Aranya Kanda Sarga 46 – அரண்யகாண்ட³ ஷட்சத்வாரிம்ஶ꞉ ஸர்க³꞉ (46)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஷட்சத்வாரிம்ஶ꞉ ஸர்க³꞉ (46)

॥ ராவணபி⁴க்ஷுஸத்கார꞉ ॥

ததா² பருஷமுக்தஸ்து குபிதோ ராக⁴வாநுஜ꞉ ।
ஸ விகாங்க்ஷந்ப்⁴ருஶம் ராமம் ப்ரதஸ்தே² ந சிராதி³வ ॥ 1 ॥

ததா³ஸாத்³ய த³ஶக்³ரீவ꞉ க்ஷிப்ரமந்தரமாஸ்தி²த꞉ ।
அபி⁴சக்ராம வைதே³ஹீம் பரிவ்ராஜகரூபத்⁴ருத் ॥ 2 ॥

ஶ்லக்ஷ்ணகாஷாயஸம்வீத꞉ ஶிகீ² ச²த்ரீ உபாநஹீ ।
வாமே சாம்ஸே(அ)வஸஜ்யாத² ஶுபே⁴ யஷ்டிகமண்ட³லூ ॥ 3 ॥

பரிவ்ராஜகரூபேண வைதே³ஹீம் ஸமுபாக³மத் ।
தாமாஸஸாதா³திப³லோ ப்⁴ராத்ருப்⁴யாம் ரஹிதாம் வநே ॥ 4 ॥

ரஹிதாம் சந்த்³ரஸூர்யாப்⁴யாம் ஸந்த்⁴யாமிவ மஹத்தம꞉ ।
தாமபஶ்யத்ததோ பா³லாம் ராமபத்நீம் யஶஸ்விநீம் ॥ 5 ॥

ரோஹிணீம் ஶஶிநா ஹீநாம் க்³ரஹவத்³ப்⁴ருஶதா³ருண꞉ ।
தமுக்³ரதேஜ꞉ கர்மாணம் ஜநஸ்தா²நருஹா த்³ருமா꞉ ॥ 6 ॥

ஸமீக்ஷ்ய ந ப்ரகம்பந்தே ந ப்ரவாதி ச மாருத꞉ ।
ஶீக்⁴ரஸ்ரோதாஶ்ச தம் த்³ருஷ்ட்வா வீக்ஷந்தம் ரக்தலோசநம் ॥ 7 ॥

ஸ்திமிதம் க³ந்துமாரேபே⁴ ப⁴யாத்³கோ³தா³வரீ நதீ³ ।
ராமஸ்ய த்வந்தரப்ரேப்ஸுர்த³ஶக்³ரீவஸ்தத³ந்தரே ॥ 8 ॥

உபதஸ்தே² ச வைதே³ஹீம் பி⁴க்ஷுரூபேண ராவண꞉ ।
அப⁴வ்யோ ப⁴வ்யரூபேண ப⁴ர்தாரமநுஶோசதீம் ॥ 9 ॥

அப்⁴யவர்தத வைதே³ஹீம் சித்ராமிவ ஶநைஶ்சர꞉ ।
ஸ பாபோ ப⁴வ்யரூபேண த்ருணை꞉ கூப இவாவ்ருத꞉ ॥ 10 ॥

அதிஷ்ட²த்ப்ரேக்ஷ்ய வைதே³ஹீம் ராமபத்நீம் யஶஸ்விநீம் ।
[* திஷ்ட²ந் ஸம்ப்ரேக்ஷ்ய ச ததா³ பத்நீம் ராமஸ்ய ராவண । *]
ஶுபா⁴ம் ருசிரத³ந்தோஷ்டீ²ம் பூர்ணசந்த்³ரநிபா⁴நநாம் ॥ 11 ॥

ஆஸீநாம் பர்ணஶாலாயாம் பா³ஷ்பஶோகாபி⁴பீடி³தாம் ।
ஸ தாம் பத்³மபலாஶாக்ஷீம் பீதகௌஶேயவாஸிநீம் ॥ 12 ॥

அப்⁴யக³ச்ச²த வைதே³ஹீம் து³ஷ்டசேதா நிஶாசர꞉ ।
ஸ மந்மத²ஶராவிஷ்டோ ப்³ரஹ்மகோ⁴ஷமுதீ³ரயந் ॥ 13 ॥

அப்³ரவீத்ப்ரஶ்ரிதம் வாக்யம் ரஹிதே ராக்ஷஸாதி⁴ப꞉ ।
தாமுத்தமாம் ஸ்த்ரியம் லோகே பத்³மஹீநாமிவ ஶ்ரியம் ॥ 14 ॥

விப்⁴ராஜமாநாம் வபுஷா ராவண꞉ ப்ரஶஶம்ஸ ஹ ।
கா த்வம் காஞ்சநவர்ணாபே⁴ பீதகௌஶேயவாஸிநி ॥ 15 ॥

கமலாநாம் ஶுபா⁴ம் மாலாம் பத்³மிநீவ ஹி பி³ப்⁴ரதீ ।
ஹ்ரீ꞉ கீர்தி꞉ ஶ்ரீ꞉ ஶுபா⁴ லக்ஷ்மீரப்ஸரா வா ஶுபா⁴நநே ॥ 16 ॥

பூ⁴திர்வா த்வம் வராரோஹே ரதிர்வா ஸ்வைரசாரிணீ ।
ஸமா꞉ ஶிக²ரிண꞉ ஸ்நிக்³தா⁴꞉ பாண்டு³ரா த³ஶநாஸ்தவ ॥ 17 ॥

விஶாலே விமலே நேத்ரே ரக்தாந்தே க்ருஷ்ணதாரகே ।
விஶாலம் ஜக⁴நம் பீநமூரூ கரிகரோபமௌ ॥ 18 ॥

ஏதாவுபசிதௌ வ்ருத்தௌ ஸம்ஹதௌ ஸம்ப்ரவள்கி³தௌ ।
பீநோந்நதமுகௌ² காந்தௌ ஸ்நிக்³தௌ⁴ தாலப²லோபமௌ ॥ 19 ॥

மணிப்ரவேகாப⁴ரணௌ ருசிரௌ தே பயோத⁴ரௌ ।
சாருஸ்மிதே சாருத³தி சாருநேத்ரே விளாஸிநி ॥ 20 ॥

மநோ ஹரஸி மே காந்தே நதீ³கூலமிவாம்ப⁴ஸா ।
கராந்தமிதமத்⁴யாஸி ஸுகேஶீ ஸம்ஹதஸ்தநீ ॥ 21 ॥

நைவ தே³வீ ந க³ந்த⁴ர்வீ ந யக்ஷீ ந ச கிந்நரீ ।
நைவம்ரூபா மயா நாரீ த்³ருஷ்டபூர்வா மஹீதலே ॥ 22 ॥

ரூபமக்³ர்யம் ச லோகேஷு ஸௌகுமார்யம் வயஶ்ச தே ।
இஹ வாஸஶ்ச காந்தாரே சித்தமுந்மாத³யந்தி மே ॥ 23 ॥

ஸா ப்ரதிக்ராம ப⁴த்³ரம் தே ந த்வம் வஸ்துமிஹார்ஹஸி ।
ராக்ஷஸாநாமயம் வாஸோ கோ⁴ராணாம் காமரூபிணாம் ॥ 24 ॥

ப்ராஸாதா³க்³ராணி ரம்யாணி நக³ரோபவநாநி ச ।
ஸம்பந்நாநி ஸுக³ந்தீ⁴நி யுக்தாந்யாசரிதும் த்வயா ॥ 25 ॥

வரம் மால்யம் வரம் போ⁴ஜ்யம் வரம் வஸ்த்ரம் ச ஶோப⁴நே ।
ப⁴ர்தாரம் ச வரம் மந்யே த்வத்³யுக்தமஸிதேக்ஷணே ॥ 26 ॥

கா த்வம் ப⁴வஸி ருத்³ராணாம் மருதாம் வா வராநநே ।
வஸூநாம் வா வராரோஹே தே³வதா ப்ரதிபா⁴ஸி மே ॥ 27 ॥

நேஹ க³ச்ச²ந்தி க³ந்த⁴ர்வா ந தே³வா ந ச கிந்நரா꞉ ।
ராக்ஷஸாநாமயம் வாஸ꞉ கத²ம் நு த்வமிஹாக³தா ॥ 28 ॥

இஹ ஶாகா²ம்ருகா³꞉ ஸிம்ஹா த்³வீபிவ்யாக்⁴ரம்ருகா³ஸ்ததா² ।
ருக்ஷாஸ்தரக்ஷவ꞉ கங்கா꞉ கத²ம் தேப்⁴யோ ந பி³ப்⁴யஸி ॥ 29 ॥

மதா³ந்விதாநாம் கோ⁴ராணாம் குஞ்ஜராணாம் தரஸ்விநாம் ।
கத²மேகா மஹாரண்யே ந பி³பே⁴ஷி வராநநே ॥ 30 ॥

காஸி கஸ்ய குதஶ்சித்த்வம் கிம் நிமித்தம் ச த³ண்ட³காந் ।
ஏகா சரஸி கல்யாணி கோ⁴ராந்ராக்ஷஸஸேவிதாந் ॥ 31 ॥

இதி ப்ரஶஸ்தா வைதே³ஹீ ராவணேந து³ராத்மநா ।
த்³விஜாதிவேஷேண ஹிதம் த்³ருஷ்ட்வா ராவணமாக³தம் ॥ 32 ॥

ஸர்வைரதிதி²ஸத்காரை꞉ பூஜயாமாஸ மைதி²லீ ।
உபாநீயாஸநம் பூர்வம் பாத்³யேநாபி⁴நிமந்த்ர்ய ச ।
அப்³ரவீத்ஸித்³த⁴மித்யேவ ததா³ தம் ஸௌம்யத³ர்ஶநம் ॥ 33 ॥

த்³விஜாதிவேஷேண ஸமீக்ஷ்ய மைதி²லீ
ஸமாக³தம் பாத்ரகுஸும்ப⁴தா⁴ரிணம் ।
அஶக்யமுத்³த்³வேஷ்டுமுபாயத³ர்ஶநம்
ந்யமந்த்ரயத்³ப்³ராஹ்மணவத்ததா³(அ)ங்க³நா ॥ 34 ॥

இயம் ப்³ருஸீ ப்³ராஹ்மண காமமாஸ்யதாம்
இத³ம் ச பாத்³யம் ப்ரதிக்³ருஹ்யதாமிதி ।
இத³ம் ச ஸித்³த⁴ம் வநஜாதமுத்தமம்
த்வத³ர்த²மவ்யக்³ரமிஹோபபு⁴ஜ்யதாம் ॥ 35 ॥

நிமந்த்ர்யமாண꞉ ப்ரதிபூர்ணபா⁴ஷிணீம்
நரேந்த்³ரபத்நீம் ப்ரஸமீக்ஷ்ய மைதி²லீம் ।
ப்ரஸஹ்ய தஸ்யா ஹரணே த்⁴ருதம் மந꞉
ஸமர்பயஸ்த்வாத்மவதா⁴ய ராவண꞉ ॥ 36 ॥

தத꞉ ஸுவேஷம் ம்ருக³யாக³தம் பதிம்
ப்ரதீக்ஷமாணா ஸஹலக்ஷ்மணம் ததா³ ।
விவீக்ஷமாணா ஹரிதம் த³த³ர்ஶ த-
-ந்மஹத்³வநம் நைவ து ராமலக்ஷ்மணௌ ॥ 37 ॥

இத்யார்ஷே ஶ்ரீமத்³ராமயணே வால்மீகீயே ஆதி³காவ்யே அரண்யகாண்டே³ ஷட்சத்வாரிம்ஶ꞉ ஸர்க³꞉ ॥ 46 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.