Kishkindha Kanda Sarga 51 – கிஷ்கிந்தா⁴காண்ட³ ஏகபஞ்சாஶ꞉ ஸர்க³꞉ (51)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஏகபஞ்சாஶ꞉ ஸர்க³꞉ (51)

॥ ஸ்வயம்ப்ரபா⁴தித்²யம் ॥

இத்யுக்த்வா ஹநுமாம்ஸ்தத்ர புந꞉ க்ருஷ்ணாஜிநாம்ப³ராம் ।
அப்³ரவீத்தாம் மஹாபா⁴கா³ம் தாபஸீம் த⁴ர்மசாரிணீம் ॥ 1 ॥

இத³ம் ப்ரவிஷ்டா꞉ ஸஹஸா பி³லம் திமிரஸம்வ்ருதம் ।
க்ஷுத்பிபாஸாபரிஶ்ராந்தா꞉ பரிகி²ந்நாஶ்ச ஸர்வஶ꞉ ॥ 2 ॥

மஹத்³த⁴ரண்யா விவரம் ப்ரவிஷ்டா꞉ ஸ்ம பிபாஸிதா꞉ ।
இமாம்ஸ்த்வேவம்விதா⁴ந் பா⁴வாந் விவிதா⁴நத்³பு⁴தோபமாந் ॥ 3 ॥

த்³ருஷ்ட்வா வயம் ப்ரவ்யதி²தா꞉ ஸம்ப்⁴ராந்தா நஷ்டசேதஸ꞉ ।
கஸ்யைதே காஞ்சநா வ்ருக்ஷாஸ்தருணாதி³த்யஸந்நிபா⁴꞉ ॥ 4 ॥

ஶுசீந்யப்⁴யவஹார்யாணி மூலாநி ச ப²லாநி ச ।
காஞ்சநாநி விமாநாநி ராஜதாநி க்³ருஹாணி ச ॥ 5 ॥

தபநீயக³வாக்ஷணி மணிஜாலாவ்ருதாநி ச ।
புஷ்பிதா꞉ ப²லவந்தஶ்ச புண்யா꞉ ஸுரபி⁴க³ந்தி⁴ந꞉ ॥ 6 ॥

இமே ஜாம்பூ³நத³மயா꞉ பாத³பா꞉ கஸ்ய தேஜஸா ।
காஞ்சநாநி ச பத்³மாநி ஜாதாநி விமலே ஜலே ॥ 7 ॥

கத²ம் மத்ஸ்யாஶ்ச ஸௌவர்ணாஶ்சரந்தி ஸஹ கச்ச²பை꞉ ।
ஆத்மாநமநுபா⁴வம் ச கஸ்ய சைதத்தபோப³லம் ॥ 8 ॥

அஜாநதாம் ந꞉ ஸர்வேஷாம் ஸர்வமாக்²யாதுமர்ஹஸி ।
ஏவமுக்தா ஹநுமதா தாபஸீ த⁴ர்மசாரிணீ ॥ 9 ॥

ப்ரத்யுவாச ஹநூமந்தம் ஸர்வபூ⁴தஹிதே ரதா ।
மயோ நாம மஹாதேஜா மாயாவீ தா³நவர்ஷப⁴꞉ ॥ 10 ॥

தேநேத³ம் நிர்மிதம் ஸர்வம் மாயயா காஞ்சநம் வநம் ।
புரா தா³நவமுக்²யாநாம் விஶ்வகர்மா ப³பூ⁴வ ஹ ॥ 11 ॥

யேநேத³ம் காஞ்சநம் தி³வ்யம் நிர்மிதம் ப⁴வநோத்தமம் ।
ஸ து வர்ஷஸஹஸ்ராணி தபஸ்தப்த்வா மஹாவநே ॥ 12 ॥

பிதாமஹாத்³வரம் லேபே⁴ ஸர்வமௌஶநஸம் த⁴நம் ।
வநம் விதா⁴ய ப³லவாந் ஸர்வகாமேஶ்வரஸ்ததா³ ॥ 13 ॥

உவாஸ ஸுகி²த꞉ காலம் கஞ்சித³ஸ்மிந் மஹாவநே ।
தமப்ஸரஸி ஹேமாயாம் ஶக்தம் தா³நவபுங்க³வம் ॥ 14 ॥

விக்ரம்யைவாஶநிம் க்³ருஹ்ய ஜகா⁴நேஶ꞉ புரந்த³ர꞉ ।
இத³ம் ச ப்³ரஹ்மாணா த³த்தம் ஹேமாயை வநமுத்தமம் ॥ 15 ॥

ஶாஶ்வதா꞉ காமபோ⁴கா³ஶ்ச க்³ருஹம் சேத³ம் ஹிரண்மயம் ।
து³ஹிதா மேருஸாவர்ணேரஹம் தஸ்யா꞉ ஸ்வயம்ப்ரபா⁴ ॥ 16 ॥

இத³ம் ரக்ஷாமி ப⁴வநம் ஹேமாயா வாநரோத்தம ।
மம ப்ரியஸகீ² ஹேமா ந்ருத்தகீ³தவிஶாரதா³ ॥ 17 ॥

தயா த³த்தவரா சாஸ்மி ரக்ஷாமி ப⁴வநோத்தமம் ।
கிம் கார்யம் கஸ்ய வா ஹேதோ꞉ காந்தாராணி ப்ரபஶ்யத² ।
கத²ம் சேத³ம் வநம் து³ர்க³ம் யுஷ்மாபி⁴ருபலக்ஷிதம் ॥ 18 ॥

இமாந்யப்⁴யவஹார்யாணி மூலாநி ச ப²லாநி ச ।
பு⁴க்த்வா பீத்வா ச பாநீயம் ஸர்வம் மே வக்துமர்ஹத² ॥ 19 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஏகபஞ்சாஶ꞉ ஸர்க³꞉ ॥ 51 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.