Mukthaka Mangalam (Sri Manavala Mamunigal) – முக்தகமங்க³ளம்


ஶ்ரீஶைலேஶத³யாபாத்ரம் தீ⁴ப⁴க்த்யாதி³கு³ணார்ணவம் ।
யதீந்த்³ரப்ரவணம் வந்தே³ ரம்யஜாமாதரம் முநிம் ॥

லக்ஷ்மீசரணலாக்ஷாங்கஸாக்ஷீ ஶ்ரீவத்ஸவக்ஷஸே ।
க்ஷேமம்கராய ஸர்வேஷாம் ஶ்ரீரங்கே³ஶாய மங்க³ளம் ॥ 1 ॥

ஶ்ரிய꞉காந்தாய கல்யாணநித⁴யே நித⁴யே(அ)ர்தி²நாம் ।
ஶ்ரீவேங்கடநிவாஸாய ஶ்ரீநிவாஸாய மங்க³ளம் ॥ 2 ॥

அஸ்து ஶ்ரீஸ்தநகஸ்தூரீவாஸநாவாஸிதோரஸே ।
ஶ்ரீஹஸ்திகி³ரிநாதா²ய தே³வராஜாய மங்க³ளம் ॥ 3 ॥

கமலாகுசகஸ்தூரீகர்த³மாங்கிதவக்ஷஸே ।
யாத³வாத்³ரிநிவாஸாய ஸம்பத்புத்ராய மங்க³ளம் ॥ 4 ॥

ஶ்ரீநக³ர்யாம் மஹாபுர்யாம் தாம்ரபர்ண்யுத்தரே தடே ।
ஶ்ரீதிந்த்ரிணீமூலதா⁴ம்நே ஶட²கோபாய மங்க³ளம் ॥ 5 ॥

ஶ்ரீமத்யை விஷ்ணுசித்தார்யமநோநந்த³நஹேதவே ।
நந்த³நந்த³நஸுந்த³ர்யை கோ³தா³யை நித்யமங்க³ளம் ॥ 6 ॥

ஶ்ரீமந்மஹாபூ⁴தபுரே ஶ்ரீமத்கேஶவயஜ்வந꞉ ।
காந்திமத்யாம் ப்ரஸூதாய யதிராஜாய மங்க³ளம் ॥ 7 ॥

மங்க³ளாஶாஸநபரை꞉ மதா³சர்யபுரோக³மை꞉ ।
ஸர்வைஶ்ச பூர்வைராசார்யை꞉ ஸத்க்ருதாயாஸ்து மங்க³ளம் ॥ 8 ॥

பித்ரே ப்³ரஹ்மோபதே³ஷ்ட்ரே மே கு³ரவே தை³வதாய ச ।
ப்ராப்யாய ப்ராபகாயா(அ)ஸ்து வேங்கடேஶாய மங்க³ளம் ॥ 9 ॥

ஶ்ரீமதே ரம்யஜாமாத்ரு முநீந்த்³ராய மஹாத்மநே ।
ஶ்ரீரங்க³வாஸிநே பூ⁴யாத் மங்க³ளம் நித்யமங்க³ளம் ॥ 10 ॥

Report mistakes and corrections in Stotranidhi content.

Facebook Comments
error: Not allowed
%d bloggers like this: