Read in తెలుగు / ಕನ್ನಡ / தமிழ் / देवनागरी / English (IAST)
அத² ஹைநம் ப்³ரஹ்மரந்த்⁴ரே ப்³ரஹ்மஸ்வரூபிணீமாப்நோதி । ஸுப⁴கா³ம் த்ரிகு³ணிதாம் முக்தாஸுப⁴கா³ம் காமரேபே²ந்தி³ராம் ஸமஸ்தரூபிணீமேதாநி த்ரிகு³ணிதாநி தத³நு கூர்சபீ³ஜம் வ்யோமஷஷ்ட²ஸ்வராம் பி³ந்து³மேலநரூபாம் தத்³த்³வயம் மாயாத்³வயம் த³க்ஷிணே காளிகே சேத்யபி⁴முக²க³தாம் தத³நு பீ³ஜஸப்தகமுச்சார்ய ப்³ருஹத்³பா⁴நுஜாயாமுச்சரேத் । ஸ து ஶிவமயோ ப⁴வேத் । ஸர்வஸித்³தீ⁴ஶ்வரோ ப⁴வேத் । க³திஸ்தஸ்யாஸ்தீதி । நாந்யஸ்ய க³திரஸ்தாதி । ஸ து வாகீ³ஶ்வர꞉ । ஸ து நாரீஶ்வர꞉ । ஸ து தே³வேஶ்வர꞉ । ஸ து ஸர்வேஶ்வர꞉ । அபி⁴நவஜலத³ஸங்காஶா க⁴நஸ்தநீ குடிலத³ம்ஷ்ட்ரா ஶவாஸநா காளிகா த்⁴யேயா । த்ரிகோணம் பஞ்சகோணம் நவகோணம் பத்³மம் । தஸ்மிந் தே³வீ ஸர்வாங்கே³(அ)ப்⁴யர்ச்ய ததி³த³ம் ஸர்வாங்க³ம் ஓம் காளீ கபாலிநீ குல்லா குருகுல்லா விரோதி⁴நீ விப்ரசித்தா உக்³ரா உக்³ரப்ரபா⁴ தீ³ப்தா நீலா க⁴நா ப³லாகா மாத்ரா முத்³ரா(அ)மிதா சைவ பஞ்சத³ஶகோணகா³꞉ । ப்³ராஹ்மீ நாராயணீ மாஹேஶ்வரீ கௌமாரீ அபராஜிதா வாராஹீ நாரஸிம்ஹிகா சேத்யஷ்டபத்ரகா³꞉ । ஷோட³ஶஸ்வரபே⁴தே³ந ப்ரத²மேந மந்த்ரவிபா⁴க³꞉ । தந்மூலேநாவாஹநம் தேநைவ பூஜநம் । ய ஏவம் மந்த்ரராஜம் நியமேந வா லக்ஷமாவர்தயதி ஸ பாப்மாநம் ஹந்தி । ஸ ப்³ரஹ்மத்வம் ப⁴ஜதி । ஸ꞉ அம்ருதத்வம் ப⁴ஜதி । ஸ ஆயுராரோக்³யமைஶ்வர்யம் ப⁴ஜதி । ஸதா³ பஞ்சமகாரேண பூஜயேத் । ஸதா³ கு³ருப⁴க்தோ ப⁴வேத் । ஸதா³ தே³வப⁴க்தோ ப⁴வேத் । த⁴ர்மிஷ்ட²தாம் புஷ்டிமஹதவாசம் விப்ரா லப⁴ந்தே । மந்த்ரஜாபிநோ ஹ்யாத்மா வித்³யாப்ரபூரிதோ ப⁴வதி । ஸ ஜீவந்முக்தோ ப⁴வதி । ஸ ஸர்வஶாஸ்த்ரம் ஜாநாதி । ஸ ஸர்வபுண்யகாரீ ப⁴வதி । ஸ ஸர்வயஜ்ஞயாஜீ ப⁴வதி । ராஜாநோ தா³ஸதாம் யாந்தி । ஜப்த்வா ஸ ஸர்வமேதம் மந்த்ரராஜம் ஸ்வயம் ஶிவ ஏவாஹமித்யணிமாதி³விபூ⁴தீநாமீஶ்வர꞉ காளிகாம் லபே⁴த் ॥
ஆவயோ꞉ பாத்ரபூ⁴த꞉ ஸந் ஸுக்ருதீ த்யக்தகல்மஷ꞉ ।
ஜீவந்முக்த꞉ ஸ விஜ்ஞேயோ யஸ்மை லப்³தா⁴ ஹி த³க்ஷிணா ॥
த³ஶாம்ஶம் ஹோமயேத்தத³நு தர்பயேத் । அத² ஹைகே யஜ்ஞாந் காமாநத்³வைதஜ்ஞாநாதீ³நநிருத்³த⁴ஸரஸ்வதீதி । அத² ஹைஷ꞉ காளிகாமநுஜாபீ ய꞉ ஸதா³ ஶுத்³தா⁴த்மா ஜ்ஞாநவைராக்³யயுக்த꞉ ஶாம்ப⁴வீதீ³க்ஷாஸு ரக்த꞉ ஶாக்தாஸு । யதி³ வா ப்³ரஹ்மசாரீ ராத்ரௌ நக்³ந꞉ ஸர்வதா³ மது⁴நா(அ)ஶக்தோ மநஸா ஜபபூஜாதி³நியமவாந் । யோஷித்ப்ரியகரோ ப⁴கோ³த³கேந தர்பணம் தேநைவ பூஜநம் குர்யாத் । ஸர்வதா³ காளிகாரூபமாத்மாநம் விபா⁴வயேத் । ஸ ஸர்வதா³ யோஷிதா³ஸக்தோ ப⁴வேத் । ஸ ஸர்வஹத்யாம் தரதி தேந மது⁴தா³நேந । அத² பஞ்சமகாரேண ஸர்வமாயாதி³வித்³யாம் பஶுத⁴நதா⁴ந்யம் ஸர்வேஶத்வம் ச கவித்வம் ச । நாந்ய꞉ பரம꞉ பந்தா² வித்³யதே மோக்ஷாய ஜ்ஞாநாய த⁴ர்மாத⁴ர்மாய । தத்ஸர்வம் பூ⁴தம் ப⁴வ்யம் யத்கிஞ்சித்³த்³ருஶ்யமாநம் ஸ்தா²வரஜங்க³மம் தத்ஸர்வம் காளிகாதந்த்ரே ஓதம் ப்ரோதம் வேத³ । ய ஏவம் மநுஜாபீ ஸ பாப்மாநம் தரதி । ஸ ப்⁴ரூணஹத்யாம் தரதி । ஸோ(அ)க³ம்யாக³மநம் தரதி । ஸ ஸர்வஸுக²மாப்நோதி । ஸ ஸர்வம் ஜாநாதி । ஸ ஸர்வஸம்ந்யாஸீ ப⁴வதி । ஸ விரக்தோ ப⁴வதி । ஸ ஸர்வவேதா³த்⁴யாயீ ப⁴வதி । ஸ ஸர்வமந்த்ரஜாபீ ப⁴வதி । ஸ ஸர்வஶாஸ்ரவேத்தா ப⁴வதி । ஸ ஸர்வஜ்ஞாநகாரீ ப⁴வதி । ஸ ஆவயோர்மித்ரபூ⁴தோ ப⁴வதி । இத்யாஹ ப⁴க³வாந் ஶிவ꞉ । நிர்விகல்பேந மநஸா ஸ வந்த்³யோ ப⁴வதி ॥
அத² ஹைநாம் ।
மூலாதா⁴ரே ஸ்மரேத்³தி³வ்யம் த்ரிகோணம் தேஜஸாம் நிதி⁴ம் ।
ஶிகா² ஆநீய தஸ்யாக்³நேரத² தூர்த்⁴வம் வ்யவஸ்தி²தா ॥
நீலதோயத³மத்⁴யஸ்தா² வித்³யுல்லேகே²வ பா⁴ஸ்வரா ।
நீவாரஶூகவத்தந்வீ பீதா பா⁴ஸ்வத்யணூபமா ॥
தஸ்யா꞉ ஶிகா²யா மத்⁴யே பரமாத்மா வ்யவஸ்தி²த꞉ ।
ஸ ப்³ரஹ்மா ஸ ஶிவ꞉ ஸேந்த்³ர꞉ ஸோ(அ)க்ஷர꞉ பரம꞉ ஸ்வராட் ॥
ஸ ஏவ விஷ்ணு꞉ ஸ ப்ராண꞉ ஸ காலோ(அ)க்³நி꞉ ஸ சந்த்³ரமா꞉ ।
இதி குண்ட³லிநீம் த்⁴யாத்வா ஸர்வபாபை꞉ ப்ரமுச்யதே ॥
மஹாபாதகேப்⁴ய꞉ பூதோ பூ⁴த்வா ஸர்வமந்த்ரஸித்³தி⁴ம் க்ருத்வா பை⁴ரவோ ப⁴வேத் । மஹாகாலபை⁴ரவோ(அ)ஸ்ய ருஷி꞉ । உஷ்ணிக் ச²ந்த³꞉ காளிகா தே³வதா । ஹ்ரீம் பீ³ஜம் ஹ்ரூம் ஶக்தி꞉ க்ரீம் கீலகம் அநிருத்³த⁴ஸரஸ்வதீ தே³வதா । கவித்வே பாண்டி³த்யார்தே² ஜபே விநியோக³꞉ । இத்யேவம்ருஷிச்ச²ந்தோ³தை³வதம் ஜ்ஞாத்வா மந்த்ர ஸாப²ல்யமஶ்நுதே । அத²ர்வவித்³யாம் ப்ரத²மமேகம் த்³வயம் த்ரயம் வா நாமத்³வயஸம்புடிதம் க்ருத்வா யோஜயேத் । க³திஸ்தஸ்யாஸ்தீதி । நாந்யஸ்ய க³திரஸ்தீதி । ஓம் ஸத்யம் । ஓம் தத்ஸத் ॥
அத² ஹைநம் கு³ரும் பரிதோஷ்யைநம் மந்த்ரராஜம் க்³ருஹ்ணீயாத் । மந்த்ரராஜம் கு³ருஸ்தமபி ஶிஷ்யாய ஸத்குலீநாய வித்³யாப⁴க்தாய ஸுவேஷாம் ஸ்த்ரியம் ஸ்ப்ருஷ்ட்வா ஸ்வயம் நிஶாயாம் நிருபத்³ரவ꞉ பரிபூஜ்ய ஏகாகீ ஶிவகே³ஹே லக்ஷம் தத³ர்த⁴ம் வா ஜபித்வா த³த்³யாத் । ஓம் ஓம் ஓம் ஸத்யம் ஸத்யம் ஸத்யம் । நாந்யப்ரகாரேண ஸித்³தி⁴ர்ப⁴வதி । அதா²ஹ வை காளிகாமநோஸ்தாராமநோஸ்த்ரிபுராமநோ꞉ ஸர்வது³ர்கா³மநோர்வா ஸ்வரூபஸித்³தி⁴ரேவமிதி ஶிவம் ॥
இத்யாத²ர்வணே ஸௌபா⁴க்³யகாண்டே³ காளிகோபநிஷத் ஸமாப்தா ।
மேலும் ஶ்ரீ காளிகா ஸ்தோத்திரங்கள் பார்க்க.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
