Sri Hanuman Manasika Puja – ஶ்ரீ ஹநுமாந் மாநஸிக பூஜா

மைத்ரேய உவாச ।
கத²மாராத்⁴யதே சித்தே ஹநுமாந் மாருதாத்மஜ꞉ ।
கீத்³ருஶைருபசாரைர்வா வத³ மே விஸ்தராந்முநே ॥ 1 ॥

ஶ்ரீபராஶர உவச ।
ஹநுமந்தம் மஹாத்மாநம் பிங்கா³க்ஷம் ஹேமஸந்நிப⁴ம் ।
மந்த³ஸ்மிதம் ஸுகா²ஸீநம் த்⁴யாயேதீ³ப்ஸிதஸித்³த⁴யே ॥ 2 ॥

தாபத்ரயபரிவ்யாப்தம் சித்தம் க்ருத்வா ஸுநிர்மலம் ।
பா⁴வயேந்மநஸா தே³வம் ப⁴வஶாபவிமுக்தயே ॥ 3 ॥

ப்ராத꞉காலே ஸமுத்தா²ய ஹநூமந்தம் ஹ்ருதி³ஸ்மரந் ।
ஶுசௌதே³ஶே ஸமாஸீந꞉ க்ருத ப்ராபா⁴தகீக்ரியா꞉ ॥ 4 ॥

விஜநம் தே³ஶமாஶ்ரித்ய கத³ளீவநமத்⁴யக³꞉ ।
சித்தவிக்ஷேபரஹித꞉ பூஜாவிதி⁴முபக்ரமேத் ॥ 5 ॥

பூஜா ச பஞ்சதா⁴ஜ்ஞேயா கபீந்த்³ரஸ்ய மஹாத்மந꞉ ।
ஜலே ச ப்ரதிமாயாம் ச ஶிலாயாம் ஸூர்யமண்ட³லே ।
நிஶ்சலே மாநஸே வாபி பூஜயேஜ்ஜக³தாம் பதிம் ॥ 6 ॥

ஆத்³யே ஸர்வோபசாராந் வை ஜலேநைவ ப்ரகல்பயேத் ।
த்³விதீயே து யதா²ஶாஸ்த்ரம் ததா² த்³ரவ்யம் நிவேத³யேத் ॥ 7 ॥

த்ருதீயே ந விஶேஷோ(அ)ஸ்தி த்³விதீய இவ பூஜயேத் ।
துரீயே நிஶ்சலாம் த்³ருஷ்டிம் க்ருத்வா பா⁴ஸ்கரமண்ட³லே ॥ 8 ॥

பூஜாத்³ரவ்யம் ஸமாநீய சக்ஷுஷா ஸந்நிதா⁴பயேத் ।
பஞ்சமீ மாநஸீபூஜா ஸர்வேஷாமுத்தமோத்தமம் ॥ 9 ॥

தத்தத்³ரவ்யாணி ஸர்வாணி பூஜாயா꞉ ஸாத⁴நாநி வை ।
நிஶ்சலே நாந்தரங்கே³ண கபீந்த்³ராய நிவேத³யேத் ॥ 10 ॥

த³ளைர்த்³வாத³ஶபி⁴ர்யுக்தம் ஹைமம் ஹ்ருத³யபங்கஜம் ।
பா⁴வயே த்³விகசம் ரம்யம் கர்ணிகா கேஸராந்விதம் ॥ 11 ॥

தத்ர ஸிம்ஹாஸநம் தத்ர ஹைமம் பா⁴ஸ்கரஸந்நிப⁴ம் ।
நிரஸ்தாந்தஸ்தமஸ்தோமம் கல்பயேந்முநிபுங்க³வ ॥ 12 ॥

ஆவாஹயேத்³த⁴நூமந்தம் தத்ர ஸிம்ஹாஸநே ஸுதீ⁴꞉ ।
அத² த்⁴யாயேத் கபிஶ்ரேஷ்ட²ம் சதுராவரணாந்விதம் ॥ 13 ॥

வாமபா⁴க³ஸ்தி²தாம் பத்நீம் ஸூர்யபுத்ரீம் ஸுவர்சலாம் ।
பஶ்யந்தம் ஸ்நிக்³த⁴யா த்³ருஷ்ட்யா ஸ்மிதயுக்த முகா²ம்பு³ஜாம் ॥ 14 ॥

ச²த்ரசாமரஸம்யுக்தம் விநதாத்³யை꞉ ஸுஸேவிதம் ।
யுக்தஹார க³ணோபேதம் தத்ர குண்ட³லபூ⁴ஷிதம் ॥ 15 ॥

க்³ரைவேயபூ⁴ஷிதக்³ரீவம் கநகாங்க³த³தா⁴ரிணம் ।
நாநாமணிஸமுத்கீர்ணம் கிரீடோஜ்ஜ்வலஶேக²ரம் ॥ 16 ॥

மேக²லாதா³மஸம்வீதம் மணிநூபுரஶோபி⁴தம் ।
ரத்நகங்கணவித்³யோதம் பாணிம் ரக்தாம்பு³ஜத்³வயம் ॥ 17 ॥

க்வதி²த ஸ்வர்ணவர்ணாங்க³முஷ்ட்ரத்⁴வஜஸமந்விதம் ।
பத்³மாஸநே ஸமாஸீநம் பீதாம்ப³ரஸமந்விதம் ॥ 18 ॥

சதுர்பு⁴ஜத⁴ரம் ஶாந்தம் ஸர்வவ்யாபிநமீஶ்வரம் ।
ஸர்வதே³வ பரீவாரம் ஸர்வாபீ⁴ஷ்டப²லப்ரத³ம் ॥ 19 ॥

(ஆவாஹநாத்³யுபசார ப்ராரம்ப⁴꞉)
ஆவாஹயாமி ஸர்வேஶம் ஸூர்யபுத்ரீப்ரியம் ப்ரபு⁴ம் ।
அஞ்ஜநாதநயம் தே³வம் மாயாதீதம் ஜக³த்³கு³ரும் ॥ 20 ॥

தே³வதே³வ ஜக³ந்நாத² கேஸரிப்ரியநந்த³ந ।
ரத்நஸிம்ஹாஸநம் துப்⁴யம் தா³ஸ்யாமி ஹநுமத் ப்ரபோ⁴ ॥ 21 ॥

ஆக³ச்ச² ஹநுமந் தே³வ த்வம் ஸுவர்சலயா ஸஹ ।
பூஜா ஸமாப்திபர்யந்தம் ப⁴வ ஸந்நிஹிதோ முதா³ ॥ 22 ॥

பீ⁴மாக்³ரஜ மஹாப்ராஜ்ஞ த்வம் மமாபி⁴முகோ² ப⁴வ ।
ஸுவர்சலாபதே ஶ்ரீமந் ப்ரஸீத³ ஜக³தாம் பதே ॥ 23 ॥

யோகி³த்⁴யேயாங்க்⁴ரிபத்³மாய ஜக³தாம் பதயே நம꞉ ।
பாத்³யம் மயார்பிதம் தே³வ க்³ருஹாண புருஷோத்தம ॥ 24 ॥

லக்ஷ்மணப்ராணஸம்ரக்ஷ ஸீதாஶோகவிநாஶந ।
க்³ருஹாணார்க்⁴யம் மயா த³த்தம் பார்வதீ ப்ரியநந்த³ந ॥ 25 ॥

பா³லாக்³ர ஸேதுப³ந்தா⁴ய ஶதாநநவதா⁴ய ச ।
துப்⁴யமாசமநம் த³த்தம் ப்ரதிக்³ருஹ்ணீஷ்வ மாருதே ॥ 26 ॥

அர்ஜுநத்⁴வஜஸம்வாஸ த³ஶாநந மதா³பஹ ।
மது⁴பர்கம் ப்ரதா³ஸ்யாமி ஹநுமந் ப்ரதிக்³ருஹ்யதாம் ॥ 27 ॥

க³ங்கா³தி³ ஸர்வதீர்தே²ப்⁴ய꞉ ஸமாநீதைர்நவோத³கை꞉ ।
ப⁴வந்த ஸ்நாபயிஷ்யாமி கபிநாயக க்³ருஹ்யதாம் ॥ 28 ॥

பீதாம்ப³ரமித³ம் துப்⁴யம் தப்தஹாடகஸந்நிப⁴ம் ।
தா³ஸ்யாமி வாநரஶ்ரேஷ்ட² ஸங்க்³ருஹாண நமோ(அ)ஸ்து தே ॥ 29 ॥

ப்³ரஹ்மஸூத்ரமித³ம் ப⁴வ்யம் முக்தாதா³மோபஶோபி⁴தம் ।
ஸ்வீகுருஷ்வாஞ்ஜநாபுத்ர ப⁴க்தரக்ஷண தத்பர ॥ 30 ॥

உத்தரீயம் து தா³ஸ்யாமி ஸம்ஸாரோத்தாரகாரண ।
க்³ருஹாண பரமப்ரீத்யா நதோ(அ)ஸ்மி தவ பாத³யோ꞉ ॥ 31 ॥

பூ⁴ஷணாநி மஹார்ஹாணி கிரீட ப்ரமுகா²ந்யஹம் ।
துப்⁴யம் தா³ஸ்யாமி ஸர்வேஶ க்³ருஹாண கபிநாயக ॥ 32 ॥

கஸ்தூரீகுங்குமோந்மிஶ்ரம் கர்பூராக³ருவாஸிதம் ।
ஶ்ரீசந்த³நம் து தா³ஸ்யாமி க்³ருஹ்யதாம் ஹநுமத் ப்ரபோ⁴ ॥ 33 ॥

ஸுக³ந்தீ⁴நி ஸுரூபாணி வந்யாநி விவிதா⁴நி ச ।
சம்பகாதீ³நி புஷ்பாணி கமலாந்யுத்பலாநி ச ॥ 34 ॥

துலஸீத³ளமாதீ³நி மநஸா கல்பயாமி தே ।
க்³ருஹாண ஹநுமத்³தே³வ ப்ரணதோ(அ)ஸ்மி பதா³ம்பு³ஜே ॥ 35 ॥

ஶாலீயாநக்ஷதாந்ரம்யாந் பத்³மராக³ஸமப்ரபா⁴ந் ।
அக²ண்டா³ந் க²ண்டி³தத்⁴வாந்த ஸ்வீகுருஷ்வ த³யாநிதே⁴ ॥ 36 ॥

கபிலாக்⁴ருதஸம்யுக்த꞉ க்ருஷ்ணாக³ருஸமுத்³ப⁴வ꞉ ।
மயா ஸமர்பிதோ தூ⁴ப꞉ ஹநுமந் ப்ரதிக்³ருஹ்யதாம் ॥ 37 ॥

நிரஸ்தாஜ்ஞாநதிமிரதேஜோராஶே ஜக³த்பதே ।
தீ³பம் க்³ருஹாண தே³வேஶ கோ³க்⁴ருதாத்தம் த³ஶாந்விதம் ॥ 38 ॥

இத³ம் தி³வ்யாந்நமம்ருதம் ஸூபஶாகப²லாந்விதம் ।
ஸாஜ்யம் ஸத³தி⁴ ஸக்ஷீரம் ஶர்கராமது⁴ஸம்யுதம் ॥ 39 ॥

ப⁴க்ஷ்யம் போ⁴ஜ்யம் ச லேஹ்யம் ச சோஷ்யம் சாபி சதுர்வித⁴ம் ।
க்³ருஹாண ஹநுமந் ப⁴க்த்யா ஸ்வர்ணபாத்ரே நிவேதி³தம் ॥ 40 ॥

ஸமர்பயாமி பாநீயம் மத்⁴யேமத்⁴யே ஸுதோ⁴பமம் ।
ஸச்சிதா³நந்த³ரூபாய ஸ்ருஷ்டிஸ்தி²த்யந்தஹேதவே ॥ 41 ॥

பூகீ³ப²லை꞉ ஸமாயுக்தம் கர்பூராதி³ஸமந்விதம் ।
ஸ்வர்ணவர்ணத³ளோபேதம் தாம்பூ³லம் க்³ருஹ்யதாம் ஹரே ॥ 42 ॥

நீராஜநமித³ம் தி³வ்யம் மங்க³ளார்த²ம் கபி ப்ரபோ⁴ ।
மயா ஸமர்பிதம் தாத க்³ருஹாண வரதோ³ ப⁴வ ॥ 43 ॥

ந்ருத்யம் கீ³தம் ச வாத்³யம் ச க்ருதம் க³ந்த⁴ர்வஸத்தமை꞉ ।
ப்ரகல்பயாமி மநஸா ராமதூ³தாய தே நம꞉ ॥ 44 ॥

ராஜோபசாரை꞉ ஸததம் புராணபட²நாதி³பி⁴꞉ ।
ஸந்துஷ்டோ ப⁴வ ஸர்வாத்மந் ஸர்வலிங்க³மயாத்மக ॥ 45 ॥

மேராவண மஹாப்ராஜ்ஞ ப்ராணவாயு பி³லேஶய ।
புநரர்க்⁴யம் ப்ரதா³ஸ்யாமி பவநாத்மஜ க்³ருஹ்யதாம் ॥ 46 ॥

மந்தா³ரபாரிஜாதாதி³ புஷ்பாஞ்ஜலிமிமம் ப்ரபோ⁴ ।
ஸ்வர்ணபுஷ்பஸமாகீர்ணமுஷ்ட்ரத்⁴வஜ க்³ருஹாண வை ॥ 47 ॥

ப்ரத³க்ஷிணநமஸ்காராந் ஸாஷ்டாங்கா³ந் பஞ்சஸங்க்²யயா ।
தா³ஸ்யாமி கபிநாதா²ய க்³ருஹாணாபீ⁴ஷ்டதா³யக ॥ 48 ॥

தே³வதே³வ ஜக³ந்நாத² புராணபுருஷோத்தம ।
அநேந பூஜாவிதி⁴நா ஸுப்ரீதோ ப⁴வ ஸர்வதா³ ॥ 49 ॥

ஸுவர்சலாஸமேதஸ்த்வம் சதுராவரணாந்விதம் ।
ஹம்ஸதூலிகயோபேதே மம ஹ்ருத்பங்கஜே வஸ ॥ 50 ॥

ஶ்ரீபராஶர உவாச ।
இத்யேவம் மாநஸீபூஜா ஸர்வாபீ⁴ஷ்டப்ரதா³யிநீ ।
ஶங்கரேண புரா கௌ³ர்யா꞉ கதி²தா விஸ்தராந்முநே ॥ 51 ॥

ப்ராதர்மத்⁴யாஹ்நயோஶ்சாபி ஸாயங்கால நிஶீத²யோ꞉ ।
யதா³ கதா³பி பூஜேயம் மாநஸீ ஸர்வதோ³த்தமா ॥ 51 ॥

ஏதஸ்ய பூஜநவிதை⁴꞉ பட²நேநாபி மாநவ꞉ ।
ஸர்வாந் காமாநவாப்நோதி ஶ்ரவணேந விஶேஷத꞉ ॥ 52 ॥

ப்³ரஹ்ம க்ஷத்ர விஶாம் ஸ்த்ரீணாம் பா³லாநாம் ச ஶுபா⁴வஹம் ।
இத³ம் பவித்ரம் பாபக்⁴நம் பு⁴க்திமுக்திப²லப்ரத³ம் ॥ 53 ॥

இதி ஶ்ரீபராஶரஸம்ஹிதாயாம் ஶ்ரீபராஶரமைத்ரேய ஸம்வாதே³ ஶ்ரீ ஹநுமாந் மாஸிக பூஜா நாம த்³விபஞ்சாஶத்படல꞉ ।

Did you see any mistake/variation in the content above? Click here to report mistakes and corrections in Stotranidhi content.