Mahanyasam 16. Apratiratham – 16) அப்ரதிரத²ம்

(ய.வே.தை.ஸம்.4-6-4)

ஆ॒ஶு꞉ ஶிஶா॑நோ வ்ருஷ॒போ⁴ ந॑ யு॒த்⁴மோ க⁴॑நாக⁴॒ந꞉ க்ஷோப⁴॑ணஶ்சர்ஷணீ॒நாம் ।
ஸம்॒க்ரந்த³॑நோ(அ)நிமி॒ஷ ஏ॑கவீ॒ர꞉ ஶ॒தக்³ம் ஸேநா॑ அஜயத்²ஸா॒கமிந்த்³ர॑: ॥ 1

// ஆஶு꞉, ஶிஶாந꞉, வ்ருஷப⁴꞉, ந, யுத்⁴ம꞉, க⁴நாக⁴ந꞉, க்ஷோப⁴ண꞉, சர்ஷணீநாம், ஸம்-க்ரந்த³ந꞉, அநி-மிஷ꞉, ஏக-வீர꞉, ஶதம், ஸேநா꞉, அஜயத், ஸாகம், இந்த்³ர꞉ //

ஸம்॒க்ரந்த³॑நேநாநிமி॒ஷேண॑ ஜி॒ஷ்ணுநா॑ யுத்கா॒ரேண॑ து³ஶ்ச்ய॒வநேந॑ த்⁴ரு॒ஷ்ணுநா᳚ ।
ததி³ந்த்³ரே॑ண ஜயத॒ தத்²ஸ॑ஹத்⁴வம்॒ யுதோ⁴॑ நர॒ இஷு॑ஹஸ்தேந॒ வ்ருஷ்ணா᳚ ॥ 2

// ஸம்-க்ரந்த³நேந, அநி-மிஷேண, ஜிஷ்ணுநா, யுத்-காரேண, து³꞉-ச்யவநேந, த்⁴ருஷ்ணுநா, தத், இந்த்³ரேண, ஜயத, தத், ஸஹத்⁴வம், யுத⁴꞉, நர꞉, இஷு-ஹஸ்தேந, வ்ருஷ்ணா //

ஸ இஷு॑ஹஸ்தை॒: ஸ நி॑ஷ॒ங்கி³பி⁴॑ர்வ॒ஶீ ஸக்³க்³ஸ்ர॑ஷ்டா॒ ஸ யுத⁴॒ இந்த்³ரோ॑ க³॒ணேந॑ ।
ஸ॒க்³ம்॒ஸ்ரு॒ஷ்ட॒ஜித்²ஸோ॑ம॒பா பா³॑ஹுஶ॒ர்த்⁴யூ᳚ர்த்⁴வத⁴॑ந்வா॒ ப்ரதி॑ஹிதாபி⁴॒ரஸ்தா᳚ ॥ 3

// ஸ, இஷு-ஹஸ்தை꞉, ஸ꞉, நிஷங்கி³-பி⁴꞉, வஶீ, ஸம்-ஸ்ரஷ்டா, ஸ꞉, யுத⁴꞉, இந்த்³ர꞉, க³ணேந, ஸம்ஸ்ருஷ்ட-ஜித், ஸோம-பா꞉, பா³ஹு-ஶர்தீ⁴, ஊர்த்⁴வ-த⁴ந்வா, ப்ரதி-ஹிதாபி⁴꞉, அஸ்தா //

ப்³ருஹ॑ஸ்பதே॒ பரி॑தீ³யா॒ ரதே²॑ந ரக்ஷோ॒ஹா(அ)மித்ராக்³ம்॑ அப॒பா³த⁴॑மாந꞉ ।
ப்ர॒ப⁴॒ஞ்ஜந்த்²ஸேநா᳚: ப்ரம்ரு॒ணோ யு॒தா⁴ ஜய॑ந்ந॒ஸ்மாக॑மேத்⁴யவி॒தா ரதா²॑நாம் ॥ 4

// ப்³ருஹஸ்பதே, பரி, தீ³ய, ரதே²ந, ரக்ஷ꞉-ஹா, அமித்ரான், அப-பா³த⁴மாந꞉, ப்ர-ப⁴ஞ்ஜன், ஸேநா꞉, ப்ர-ம்ருண꞉, யுதா⁴, ஜயன், அஸ்மாகம், ஏதி⁴, அவிதா, ரதா²நாம் //

கோ³॒த்ர॒பி⁴த³ம்॑ கோ³॒வித³ம்॒ வஜ்ர॑பா³ஹும்॒ ஜய॑ந்த॒மஜ்ம॑ ப்ரம்ரு॒ணந்த॒மோஜ॑ஸா ।
இ॒மக்³ம் ஸ॑ஜாதா॒ அநு॑ வீரயத்⁴வ॒மிந்த்³ரக்³ம்॑ ஸகா²॒யோ(அ)நு॒ ஸக்³ம் ர॑ப⁴த்⁴வம் ॥ 5

// கோ³த்ர-பி⁴த³ம், கோ³-வித³ம், வஜ்ர-பா³ஹும், ஜயந்தம், அஜ்ம, ப்ர-ம்ருணந்தம், ஓஜஸா, இமம், ஸ-ஜாத꞉, அநு, வீரயத்⁴வம், இந்த்³ரம், ஸகா²ய꞉, அநு, ஸம், ரப⁴த்⁴வம் //

ப³॒ல॒வி॒ஜ்ஞா॒ய꞉ ஸ்த²வி॑ர॒: ப்ரவீ॑ர॒: ஸஹ॑ஸ்வான் வா॒ஜீ ஸஹ॑மாந உ॒க்³ர꞉ ।
அ॒பி⁴வீ॑ரோ அ॒பி⁴ஸ॑த்வா ஸஹோ॒ஜா ஜைத்ர॑மிந்த்³ர॒ ரத²॒மா தி॑ஷ்ட² கோ³॒வித் ॥ 6

// ப³ல-விஜ்ஞாய꞉, ஸ்த²விர꞉, ப்ர-வீர꞉, ஸஹஸ்வான், வாஜீ, ஸஹமாந꞉, உக்³ர꞉, அபி⁴-வீர꞉, அபி⁴-ஸத்வா, ஸஹ꞉-ஜா꞉, ஜைத்ரம், இந்த்³ர, ரத²ம், ஆ, திஷ்ட², கோ³-வித் //

அ॒பி⁴ கோ³॒த்ராணி॒ ஸஹ॑ஸா॒ கா³ஹ॑மாநோ(அ)தா³॒யோ வீ॒ர꞉ ஶ॒தம॑ந்யு॒ரிந்த்³ர॑: ।
து³॒ஶ்ச்ய॒வ॒ந꞉ ப்ரு॑தநா॒ஷாட³॑யு॒த்³த்⁴யோ᳚(அ)ஸ்மாக॒க்³ம்॒ ஸேநா॑ அவது॒ ப்ரயு॒த்²ஸு ॥ 7

// அபி⁴, கோ³த்ராணி, ஸஹஸா, கா³ஹமாந꞉, அதா³ய꞉, வீர꞉, ஶத-மந்யு꞉, இந்த்³ர꞉, து³꞉-ச்யவந꞉, ப்ருதநா ஷாட், அயுத்⁴ய꞉, அஸ்மாகம், ஸேநா꞉, அவது, ப்ர, யுத்-ஸு //

இந்த்³ர॑ ஆஸாம் நே॒தா ப்³ருஹ॒ஸ்பதி॒ர்த³க்ஷி॑ணா ய॒ஜ்ஞ꞉ பு॒ர ஏ॑து॒ ஸோம॑: ।
தே³॒வ॒ஸே॒நாநா॑மபி⁴ப⁴ஞ்ஜதீ॒நாம் ஜய॑ந்தீநாம் ம॒ருதோ॑ ய॒ந்த்வக்³ரே᳚ ॥ 8

// இந்த்³ர꞉, ஆஸாம், நேதா, ப்³ருஹஸ்பதி꞉, த³க்ஷிணா, யஜ்ஞ꞉, புர꞉, ஏது, ஸோம꞉, தே³வ-ஸேநாநாம், அபி⁴-ப⁴ஞ்ஜதீநாம், ஜயந்தீநாம், மருத꞉, யந்து, அக்³ரே //

இந்த்³ர॑ஸ்ய॒ வ்ருஷ்ணோ॒ வரு॑ணஸ்ய॒ ராஜ்ஞ॑ ஆதி³॒த்யாநாம்᳚ ம॒ருதா॒க்³ம்॒ ஶர்த⁴॑ உ॒க்³ரம் ।
ம॒ஹாம॑நஸாம் பு⁴வநச்ய॒வாநாம்॒ கோ⁴ஷோ॑ தே³॒வாநாம்॒ ஜய॑தா॒முத³॑ஸ்தா²த் ॥ 9

// இந்த்³ரஸ்ய, வ்ருஷ்ண꞉, வருணஸ்ய, ராஜ்ஞ꞉, ஆதி³த்யாநாம், மருதாம், ஶர்த⁴꞉, உக்³ரம், மஹா-மநஸாம், பு⁴வந-ச்யவாநாம், கோ⁴ஷ꞉, தே³வாநாம், ஜயதாம், உத், அஸ்தா²த் //

அ॒ஸ்மாக॒மிந்த்³ர॒: ஸம்ரு॑தேஷு த்⁴வ॒ஜேஷ்வ॒ஸ்மாகம்॒ யா இஷ॑வ॒ஸ்தா ஜ॑யந்து ।
அ॒ஸ்மாகம்॑ வீ॒ரா உத்த॑ரே ப⁴வந்த்வ॒ஸ்மான் உ॑ தே³வா அவதா॒ ஹவே॑ஷு ॥ 10

// அஸ்மாகம், இந்த்³ர꞉, ஸம்-ருதேஷு, த்⁴வஜேஷு, அஸ்மாகம், யா꞉, இஷவ꞉, தா꞉, ஜயந்து, அஸ்மாகம், வீரா꞉, உத்-தரே, ப⁴வந்து, அஸ்மான், உ, தே³வா꞉, அவத, ஹவேஷு //

உத்³த⁴॑ர்ஷய மக⁴வ॒ந்நாயு॑தா⁴॒ந்யுத்²ஸத்வ॑நாம் மாம॒காநாம்॒ மஹாக்³ம்॑ஸி ।
உத்³வ்ரு॑த்ரஹந்வா॒ஜிநாம்॒ வாஜி॑நா॒ந்யுத்³ரதா²॑நாம்॒ ஜய॑தாமேது॒ கோ⁴ஷ॑: ॥ 11

// உத், ஹர்ஷய, மக⁴-வன், ஆயுதா⁴நி, உத், ஸத்வநாம், மாமகாநாம், மஹாம்ஸி, உத், வ்ருத்ர-ஹன், வாஜிநாம், வாஜிநாநி, உத், ரதா²நாம், ஜயதாம், ஏது, கோ⁴ஷா꞉ //

உப॒ ப்ரேத॒ ஜய॑தா நர꞉ ஸ்தி²॒ரா வ॑: ஸந்து பா³॒ஹவ॑: ।
இந்த்³ரோ॑ வ॒: ஶர்ம॑ யச்ச²த்வநாத்⁴ரு॒ஷ்யா யதா²(அ)ஸ॑த² ॥ 12

// உப, ப்ர, இத, ஜயத, நர꞉, ஸ்தி²ரா꞉, வ꞉, ஸந்து, பா³ஹவ꞉, இந்த்³ர꞉, வ꞉, ஶர்ம, யச்ச²ந்து, அநா-த்⁴ருஷ்யா꞉, யதா², அஸத² //

அவ॑ஸ்ருஷ்டா॒ பரா॑ பத॒ ஶர॑வ்யே॒ ப்³ரஹ்ம॑ஸக்³ம்ஶிதா ।
க³ச்சா²॒மித்ரா॒ந்ப்ரவி॑ஶ॒ மைஷாம் கம் ச॒நோச்சி²॑ஷ꞉ ॥ 13

// அவ-ஸ்ருஷ்டா, பர, பத, ஶரவ்யே, ப்³ரஹ்ம-ஸம்ஶிதா, க³ச்ச², அமித்ரான், ப்ர, விஶ, மா, ஏஷாம், கம், சந, உத், ஶிஷ꞉ //

மர்மா॑ணி தே॒ வர்ம॑பி⁴ஶ்சா²த³யாமி॒ ஸோம॑ஸ்த்வா॒ ராஜா॒(அ)ம்ருதே॑நா॒பி⁴வ॑ஸ்தாம் ।
உ॒ரோர்வரீ॑யோ॒ வரி॑வஸ்தே அஸ்து॒ ஜய॑ந்தம்॒ த்வாமநு॑மத³ந்து தே³॒வா꞉ ॥ 14

// மர்மாணி, தே, வர்ம-பி⁴꞉, சா²த³யாமி, ஸோம꞉, த்வா, ராஜா, அம்ருதேந, அபி⁴, வஸ்தாம், உரோ꞉, வரீய꞉, வரிவ꞉, தே, அஸ்து, ஜயந்தம், த்வாம், அநு, மத³ந்து, தே³வா꞉ //

யத்ர॑ பா³॒ணா꞉ ஸ॒ம்பத॑ந்தி குமா॒ரா வி॑ஶி॒கா² இ॑வ ।
இந்த்³ரோ॑ ந॒ஸ்தத்ர॑ வ்ருத்ர॒ஹா வி॑ஶ்வா॒ஹா ஶர்ம॑ யச்ச²॒து ॥ 15

// யத்ர, பா³ணா꞉, ஸம்-பதந்தி, குமாரா꞉, வி-ஶிகா²꞉, இவ, இந்த்³ர꞉, ந꞉, தத்ர, வ்ருத்ர-ஹா, விஶ்வ-ஹா, ஶர்ம, யச்ச²து //

(* தே³॒வா॒ஸு॒ரா꞉ ஸம்யு॑த்தா ஆஸ॒ன் தே தே³॒வா ஏத॒த³ப்ர॑திரத²மபஶ்ய॒ன் தேந॒ வை தே᳚ ப்ர॒தி- *) அஸு॑ராநஜய॒ன் தத³ப்ர॑திரத²ஸ்யா ப்ரதிரத²॒த்வம் யத³ப்ர॑திரத²ம் த்³வி॒தீயோ॒ ஹோதா॒(அ)ந்வாஹா᳚ப்ர॒த்யே॑வ தேந॒ யஜ॑மாநோ॒ ப்⁴ராத்ரு॑வ்யாம் ஜய॒த்யதோ²॒ அந॑பி⁴ஜிதமே॒வாபி⁴ஜ॑யதி த³ஶ॒ர்சம் ப⁴॑வதி॒ த³ஶா᳚க்ஷரா வி॒ராட்³வி॒ராஜே॒மௌளோ॒கௌ வித்⁴ரு॑தா வந॒யோ᳚ர்லோ॒கயோ॒ர்வித்⁴ரு॑த்யா॒ அதோ²॒ த³ஶா᳚க்ஷரா வி॒ராட³ந்நம்॑ வி॒ராட்³வி॒ராஜ்யே॒வாந்நாத்³யே॒ ப்ரதி॑திஷ்ட²॒த்யஸ॑தி³வ॒ வா அ॒ந்தரி॑க்ஷம॒ந்தரி॑க்ஷமி॒வாக்³நீ᳚த்³த்⁴ர॒மாக்³நீ᳚த்³த்⁴ரே (* -ஶ்மா॑நம்॒ நித³॑தா⁴தி *) ॥

// (* தே³வ-அஸுரா꞉, ஸம்யுத், தா, ஆஸன், தே, தே³வா, ஏதத், அப்ரதிரத²ம், அபஶ்யன், தேந, வை, தே, ப்ரதி,*) அஸுரான், அஜயன், தத், அப்ரதிரத²ஸ்யா, ப்ரதி-ரத²த்வம், யத்-அப்ரதிரத²ம், த்³விதீயோ, ஹோதா, அந்வாஹாப்ரதி, ஏவ, தேந, யஜமாநோ, ப்⁴ராத்ருவ்யாம், ஜயதி, அதோ², அநபி⁴ஜிதம், ஏவ, அபி⁴ஜயதி, த³ஶர்சம், ப⁴வதி, த³ஶாக்ஷரா, விராட், விராஜ, இமௌ, லோகௌ, வித்⁴ருதா, வநயோ꞉, லோகயோ꞉, வித்⁴ருத்யா, அத²꞉, த³ஶாக்ஷரா, விராட், அந்நம், விராட், விராஜ்யேவான், ஆத்³யே, ப்ரதிதிஷ்ட²தி, அஸத், இவ, வா, அந்தரிக்ஷம், அந்தரிக்ஷம், இவ, அக்³நீத்⁴ரம், அக்³நீத்⁴ரேஶ்மாநம், நி-த³தா⁴தி //

ஓம் நமோ ப⁴க³வதே॑ ருத்³ரா॒ய । ஆஶு꞉ ஶிஶாநோ(அ)ப்ரதிரத²ம் கவசாய ஹும் ॥

Did you see any mistake/variation in the content above? Click here to report mistakes and corrections in Stotranidhi content.