Mahanyasam 20. Sashtanga Pranama – 20) ஸாஷ்டாங்க³ ப்ரணாம꞉

அத² அஷ்டஸாஷ்டாங்க³ம் ப்ரணம்ய ॥

(தை.ஸம்.4-1-8-34)
ஹி॒ர॒ண்ய॒க³॒ர்ப⁴꞉ ஸம॑வர்த॒தாக்³ரே॑ பூ⁴॒தஸ்ய॑ ஜா॒த꞉ பதி॒ரேக॑ ஆஸீத் ।
ஸ தா³॑தா⁴ர ப்ருதி²॒வீம் த்³யாமு॒தேமாம் கஸ்மை॑ தே³॒வாய॑ ஹ॒விஷா॑ விதே⁴ம ॥
உரஸா நம꞉ ॥ 1

// ஹிரண்ய-க³ர்ப⁴꞉, ஸம், அவர்தத, அக்³ரே, பூ⁴தஸ்ய, ஜாத꞉, பதி꞉, ஏக꞉, ஆஸீத், ஸ꞉, தா³தா⁴ர, ப்ருதி²வீம், த்³யாம், உத, இமாம், கஸ்மை, தே³வாய, ஹவிஷா, விதே⁴ம //

ய꞉ ப்ரா॑ண॒தோ நி॑மிஷ॒தோ ம॑ஹி॒த்வைக॒ இத்³ராஜா॒ ஜக³॑தோ ப³॒பூ⁴வ॑ ।
ய ஈஶே॑ அ॒ஸ்ய த்³வி॒பத³॒ஶ்சது॑ஷ்பத³॒: கஸ்மை॑ தே³॒வாய॑ ஹ॒விஷா॑ விதே⁴ம ॥
ஶிரஸா நம꞉ ॥ 2

// ய꞉, ப்ர-அநத꞉, நி-மிஷத꞉, மஹி-த்வா, இத், ராஜா, ஜக³த꞉, ப³பூ⁴வ, ய꞉, ஈஶே, அஸ்ய, த்³வி-பத³꞉, சது꞉-பத³꞉, கஸ்மை, தே³வாய, ஹவிஷா, விதே⁴ம //

(தை.ஸம்.4-2-8-34)
ப்³ரஹ்ம॑ ஜஜ்ஞா॒நம் ப்ர॑த²॒மம் பு॒ரஸ்தா॒த்³விஸீ॑ம॒த꞉ ஸு॒ருசோ॑ வே॒ந ஆ॑வ꞉ ।
ஸ பு³॒த்⁴நியா॑ உப॒மா அ॑ஸ்ய வி॒ஷ்டா²꞉ ஸ॒தஶ்ச॒ யோநி॒மஸ॑தஶ்ச॒ விவ॑: ॥
த்³ருஷ்ட்யா நம꞉ ॥ 3

// ப்³ரஹ்ம, ஜஜ்ஞாநம், ப்ரத²மம், புரஸ்தாத், வி-ஸீமத꞉, ஸு-ருச꞉, வேந꞉, ஆவ꞉, ஸ꞉, பு³த்⁴நியா꞉, உப-மா꞉, அஸ்ய, வி-ஸ்தா²꞉, ஸத꞉, ச, யோநிம், அஸத꞉, ச, விவ꞉ //

(தை.ஸம்.4-2-9-38)
ம॒ஹீ த்³யௌ꞉ ப்ரு॑தி²॒வீ ச॑ ந இ॒மம் ய॒ஜ்ஞம் மி॑மிக்ஷதாம் ।
பி॒ப்ரு॒தாம் நோ॒ ப⁴ரீ॑மபி⁴꞉ ॥
மநஸா நம꞉ ॥ 4

// மஹீ, த்³யௌ꞉, ப்ருதி²வீ, ச, ந꞉, இமம், யஜ்ஞம், மிமிக்ஷதம், பிப்ருதாம், ந꞉, ப⁴ரீம-பி⁴꞉ //

(தை.ஸம்.4-6-6-32)
உப॑ ஶ்வாஸய ப்ருதி²॒வீமு॒த த்³யாம் பு॑ரு॒த்ரா தே॑ மநுதாம்॒ விஷ்டி²॑தம்॒ ஜக³॑த் ।
ஸ து³॑ந்து³பே⁴ ஸ॒ஜூரிந்த்³ரே॑ண தே³॒வைர்தூ³॒ராத்³த³வீ॑யோ॒ அப॑ஸேத⁴॒ ஶத்ரூந்॑ ॥
வசஸா நம꞉ ॥ 5

// உப, ஶ்வாஸய, ப்ருதி²வீம், உத, த்³யாம், புரு-த்ரா, தே, மநுதாம், வி-ஸ்தி²தம், ஜக³த், ஸ꞉, து³ந்து³பே⁴, ஸ-ஜூ꞉, இந்த்³ரேண, தே³வை꞉, தூ³ராத், த³வீய꞉, அப, ஸேத⁴, ஶத்ரூன் //

(தை.ஸம்.1-1-14-27)
அக்³நே॒ நய॑ ஸு॒பதா²॑ ரா॒யே அ॒ஸ்மான் விஶ்வா॑நி தே³வ வ॒யுநா॑நி வி॒த்³வான் ।
யு॒யோ॒த்⁴ய॑ஸ்மஜ்ஜு॑ஹுரா॒ணமேநோ॒ பூ⁴யி॑ஷ்டா²ம் தே॒ நம॑ உக்திம் விதே⁴ம ॥
பத்³ப்⁴யாம் நம꞉ ॥ 6

// அக்³நே, நய, ஸு-பதா², ரயே, அஸ்மான், விஶ்வாநி, தே³வ, வயுநாநி, வித்³வான், யுயோதி⁴, அஸ்மத், ஜுஹுராணம், ஏந꞉, பூ⁴யிஷ்டா²ம், தே, நம꞉-உக்திம், விதே⁴ம //

(தை.ஸம்.1-2-11-21)
யா தே॑ அக்³நே॒ ருத்³ரி॑யா த॒நூஸ்தயா॑ ந꞉ பாஹி॒ தஸ்யா᳚ஸ்தே॒ ஸ்வாஹா॒ யா தே॑ அக்³நே(அ)யாஶ॒யா ர॑ஜாஶ॒யா ஹ॑ராஶ॒யா த॒நூர்வர்ஷி॑ஷ்டா² க³ஹ்வரே॒ஷ்டோ²க்³ரம் வசோ॒ அபா॑வதீ⁴ம் த்வே॒ஷம் வசோ॒ அபா॑வதீ⁴॒க்³॒ ஸ்வாஹா᳚ ॥
கராப்⁴யாம் நம꞉ ॥ 7

// யா, தே, அக்³நே, ருத்³ரியா, தநூ꞉, தயா, ந꞉, பாஹி, தஸ்யா꞉, தே, ஸ்வாஹா, யா, தே, அக்³நே, அயா-ஶயா, ரஜா-ஶயா, ஹரா-ஶயா, தநூ꞉, வர்ஷிஷ்டா², க³ஹ்வரே-ஸ்தா², உக்³ரம், வச꞉, அப, அவதீ⁴ம், த்வேஷம், வச꞉, அப, அவதீ⁴ம், ஸ்வாஹா //

(தை.ஸம்.2-6-12-70)
இ॒மம் ய॑ம ப்ரஸ்த॒ரமா ஹி ஸீதா³ங்கி³॑ரோபி⁴꞉ பி॒த்ருபி⁴॑: ஸம்விதா³॒ந꞉ ।
ஆ த்வா॒ மந்த்ரா᳚: கவிஶ॒ஸ்தா வ॑ஹந்த்வே॒நா ரா॑ஜன் ஹ॒விஷா॑ மாத³யஸ்வ ॥
கர்ணாப்⁴யாம் நம꞉ ॥ 8

// இமம், யம, ப்ர-ஸ்தரம், ஏதி, ஹி, ஸீத³, அங்கி³ர꞉-பி⁴꞉, பித்ரு-பி⁴꞉, ஸம்-விதா³ந꞉, ஆ, த்வா, மந்த்ரா꞉, கவி-ஶஸ்தா꞉, வஹந்து, ஏநா, ராஜன், ஹவிஷா, மாத³யஸ்வ //

இதி ஸாஷ்டாங்க³ம் ப்ரணம்ய ।

உரஸா ஶிரஸா த்³ருஷ்ட்யா மநஸா வசஸா ததா² ।
பத்³ப்⁴யாம் கராப்⁴யாம் கர்ணாப்⁴யாம் ப்ரணாமோ(அ)ஷ்டாங்க³ உச்யதே ॥

---