Kishkindha Kanda Sarga 33 – கிஷ்கிந்தா⁴காண்ட³ த்ரயஸ்த்ரிம்ஶ꞉ ஸர்க³꞉ (33)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ த்ரயஸ்த்ரிம்ஶ꞉ ஸர்க³꞉ (33)

॥ தாராஸாந்த்வவசநம் ॥

அத² ப்ரதிஸமாதி³ஷ்டோ லக்ஷ்மண꞉ பரவீரஹா ।
ப்ரவிவேஶ கு³ஹாம் ரம்யாம் கிஷ்கிந்தா⁴ம் ராமஶாஸநாத் ॥ 1 ॥

த்³வாரஸ்தா² ஹரயஸ்தத்ர மஹாகாயா மஹாப³லா꞉ ।
ப³பூ⁴வுர்லக்ஷ்மணம் த்³ருஷ்ட்வா ஸர்வே ப்ராஞ்ஜலய꞉ ஸ்தி²தா꞉ ॥ 2 ॥

நி꞉ஶ்வஸந்தம் து தம் த்³ருஷ்ட்வா க்ருத்³த⁴ம் த³ஶரதா²த்மஜம் ।
ப³பூ⁴வுர்ஹரயஸ்த்ரஸ்தா ந சைநம் பர்யவாரயந் ॥ 3 ॥

ஸ தாம் ரத்நமயீம் ஶ்ரீமாந் தி³வ்யாம் புஷ்பிதகாநநாம் ।
ரம்யாம் ரத்நஸமாகீர்ணாம் த³த³ர்ஶ மஹதீம் கு³ஹாம் ॥ 4 ॥

ஹர்ம்யப்ராஸாத³ஸம்பா³தா⁴ம் நாநாபண்யோபஶோபி⁴தாம் ।
ஸர்வகாமப²லைர்வ்ருக்ஷை꞉ புஷ்பிதைருபஶோபி⁴தாம் ॥ 5 ॥

தே³வக³ந்த⁴ர்வபுத்ரைஶ்ச வாநரை꞉ காமரூபிபி⁴꞉ ।
தி³வ்யமால்யாம்ப³ரத⁴ரை꞉ ஶோபி⁴தாம் ப்ரியத³ர்ஶநை꞉ ॥ 6 ॥

சந்த³நாக³ருபத்³மாநாம் க³ந்தை⁴꞉ ஸுரபி⁴க³ந்தி⁴நாம் ।
மைரேயாணாம் மதூ⁴நாம் ச ஸம்மோதி³தமஹாபதா²ம் ॥ 7 ॥

விந்த்⁴யமேருகி³ரிப்ரக்²யை꞉ ப்ராஸாதை³ருபஶோபி⁴தாம் ।
த³த³ர்ஶ கி³ரிநத்³யஶ்ச விமலாஸ்தத்ர ராக⁴வ꞉ ॥ 8 ॥

அங்க³த³ஸ்ய க்³ருஹம் ரம்யம் மைந்த³ஸ்ய த்³விவித³ஸ்ய ச ।
க³வயஸ்ய க³வாக்ஷஸ்ய க³ஜஸ்ய ஶரப⁴ஸ்ய ச ॥ 9 ॥

வித்³யுந்மாலேஶ்ச ஸம்பாதே꞉ ஸூர்யாக்ஷஸ்ய ஹநூமத꞉ ।
வீரபா³ஹோ꞉ ஸுபா³ஹோஶ்ச ளஸ்ய ச மஹாத்மந꞉ ॥ 10 ॥

குமுத³ஸ்ய ஸுஷேணஸ்ய தாரஜாம்ப³வதோஸ்ததா² ।
த³தி⁴வக்த்ரஸ்ய நீலஸ்ய ஸுபாடலஸுநேத்ரயோ꞉ ॥ 11 ॥

ஏதேஷாம் கபிமுக்²யாநாம் ராஜமார்கே³ மஹாத்மநாம் ।
த³த³ர்ஶ க்³ருஹமுக்²யாநி மஹாஸாராணி லக்ஷ்மண꞉ ॥ 12 ॥

பாண்டு³ராப்⁴ரப்ரகாஶாநி தி³வ்யமால்யயுதாநி ச ।
ப்ரபூ⁴தத⁴நாதா⁴ந்யாநி ஸ்த்ரீரத்நை꞉ ஶோபி⁴தாநி ச ॥ 13 ॥

பாண்டு³ரேண து ஸாலேந பரிக்ஷிப்தம் து³ராஸத³ம் ।
வாநரேந்த்³ரக்³ருஹம் ரம்யம் மஹேந்த்³ரஸத³நோபமம் ॥ 14 ॥

ஶுக்லை꞉ ப்ராஸாத³ஶிக²ரை꞉ கைலாஸஶிக²ரோபமை꞉ ।
ஸர்வகாமப²லைர்வ்ருக்ஷை꞉ புஷ்பிதைருபஶோபி⁴தம் ॥ 15 ॥

மஹேந்த்³ரத³த்தை꞉ ஶ்ரீமத்³பி⁴ர்நீலஜீமூதஸந்நிபை⁴꞉ ।
தி³வ்யபுஷ்பப²லைர்வ்ருக்ஷை꞉ ஶீதச்சா²யைர்மநோஹரை꞉ ॥ 16 ॥

ஹரிபி⁴꞉ ஸம்வ்ருதத்³வாரம் ப³லிபி⁴꞉ ஶஸ்த்ரபாணிபி⁴꞉ ।
தி³வ்யமால்யாவ்ருதம் ஶுப்⁴ரம் தப்தகாஞ்சநதோரணம் ॥ 17 ॥

ஸுக்³ரீவஸ்ய க்³ருஹம் ரம்யம் ப்ரவிவேஶ மஹாப³ல꞉ ।
அவார்யமாண꞉ ஸௌமித்ரிர்மஹாப்⁴ரமிவ பா⁴ஸ்கர꞉ ॥ 18 ॥

ஸ ஸப்த கக்ஷ்யா த⁴ர்மாத்மா நாநாஜநஸமாகுலா꞉ ।
ப்ரவிஶ்ய ஸுமஹத்³கு³ப்தம் த³த³ர்ஶாந்த꞉புரம் மஹத் ॥ 19 ॥

ஹைமராஜதபர்யங்கைர்ப³ஹுபி⁴ஶ்ச வராஸநை꞉ ।
மஹார்ஹாஸ்தரணோபேதைஸ்தத்ர தத்ரோபஶோபி⁴தம் ॥ 20 ॥

ப்ரவிஶந்நேவ ஸததம் ஶுஶ்ராவ மது⁴ரஸ்வரம் ।
தந்த்ரீகீ³தஸமாகீர்ணம் ஸமகீ³தபதா³க்ஷரம் ॥ 21 ॥

ப³ஹ்வீஶ்ச விவிதா⁴காரா ரூபயௌவநக³ர்விதா꞉ ।
ஸ்த்ரிய꞉ ஸுக்³ரீவப⁴வநே த³த³ர்ஶ ஸ மஹாப³ல꞉ ॥ 22 ॥

த்³ருஷ்ட்வா(அ)பி⁴ஜநஸம்பந்நாஶ்சித்ரமால்யக்ருதஸ்ரஜ꞉ ।
ப²லமால்யக்ருதவ்யக்³ரா பூ⁴ஷணோத்தமபூ⁴ஷிதா꞉ ॥ 23 ॥

நாத்ருப்தாந்நாபி சாவ்யக்³ராந்நாநுதா³த்தபரிச்ச²தா³ந் ।
ஸுக்³ரீவாநுசராம்ஶ்சாபி லக்ஷயாமாஸ லக்ஷ்மண꞉ ॥ 24 ॥

கூஜிதம் நூபுராணாம் ச காஞ்சீநாம் நிநத³ம் ததா² ।
ஸந்நிஶம்ய தத꞉ ஶ்ரீமாந் ஸௌமித்ரிர்லஜ்ஜிதோ(அ)ப⁴வத் ॥ 25 ॥

ரோஷவேக³ப்ரகுபித꞉ ஶ்ருத்வா சாப⁴ரணஸ்வநம் ।
சகார ஜ்யாஸ்வநம் வீரோ தி³ஶ꞉ ஶப்³தே³ந பூரயந் ॥ 26 ॥

சாரித்ரேண மஹாபா³ஹுரபக்ருஷ்ட꞉ ஸ லக்ஷ்மண꞉ ।
தஸ்தா²வேகாந்தமாஶ்ரித்ய ராமஶோகஸமந்வித꞉ ॥ 27 ॥

தேந சாபஸ்வநேநாத² ஸுக்³ரீவ꞉ ப்லவகா³தி⁴ப꞉ ।
விஜ்ஞாயா(ஆ)க³மநம் த்ரஸ்த꞉ ஸஞ்சசால வராஸநாத் ॥ 28 ॥

அங்க³தே³ந யதா² மஹ்யம் புரஸ்தாத்ப்ரதிவேதி³தம் ।
ஸுவ்யக்தமேஷ ஸம்ப்ராப்த꞉ ஸௌமித்ரிர்ப்⁴ராத்ருவத்ஸல꞉ ॥ 29 ॥

அங்க³தே³ந ஸமாக்²யாதம் ஜ்யாஸ்வநேந ச வாநர꞉ ।
பு³பு³தே⁴ லக்ஷ்மணம் ப்ராப்தம் முக²ம் சாஸ்ய வ்யஶுஷ்யத ॥ 30 ॥

ததஸ்தாராம் ஹரிஶ்ரேஷ்ட²꞉ ஸுக்³ரீவ꞉ ப்ரியத³ர்ஶநாம் ।
உவாச ஹிதமவ்யக்³ரஸ்த்ராஸஸம்ப்⁴ராந்தமாநஸ꞉ ॥ 31 ॥

கிந்நு தத்காரணம் ஸுப்⁴ரு ப்ரக்ருத்யா ம்ருது³மாநஸ꞉ ।
ஸரோஷ இவ ஸம்ப்ராப்தோ யேநாயம் ராக⁴வாநுஜ꞉ ॥ 32 ॥

கிம் பஶ்யஸி குமாரஸ்ய ரோஷஸ்தா²நமநிந்தி³தே ।
ந க²ல்வகாரணே கோபமாஹரேந்நரஸத்தம꞉ ॥ 33 ॥

யத³ஸ்ய க்ருதமஸ்மாபி⁴ர்பு³த்⁴யஸே கிஞ்சித³ப்ரியம் ।
தத்³பு³த்³த்⁴யா ஸம்ப்ரதா⁴ர்யாஶு க்ஷிப்ரமர்ஹஸி பா⁴ஷிதும் ॥ 34 ॥

அத²வா ஸ்வயமேவைநம் த்³ரஷ்டுமர்ஹஸி பா⁴மிநி ।
வசநை꞉ ஸாந்த்வயுக்தைஶ்ச ப்ரஸாத³யிதுமர்ஹஸி ॥ 35 ॥

த்வத்³த³ர்ஶநவிஶுத்³தா⁴த்மா ந ஸ கோபம் கரிஷ்யதி ।
ந ஹி ஸ்த்ரீஷு மஹாத்மாந꞉ க்வசித்குர்வந்தி தா³ருணம் ॥ 36 ॥

த்வயா ஸாந்த்வைருபக்ராந்தம் ப்ரஸந்நேந்த்³ரியமாநஸம் ।
தத꞉ கமலபத்ராக்ஷம் த்³ரக்ஷ்யாம்யஹமரிந்த³மம் ॥ 37 ॥

ஸா ப்ரஸ்க²லந்தீ மத³விஹ்வலாக்ஷீ
ப்ரளம்ப³காஞ்சீகு³ணஹேமஸூத்ரா ।
ஸுலக்ஷணா லக்ஷ்மணஸந்நிதா⁴நம்
ஜகா³ம தாரா நமிதாங்க³யஷ்டி꞉ ॥ 38 ॥

ஸ தாம் ஸமீக்ஷ்யைவ ஹரீஶபத்நீம்
தஸ்தா²வுதா³ஸீநதயா மஹாத்மா ।
அவாங்முகோ²(அ)பூ⁴ந்மநுஜேந்த்³ரபுத்ர꞉
ஸ்த்ரீஸந்நிகர்ஷாத்³விநிவ்ருத்தகோப꞉ ॥ 39 ॥

ஸா பாநயோகா³த்³விநிவ்ருத்தலஜ்ஜா
த்³ருஷ்டிப்ரஸாதா³ச்ச நரேந்த்³ரஸூநோ꞉ ।
உவாச தாரா ப்ரணயப்ரக³ள்ப⁴ம்
வாக்யம் மஹார்த²ம் பரிஸாந்த்வபூர்வம் ॥ 40 ॥

கிம் கோபமூலம் மநுஜேந்த்³ரபுத்ர
கஸ்தே ந ஸந்திஷ்ட²தி வாங்நிதே³ஶே ।
க꞉ ஶுஷ்கவ்ருக்ஷம் வநமாபதந்தம்
த³வாக்³நிமாஸீத³தி நிர்விஶங்க꞉ ॥ 41 ॥

ஸ தஸ்யா வசநம் ஶ்ருத்வா ஸாந்த்வபூர்வமஶங்கிதம் ।
பூ⁴ய꞉ ப்ரணயத்³ருஷ்டார்த²ம் லக்ஷ்மணோ வாக்யமப்³ரவீத் ॥ 42 ॥

கிமயம் காமவ்ருத்தஸ்தே லுப்தத⁴ர்மார்த²ஸங்க்³ரஹ꞉ ।
ப⁴ர்தா ப⁴ர்த்ருஹிதே யுக்தே ந சைநமவபு³த்⁴யஸே ॥ 43 ॥

ந சிந்தயதி ராஜ்யார்த²ம் நாஸ்மாந் ஶோகபராயணாந் ।
ஸாமாத்யபரிஷத்தாரே பாநமேவோபஸேவதே ॥ 44 ॥

ஸ மாஸாம்ஶ்சதுர꞉ க்ருத்வா ப்ரமாணம் ப்லவகே³ஶ்வர꞉ ।
வ்யதீதாம்ஸ்தாந்மத³வ்யக்³ரோ விஹரந்நாவபு³த்⁴யதே ॥ 45 ॥

ந ஹி த⁴ர்மார்த²ஸித்³த்⁴யர்த²ம் பாநமேவம் ப்ரஶஸ்யதே ।
பாநாத³ர்த²ஶ்ச த⁴ர்மஶ்ச காமஶ்ச பரிஹீயதே ॥ 46 ॥

த⁴ர்மலோபோ மஹாம்ஸ்தாவத்க்ருதே ஹ்யப்ரதிகுர்வத꞉ ।
அர்த²லோபஶ்ச மித்ரஸ்ய நாஶே கு³ணவதோ மஹாந் ॥ 47 ॥

மித்ரம் ஹ்யர்த²கு³ணஶ்ரேஷ்ட²ம் ஸத்யத⁴ர்மபராயணம் ।
தத்³த்³வயம் து பரித்யக்தம் ந து த⁴ர்மே வ்யவஸ்தி²தம் ॥ 48 ॥

ததே³வம் ப்ரஸ்துதே கார்யே கார்யமஸ்மாபி⁴ருத்தரம் ।
யத்கார்யம் கார்யதத்த்வஜ்ஞே தது³தா³ஹர்துமர்ஹஸி ॥ 49 ॥

ஸா தஸ்ய த⁴ர்மார்த²ஸமாதி⁴யுக்தம்
நிஶம்ய வாக்யம் மது⁴ரஸ்வபா⁴வம் ।
தாரா க³தார்தே² மநுஜேந்த்³ரகார்யே
விஶ்வாஸயுக்தம் தமுவாச பூ⁴ய꞉ ॥ 50 ॥

ந கோபகால꞉ க்ஷிதிபாலபுத்ர
ந சாதிகோப꞉ ஸ்வஜநே விதே⁴ய꞉ ।
த்வத³ர்த²காமஸ்ய ஜநஸ்ய தஸ்ய
ப்ரமாத³மப்யர்ஹஸி வீர ஸோடு⁴ம் ॥ 51 ॥

கோபம் கத²ம் நாம கு³ணப்ரக்ருஷ்ட꞉
குமார குர்யாத³பக்ருஷ்டஸத்த்வே ।
கஸ்த்வத்³வித⁴꞉ கோபவஶம் ஹி க³ச்சே²-
-த்ஸத்த்வாவருத்³த⁴ஸ்தபஸ꞉ ப்ரஸூதி꞉ ॥ 52 ॥

ஜாநாமி ரோஷம் ஹரிவீரப³ந்தோ⁴-
-ர்ஜாநாமி கார்யஸ்ய ச காலஸங்க³ம் ।
ஜாநாமி கார்யம் த்வயி யத்க்ருதம் ந-
-ஸ்தச்சாபி ஜாநாமி யத³த்ர கார்யம் ॥ 53 ॥

தச்சாபி ஜாநாமி யதா²(அ)விஷஹ்யம்
ப³லம் நரஶ்ரேஷ்ட² ஶரீரஜஸ்ய ।
ஜாநாமி யஸ்மிம்ஶ்ச ஜநே(அ)வப³த்³த⁴ம்
காமேந ஸுக்³ரீவமஸக்தமத்³ய ॥ 54 ॥

ந காமதந்த்ரே தவ பு³த்³தி⁴ரஸ்தி
த்வம் வை யதா² மந்யுவஶம் ப்ரபந்ந꞉ ।
ந தே³ஶகாலௌ ஹி ந சார்த²த⁴ர்மா-
-வபேக்ஷதே காமரதிர்மநுஷ்ய꞉ ॥ 55 ॥

தம் காமவ்ருத்தம் மம ஸந்நிக்ருஷ்டம்
காமாபி⁴யோகா³ச்ச நிவ்ருத்தலஜ்ஜம் ।
க்ஷமஸ்வ தாவத்பரவீரஹந்த-
-ஸ்த்வத்³ப்⁴ராதரம் வாநரவம்ஶநாத²ம் ॥ 56 ॥

மஹர்ஷயோ த⁴ர்மதபோபி⁴காமா꞉
காமாநுகாமா꞉ ப்ரதிப³த்³த⁴மோஹா꞉ ।
அயம் ப்ரக்ருத்யா சபல꞉ கபிஸ்து
கத²ம் ந ஸஜ்ஜேத ஸுகே²ஷு ராஜா ॥ 57 ॥

இத்யேவமுக்த்வா வசநம் மஹார்த²ம்
ஸா வாநரீ லக்ஷ்மணமப்ரமேயம் ।
புந꞉ ஸகே²லம் மத³விஹ்வலம் ச
ப⁴ர்துர்ஹிதம் வாக்யமித³ம் ப³பா⁴ஷே ॥ 58 ॥

உத்³யோக³ஸ்து சிராஜ்ஞப்த꞉ ஸுக்³ரவேண நரோத்தம ।
காமஸ்யாபி விதே⁴யேந தவார்த²ப்ரதிஸாத⁴நே ॥ 59 ॥

ஆக³தா ஹி மஹாவீர்யா ஹரய꞉ காமரூபிண꞉ ।
கோடீஶதஸஹஸ்ராணி நாநாநக³நிவாஸிந꞉ ॥ 60 ॥

ததா³க³ச்ச² மஹாபா³ஹோ சாரித்ரம் ரக்ஷிதம் த்வயா ।
அச்ச²லம் மித்ரபா⁴வேந ஸதாம் தா³ராவளோகநம் ॥ 61 ॥

தாரயா சாப்⁴யநுஜ்ஞாதஸ்த்வரயா சாபி சோதி³த꞉ ।
ப்ரவிவேஶ மஹாபா³ஹுரப்⁴யந்தரமரிந்த³ம꞉ ॥ 62 ॥

தத꞉ ஸுக்³ரவமாஸீநம் காஞ்சநே பரமாஸநே ।
மஹார்ஹாஸ்தரணோபேதே த³த³ர்ஶாதி³த்யஸந்நிப⁴ம் ॥ 63 ॥

தி³வ்யாப⁴ரணசித்ராங்க³ம் தி³வ்யரூபம் யஶஸ்விநம் ।
தி³வ்யமால்யாம்ப³ரத⁴ரம் மஹேந்த்³ரமிவ து³ர்ஜயம் ॥ 64 ॥

தி³வ்யாப⁴ரணமால்யாபி⁴꞉ ப்ரமதா³பி⁴꞉ ஸமாவ்ருதம் ।
ஸம்ரப்³த⁴தரரக்தாக்ஷோ ப³பூ⁴வாந்தகஸந்நிப⁴꞉ ॥ 65 ॥

ருமாம் து வீர꞉ பரிரப்⁴ய கா³ட⁴ம்
வராஸநஸ்தோ² வரஹேமவர்ண꞉ ।
த³த³ர்ஶ ஸௌமித்ரிமதீ³நஸத்த்வம்
விஶாலநேத்ர꞉ ஸுவிஶாலநேத்ரம் ॥ 66 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ த்ரயஸ்த்ரிம்ஶ꞉ ஸர்க³꞉ ॥ 33 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.