Kishkindha Kanda Sarga 11 – கிஷ்கிந்தா⁴காண்ட³ ஏகாத³ஶ꞉ ஸர்க³꞉ (11)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஏகாத³ஶ꞉ ஸர்க³꞉ (11)

॥ வாலிப³லாவிஷ்கரணம் ॥

ராமஸ்ய வசநம் ஶ்ருத்வா ஹர்ஷபௌருஷவர்த⁴நம் ।
ஸுக்³ரீவ꞉ பூஜயாஞ்சக்ரே ராக⁴வம் ப்ரஶஶம்ஸ ச ॥ 1 ॥

அஸம்ஶயம் ப்ரஜ்வலிதைஸ்தீக்ஷ்ணைர்மர்மாதிகை³꞉ ஶரை꞉ ।
த்வம் த³ஹே꞉ குபிதோ லோகாந் யுகா³ந்த இவ பா⁴ஸ்கர꞉ ॥ 2 ॥

வாலிந꞉ பௌருஷம் யத்தத்³யச்ச வீர்யம் த்⁴ருதிஶ்ச யா ।
தந்மமைகமநா꞉ ஶ்ருத்வா வித⁴த்ஸ்வ யத³நந்தரம் ॥ 3 ॥

ஸமுத்³ராத்பஶ்சிமாத்பூர்வம் த³க்ஷிணாத³பி சோத்தரம் ।
க்ராமத்யநுதி³தே ஸூர்யே வாலீ வ்யபக³தக்லம꞉ ॥ 4 ॥

அக்³ராண்யாருஹ்ய ஶைலாநாம் ஶிக²ராணி மஹாந்த்யபி ।
ஊர்த்⁴வமுத்க்ஷிப்ய தரஸா ப்ரதிக்³ருஹ்ணாதி வீர்யவாந் ॥ 5 ॥

ப³ஹவ꞉ ஸாரவந்தஶ்ச வநேஷு விவிதா⁴ த்³ருமா꞉ ।
வாலிநா தரஸா ப⁴க்³நா ப³லம் ப்ரத²யதா(ஆ)த்மந꞉ ॥ 6 ॥

மஹிஷோ து³ந்து³பி⁴ர்நாம கைலாஸஶிக²ரப்ரப⁴꞉ ।
ப³லம் நாக³ஸஹஸ்ரஸ்ய தா⁴ரயாமாஸ வீர்யவாந் ॥ 7 ॥

வீர்யோத்ஸேகேந து³ஷ்டாத்மா வரதா³நாச்ச மோஹித꞉ ।
ஜகா³ம ஸுமஹாகாய꞉ ஸமுத்³ரம் ஸரிதாம் பதிம் ॥ 8 ॥

ஊர்மிமந்தமதிக்ரம்ய ஸாக³ரம் ரத்நஸஞ்சயம் ।
மஹ்யம் யுத்³த⁴ம் ப்ரயச்சே²தி தமுவாச மஹார்ணவம் ॥ 9 ॥

தத꞉ ஸமுத்³ரோ த⁴ர்மாத்மா ஸமுத்தா²ய மஹாப³ல꞉ ।
அப்³ரவீத்³வசநம் ராஜந்நஸுரம் காலசோதி³தம் ॥ 10 ॥

ஸமர்தோ² நாஸ்மி தே தா³தும் யுத்³த⁴ம் யுத்³த⁴விஶாரத³ ।
ஶ்ரூயதாம் சாபி⁴தா⁴ஸ்யாமி யஸ்தே யுத்³த⁴ம் ப்ரதா³ஸ்யதி ॥ 11 ॥

ஶைலராஜோ மஹாரண்யே தபஸ்விஶரணம் பரம் ।
ஶங்கரஶ்வஶுரோ நாம்நா ஹிமவாநிதி விஶ்ருத꞉ ॥ 12 ॥

கு³ஹாப்ரஸ்ரவணோபேதோ ப³ஹுகந்த³ரநிர்த³ர꞉ ।
ஸ ஸமர்த²ஸ்தவ ப்ரீதிமதுலாம் கர்துமாஹவே ॥ 13 ॥

தம் பீ⁴த இதி விஜ்ஞாய ஸமுத்³ரமஸுரோத்தம꞉ ।
ஹிமவத்³வநமாக³ச்ச²ச்ச²ரஶ்சாபாதி³வ ச்யுத꞉ ॥ 14 ॥

ததஸ்தஸ்ய கி³ரே꞉ ஶ்வேதா க³ஜேந்த்³ரவிபுலா꞉ ஶிலா꞉ ।
சிக்ஷேப ப³ஹுதா⁴ பூ⁴மௌ து³ந்து³பி⁴ர்விநநாத³ ச ॥ 15 ॥

தத꞉ ஶ்வேதாம்பு³தா³கார꞉ ஸௌம்ய꞉ ப்ரீதிகராக்ருதி꞉ ।
ஹிமவாநப்³ரவீத்³வாக்யம் ஸ்வ ஏவ ஶிக²ரே ஸ்தி²த꞉ ॥ 16 ॥

க்லேஷ்டுமர்ஹஸி மாம் ந த்வம் து³ந்து³பே⁴ த⁴ர்மவத்ஸல ।
ரணகர்மஸ்வகுஶலஸ்தபஸ்விஶரணம் ஹ்யஹம் ॥ 17 ॥

தஸ்ய தத்³வசநம் ஶ்ருத்வா கி³ரிராஜஸ்ய தீ⁴மத꞉ ।
உவாச து³ந்து³பி⁴ர்வாக்யம் ரோஷாத்ஸம்ரக்தலோசந꞉ ॥ 18 ॥

யதி³ யுத்³தே⁴(அ)ஸமர்த²ஸ்த்வம் மத்³ப⁴யாத்³வா நிருத்³யம꞉ ।
தமாசக்ஷ்வ ப்ரத³த்³யாந்மே யோ(அ)த்³ய யுத்³த⁴ம் யுயுத்ஸத꞉ ॥ 19 ॥

ஹிமவாநப்³ரவீத்³வாக்யம் ஶ்ருத்வா வாக்யவிஶாரத³꞉ ।
அநுக்தபூர்வம் த⁴ர்மாத்மா க்ரோதா⁴த்தமஸுரோத்தமம் ॥ 20 ॥

வாலீ நாம மஹாப்ராஜ்ஞ꞉ ஶக்ரதுல்யபராக்ரம꞉ ।
அத்⁴யாஸ்தே வாநர꞉ ஶ்ரீமாந் கிஷ்கந்தா⁴மதுலப்ரபா⁴ம் ॥ 21 ॥

ஸ ஸமர்தோ² மஹாப்ராஜ்ஞஸ்தவ யுத்³த⁴விஶாரத³꞉ ।
த்³வந்த்³வயுத்³த⁴ம் மஹத்³தா³தும் நமுசேரிவ வாஸவ꞉ ॥ 22 ॥

தம் ஶீக்⁴ரமபி⁴க³ச்ச² த்வம் யதி³ யுத்³த⁴மிஹேச்ச²ஸி ।
ஸ ஹி து³ர்த⁴ர்ஷணோ நித்யம் ஶூர꞉ ஸமரகர்மணி ॥ 23 ॥

ஶ்ருத்வா ஹிமவதோ வாக்யம் க்ரோதா⁴விஷ்ட꞉ ஸ து³ந்து³பி⁴꞉ ।
ஜகா³ம தாம் புரீம் தஸ்ய கிஷ்கிந்தா⁴ம் வாலிநஸ்ததா³ ॥ 24 ॥

தா⁴ரயந் மாஹிஷம் ரூபம் தீக்ஷ்ணஶ்ருங்கோ³ ப⁴யாவஹ꞉ ।
ப்ராவ்ருஷீவ மஹாமேக⁴ஸ்தோயபூர்ணோ நப⁴ஸ்தலே ॥ 25 ॥

ததஸ்தத்³த்³வாரமாக³ம்ய கிஷ்கிந்தா⁴யா மஹாப³ல꞉ ।
நநர்த³ கம்பயந் பூ⁴மிம் து³ந்து³பி⁴ர்து³ந்து³பி⁴ர்யதா² ॥ 26 ॥

ஸமீபஸ்தா²ந் த்³ருமாந் ப⁴ஞ்ஜந் வஸுதா⁴ம் தா³ரயந் கு²ரை꞉ ।
விஷாணேநோல்லிக²ந் த³ர்பாத் தத்³த்³வாரம் த்³விரதோ³ யதா² ॥ 27 ॥

அந்த꞉புரக³தோ வாலீ ஶ்ருத்வா ஶப்³த³மமர்ஷண꞉ ।
நிஷ்பபாத ஸஹ ஸ்த்ரீபி⁴ஸ்தாராபி⁴ரிவ சந்த்³ரமா꞉ ॥ 28 ॥

மிதம் வ்யக்தாக்ஷரபத³ம் தமுவாசாத² து³ந்து³பி⁴ம் ।
ஹரீணாமீஶ்வரோ வாலீ ஸர்வேஷாம் வநசாரிணாம் ॥ 29 ॥

கிமர்த²ம் நக³ரத்³வாரமித³ம் ருத்³த்⁴வா விநர்த³ஸி ।
து³ந்து³பே⁴ விதி³தோ மே(அ)ஸி ரக்ஷ ப்ராணாந் மஹாப³ல ॥ 30 ॥

தஸ்ய தத்³வசநம் ஶ்ருத்வா வாநரேந்த்³ரஸ்ய தீ⁴மத꞉ ।
உவாச து³ந்து³பி⁴ர்வாக்யம் ரோஷாத் ஸம்ரக்தலோசந꞉ ॥ 31 ॥

ந த்வம் ஸ்த்ரீஸந்நிதௌ⁴ வீர வசநம் வக்துமர்ஹஸி ।
மம யுத்³த⁴ம் ப்ரயச்சா²த்³ய ததோ ஜ்ஞாஸ்யாமி தே ப³லம் ॥ 32 ॥

அத²வா தா⁴ரயிஷ்யாமி க்ரோத⁴மத்³ய நிஶாமிமாம் ।
க்³ருஹ்யதாமுத³ய꞉ ஸ்வைரம் காமபோ⁴கே³ஷு வாநர ॥ 33 ॥

தீ³யதாம் ஸம்ப்ரதா³நம் ச பரிஷ்வஜ்ய ச வாநராந் ।
ஸர்வஶாகா²ம்ருகே³ந்த்³ரஸ்த்வம் ஸம்ஸாத³ய ஸுஹ்ருஜ்ஜநாந் ॥ 34 ॥

ஸுத்³ருஷ்டாம் குரு கிஷ்கிந்தா⁴ம் குருஷ்வாத்மஸமம் புரே ।
க்ரீட³ஸ்வ ச ஸஹ ஸ்த்ரீபி⁴ரஹம் தே த³ர்பநாஶந꞉ ॥ 35 ॥

யோ ஹி மத்தம் ப்ரமத்தம் வா ஸுப்தம் வா ரஹிதம் ப்⁴ருஶம் ।
ஹந்யாத்ஸ ப்⁴ரூணஹா லோகே த்வத்³வித⁴ம் மத³மோஹிதம் ॥ 36 ॥

ஸ ப்ரஹஸ்யாப்³ரவீந்மந்த³ம் க்ரோதா⁴த்தமஸுரோத்தமம் ।
விஸ்ருஜ்ய தா꞉ ஸ்த்ரிய꞉ ஸர்வாஸ்தாராப்ரப்⁴ருதிகாஸ்ததா³ ॥ 37 ॥

மத்தோ(அ)யமிதி மா மம்ஸ்தா² யத்³யபீ⁴தோ(அ)ஸி ஸம்யுகே³ ।
மதோ³(அ)யம் ஸம்ப்ரஹாரே(அ)ஸ்மிந் வீரபாநம் ஸமர்த்²யதாம் ॥ 38 ॥

தமேவமுக்த்வா ஸங்க்ருத்³தோ⁴ மாலாமுத்க்ஷிப்ய காஞ்சநீம் ।
பித்ரா த³த்தாம் மஹேந்த்³ரேண யுத்³தா⁴ய வ்யவதிஷ்ட²த ॥ 39 ॥

விஷாணயோர்க்³ருஹீத்வா தம் து³ந்து³பி⁴ம் கி³ரிஸந்நிப⁴ம் ।
ஆவித்⁴யத ததா³ வாலீ விநத³ந் கபிகுஞ்ஜர꞉ ॥ 40 ॥

வாலீ வ்யாபாதயாஞ்சக்ரே நநர்த³ ச மஹாஸ்வநம் ।
ஶ்ரோத்ராப்⁴யாமத² ரக்தம் து தஸ்ய ஸுஸ்ராவ பாத்யத꞉ ॥ 41 ॥

தயோஸ்து க்ரோத⁴ஸம்ரம்பா⁴த்பரஸ்பரஜயைஷிணோ꞉ ।
யுத்³த⁴ம் ஸமப⁴வத்³கோ⁴ரம் து³ந்து³பே⁴ர்வாநரஸ்ய ச ॥ 42 ॥

அயுத்⁴யத ததா³ வாலீ ஶக்ரதுல்யபராக்ரம꞉ ।
முஷ்டிபி⁴ர்ஜாநுபி⁴ஶ்சைவ ஶிலாபி⁴꞉ பாத³பைஸ்ததா² ॥ 43 ॥

பரஸ்பரம் க்⁴நதோஸ்தத்ர வாநராஸுரயோஸ்ததா³ ।
ஆஸீத³த³ஸுரோ யுத்³தே⁴ ஶக்ரஸூநுர்வ்யவர்த⁴த ॥ 44 ॥

வ்யாபாரவீர்யதை⁴ர்யைஶ்ச பரிக்ஷீணம் பராக்ரமை꞉ ।
தம் து து³ந்து³பி⁴முத்பாட்ய த⁴ரண்யாமப்⁴யபாதயத் ॥ 45 ॥

யுத்³தே⁴ ப்ராணஹரே தஸ்மிந் நிஷ்பிஷ்டோ து³ந்து³பி⁴ஸ்ததா³ ।
பபாத ச மஹாகாய꞉ க்ஷிதௌ பஞ்சத்வமாக³த꞉ ॥ 46 ॥

தம் தோலயித்வா பா³ஹுப்⁴யாம் க³தஸத்த்வமசேதநம் ।
சிக்ஷேப ப³லவாந் வாலீ வேகே³நைகேந யோஜநம் ॥ 47 ॥

தஸ்ய வேக³ப்ரவித்³த⁴ஸ்ய வக்த்ராத் க்ஷதஜபி³ந்த³வ꞉ ।
ப்ரபேதுர்மாருதோத்க்ஷிப்தா மதங்க³ஸ்யாஶ்ரமம் ப்ரதி ॥ 48 ॥

தாந் த்³ருஷ்ட்வா பதிதாம்ஸ்தஸ்ய முநி꞉ ஶோணிதவிப்ருஷ꞉ ।
க்ருத்³த⁴ஸ்தத்ர மஹாபா⁴க³ஶ்சிந்தயாமாஸ கோ ந்வயம் ॥ 49 ॥

யேநாஹம் ஸஹஸா ஸ்ப்ருஷ்ட꞉ ஶோணிதேந து³ராத்மநா ।
கோ(அ)யம் து³ராத்மா து³ர்ப³த்³தி⁴ரக்ருதாத்மா ச பா³லிஶ꞉ ॥ 50 ॥

இத்யுக்த்வாத² விநிஷ்க்ரம்ய த³த³ர்ஶ முநிபுங்க³வ꞉ ।
மஹிஷம் பர்வதாகாரம் க³தாஸும் பதிதம் பு⁴வி ॥ 51 ॥

ஸ து விஜ்ஞாய தபஸா வாநரேண க்ருதம் ஹி தத் ।
உத்ஸஸர்ஜ மஹாஶாபம் க்ஷேப்தாரம் வாலிநம் ப்ரதி ॥ 52 ॥

இஹ தேநாப்ரவேஷ்டவ்யம் ப்ரவிஷ்டஸ்ய வதோ⁴ ப⁴வேத் ।
வநம் மத்ஸம்ஶ்ரயம் யேந தூ³ஷிதம் ருதி⁴ரஸ்ரவை꞉ ॥ 53 ॥

ஸம்ப⁴க்³நா꞉ பாத³பாஶ்சேமே க்ஷிபதேஹாஸுரீம் தநும் ।
ஸமந்தாத்³யோஜநம் பூர்ணமாஶ்ரமம் மாமகம் யதி³ ॥ 54 ॥

ஆக³மிஷ்யதி து³ர்பு³த்³தி⁴ர்வ்யக்தம் ஸ ந ப⁴விஷ்யதி ।
யே சாபி ஸசிவாஸ்தஸ்ய ஸம்ஶ்ரிதா மாமகம் வநம் ॥ 55 ॥

ந ச தைரிஹ வஸ்தவ்யம் ஶ்ருத்வா யாந்து யதா²ஸுக²ம் ।
யதி³ தே(அ)பீஹ திஷ்ட²ந்தி ஶபிஷ்யே தாநபி த்⁴ருவம் ॥ 56 ॥

வநே(அ)ஸ்மிந் மாமகே(அ)த்யர்த²ம் புத்ரவத் பரிபாலிதே ।
பத்ராங்குரவிநாஶாய ப²லமூலாப⁴வாய ச ॥ 57 ॥

தி³வஸஶ்சாஸ்ய மர்யாதா³ யம் த்³ரஷ்டா ஶ்வோ(அ)ஸ்மி வாநரம் ।
ப³ஹுவர்ஷஸஹஸ்ராணி ஸ வை ஶைலோ ப⁴விஷ்யதி ॥ 58 ॥

ததஸ்தே வாநரா꞉ ஶ்ருத்வா கி³ரம் முநிஸமீரிதாம் ।
நிஶ்சக்ரமுர்வநாத்தஸ்மாத்தாந் த்³ருஷ்ட்வா வாலிரப்³ரவீத் ॥ 59 ॥

கிம் ப⁴வந்த꞉ ஸமஸ்தாஶ்ச மதங்க³வநவாஸிந꞉ ।
மத்ஸமீபமநுப்ராப்தா அபி ஸ்வஸ்தி வநௌகஸாம் ॥ 60 ॥

ததஸ்தே காரணம் ஸர்வம் ததா³ ஶாபம் ச வாலிந꞉ ।
ஶஶம்ஸுர்வாநரா꞉ ஸர்வே வாலிநே ஹேமமாலிநே ॥ 61 ॥

ஏதச்ச்²ருத்வா ததா³ வாலீ வசநம் வாநரேரிதம் ।
ஸ மஹர்ஷிம் ததா³ஸாத்³ய யாசதே ஸ்ம க்ருதாஞ்ஜலி꞉ ॥ 62 ॥

மஹர்ஷிஸ்தமநாத்³ருத்ய ப்ரவிவேஶாஶ்ரமம் ததா³ ।
ஶாபதா⁴ரணபீ⁴தஸ்து வாலீ விஹ்வலதாம் க³த꞉ ॥ 63 ॥

தத꞉ ஶாபப⁴யாத்³பீ⁴த ருஶ்யமூகம் மஹாகி³ரிம் ।
ப்ரவேஷ்டும் நேச்ச²தி ஹரிர்த்³ரஷ்டும் வாபி நரேஶ்வர ॥ 64 ॥

தஸ்யாப்ரவேஶம் ஜ்ஞாத்வா(அ)ஹமித³ம் ராம மஹாவநம் ।
விசராமி ஸஹாமாத்யோ விஷாதே³ந விவர்ஜித꞉ ॥ 65 ॥

ஏஷோ(அ)ஸ்தி²நிசயஸ்தஸ்ய து³ந்து³பே⁴꞉ ஸம்ப்ரகாஶதே ।
வீர்யோத்ஸேகாந்நிரஸ்தஸ்ய கி³ரிகூடோபமோ மஹாந் ॥ 66 ॥

இமே ச விபுலா꞉ ஸாலா꞉ ஸப்த ஶாகா²வலம்பி³ந꞉ ।
யத்ரைகம் க⁴டதே வாலீ நிஷ்பத்ரயிதுமோஜஸா ॥ 67 ॥

ஏதத³ஸ்யாஸமம் வீர்யம் மயா ராம ப்ரகீர்திதம் ।
கத²ம் தம் வாலிநம் ஹந்தும் ஸமரே ஶக்ஷ்யஸே ந்ருப ॥ 68 ॥

ததா² ப்³ருவாணம் ஸுக்³ரீவம் ப்ரஹஸம்ல்லக்ஷ்மணோ(அ)ப்³ரவீத் ।
கஸ்மிந் கர்மணி நிர்வ்ருத்தே ஶ்ரத்³த³த்⁴யா வாலிநோ வத⁴ம் ॥ 69 ॥

தமுவாசாத² ஸுக்³ரீவ꞉ ஸப்த ஸாலாநிமாந் புரா ।
ஏவமேகைகஶோ வாலீ விவ்யாதா⁴த² ஸ சாஸக்ருத் ॥ 70 ॥

ராமோ(அ)பி தா³ரயேதே³ஷாம் பா³ணேநைகேந சேத்³த்³ருமம் ।
வாலிநம் நிஹதம் மந்யே த்³ருஷ்ட்வா ராமஸ்ய விக்ரமம் ॥ 71 ॥

ஹதஸ்ய மஹிஷஸ்யாஸ்தி² பாதே³நைகேந லக்ஷ்மண ।
உத்³யம்யாத² ப்ரக்ஷிபேச்சேத்தரஸா த்³வே த⁴நு꞉ஶதே ॥ 72 ॥

ஏவமுக்த்வா து ஸுக்³ரீவோ ராமம் ரக்தாந்தலோசநம் ।
த்⁴யாத்வா முஹூர்தம் காகுத்ஸ்த²ம் புநரேவ வசோ(அ)ப்³ரவீத் ॥ 73 ॥

ஶூரஶ்ச ஶூரகா⁴தீ ச ப்ரக்²யாதப³லபௌருஷ꞉ ।
ப³லவாந் வாநரோ வாலீ ஸம்யுகே³ஷ்வபராஜித꞉ ॥ 74 ॥

த்³ருஶ்யந்தே சாஸ்ய கர்மாணி து³ஷ்கராணி ஸுரைரபி ।
யாநி ஸஞ்சிந்த்ய பீ⁴தோ(அ)ஹம்ருஶ்யமூகம் ஸமாஶ்ரித꞉ ॥ 75 ॥

தமஜய்யமத்⁴ருஷ்யம் ச வாநரேந்த்³ரமமர்ஷணம் ।
விசிந்தயந்ந முஞ்சாமி ருஶ்யமூகமஹம் த்விமம் ॥ 76 ॥

உத்³விக்³ந꞉ ஶங்கிதஶ்சாபி விசராமி மஹாவநே ।
அநுரக்தை꞉ ஸஹாமாத்யைர்ஹநுமத் ப்ரமுகை²ர்வரை꞉ ॥ 77 ॥

உபலப்³த⁴ம் ச மே ஶ்லாக்⁴யம் ஸந்மித்ரம் மித்ரவத்ஸல ।
த்வாமஹம் புருஷவ்யாக்⁴ர ஹிமவந்தமிவாஶ்ரித꞉ ॥ 78 ॥

கிந்து தஸ்ய ப³லஜ்ஞோ(அ)ஹம் து³ர்ப்⁴ராதுர்ப³லஶாலிந꞉ ।
அப்ரத்யக்ஷம் து மே வீர்யம் ஸமரே தவ ராக⁴வ ॥ 79 ॥

ந க²ல்வஹம் த்வாம் துலயே நாவமந்யே ந பீ⁴ஷயே ।
கர்மபி⁴ஸ்தஸ்ய பீ⁴மைஸ்து காதர்யம் ஜநிதம் மம ॥ 80 ॥

காமம் ராக⁴வ தே வாணீ ப்ரமாணம் தை⁴ர்யமாக்ருதி꞉ ।
ஸூசயந்தி பரம் தேஜோ ப⁴ஸ்மச்ச²ந்நமிவாநலம் ॥ 81 ॥

தஸ்ய தத்³வசநம் ஶ்ருத்வா ஸுக்³ரீவஸ்ய மஹாத்மந꞉ ।
ஸ்மிதபூர்வமதோ² ராம꞉ ப்ரத்யுவாச ஹரிம் ப்ரபு⁴꞉ ॥ 82 ॥

யதி³ ந ப்ரத்யயோ(அ)ஸ்மாஸு விக்ரமே தவ வாநர ।
ப்ரத்யயம் ஸமரே ஶ்லாக்⁴யமஹமுத்பாத³யாமி தே ॥ 83 ॥

ஏவமுக்த்வா து ஸுக்³ரீவம் ஸாந்த்வம் லக்ஷ்மணபூர்வஜ꞉ ।
ராக⁴வோ து³ந்து³பே⁴꞉ காயம் பாதா³ங்கு³ஷ்டே²ந லீலயா ॥ 84 ॥

தோலயித்வா மஹாபா³ஹுஶ்சிக்ஷேப த³ஶயோஜநம் ।
அஸுரஸ்ய தநும் ஶுஷ்கம் பாதா³ங்கு³ஷ்டே²ந வீர்யவாந் ॥ 85 ॥

க்ஷிப்தம் த்³ருஷ்ட்வா தத꞉ காயம் ஸுக்³ரீவ꞉ புநரப்³ரவீத் ।
லக்ஷ்மணஸ்யாக்³ரதோ ராமமித³ம் வசநமர்த²வத் ॥ 86 ॥ [-மப்³ரவீத்]

ஹரீணாமக்³ரதோ வீரம் தபந்தமிவ பா⁴ஸ்கரம் ।
ஆர்த்³ர꞉ ஸமாம்ஸ꞉ ப்ரத்யக்³ர꞉ க்ஷிப்த꞉ காய꞉ புரா ஸகே² ॥ 87 ॥

லகு⁴꞉ ஸம்ப்ரதி நிர்மாம்ஸஸ்த்ருணபூ⁴தஶ்ச ராக⁴வ ।
க்ஷிப்தமேவம் ப்ரஹர்ஷேண ப⁴வதா ரகு⁴நந்த³ந ॥ 88 ॥

நாத்ர ஶக்யம் ப³லம் ஜ்ஞாதும் தவ வா தஸ்ய வா(அ)தி⁴கம் ।
ஆர்த்³ரம் ஶுஷ்கமிதி ஹ்யேதத்ஸுமஹத்³ராக⁴வாந்தரம் ॥ 89 ॥

ஸ ஏவ ஸம்ஶயஸ்தாத தவ தஸ்ய ச யத்³ப³லே ।
ஸாலமேகம் து நிர்பி⁴ந்த்³யா ப⁴வேத்³வ்யக்திர்ப³லாப³லே ॥ 90 ॥

க்ருத்வேத³ம் கார்முகம் ஸஜ்யம் ஹஸ்திஹஸ்தமிவாததம் ।
ஆகர்ணபூர்ணமாயம்ய விஸ்ருஜஸ்வ மஹாஶரம் ॥ 91 ॥

இமம் ஹி ஸாலம் ஸஹிதஸ்த்வயா ஶரோ
ந ஸம்ஶயோ(அ)த்ராஸ்தி விதா³ரயிஷ்யதி ।
அலம் விமர்ஶேந மம ப்ரியம் த்⁴ருவம்
குருஷ்வ ராஜாத்மஜ ஶாபிதோ மயா ॥ 92 ॥

யதா² ஹி தேஜ꞉ஸு வர꞉ ஸதா³ ரவி-
-ர்யதா² ஹி ஶைலோ ஹிமவாந் மஹாத்³ரிஷு ।
யதா² சதுஷ்பாத்ஸு ச கேஸரீ வர-
-ஸ்ததா² நராணாமஸி விக்ரமே வர꞉ ॥ 93 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஏகாத³ஶ꞉ ஸர்க³꞉ ॥ 11 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.