Balakanda Sarga 35 – பா³லகாண்ட³ பஞ்சத்ரிம்ஶ꞉ ஸர்க³꞉ (35)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ பஞ்சத்ரிம்ஶ꞉ ஸர்க³꞉ (35)

॥ உமாக³ங்கா³வ்ருத்தாந்தஸங்க்ஷேப꞉ ॥

உபாஸ்ய ராத்ரிஶேஷம் து ஶோணாகூலே மஹர்ஷிபி⁴꞉ ।
நிஶாயாம் ஸுப்ரபா⁴தாயாம் விஶ்வாமித்ரோ(அ)ப்⁴யபா⁴ஷத ॥ 1 ॥

ஸுப்ரபா⁴தா நிஶா ராம பூர்வா ஸந்த்⁴யா ப்ரவர்ததே ।
உத்திஷ்டோ²த்திஷ்ட² ப⁴த்³ரம் தே க³மநாயாபி⁴ரோசய ॥ 2 ॥

தச்ச்²ருத்வா வசநம் தஸ்ய க்ருத்வா பௌர்வாஹ்ணிகீம் க்ரியாம் ।
க³மநம் ரோசயாமாஸ வாக்யம் சேத³முவாச ஹ ॥ 3 ॥

அயம் ஶோண꞉ ஶுப⁴ஜலோகா³த⁴꞉ புலிநமண்டி³த꞉ ।
கதரேண பதா² ப்³ரஹ்மந்ஸந்தரிஷ்யாமஹே வயம் ॥ 4 ॥

ஏவமுக்தஸ்து ராமேண விஶ்வாமித்ரோ(அ)ப்³ரவீதி³த³ம் ।
ஏஷ பந்தா² மயோத்³தி³ஷ்டோ யேந யாந்தி மஹர்ஷய꞉ ॥ 5 ॥

ஏவமுக்தா மஹர்ஷயோ விஶ்வாமித்ரேண தீ⁴மதா ।
பஶ்யந்தஸ்தே ப்ரயாதா வை வநாநி விவிதா⁴நி ச ॥ 6 ॥

தே க³த்வா தூ³ரமத்⁴வாநம் க³தே(அ)ர்த⁴தி³வஸே ததா³ ।
ஜாஹ்நவீம் ஸரிதாம் ஶ்ரேஷ்டா²ம் த³த்³ருஶுர்முநிஸேவிதாம் ॥ 7 ॥

தாம் த்³ருஷ்ட்வா புண்யஸலிலாம் ஹம்ஸஸாரஸஸேவிதாம் ।
ப³பூ⁴வுர்முநய꞉ ஸர்வே முதி³தா꞉ ஸஹராக⁴வா꞉ ॥ 8 ॥

தஸ்யாஸ்தீரே ததஶ்சக்ருஸ்த ஆவாஸபரிக்³ரஹம் ।
தத꞉ ஸ்நாத்வா யதா²ந்யாயம் ஸந்தர்ப்ய பித்ருதே³வதா꞉ ॥ 9 ॥

ஹுத்வா சைவாக்³நிஹோத்ராணி ப்ராஶ்ய சாநுத்தமம் ஹவி꞉ ।
விவிஶுர்ஜாஹ்நவீதீரே ஶுசௌ முதி³தமாநஸா꞉ ॥ 10 ॥

விஶ்வாமித்ரம் மஹாத்மாநம் பரிவார்ய ஸமந்தத꞉ ।
ஸம்ப்ரஹ்ருஷ்டமநா ராமோ விஶ்வாமித்ரமதா²ப்³ரவீத் ॥ 11 ॥

ப⁴க³வந் ஶ்ரோதுமிச்சா²மி க³ங்கா³ம் த்ரிபத²கா³ம் நதீ³ம் ।
த்ரைலோக்யம் கத²மாக்ரம்ய க³தா நத³நதீ³பதிம் ॥ 12 ॥

சோதி³தோ ராமவாக்யேந விஶ்வாமித்ரோ மஹாமுநி꞉ ।
வ்ருத்³தி⁴ம் ஜந்ம ச க³ங்கா³யா வக்துமேவோபசக்ரமே ॥ 13 ॥

ஶைலேந்த்³ரோ ஹிமவாந்ராம தா⁴தூநாமாகரோ மஹாந் ।
தஸ்ய கந்யாத்³வயம் ஜாதம் ரூபேணாப்ரதிமம் பு⁴வி ॥ 14 ॥

யா மேருது³ஹிதா ராம தயோர்மாதா ஸுமத்⁴யமா ।
நாம்நா மேநா மநோஜ்ஞா வை பத்நீ ஹிமவத꞉ ப்ரியா ॥ 15 ॥

தஸ்யாம் க³ங்கே³யமப⁴வஜ்ஜ்யேஷ்டா² ஹிமவத꞉ ஸுதா ।
உமா நாம த்³விதீயாபூ⁴த்கந்யா தஸ்யைவ ராக⁴வ ॥ 16 ॥

அத² ஜ்யேஷ்டா²ம் ஸுரா꞉ ஸர்வே தே³வதார்த²சிகீர்ஷயா ।
ஶைலேந்த்³ரம் வரயாமாஸுர்க³ங்கா³ம் த்ரிபத²கா³ம் நதீ³ம் ॥ 17 ॥

த³தௌ³ த⁴ர்மேண ஹிமவாம்ஸ்தநயாம் லோகபாவநீம் ।
ஸ்வச்ச²ந்த³பத²கா³ம் க³ங்கா³ம் த்ரைலோக்யஹிதகாம்யயா ॥ 18 ॥

ப்ரதிக்³ருஹ்ய ததோ தே³வாஸ்த்ரிலோகஹிதகாரிண꞉ ।
க³ங்கா³மாதா³ய தே(அ)க³ச்ச²ந்க்ருதார்தே²நாந்தராத்மநா ॥ 19 ॥

யா சாந்யா ஶைலது³ஹிதா கந்யா(ஆ)ஸீத்³ரகு⁴நந்த³ந ।
உக்³ரம் ஸா வ்ரதமாஸ்தா²ய தபஸ்தேபே தபோத⁴நா ॥ 20 ॥

உக்³ரேண தபஸா யுக்தாம் த³தௌ³ ஶைலவர꞉ ஸுதாம் ।
ருத்³ராயாப்ரதிரூபாய உமாம் லோகநமஸ்க்ருதாம் ॥ 21 ॥

ஏதே தே ஶைலராஜஸ்ய ஸுதே லோகநமஸ்க்ருதே ।
க³ங்கா³ ச ஸரிதாம் ஶ்ரேஷ்டா² உமா தே³வீ ச ராக⁴வ ॥ 22 ॥

ஏதத்தே ஸர்வமாக்²யாதம் யதா² த்ரிபத²கா³ நதீ³ ।
க²ம் க³தா ப்ரத²மம் தாத க³ங்கா³ க³திமதாம் வர ॥ 23 ॥

ஸைஷா ஸுரநதீ³ ரம்யா ஶைலேந்த்³ரஸ்ய ஸுதா ததா³ ।
ஸுரளோகம் ஸமாரூடா⁴ விபாபா ஜலவாஹிநீ ॥ 24 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ பஞ்சத்ரிம்ஶ꞉ ஸர்க³꞉ ॥ 35 ॥

பா³லகாண்ட³ ஷட்த்ரிம்ஶ꞉ ஸர்க³꞉ (36) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.