Balakanda Sarga 54 – பா³லகாண்ட³ சது꞉பஞ்சாஶ꞉ ஸர்க³꞉ (54)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ சது꞉பஞ்சாஶ꞉ ஸர்க³꞉ (54)

॥ பப்லவாதி³ஸ்ருஷ்டி꞉ ॥

காமதே⁴நும் வஸிஷ்டோ²(அ)பி யதா³ ந த்யஜதே முநி꞉ ।
ததா³ஸ்ய ஶப³லாம் ராம விஶ்வாமித்ரோ(அ)ந்வகர்ஷத ॥ 1 ॥

நீயமாநா து ஶப³லா ராம ராஜ்ஞா மஹாத்மநா ।
து³꞉கி²தா சிந்தயாமாஸ ருத³ந்தீ ஶோககர்ஶிதா ॥ 2 ॥

பரித்யக்தா வஸிஷ்டே²ந கிமஹம் ஸுமஹாத்மநா ।
யா(அ)ஹம் ராஜப⁴டைர்தீ³நா ஹ்ரியேய ப்⁴ருஶது³꞉கி²தா ॥ 3 ॥

கிம் மயா(அ)பக்ருதம் தஸ்ய மஹர்ஷேர்பா⁴விதாத்மந꞉ ।
யந்மாமநாக³ஸம் ப⁴க்தாமிஷ்டாம் த்யஜதி தா⁴ர்மிக꞉ ॥ 4 ॥

இதி ஸா சிந்தயித்வா து விநி꞉ஶ்வஸ்ய புந꞉ புந꞉ ।
நிர்தூ⁴ய தாம்ஸ்ததா³ ப்⁴ருத்யாந் ஶதஶ꞉ ஶத்ருஸூத³ந ॥ 5 ॥

ஜகா³மாநிலவேகே³ந பாத³மூலம் மஹாத்மந꞉ ।
ஶப³லா ஸா ருத³ந்தீ ச க்ரோஶந்தீ சேத³மப்³ரவீத் ॥ 6 ॥

வஸிஷ்ட²ஸ்யாக்³ரத꞉ ஸ்தி²த்வா மேக⁴து³ந்து³பி⁴ராவணீ । [ருத³ந்தீ மேக⁴நி꞉ஸ்வநா]
ப⁴க³வந்கிம் பரித்யக்தா த்வயா(அ)ஹம் ப்³ரஹ்மண꞉ ஸுத ॥ 7 ॥

யஸ்மாத்³ராஜப⁴டா மாம் ஹி நயந்தே த்வத்ஸகாஶத꞉ ।
ஏவமுக்தஸ்து ப்³ரஹ்மர்ஷிரித³ம் வசநமப்³ரவீத் ॥ 8 ॥

ஶோகஸந்தப்தஹ்ருத³யாம் ஸ்வஸாரமிவ து³꞉கி²தாம் ।
ந த்வாம் த்யஜாமி ஶப³லே நாபி மே(அ)பக்ருதம் த்வயா ॥ 9 ॥

ஏஷ த்வாம் நயதே ராஜா ப³லாந்மத்தோ மஹாப³ல꞉ ।
ந ஹி துல்யம் ப³லம் மஹ்யம் ராஜா த்வத்³ய விஶேஷத꞉ ॥ 10 ॥

ப³லீ ராஜா க்ஷத்ரியஶ்ச ப்ருதி²வ்யா꞉ பதிரேவ ச ।
இயமக்ஷௌஹிணீ பூர்ணா ஸவாஜிரதா²ஸங்குலா ॥ 11 ॥

ஹஸ்தித்⁴வஜஸமாகீர்ணா தேநாஸௌ ப³லவத்தர꞉ ।
ஏவமுக்தா வஸிஷ்டே²ந ப்ரத்யுவாச விநீதவத் ॥ 12 ॥

வசநம் வசநஜ்ஞா ஸா ப்³ரஹ்மர்ஷிமமிதப்ரப⁴ம் ।
ந ப³லம் க்ஷத்ரியஸ்யாஹுர்ப்³ராஹ்மணோ ப³லவத்தர꞉ ॥ 13 ॥

ப்³ரஹ்மந்ப்³ரஹ்மப³லம் தி³வ்யம் க்ஷத்ராத்து ப³லவத்தரம் ।
அப்ரமேயப³லம் துப்⁴யம் ந த்வயா ப³லவத்தர꞉ ॥ 14 ॥

விஶ்வாமித்ரோ மஹாவீர்யஸ்தேஜஸ்தவ து³ராஸத³ம் ।
நியுங்க்ஷ்வ மாம் மஹாதேஜ த்வத்³ப்³ரஹ்மப³லஸம்ப்⁴ருதாம் ॥ 15 ॥

தஸ்ய த³ர்பப³லம் யத்தந்நாஶயாமி து³ராத்மந꞉ ।
இத்யுக்தஸ்து தயா ராம வஸிஷ்ட²ஸ்து மஹாயஶா꞉ ॥ 16 ॥

ஸ்ருஜஸ்வேதி ததோ³வாச ப³லம் பரப³லாருஜம் ।
தஸ்ய தத்³வசநம் ஶ்ருத்வா ஸுரபி⁴꞉ ஸாஸ்ருஜத்ததா³ ॥ 17 ॥

தஸ்யா ஹும்பா⁴ரவோத்ஸ்ருஷ்டா꞉ பப்லவா꞉ ஶதஶோ ந்ருப ।
நாஶயந்தி ப³லம் ஸர்வம் விஶ்வாமித்ரஸ்ய பஶ்யத꞉ ॥ 18 ॥

ப³லம் ப⁴க்³நம் ததோ த்³ருஷ்ட்வா ரதே²நாக்ரம்ய கௌஶிக꞉ ।
ஸ ராஜா பரமக்ருத்³தோ⁴ ரோஷவிஸ்பா²ரிதேக்ஷண꞉ ॥ 19 ॥ [க்ரோத⁴]

பப்லவாந்நாஶயாமாஸ ஶஸ்த்ரைருச்சாவசைரபி ।
விஶ்வாமித்ரார்தி³தாந்த்³ருஷ்ட்வா பப்லவாந் ஶதஶஸ்ததா³ ॥ 20 ॥

பூ⁴ய ஏவாஸ்ருஜத்கோபாச்ச²காந்யவநமிஶ்ரிதாந் ।
தைராஸீத்ஸம்வ்ருதா பூ⁴மி꞉ ஶகைர்யவநமிஶ்ரிதை꞉ ॥ 21 ॥

ப்ரபா⁴வத்³பி⁴ர்மஹாவீர்யைர்ஹேமகிஞ்ஜல்கஸந்நிபை⁴꞉ ।
தீ³ர்கா⁴ஸிபட்டிஶத⁴ரைர்ஹேமவர்ணாம்ப³ராவ்ருதை꞉ ॥ 22 ॥

நிர்த³க்³த⁴ம் தத்³ப³லம் ஸர்வம் ப்ரதீ³ப்தைரிவ பாவகை꞉ ।
ததோ(அ)ஸ்த்ராணி மஹாதேஜா விஶ்வாமித்ரோ முமோச ஹ ।
தைஸ்தைர்யவநகாம்போ⁴ஜா꞉ பப்லவாஶ்சாகுலீக்ருதா꞉ ॥ 23 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ சது꞉பஞ்சாஶ꞉ ஸர்க³꞉ ॥ 54 ॥

பா³லகாண்ட³ பஞ்சபஞ்சாஶ꞉ ஸர்க³꞉ (55) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.