Aranya Kanda Sarga 49 – அரண்யகாண்ட³ ஏகோநபஞ்சாஶ꞉ ஸர்க³꞉ (49)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஏகோநபஞ்சாஶ꞉ ஸர்க³꞉ (49)

॥ ஸீதாபஹரணம் ॥

ஸீதாயா வசநம் ஶ்ருத்வா த³ஶக்³ரீவ꞉ ப்ரதாபவாந் ।
ஹஸ்தே ஹஸ்தம் ஸமாஹத்ய சகார ஸுமஹத்³வபு꞉ ॥ 1 ॥

ஸ மைதி²லீம் புநர்வாக்யம் ப³பா⁴ஷே ச ததோ ப்⁴ருஶம் ।
நோந்மத்தயா ஶ்ருதௌ மந்யே மம வீர்யபராக்ரமௌ ॥ 2 ॥

உத்³வஹேயம் பு⁴ஜாப்⁴யாம் து மேதி³நீமம்ப³ரே ஸ்தி²த꞉ ।
ஆபிபே³யம் ஸமுத்³ரம் ச ஹந்யாம் ம்ருத்யும் ரணே ஸ்தி²த꞉ ॥ 3 ॥

அர்கம் ருந்த்⁴யாம் ஶரைஸ்தீக்ஷ்ணைர்நிர்பி⁴ந்த்³யாம் ஹி மஹீதலம் ।
காமரூபிணமுந்மத்தே பஶ்ய மாம் காமத³ம் பதிம் ॥ 4 ॥

ஏவமுக்தவதஸ்தஸ்ய ஸூர்யகல்பே ஶிகி²ப்ரபே⁴ ।
க்ருத்³த⁴ஸ்ய ஹரிபர்யந்தே ரக்தே நேத்ரே ப³பூ⁴வது꞉ ॥ 5 ॥

ஸத்³ய꞉ ஸௌம்யம் பரித்யஜ்ய பி⁴க்ஷுரூபம் ஸ ராவண꞉ ।
ஸ்வம் ரூபம் காலரூபாப⁴ம் பே⁴ஜே வைஶ்ரவணாநுஜ꞉ ॥ 6 ॥

ஸம்ரக்தநயந꞉ ஶ்ரீமாம்ஸ்தப்தகாஞ்சநகுண்ட³ல꞉ ।
க்ரோதே⁴ந மஹதாவிஷ்டோ நீலஜீமூதஸந்நிப⁴꞉ ॥ 7 ॥

த³ஶாஸ்ய꞉ கார்முகீ பா³ணீ ப³பூ⁴வ க்ஷணதா³சர꞉ ।
ஸ பரிவ்ராஜகச்ச²த்³ம மஹாகாயோ விஹாய தத் ॥ 8 ॥

ப்ரதிபத்³ய ஸ்வகம் ரூபம் ராவணோ ராக்ஷஸாதி⁴ப꞉ ।
ஸம்ரக்தநயந꞉ க்ரோதா⁴ஜ்ஜீமூதநிசயப்ரப⁴꞉ ॥ 9 ॥

ரக்தாம்ப³ரத⁴ரஸ்தஸ்தௌ² ஸ்த்ரீரத்நம் ப்ரேக்ஷ்ய மைதி²லீம் ।
ஸ தாமஸிதகேஶாந்தாம் பா⁴ஸ்கரஸ்ய ப்ரபா⁴மிவ ॥ 10 ॥

வஸநாப⁴ரணோபேதாம் மைதி²லீம் ராவணோ(அ)ப்³ரவீத் ।
த்ரிஷு லோகேஷு விக்²யாதம் யதி³ ப⁴ர்தாரமிச்ச²ஸி ॥ 11 ॥

மாமாஶ்ரய வராரோஹே தவாஹம் ஸத்³ருஶ꞉ பதி꞉ ।
மாம் ப⁴ஜஸ்வ சிராய த்வமஹம் ஶ்லாக்⁴ய꞉ ப்ரியஸ்தவ ॥ 12 ॥

நைவ சாஹம் க்வசித்³ப⁴த்³ரே கரிஷ்யே தவ விப்ரியம் ।
த்யஜ்யதாம் மாநுஷோ பா⁴வோ மயி பா⁴வ꞉ ப்ரணீயதாம் ॥ 13 ॥

ராஜ்யாச்ச்யுதமஸித்³தா⁴ர்த²ம் ராமம் பரிமிதாயுஷம் ।
கைர்கு³ணைரநுரக்தாஸி மூடே⁴ பண்டி³தமாநிநி ॥ 14 ॥

ய꞉ ஸ்த்ரியா வசநாத்³ராஜ்யம் விஹாய ஸஸுஹ்ருஜ்ஜநம் ।
அஸ்மிந் வ்யாளாநுசரிதே வநே வஸதி து³ர்மதி꞉ ॥ 15 ॥

இத்யுக்த்வா மைதி²லீம் வாக்யம் ப்ரியார்ஹாம் ப்ரியவாதி³நீம் ।
அபி⁴க³ம்ய ஸுது³ஷ்டாத்மா ராக்ஷஸ꞉ காமமோஹித꞉ ॥ 16 ॥

ஜக்³ராஹ ராவண꞉ ஸீதாம் பு³த⁴꞉ கே² ரோஹிணீமிவ ।
வாமேந ஸீதாம் பத்³மாக்ஷீம் மூர்த⁴ஜேஷு கரேண ஸ꞉ ॥ 17 ॥

ஊர்வோஸ்து த³க்ஷிணேநைவ பரிஜக்³ராஹ பாணிநா ।
தம் த்³ருஷ்ட்வா ம்ருத்யுஸங்காஶம் தீக்ஷ்ணத³ம்ஷ்ட்ரம் மஹாபு⁴ஜம் ॥ 18 ॥

ப்ராத்³ரவந் கி³ரிஸங்காஶம் ப⁴யார்தா வநதே³வதா꞉ ।
ஸ ச மாயாமயோ தி³வ்ய꞉ க²ரயுக்த꞉ க²ரஸ்வந꞉ ॥ 19 ॥

ப்ரத்யத்³ருஶ்யத ஹேமாங்கோ³ ராவணஸ்ய மஹாரத²꞉ ।
ததஸ்தாம் பருஷைர்வாக்யைர்ப⁴ர்த்ஸயந் ஸ மஹாஸ்வந꞉ ॥ 20 ॥

அங்கேநாதா³ய வைதே³ஹீம் ரத²மாரோபயத்ததா³ ।
ஸா க்³ருஹீதா விசுக்ரோஶ ராவணேந யஶஸ்விநீ ॥ 21 ॥

ராமேதி ஸீதா து³꞉கா²ர்தா ராமம் தூ³ரக³தம் வநே ।
தாமகாமாம் ஸ காமார்த꞉ பந்நகே³ந்த்³ரவதூ⁴மிவ ॥ 22 ॥

விவேஷ்டமாநாமாதா³ய உத்பபாதாத² ராவண꞉ ।
தத꞉ ஸா ராக்ஷஸேந்த்³ரேண ஹ்ரியமாணா விஹாயஸா ॥ 23 ॥

ப்⁴ருஶம் சுக்ரோஶ மத்தேவ ப்⁴ராந்தசித்தா யதா²(ஆ)துரா ।
ஹா லக்ஷ்மண மஹாபா³ஹோ கு³ருசித்தப்ரஸாத³க ॥ 24 ॥

ஹ்ரியமாணாம் ந ஜாநீஷே ரக்ஷஸா மாமமர்ஷிணா ।
ஜீவிதம் ஸுக²மர்தா²ம்ஶ்ச த⁴ர்மஹேதோ꞉ பரித்யஜந் ॥ 25 ॥

ஹ்ரியமாணாமத⁴ர்மேண மாம் ராக⁴வ ந பஶ்யஸி ।
நநு நாமாவிநீதாநாம் விநேதாஸி பரந்தப ॥ 26 ॥

கத²மேவம்வித⁴ம் பாபம் ந த்வம் ஶாஸ்ஸி ஹி ராவணம் ।
நநு ஸத்³யோ(அ)விநீதஸ்ய த்³ருஶ்யதே கர்மண꞉ ப²லம் ॥ 27 ॥

காலோ(அ)ப்யங்கீ³ ப⁴வத்யத்ர ஸஸ்யாநாமிவ பக்தயே ।
ஸ கர்ம க்ருதவாநேதத் காலோபஹதசேதந꞉ ॥ 28 ॥

ஜீவிதாந்தகரம் கோ⁴ரம் ராமாத்³வ்யஸநமாப்நுஹி ।
ஹந்தேதா³நீம் ஸகாமாஸ்து கைகேயீ ஸஹ பா³ந்த⁴வை꞉ ॥ 29 ॥

ஹ்ரியே யத்³த⁴ர்மகாமஸ்ய த⁴ர்மபத்நீ யஶஸ்விந꞉ ।
ஆமந்த்ரயே ஜநஸ்தா²நே கர்ணிகாராந் ஸுபுஷ்பிதாந் ॥ 30 ॥

க்ஷிப்ரம் ராமாய ஶம்ஸத்⁴வம் ஸீதாம் ஹரதி ராவண꞉ ।
மால்யவந்தம் ஶிக²ரிணம் வந்தே³ ப்ரஸ்ரவணம் கி³ரம் ॥ 31 ॥

க்ஷிப்ரம் ராமாய ஶம்ஸ த்வம் ஸீதாம் ஹரதி ராவண꞉ ।
ஹம்ஸகாரண்ட³வாகீர்ணாம் வந்தே³ கோ³தா³வரீம் நதீ³ம் ॥ 32 ॥

க்ஷிப்ரம் ராமாய ஶம்ஸ த்வம் ஸீதாம் ஹரதி ராவண꞉ ।
தை³வதாநி ச யாந்யஸ்மிந் வநே விவித⁴பாத³பே ॥ 33 ॥

நமஸ்கரோம்யஹம் தேப்⁴யோ ப⁴ர்து꞉ ஶம்ஸத மாம் ஹ்ருதாம் ।
யாநி காநி சித³ப்யத்ர ஸத்த்வாநி நிவஸந்த்யுத ॥ 34 ॥

ஸர்வாணி ஶரணம் யாமி ம்ருக³பக்ஷிக³ணாநபி ।
ஹ்ரியமாணாம் ப்ரியாம் ப⁴ர்து꞉ ப்ராணேப்⁴யோ(அ)பி க³ரீயஸீம் ॥ 35 ॥

விவஶா(அ)பஹ்ருதா ஸீதா ராவணேநேதி ஶம்ஸத ।
விதி³த்வா மாம் மஹாபா³ஹுரமுத்ராபி மஹாப³ல꞉ ॥ 36 ॥

ஆநேஷ்யதி பராக்ரம்ய வைவஸ்வதஹ்ருதாமபி ।
ஸா ததா³ கருணா வாசோ விளபந்தீ ஸுது³꞉கி²தா ॥ 37 ॥

வநஸ்பதிக³தம் க்³ருத்⁴ரம் த³த³ர்ஶாயதலோசநா ।
ஸா தமுத்³வீக்ஷ்ய ஸுஶ்ரோணீ ராவணஸ்ய வஶம் க³தா ॥ 38 ॥

ஸமாக்ரந்த³த்³ப⁴யபரா து³꞉கோ²பஹதயா கி³ரா ।
ஜடாயோ பஶ்ய மாமார்ய ஹ்ரியமாணாமநாத²வத் ॥ 39 ॥

அநேந ராக்ஷஸேந்த்³ரேண கருணம் பாபகர்மணா ।
நைஷ வாரயிதும் ஶக்யஸ்தவ க்ரூரோ நிஶாசர꞉ ॥ 40 ॥

ஸத்த்வவாந் ஜிதகாஶீ ச ஸாயுத⁴ஶ்சைவ து³ர்மதி꞉ ।
ராமாய து யதா²தத்த்வம் ஜடாயோ ஹரணம் மம ।
லக்ஷ்மணாய ச தத்ஸர்வமாக்²யாதவ்யமஶேஷத꞉ ॥ 41 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஏகோநபஞ்சாஶ꞉ ஸர்க³꞉ ॥ 49 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.