Kishkindha Kanda Sarga 64 – கிஷ்கிந்தா⁴காண்ட³ சது꞉ஷஷ்டிதம꞉ ஸர்க³꞉ (64)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ சது꞉ஷஷ்டிதம꞉ ஸர்க³꞉ (64)

॥ ஸமுத்³ரளங்க⁴நமந்த்ரணம் ॥

ஆக்²யாதா க்³ருத்⁴ரராஜேந ஸமுத்பத்ய ப்லவங்க³மா꞉ ।
ஸங்க³ம்ய ப்ரீதிஸம்யுக்தா விநேது³꞉ ஸிம்ஹவிக்ரமா꞉ ॥ 1 ॥

ஸம்பாதேர்வசநம் ஶ்ருத்வா ஹரயோ ராவணக்ஷயம் ।
ஹ்ருஷ்டா꞉ ஸாக³ரமாஜக்³மு꞉ ஸீதாத³ர்ஶநகாங்க்ஷிண꞉ ॥ 2 ॥

அபி⁴க்ரம்ய து தம் தே³ஶம் த³த்³ருஶுர்பீ⁴மவிக்ரமா꞉ ।
க்ருத்ஸ்நம் லோகஸ்ய மஹத꞉ ப்ரதிபி³ம்ப³மிவ ஸ்தி²தம் ॥ 3 ॥

த³க்ஷிணஸ்ய ஸமுத்³ரஸ்ய ஸமாஸாத்³யோத்தராம் தி³ஶம் ।
ஸந்நிவேஶம் ததஶ்சக்ரு꞉ ஸஹிதா வாநரோத்தமா꞉ ॥ 4 ॥

ஸத்த்வைர்மஹத்³பி⁴ர்விக்ருதை꞉ க்ரீட³த்³பி⁴ர்விவிதை⁴ர்ஜலே ।
வ்யாத்தாஸ்யை꞉ ஸுமஹாகாயைரூர்மிபி⁴ஶ்ச ஸமாகுலம் ॥ 5 ॥

ப்ரஸுப்தமிவ சாந்யத்ர க்ரீட³ந்தமிவ சாந்யத꞉ ।
க்வசித்பர்வதமாத்ரைஶ்ச ஜலராஶிபி⁴ராவ்ருதம் ॥ 6 ॥

ஸங்குலம் தா³நவேந்த்³ரைஶ்ச பாதாலதலவாஸிபி⁴꞉ ।
ரோமஹர்ஷகரம் த்³ருஷ்ட்வா விஷேது³꞉ கபிகுஞ்ஜரா꞉ ॥ 7 ॥

ஆகாஶமிவ து³ஷ்பாரம் ஸாக³ரம் ப்ரேக்ஷ்ய வாநரா꞉ ।
விஷேது³꞉ ஸஹஸா ஸர்வே கத²ம் கார்யமிதி ப்³ருவந் ॥ 8 ॥

விஷண்ணாம் வாஹிநீம் த்³ருஷ்ட்வா ஸாக³ரஸ்ய நிரீக்ஷணாத் ।
ஆஶ்வாஸயாமாஸ ஹரீந் ப⁴யார்தாந் ஹரிஸத்தம꞉ ॥ 9 ॥

தாந் விஷாதே³ந மஹதா விஷண்ணாந் வாநரர்ஷபா⁴ந் ।
உவாச மதிமாந் காலே வாலிஸூநுர்மஹாப³ல꞉ ॥ 10 ॥

ந விஷாதே³ மந꞉ கார்யம் விஷாதோ³ தோ³ஷவத்தம꞉ ।
விஷாதோ³ ஹந்தி புருஷம் பா³லம் க்ருத்³த⁴ இவரோக³꞉ ॥ 11 ॥

விஷாதோ³(அ)யம் ப்ரஸஹதே விக்ரமே பர்யுபஸ்தி²தே ।
தேஜஸா தஸ்ய ஹீநஸ்ய புருஷார்தோ² ந ஸித்⁴யதி ॥ 12 ॥

தஸ்யாம் ராத்ர்யாம் வ்யதீதாயாமங்க³தோ³ வாநரை꞉ ஸஹ ।
ஹரிவ்ருத்³தை⁴꞉ ஸமாக³ம்ய புநர்மந்த்ரமமந்த்ரயத் ॥ 13 ॥

ஸா வாநராணாம் த்⁴வஜிநீ பரிவார்யாங்க³த³ம் ப³பௌ⁴ ।
வாஸவம் பரிவார்யேவ மருதாம் வாஹிநீ ஸ்தி²தா ॥ 14 ॥

கோ(அ)ந்யஸ்தாம் வாநரீம் ஸேநாம் ஶக்த꞉ ஸ்தம்ப⁴யிதும் ப⁴வேத் ।
அந்யத்ர வாலிதநயாத³ந்யத்ர ச ஹநூமத꞉ ॥ 15 ॥

ததஸ்தாந் ஹரிவ்ருத்³தா⁴ம்ஶ்ச தச்ச ஸைந்யமரிந்த³ம꞉ ।
அநுமாந்யாங்க³த³꞉ ஶ்ரீமாந் வாக்யமர்த²வத³வப்³ரவீத் ॥ 16 ॥

க இதா³நீம் மஹாதேஜா லங்க⁴யிஷ்யதி ஸாக³ரம் ।
க꞉ கரிஷ்யதி ஸுக்³ரீவம் ஸத்யஸந்த⁴மரிந்த³மம் ॥ 17 ॥

கோ வீரோ யோஜநஶதம் லங்க⁴யேச்ச ப்லவங்க³மா꞉ ।
இமாம்ஶ்ச யூத²பாந் ஸர்வாந் மோக்ஷயேத்கோ மஹாப⁴யாத் ॥ 18 ॥

கஸ்ய ப்ரபா⁴வாத்³தா³ராம்ஶ்ச புத்ராம்ஶ்சைவ க்³ருஹாணி ச ।
இதோ நிவ்ருத்தா꞉ பஶ்யேம ஸித்³தா⁴ர்தா²꞉ ஸுகி²நோ வயம் ॥ 19 ॥

கஸ்ய ப்ரஸாதா³த்³ராமம் ச லக்ஷ்மணம் ச மஹாப³லம் ।
அபி⁴க³ச்சே²ம ஸம்ஹ்ருஷ்டா꞉ ஸுக்³ரீவம் ச மஹாப³லம் ॥ 20 ॥

யதி³ கஶ்சித்ஸமர்தோ² வ꞉ ஸாக³ரப்லவநே ஹரி꞉ ।
ஸ த³தா³த்விஹ ந꞉ ஶீக்⁴ரம் புண்யாமப⁴யத³க்ஷிணாம் ॥ 21 ॥

அங்க³த³ஸ்ய வச꞉ ஶ்ருத்வா ந கஶ்சித் கிஞ்சித³ப்³ரவீத் ।
ஸ்திமிதேவாப⁴வத்ஸர்வா தத்ர ஸா ஹரிவாஹிநீ ॥ 22 ॥

புநரேவாங்க³த³꞉ ப்ராஹ தாந் ஹரீந் ஹரிஸத்தம꞉ ।
ஸர்வே ப³லவதாம் ஶ்ரேஷ்டா² ப⁴வந்தோ த்³ருட⁴விக்ரமா꞉ ॥ 23 ॥

வ்யபதே³ஶ்யகுலே ஜாதா꞉ பூஜிதாஶ்சாப்யபீ⁴க்ஷ்ணஶ꞉ ।
ந ஹி வோ க³மநே ஸங்க³꞉ கதா³சித்கஸ்யசித்க்வசித் ।
ப்³ருவத்⁴வம் யஸ்ய யா ஶக்தி꞉ ப்லவநே ப்லவக³ர்ஷபா⁴꞉ ॥ 24 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ சது꞉ஷஷ்டிதம꞉ ஸர்க³꞉ ॥ 64 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.