகைரவராகேந்து³꞉ ப⁴க்தகோகதி³வாகர꞉ ॥ 10 ॥

க³ஜாநநாதி³ஸம்பூஜ்யோ க³ஜசர்மோஜ்ஜ்வலாக்ருதி꞉ ।
க³ங்கா³த⁴வளதி³வ்யாங்கோ³ க³ங்கா³ப⁴ங்க³ளஸஜ்ஜட꞉ ॥ 11 ॥

க³க³நாம்ப³ரஸம்வீதோ க³க³நாமுக்தமூர்த⁴ஜ꞉ ।
வத³நாப்³ஜஜிதஶ்ரீஶ்ச வத³நேந்து³ஸ்பு²ரத்³தி³ஶ꞉ ॥ 12 ॥

வரதா³நைகநிபுணோ வரவீணோஜ்ஜ்வலத்கர꞉ ।
வநவாஸஸமுல்லாஸீ வநலீலைகலோலுப꞉ ॥ 13 ॥

தேஜ꞉புஞ்ஜக⁴நாகாரோ தேஜஸாமவிபா⁴ஸக꞉ ।
தேஜ꞉ப்ரதோ³ விதே⁴யாநாம் தேஜோமயநிஜாஶ்ரம꞉ ॥ 14 ॥

த³மிதாநங்க³ஸங்க்³ராமோ த³ரஹாஸோஜ்ஜ்வலந்முக²꞉ ।
த³யாரஸஸுதா⁴ஸிந்து⁴꞉ த³ரித்³ரத⁴நஶேவதி⁴꞉ ॥ 15 ॥

க்ஷீரேந்து³ஸ்ப²டிகாகார꞉ க்ஷிதீந்த்³ரமகுடோஜ்ஜ்வல꞉ ।
க்ஷீரோபஹாரரஸிக꞉ க்ஷிப்ரைஶ்வர்யப²லப்ரத³꞉ ॥ 16 ॥

நாநாப⁴ரணமுக்தாங்கோ³ நாரீஸம்மோஹநாக்ருதி꞉ ।
நாத³ப்³ரஹ்மரஸாஸ்வாதீ³ நாக³பூ⁴ஷணபூ⁴ஷித꞉ ॥ 17 ॥

மூர்திநிந்தி³தகந்த³ர்போ மூர்தாமூர்தஜக³த்³வபு꞉ ।
மூகாஜ்ஞாநதமோபா⁴நு꞉ மூர்திமத்கல்பபாத³ப꞉ ॥ 18 ॥

தருணாதி³த்யஸங்காஶ꞉ தந்த்ரீவாத³நதத்பர꞉ ।
தருமூலைகநிலய꞉ தப்தஜாம்பூ³நத³ப்ரப⁴꞉ ॥ 19 ॥

தத்த்வபுஸ்தோல்லஸத்பாணி꞉ தபநோடு³பலோசந꞉ ।
யமஸந்நுதஸத்கீர்தி꞉ யமஸம்யமஸம்யுத꞉ ॥ 20 ॥

யதிரூபத⁴ரோ மௌநமுநீந்த்³ரோபாஸ்யவிக்³ரஹ꞉ ।
மந்தா³ரஹாரருசிரோ மத³நாயுதஸுந்த³ர꞉ ॥ 21 ॥

மந்த³ஸ்மிதலஸத்³வக்த்ரோ மது⁴ராத⁴ரபல்லவ꞉ ।
மஞ்ஜீரமஞ்ஜுபாதா³ப்³ஜோ மணிபட்டோலஸத்கடி꞉ ॥ 22 ॥

ஹஸ்தாங்குரிதசிந்முத்³ரோ ஹம்ஸயோக³படூத்தம꞉ ।
ஹம்ஸஜப்யாக்ஷமாலாட்⁴யோ ஹம்ஸேந்த்³ராராத்⁴யபாது³க꞉ ॥ 23 ॥

மேருஶ்ருங்க³ஸமுல்லாஸீ மேக⁴ஶ்யாமமநோஹர꞉ ।
மேகா⁴ங்குராளவாலாக்³ர்யோ மேதா⁴பக்வப²லத்³ரும꞉ ॥ 24 ॥

தா⁴ர்மிகாந்தக்ருதாவாஸோ த⁴ர்மமார்க³ப்ரவர்தக꞉ ।
தா⁴மத்ரயநிஜாராமோ த⁴ரோத்தமமஹாரத²꞉ ॥ 25 ॥

ப்ரபோ³தோ⁴தா³ரதீ³பஶ்ரீ꞉ ப்ரகாஶிதஜக³த்த்ரய꞉ ।
ப்ரஜ்ஞாசந்த்³ரஶிலாசந்த்³ர꞉ ப்ரஜ்ஞாமணிலஸத்கர꞉ ॥ 26 ॥

ஜ்ஞாநிஹ்ருத்³பா⁴ஸமாநாத்மா ஜ்ஞாத்ரூணாமவிதூ³ரக³꞉ ।
ஜ்ஞாநாயாத்³ருததி³வ்யாங்கோ³ ஜ்ஞாதிஜாதிகுலாதிக³꞉ ॥ 27 ॥

ப்ரபந்நபாரிஜாதாக்³ர்ய꞉ ப்ரணதார்த்யப்³தி⁴பா³ட³ப³꞉ ।
ப்ரமாணபூ⁴தோ பூ⁴தாநாம் ப்ரபஞ்சஹிதகாரக꞉ ॥ 28 ॥

யமிஸத்தமஸம்ஸேவ்யோ யக்ஷகே³யாத்மவைப⁴வ꞉ ।
யஜ்ஞாதி⁴தே³வதாமூர்தி꞉ யஜமாநவபுர்த⁴ர꞉ ॥ 29 ॥

ச²த்ராதி⁴பதி³கீ³ஶஶ்ச ச²த்ரசாமரஸேவித꞉ ।
ச²ந்த³꞉ ஶாஸ்த்ராதி³நிபுணஶ்ச²லஜாத்யாதி³தூ³ரக³꞉ ॥ 30 ॥

ஸ்வாபா⁴விகஸுகை²காத்மா ஸ்வாநுபூ⁴திரஸோத³தி⁴꞉ ।
ஸ்வாராஜ்யஸம்பத³த்⁴யக்ஷ꞉ ஸ்வாத்மாராமமஹாமதி꞉ ॥ 31 ॥

ஹாடகாப⁴ஜடாஜூடோ ஹாஸோத³ஸ்தாரிமண்ட³ல꞉ ।
ஹாலாஹலோஜ்ஜ்வலக³ளோ ஹாராயிதபு⁴ஜங்க³ம꞉ ॥ 32 ॥

இதி ஶ்ரீ த³க்ஷிணாமூர்தி மந்த்ரார்ணாஷ்டோத்தரஶதநாம ஸ்தோத்ரம் ।

---

மேலும் ஶ்ரீ ஶிவ ஸ்தோத்ராணி காண்க. மேலும் ஶ்ரீ த³க்ஷிணாமூர்தி ஸ்தோத்திரங்கள் காண்க.

Did you see any mistake/variation in the content above? Click here to report mistakes and corrections in Stotranidhi content.