Sri Brihaspathi Stotram – ஶ்ரீ ப்ருஹஸ்பதி ஸ்தோத்ரம்

ஸ்தோத்ரநிதி → நவக்³ரஹ ஸ்தோத்திரங்கள் → ஶ்ரீ ப்ருஹஸ்பதி ஸ்தோத்ரம்

அஸ்ய ஶ்ரீப்³ருஹஸ்பதிஸ்தோத்ரஸ்ய க்³ருத்ஸமத³ ருஷி꞉ அநுஷ்டுப் ச²ந்த³꞉ ப்³ருஹஸ்பதிர்தே³வதா ப்³ருஹஸ்பதிப்ரீத்யர்தே² ஜபே விநியோக³꞉ ॥

கு³ருர்ப்³ருஹஸ்பதிர்ஜீவ꞉ ஸுராசார்யோ விதா³ம்வர꞉ ।
வாகீ³ஶோ தி⁴ஷணோ தீ³ர்க⁴ஶ்மஶ்ரு꞉ பீதாம்ப³ரோ யுவா ॥ 1 ॥

ஸுதா⁴த்³ருஷ்டிர்க்³ரஹாதீ⁴ஶோ க்³ரஹபீடா³பஹாரக꞉ ।
த³யாகர꞉ ஸௌம்யமூர்தி꞉ ஸுரார்ச்ய꞉ குங்குமத்³யுதி꞉ ॥ 2 ॥

லோகபூஜ்யோ லோககு³ருர்நீதிஜ்ஞோ நீதிகாரக꞉ ।
தாராபதிஶ்சாங்கி³ரஸோ வேத³வைத்³யபிதாமஹ꞉ ॥ 3 ॥

ப⁴க்த்யா ப்³ருஹஸ்பதிம் ஸ்ம்ருத்வா நாமாந்யேதாநி ய꞉ படே²த் ।
அரோகீ³ ப³லவாந் ஶ்ரீமாந் புத்ரவாந் ஸ ப⁴வேந்நர꞉ ॥ 4 ॥

ஜீவேத்³வர்ஷஶதம் மர்த்யோ பாபம் நஶ்யதி நஶ்யதி ।
ய꞉ பூஜயேத்³கு³ருதி³நே பீதக³ந்தா⁴க்ஷதாம்ப³ரை꞉ ॥ 5 ॥

புஷ்பதீ³போபஹாரைஶ்ச பூஜயித்வா ப்³ருஹஸ்பதிம் ।
ப்³ராஹ்மணாந் போ⁴ஜயித்வா ச பீடா³ஶாந்திர்ப⁴வேத்³கு³ரோ꞉ ॥ 6 ॥

இதி ஶ்ரீஸ்கந்த³புராணே ஶ்ரீ ப்³ருஹஸ்பதி ஸ்தோத்ரம் ।

---

மேலும் நவக்ரஹ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.