Balakanda Sarga 8 – பா³லகாண்ட³ அஷ்டம꞉ ஸர்க³꞉ (8)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ அஷ்டம꞉ ஸர்க³꞉ (8)

॥ ஸுமந்த்ரவாக்யம் ॥

தஸ்ய த்வேவம்ப்ரபா⁴வஸ்ய த⁴ர்மஜ்ஞஸ்ய மஹாத்மந꞉ ।
ஸுதார்த²ம் தப்யமாநஸ்ய நாஸீத்³வம்ஶகர꞉ ஸுத꞉ ॥ 1 ॥

சிந்தயாநஸ்ய தஸ்யேயம் பு³த்³தி⁴ராஸீந்மஹாத்மந꞉ ।
ஸுதார்தீ² வாஜிமேதே⁴ந கிமர்த²ம் ந யஜாம்யஹம் ॥ 2 ॥

ஸ நிஶ்சிதாம் மதிம் க்ருத்வா யஷ்டவ்யமிதி பு³த்³தி⁴மாந் ।
மந்த்ரிபி⁴꞉ ஸஹ த⁴ர்மாத்மா ஸர்வைரேவ க்ருதாத்மபி⁴꞉ ॥ 3 ॥

ததோ(அ)ப்³ரவீதி³த³ம் தேஜா꞉ ஸுமந்த்ரம் மந்த்ரிஸத்தமம் ।
ஶீக்⁴ரமாநய மே ஸர்வாந்கு³ரூம்ஸ்தாந்ஸபுரோஹிதாந் ॥ 4 ॥

தத꞉ ஸுமந்த்ரஸ்த்வரிதம் க³த்வா த்வரிதவிக்ரம꞉ ।
ஸமாநயத்ஸ தாந்ஸர்வாந்கு³ரூம்ஸ்தாந்வேத³பாரகா³ந் ॥ 5 ॥

ஸுயஜ்ஞம் வாமதே³வம் ச ஜாபா³லிமத² காஶ்யபம் ।
புரோஹிதம் வஸிஷ்ட²ம் ச யே சாந்யே த்³விஜஸத்தமா꞉ ॥ 6 ॥

தாந்பூஜயித்வா த⁴ர்மாத்மா ராஜா த³ஶரத²ஸ்ததா³ ।
இத³ம் த⁴ர்மார்த²ஸஹிதம் ஶ்லக்ஷ்ணம் வசநமப்³ரவீத் ॥ 7 ॥

மம லாலப்யமாநஸ்ய புத்ரார்த²ம் நாஸ்தி வை ஸுக²ம் ।
தத³ர்த²ம் ஹயமேதே⁴ந யக்ஷ்யாமீதி மதிர்மம ॥ 8 ॥

தத³ஹம் யஷ்டுமிச்ச²மி ஶாஸ்த்ரத்³ருஷ்டேந கர்மணா ।
கத²ம் ப்ராப்ஸ்யாம்யஹம் காமம் பு³த்³தி⁴ரத்ர விசார்யதாம் ॥ 9 ॥

தத꞉ ஸாத்⁴விதி தத்³வாக்யம் ப்³ராஹ்மணா꞉ ப்ரத்யபூஜயந் ।
வஸிஷ்ட²ப்ரமுகா²꞉ ஸர்வே பார்தி²வஸ்ய முகே²ரிதம் ॥ 10 ॥

ஊசுஶ்ச பரமப்ரீதா꞉ ஸர்வே த³ஶரத²ம் வச꞉ ।
ஸம்பா⁴ரா꞉ ஸம்ப்⁴ரியந்தாம் தே துரக³ஶ்ச விமுச்யதாம் ॥ 11 ॥

ஸரய்வாஶ்சோத்தரே தீரே யஜ்ஞபூ⁴மிர்விதீ⁴யதாம் ।
ஸர்வதா² ப்ராப்ஸ்யஸே புத்ராநபி⁴ப்ரேதாம்ஶ்ச பார்தி²வ ॥ 12 ॥

யஸ்ய தே த⁴ர்மிகீ பு³த்³தி⁴ரியம் புத்ரார்த²மாக³தா ।
தத꞉ ப்ரீதோ(அ)ப⁴வத்³ராஜா ஶ்ருத்வைதத்³த்³விஜபா⁴ஷிதம் ॥ 13 ॥

அமாத்யாம்ஶ்சாப்³ரவீத்³ராஜா ஹர்ஷபர்யாகுலேக்ஷண꞉ ।
ஸம்பா⁴ரா꞉ ஸம்ப்⁴ரியந்தாம் மே கு³ரூணாம் வசநாதி³ஹ ॥ 14 ॥

ஸமர்தா²தி⁴ஷ்டி²தஶ்சாஶ்வ꞉ ஸோபாத்⁴யாயோ விமுச்யதாம் ।
ஸரய்வாஶ்சோத்தரே தீரே யஜ்ஞபூ⁴மிர்விதீ⁴யதாம் ॥ 15 ॥

ஶாந்தயஶ்சாபி⁴வர்த⁴ந்தாம் யதா²கல்பம் யதா²விதி⁴ ।
ஶக்ய꞉ கர்துமயம் யஜ்ஞ꞉ ஸர்வேணாபி மஹீக்ஷிதா ॥ 16 ॥

நாபராதோ⁴ ப⁴வேத்கஷ்டோ யத்³யஸ்மிந் க்ரதுஸத்தமே ।
சி²த்³ரம் ஹி ம்ருக³யந்தே(அ)த்ர வித்³வாம்ஸோ ப்³ரஹ்மராக்ஷஸா꞉ ॥ 17 ॥

விதி⁴ஹீநஸ்ய யஜ்ஞஸ்ய ஸத்³ய꞉ கர்தா விநஶ்யதி । [விஹதஸ்ய]
தத்³யதா² விதி⁴பூர்வம் மே க்ரதுரேஷ ஸமாப்யதே ॥ 18 ॥

ததா² விதா⁴நம் க்ரியதாம் ஸமர்தா²꞉ கரணேஷ்விஹ ।
ததே²தி சாப்³ருவந்ஸர்வே மந்த்ரிண꞉ ப்ரத்யபூஜயந் ॥ 19 ॥

பார்தி²வேந்த்³ரஸ்ய தத்³வாக்யம் யதா²ஜ்ஞப்தம் நிஶம்ய தே ।
ததா² த்³விஜாஸ்தே த⁴ர்மஜ்ஞா வர்த²யந்தோ ந்ருபோத்தமம் ॥ 20 ॥

அநுஜ்ஞாதாஸ்தத꞉ ஸர்வே புநர்ஜக்³முர்யதா²க³தம் ।
விஸர்ஜயித்வா தாந்விப்ராந்ஸசிவாநித³மப்³ரவீத் ॥ 21 ॥

ருத்விக்³பி⁴ருபஸந்தி³ஷ்டோ யதா²வத்க்ரதுராப்யதாம் ।
இத்யுக்த்வா ந்ருபஶார்தூ³ள꞉ ஸசிவாந்ஸமுபஸ்தி²தாந் ॥ 22 ॥

விஸர்ஜயித்வா ஸ்வம் வேஶ்ம ப்ரவிவேஶ மஹாத்³யுதி꞉ ।
தத꞉ ஸ க³த்வா தா꞉ பத்நீர்நரேந்த்³ரோ ஹ்ருத³யப்ரியா꞉ ॥ 23 ॥

உவாச தீ³க்ஷாம் விஶத யக்ஷ்யே(அ)ஹம் ஸுதகாரணாத் ।
தாஸாம் தேநாதிகாந்தேந வசநேந ஸுவர்சஸாம் ।
முக²பத்³மாந்யஶோப⁴ந்த பத்³மாநீவ ஹிமாத்யயே ॥ 24 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ அஷ்டம꞉ ஸர்க³꞉ ॥ 8 ॥

பா³லகாண்ட³ நவம꞉ ஸர்க³꞉ (9) >>

---

ஸம்பூர்ண வால்மீகி ராமாயணே பா³லகாண்ட³ பார்க்க

Did you see any mistake/variation in the content above? Click here to report mistakes and corrections in Stotranidhi content.