Aranya Kanda Sarga 69 – அரண்யகாண்ட³ ஏகோநஸப்ததிதம꞉ ஸர்க³꞉ (69)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஏகோநஸப்ததிதம꞉ ஸர்க³꞉ (69)

॥ கப³ந்த⁴க்³ராஹ꞉ ॥

க்ருத்வைவமுத³கம் தஸ்மை ப்ரஸ்தி²தௌ ராமலக்ஷ்மணௌ ।
அவேக்ஷந்தௌ வநே ஸீதாம் பஶ்சிமாம் ஜக்³மதுர்தி³ஶம் ॥ 1 ॥

தௌ தி³ஶம் த³க்ஷிணாம் க³த்வா ஶரசாபாஸிதா⁴ரிணௌ ।
அவிப்ரஹதமைக்ஷ்வாகௌ பந்தா²நம் ப்ரதிஜக்³மது꞉ ॥ 2 ॥

கு³ள்மைர்வ்ருக்ஷைஶ்ச ப³ஹுபி⁴ர்லதாபி⁴ஶ்ச ப்ரவேஷ்டிதம் ।
ஆவ்ருதம் ஸர்வதோ து³ர்க³ம் க³ஹநம் கோ⁴ரத³ர்ஶநம் ॥ 3 ॥

வ்யதிக்ரம்ய து வேகே³ந வ்யாளஸிம்ஹநிஷேவிதம் ।
ஸுபீ⁴மம் தந்மஹாரண்யம் வ்யதியாதௌ மஹாப³லௌ ॥ 4 ॥

தத꞉ பரம் ஜநஸ்தா²நாத் த்ரிக்ரோஶம் க³ம்ய ராக⁴வௌ ।
க்ரௌஞ்சாரண்யம் விவிஶதுர்க³ஹநம் தௌ மஹௌஜஸௌ ॥ 5 ॥

நாநாமேக⁴க⁴நப்ரக்²யம் ப்ரஹ்ருஷ்டமிவ ஸர்வத꞉ ।
நாநாபக்ஷிக³ணைர்ஜுஷ்டம் நாநாவ்யாளம்ருகை³ர்யுதம் ॥ 6 ॥

தி³த்³ருக்ஷமாணௌ வைதே³ஹீம் தத்³வநம் தௌ விசிக்யது꞉ ।
தத்ர தத்ராவதிஷ்ட²ந்தௌ ஸீதாஹரணகர்ஶிதௌ ॥ 7 ॥

தத꞉ பூர்வேண தௌ க³த்வா த்ரிக்ரோஶம் ப்⁴ராதரௌ ததா³ ।
க்ரௌஞ்சாரண்யமதிக்ரம்ய மதங்கா³ஶ்ரமமந்தரே ॥ 8 ॥

த்³ருஷ்ட்வா து தத்³வநம் கோ⁴ரம் ப³ஹுபீ⁴மம்ருக³த்³விஜம் ।
நாநாஸத்த்வஸமாகீர்ணம் ஸர்வம் க³ஹநபாத³பம் ॥ 9 ॥

த³த்³ருஶாதே து தௌ தத்ர த³ரீம் த³ஶரதா²த்மஜௌ ।
பாதாலஸமக³ம்பீ⁴ராம் தமஸா நித்யஸம்வ்ருதாம் ॥ 10 ॥

ஆஸாத்³ய தௌ நரவ்யாக்⁴ரௌ த³ர்யாஸ்தஸ்யா விதூ³ரத꞉ ।
த³த்³ருஶாதே மஹாரூபாம் ராக்ஷஸீம் விக்ருதாநநாம் ॥ 11 ॥

ப⁴யதா³மல்பஸத்த்வாநாம் பீ³ப⁴த்ஸாம் ரௌத்³ரத³ர்ஶநாம் ।
லம்போ³த³ரீம் தீக்ஷ்ணத³ம்ஷ்ட்ராம் கராளாம் பருஷத்வசம் ॥ 12 ॥

ப⁴க்ஷயந்தீம் ம்ருகா³ந் பீ⁴மாந் விகடாம் முக்தமூர்த⁴ஜாம் ।
ப்ரைக்ஷேதாம் தௌ ததஸ்தத்ர ப்⁴ராதரௌ ராமலக்ஷ்மணௌ ॥ 13 ॥

ஸா ஸமாஸாத்³ய தௌ வீரௌ வ்ரஜந்தம் ப்⁴ராதுரக்³ரத꞉ ।
ஏஹி ரம்ஸ்யாவஹேத்யுக்த்வா ஸமாலம்ப³த லக்ஷ்மணம் ॥ 14 ॥

உவாச சைநம் வசநம் ஸௌமித்ரிமுபகூ³ஹ்ய ஸா ।
அஹம் த்வயோமுகீ² நாம லாப⁴ஸ்தே த்வமஸி ப்ரிய꞉ ॥ 15 ॥

நாத² பர்வதகூடேஷு நதீ³நாம் புலிநேஷு ச ।
ஆயு꞉ஶேஷமிமம் வீர த்வம் மயா ஸஹ ரம்ஸ்யஸே ॥ 16 ॥

ஏவமுக்தஸ்து குபித꞉ க²ட்³க³முத்³த்⁴ருத்ய லக்ஷ்மண꞉ ।
கர்ணநாஸௌ ஸ்தநௌ சாஸ்யா நிசகர்தாரிஸூத³ந꞉ ॥ 17 ॥

கர்ணநாஸே நிக்ருத்தே து விஸ்வரம் ஸா விநத்³ய ச ।
யதா²க³தம் ப்ரது³த்³ராவ ராக்ஷஸீ பீ⁴மத³ர்ஶநா ॥ 18 ॥

தஸ்யாம் க³தாயாம் க³ஹநம் விஶந்தௌ வநமோஜஸா ।
ஆஸேத³துரமித்ரக்⁴நௌ ப்⁴ராதரௌ ராமலக்ஷ்மணௌ ॥ 19 ॥

லக்ஷ்மணஸ்து மஹாதேஜா꞉ ஸத்த்வவாஞ்சீ²லவாஞ்சு²சி꞉ ।
அப்³ரவீத்ப்ராஞ்ஜலிர்வாக்யம் ப்⁴ராதரம் தீ³ப்ததேஜஸம் ॥ 20 ॥

ஸ்பந்த³தே மே த்³ருட⁴ம் பா³ஹுருத்³விக்³நமிவ மே மந꞉ ।
ப்ராயஶஶ்சாப்யநிஷ்டாநி நிமித்தாந்யுபலக்ஷயே ॥ 21 ॥

தஸ்மாத்ஸஜ்ஜீப⁴வார்ய த்வம் குருஷ்வ வசநம் ஹிதம் ।
மமைவ ஹி நிமித்தாநி ஸத்³ய꞉ ஶம்ஸந்தி ஸம்ப்⁴ரமம் ॥ 22 ॥

ஏஷ வஞ்சுலகோ நாம பக்ஷீ பரமதா³ருண꞉ ।
ஆவயோர்விஜயம் யுத்³தே⁴ ஶம்ஸந்நிவ விநர்த³தி ॥ 23 ॥

தயோரந்வேஷதோரேவம் ஸர்வம் தத்³வநமோஜஸா ।
ஸஞ்ஜஜ்ஞே விபுல꞉ ஶப்³த³꞉ ப்ரப⁴ஞ்ஜந்நிவ தத்³வநம் ॥ 24 ॥

ஸம்வேஷ்டிதமிவாத்யர்த²ம் க³க³நம் மாதரிஶ்வநா ।
வநஸ்ய தஸ்ய ஶப்³தோ³(அ)பூ⁴த்³தி³வமாபூரயந்நிவ ॥ 25 ॥

தம் ஶப்³த³ம் காங்க்ஷமாணஸ்து ராம꞉ கக்ஷே ஸஹாநுஜ꞉ ।
த³த³ர்ஶ ஸுமஹாகாயம் ராக்ஷஸம் விபுலோரஸம் ॥ 26 ॥

ஆஸேத³துஸ்ததஸ்தத்ர தாவுபௌ⁴ ப்ரமுகே² ஸ்தி²தம் ।
விவ்ருத்³த⁴மஶிரோக்³ரீவம் கப³ந்த⁴முத³ரேமுக²ம் ॥ 27 ॥

ரோமபி⁴ர்நிசிதைஸ்தீக்ஷ்ணைர்மஹாகி³ரிமிவோச்ச்²ரிதம் ।
நீலமேக⁴நிப⁴ம் ரௌத்³ரம் மேக⁴ஸ்தநிதநி꞉ஸ்வநம் ॥ 28 ॥

அக்³நிஜ்வாலாநிகாஶேந லலாடஸ்தே²ந தீ³ப்யதா ।
மஹாபக்ஷ்மேண பிங்கே³ந விபுலேநாயதேந ச ॥ 29 ॥

ஏகேநோரஸி கோ⁴ரேண நயநேநாஶுத³ர்ஶிநா ।
மஹாத³ம்ஷ்ட்ரோபபந்நம் தம் லேலிஹாநம் மஹாமுக²ம் ॥ 30 ॥

ப⁴க்ஷயந்தம் மஹாகோ⁴ராந்ருக்ஷஸிம்ஹம்ருக³த்³விபாந் ।
கோ⁴ரௌ பு⁴ஜௌ விகுர்வாணமுபௌ⁴ யோஜநமாயதௌ ॥ 31 ॥

கராப்⁴யாம் விவிதா⁴ந் க்³ருஹ்ய ருக்ஷாந் பக்ஷிக³ணாந் ம்ருகா³ந் ।
ஆகர்ஷந்தம் விகர்ஷந்தமநேகாந் ம்ருக³யூத²பாந் ॥ 32 ॥

ஸ்தி²தமாவ்ருத்ய பந்தா²நம் தயோர்ப்⁴ராத்ரோ꞉ ப்ரபந்நயோ꞉ ।
அத² தௌ ஸமபி⁴க்ரம்ய க்ரோஶமாத்ரே த³த³ர்ஶது꞉ ॥ 33 ॥

மஹாந்தம் தா³ருணம் பீ⁴மம் கப³ந்த⁴ம் பு⁴ஜஸம்வ்ருதம் ।
கப³ந்த⁴மிவ ஸம்ஸ்தா²நாத³திகோ⁴ரப்ரத³ர்ஶநம் ॥ 34 ॥

ஸ மஹாபா³ஹுரத்யர்த²ம் ப்ரஸார்ய விபுலௌ பூ⁴ஜௌ ।
ஜக்³ராஹ ஸஹிதாவேவ ராக⁴வௌ பீட³யந் ப³லாத் ॥ 35 ॥

க²ட்³கி³நௌ த்³ருட⁴த⁴ந்வாநௌ திக்³மதேஜோவபுர்த⁴ரௌ ।
ப்⁴ராதரௌ விவஶம் ப்ராப்தௌ க்ருஷ்யமாணௌ மஹாப³லௌ ॥ 36 ॥

தத்ர தை⁴ர்யேண ஶூரஸ்து ராக⁴வோ நைவ விவ்யதே² ।
பா³ல்யாத³நாஶ்ரயத்வாச்ச லக்ஷ்மணஸ்த்வதிவிவ்யதே² ॥ 37 ॥

உவாச ச விஷண்ண꞉ ஸந் ராக⁴வம் ராக⁴வாநுஜ꞉ ।
பஶ்ய மாம் வீர விவஶம் ராக்ஷஸஸ்ய வஶம் க³தம் ॥ 38 ॥

மயைகேந விநிர்யுக்த꞉ பரிமுஞ்சஸ்வ ராக⁴வ ।
மாம் ஹி பூ⁴தப³லிம் த³த்த்வா பலாயஸ்வ யதா²ஸுக²ம் ॥ 39 ॥

அதி⁴க³ந்தா(அ)ஸி வைதே³ஹீமசிரேணேதி மே மதி꞉ ।
ப்ரதிலப்⁴ய ச காகுத்ஸ்த² பித்ருபைதாமஹீம் மஹீம் ॥ 40 ॥

தத்ர மாம் ராம ராஜ்யஸ்த²꞉ ஸ்மர்துமர்ஹிஸி ஸர்வதா³ ।
லக்ஷ்மணேநைவமுக்தஸ்து ராம꞉ ஸௌமித்ரிமப்³ரவீத் ॥ 41 ॥

மா ஸ்ம த்ராஸம் க்ருதா² வீர ந ஹி த்வாத்³ருக்³விஷீத³தி ।
ஏதஸ்மிந்நந்தரே க்ரூரோ ப்⁴ராதரௌ ராமலக்ஷ்மணௌ ॥ 42 ॥

பப்ரச்ச² க⁴நநிர்கோ⁴ஷ꞉ கப³ந்தோ⁴ தா³நவோத்தம꞉ ।
கௌ யுவாம் வ்ருஷப⁴ஸ்கந்தௌ⁴ மஹாக²ட்³க³த⁴நுர்த⁴ரௌ ॥ 43 ॥

கோ⁴ரம் தே³ஶமிமம் ப்ராப்தௌ மம ப⁴க்ஷாவுபஸ்தி²தௌ ।
வத³தம் கார்யமிஹ வாம் கிமர்த²ம் சாக³தௌ யுவாம் ॥ 44 ॥

இமம் தே³ஶமநுப்ராப்தௌ க்ஷுதா⁴ர்தஸ்யேஹ திஷ்ட²த꞉ ।
ஸபா³ணசாபக²ட்³கௌ³ ச தீக்ஷ்ணஶ்ருங்கா³விவர்ஷபௌ⁴ ॥ 45 ॥

மமாஸ்யமநுஸம்ப்ராப்தௌ து³ர்லப⁴ம் ஜீவிதம் புந꞉ ।
தஸ்ய தத்³வசநம் ஶ்ருத்வா கப³ந்த⁴ஸ்ய து³ராத்மந꞉ ॥ 46 ॥

உவாச லக்ஷ்மணம் ராமோ முகே²ந பரிஶுஷ்யதா ।
க்ருச்ச்²ராத் க்ருச்ச்²ரதரம் ப்ராப்ய தா³ருணம் ஸத்யவிக்ரம ॥ 47 ॥

வ்யஸநம் ஜீவிதாந்தாய ப்ராப்தமப்ராப்ய தாம் ப்ரியாம் ।
காலஸ்ய ஸுமஹத்³வீர்யம் ஸர்வபூ⁴தேஷு லக்ஷ்மண ॥ 48 ॥

த்வாம் ச மாம் ச நரவ்யாக்⁴ர வ்யஸநை꞉ பஶ்ய மோஹிதௌ ।
நாதிபா⁴ரோ(அ)ஸ்தி தை³வஸ்ய ஸர்வபூ⁴தேஷு லக்ஷண ॥ 49 ॥

ஶூராஶ்ச ப³லவந்தஶ்ச க்ருதாஸ்த்ராஶ்ச ரணாஜிரே ।
காலாபி⁴பந்நா꞉ ஸீத³ந்தி யதா² வாலுகஸேதவ꞉ ॥ 50 ॥

இதி ப்³ருவாணோ த்³ருட⁴ஸத்யவிக்ரமோ
மஹாயஶா தா³ஶரதி²꞉ ப்ரதாபவாந் ।
அவேக்ஷ்ய ஸௌமித்ரிமுத³க்³ரபௌருஷம்
ஸ்தி²ராம் ததா³ ஸ்வாம் மதிமாத்மநா(அ)கரோத் ॥ 51 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஏகோநஸப்ததிதம꞉ ஸர்க³꞉ ॥ 69 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.