Balakanda Sarga 55 – பா³லகாண்ட³ பஞ்சபஞ்சாஶ꞉ ஸர்க³꞉ (55)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ பஞ்சபஞ்சாஶ꞉ ஸர்க³꞉ (55)

॥ விஶ்வாமித்ரத⁴நுர்வேதா³தி⁴க³ம꞉ ॥

ததஸ்தாநாகுலாந்த்³ருஷ்ட்வா விஶ்வாமித்ராஸ்த்ரமோஹிதாந் ।
வஸிஷ்ட²ஶ்சோத³யாமாஸ காமது⁴க்ஸ்ருஜ யோக³த꞉ ॥ 1 ॥

தஸ்யா ஹும்பா⁴ரவாஜ்ஜாதா꞉ காம்போ⁴ஜா ரவிஸந்நிபா⁴꞉ ।
ஊத⁴ஸஸ்த்வத² ஸஞ்ஜாதா꞉ பப்லவா꞉ ஶஸ்த்ரபாணய꞉ ॥ 2 ॥

யோநிதே³ஶாச்ச யவநா꞉ ஶக்ருத்³தே³ஶாச்ச²காஸ்ததா² ।
ரோமகூபேஷு ச ம்லேச்சா² ஹாரீதா꞉ ஸகிராதகா꞉ ॥ 3 ॥

தைஸ்தைர்நிஷூதி³தம் ஸர்வம் விஶ்வாமித்ரஸ்ய தத் க்ஷணாத் ।
ஸபதா³திக³ஜம் ஸாஶ்வம் ஸரத²ம் ரகு⁴நந்த³ந ॥ 4 ॥

த்³ருஷ்ட்வா நிஷூதி³தம் ஸைந்யம் வஸிஷ்டே²ந மஹாத்மநா ।
விஶ்வாமித்ரஸுதாநாம் து ஶதம் நாநாவிதா⁴யுத⁴ம் ॥ 5 ॥

அப்⁴யதா⁴வத்ஸுஸங்க்ருத்³த⁴ம் வஸிஷ்ட²ம் ஜபதாம் வரம் ।
ஹுங்காரேணைவ தாந்ஸர்வாந்த³தா³ஹ ப⁴க³வாந்ருஷி꞉ ॥ 6 ॥

தே ஸாஶ்வரத²பாதா³தா வஸிஷ்டே²ந மஹாத்மநா ।
ப⁴ஸ்மீக்ருதா முஹூர்தேந விஶ்வாமித்ரஸுதாஸ்ததா³ ॥ 7 ॥

த்³ருஷ்ட்வா விநாஶிதாந்புத்ராந்ப³லம் ச ஸுமஹாயஶா꞉ ।
ஸவ்ரீட³ஶ்சிந்தயாவிஷ்டோ விஶ்வாமித்ரோ(அ)ப⁴வத்ததா³ ॥ 8 ॥

ஸமுத்³ர இவ நிர்வேகோ³ ப⁴க்³நத³ம்ஷ்ட்ர இவோரக³꞉ ।
உபரக்த இவாதி³த்ய꞉ ஸத்³யோ நிஷ்ப்ரப⁴தாம் க³த꞉ ॥ 9 ॥

ஹதபுத்ரப³லோ தீ³நோ லூநபக்ஷ இவ த்³விஜ꞉ ।
ஹதத³ர்போ ஹதோத்ஸாஹோ நிர்வேத³ம் ஸமபத்³யத ॥ 10 ॥

ஸ புத்ரமேகம் ராஜ்யாய பாலயேதி நியுஜ்ய ச ।
ப்ருதி²வீம் க்ஷத்ரத⁴ர்மேண வநமேவாந்வபத்³யத ॥ 11 ॥

ஸ க³த்வா ஹிமவத்பார்ஶ்வம் கிந்நரோரக³ஸேவிதம் ।
மஹாதே³வப்ரஸாதா³ர்த²ம் தபஸ்தேபே மஹாதபா꞉ ॥ 12 ॥

கேநசித்த்வத² காலேந தே³வேஶோ வ்ருஷப⁴த்⁴வஜ꞉ ।
த³ர்ஶயாமாஸ வரதோ³ விஶ்வாமித்ரம் மஹாப³லம் ॥ 13 ॥

கிமர்த²ம் தப்யஸே ராஜந்ப்³ரூஹி யத்தே விவக்ஷிதம் ।
வரதோ³(அ)ஸ்மி வரோ யஸ்தே காங்க்ஷித꞉ ஸோ(அ)பி⁴தீ⁴யதாம் ॥ 14 ॥

ஏவமுக்தஸ்து தே³வேந விஶ்வாமித்ரோ மஹாதபா꞉ ।
ப்ரணிபத்ய மஹாதே³வமித³ம் வசநமப்³ரவீத் ॥ 15 ॥

யதி³ துஷ்டோ மஹாதே³வ த⁴நுர்வேதோ³ மமாநக⁴ ।
ஸாங்கோ³பாங்கோ³பநிஷத³꞉ ஸரஹஸ்ய꞉ ப்ரதீ³யதாம் ॥ 16 ॥

யாநி தே³வேஷு சாஸ்த்ராணி தா³நவேஷு மஹர்ஷிஷு ।
க³ந்த⁴ர்வயக்ஷரக்ஷ꞉ஸு ப்ரதிபா⁴ந்து மமாநக⁴ ॥ 17 ॥

தவ ப்ரஸாதா³த்³ப⁴வது தே³வதே³வ மமேப்ஸிதம் ।
ஏவமஸ்த்விதி தே³வேஶோ வாக்யமுக்த்வா க³தஸ்ததா³ ॥ 18 ॥

ப்ராப்ய சாஸ்த்ராணி ராஜர்ஷிர்விஶ்வாமித்ரோ மஹாப³ல꞉ । [தே³வேஶாத்]
த³ர்பேண மஹதா யுக்தோ த³ர்பபூர்ணோ(அ)ப⁴வத்ததா³ ॥ 19 ॥

விவர்த⁴மாநோ வீர்யேண ஸமுத்³ர இவ பர்வணி ।
ஹதமேவ ததா³ மேநே வஸிஷ்ட²ம்ருஷிஸத்தமம் ॥ 20 ॥

ததோ க³த்வாஶ்ரமபத³ம் முமோசாஸ்த்ராணி பார்தி²வ꞉ ।
யைஸ்தத்தபோவநம் ஸர்வம் நிர்த³க்³த⁴ம் சாஸ்த்ரதேஜஸா ॥ 21 ॥

உதீ³ர்யமாணமஸ்த்ரம் தத்³விஶ்வாமித்ரஸ்ய தீ⁴மத꞉ ।
த்³ருஷ்ட்வா விப்ரத்³ருதா பீ⁴தா முநய꞉ ஶதஶோ தி³ஶ꞉ ॥ 22 ॥

வஸிஷ்ட²ஸ்ய ச யே ஶிஷ்யாஸ்ததை²வ ம்ருக³பக்ஷிண꞉ ।
வித்³ரவந்தி ப⁴யாத்³பீ⁴தா நாநாதி³க்³ப்⁴ய꞉ ஸஹஸ்ரஶ꞉ ॥ 23 ॥

வஸிஷ்ட²ஸ்யாஶ்ரமபத³ம் ஶூந்யமாஸீந்மஹாத்மந꞉ ।
முஹூர்தமிவ நி꞉ஶப்³த³மாஸீதீ³ரிணஸந்நிப⁴ம் ॥ 24 ॥

வத³தோ வை வஸிஷ்ட²ஸ்ய மா பை⁴ரிதி முஹுர்முஹு꞉ ।
நாஶயாம்யத்³ய கா³தே⁴யம் நீஹாரமிவ பா⁴ஸ்கர꞉ ॥ 25 ॥

ஏவமுக்த்வா மஹாதேஜா வஸிஷ்டோ² ஜபதாம் வர꞉ ।
விஶ்வாமித்ரம் ததா³ வாக்யம் ஸரோஷமித³மப்³ரவீத் ॥ 26 ॥

ஆஶ்ரமம் சிரஸம்வ்ருத்³த⁴ம் யத்³விநாஶிதவாநஸி ।
து³ராசாரோஸி யந்மூட⁴ தஸ்மாத்த்வம் ந ப⁴விஷ்யஸி ॥ 27 ॥

இத்யுக்த்வா பரமக்ருத்³தோ⁴ த³ண்ட³முத்³யம்ய ஸத்வர꞉ ।
விதூ⁴மமிவ காலாக்³நிம் யமத³ண்ட³மிவாபரம் ॥ 28 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ பஞ்சபஞ்சாஶ꞉ ஸர்க³꞉ ॥ 55 ॥

 பா³லகாண்ட³ ஷட்பஞ்சாஶ꞉ ஸர்க³꞉ (56) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.