Kishkindha Kanda Sarga 61 – கிஷ்கிந்தா⁴காண்ட³ ஏகஷஷ்டிதம꞉ ஸர்க³꞉ (61)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஏகஷஷ்டிதம꞉ ஸர்க³꞉ (61)

॥ ஸூர்யாநுக³மநாக்²யாநம் ॥

ததஸ்தத்³தா³ருணம் கர்ம து³ஷ்கரம் ஸாஹஸாத்க்ருதம் ।
ஆசசக்ஷே முநே꞉ ஸர்வம் ஸூர்யாநுக³மநம் ததா³ ॥ 1 ॥

ப⁴க³வந் வ்ரணயுக்தத்வால்லஜ்ஜயா வ்யகுலோந்த்³ரிய꞉ ।
பரிஶ்ராந்தோ ந ஶக்நோமி வசநம் ப்ரதிபா⁴ஷிதும் ॥ 2 ॥

அஹம் சைவ ஜடாயுஶ்ச ஸங்க⁴ர்ஷாத்³த³ர்பமோஹிதௌ ।
ஆகாஶம் பதிதௌ வீரௌ ஜிஜ்ஞாஸந்தௌ பராக்ரமம் ॥ 3 ॥

கைலாஸஶிக²ரே ப³த்³த்⁴வா முநீநாமக்³ரத꞉ பணம் ।
ரவி꞉ ஸ்யாத³நுயாதவ்யோ யாவத³ஸ்தம் மஹாகி³ரிம் ॥ 4 ॥

அதா²வாம் யுக³பத்ப்ராப்தாவபஶ்யாவ மஹீதலே ।
ரத²சக்ரப்ரமாணாநி நக³ராணி ப்ருத²க் ப்ருத²க் ॥ 5 ॥

க்வசித்³வாதி³த்ரகோ⁴ஷாம்ஶ்ச ப்³ரஹ்மகோ⁴ஷாம்ஶ்ச ஶுஶ்ருவ꞉ ।
கா³யந்தீஶ்சாங்க³நா ப³ஹ்வீ꞉ பஶ்யாவோ ரக்தவாஸஸ꞉ ॥ 6 ॥

தூர்ணமுத்பத்ய சாகாஶமாதி³த்யபத²மாஶ்ரிதௌ ।
ஆவாமாலோகயாவஸ்தத்³வநம் ஶாத்³வலஸந்நிப⁴ம் ॥ 7 ॥

உபலைரிவ ஸஞ்ச²ந்நா த்³ருஶ்யதே பூ⁴꞉ ஶிலோச்சயை꞉ ।
ஆபகா³பி⁴ஶ்ச ஸம்வீதா ஸூத்ரைரிவ வஸுந்த⁴ரா ॥ 8 ॥

ஹிமவாம்ஶ்சைவ விந்த்⁴யஶ்ச மேருஶ்ச ஸுமஹாந்நக³꞉ ।
பூ⁴தலே ஸம்ப்ரகாஶந்தே நாகா³ இவ ஜலாஶயே ॥ 9 ॥

தீவ்ர꞉ ஸ்வேத³ஶ்ச கே²த³ஶ்ச ப⁴யம் சாஸீத்ததா³வயோ꞉ ।
ஸமாவிஶதி மோஹஶ்ச தமோ மூர்சா² ச தா³ருணா ॥ 10 ॥

ந தி³க்³விஜ்ஞாயதே யாம்யா நாக்³நேயா ந ச வாருணீ ।
யுகா³ந்தே நியதோ லோகோ ஹதோ த³க்³த⁴ இவாக்³நிநா ॥ 11 ॥

மநஶ்ச மே ஹதம் பூ⁴ய꞉ ஸந்நிவர்த்ய து ஸம்ஶ்ரயம் ।
யத்நேந மஹதா ஹ்யஸ்மிந் புந꞉ ஸந்தா⁴ய சக்ஷுஷி ॥ 12 ॥

யத்நேந மஹதா பூ⁴யோ ரவி꞉ ஸமவலோகித꞉ ।
துல்ய꞉ ப்ருத்²வீப்ரமாணேந பா⁴ஸ்கர꞉ ப்ரதிபா⁴தி நௌ ॥ 13 ॥

ஜடாயுர்மாமநாப்ருச்ச்²ய நிபபாத மஹீம் தத꞉ ।
தம் த்³ருஷ்ட்வா தூர்ணமாகாஶாதா³த்மாநம் முக்தவாநஹம் ॥ 14 ॥

பக்ஷாப்⁴யாம் ச மயா கு³ப்தோ ஜடாயுர்ந ப்ரத³ஹ்யதே ।
ப்ரமாதா³த்தத்ர நிர்த³க்³த⁴꞉ பதந் வாயுபதா²த³ஹம் ॥ 15 ॥

ஆஶங்கே தம் நிபதிதம் ஜநஸ்தா²நே ஜடாயுஷம் ।
அஹம் து பதிதோ விந்த்⁴யே த³க்³த⁴பக்ஷோ ஜடீ³க்ருத꞉ ॥ 16 ॥

ராஜ்யேந ஹீநோ ப்⁴ராத்ரா ச பக்ஷாப்⁴யாம் விக்ரமேண ச ।
ஸர்வதா² மர்துமேவேச்ச²ந் பதிஷ்யே ஶிக²ராத்³கி³ரே꞉ ॥ 17 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஏகஷஷ்டிதம꞉ ஸர்க³꞉ ॥ 61 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.