Kishkindha Kanda Sarga 4 – கிஷ்கிந்தா⁴காண்ட³ சதுர்த²꞉ ஸர்க³꞉ (4)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ சதுர்த²꞉ ஸர்க³꞉ (4)

॥ ஸுக்³ரீவஸமீபக³மநம் ॥

தத꞉ ப்ரஹ்ருஷ்டோ ஹநுமாந் க்ருத்யவாநிதி தத்³வச꞉ ।
ஶ்ருத்வா மது⁴ரஸம்பா⁴ஷம் ஸுக்³ரீவம் மநஸா க³த꞉ ॥ 1 ॥

ப⁴வ்யோ ராஜ்யாக³மஸ்தஸ்ய ஸுக்³ரீவஸ்ய மஹாத்மந꞉ ।
யத³யம் க்ருத்யவாந் ப்ராப்த꞉ க்ருத்யம் சைதது³பாக³தம் ॥ 2 ॥

தத꞉ பரமஸம்ஹ்ருஷ்டோ ஹநுமாந் ப்லவக³ர்ஷப⁴꞉ ।
ப்ரத்யுவாச ததோ வாக்யம் ராமம் வாக்யவிஶாரத³꞉ ॥ 3 ॥

கிமர்த²ம் த்வம் வநம் கோ⁴ரம் பம்பாகாநநமண்டி³தம் ।
ஆக³த꞉ ஸாநுஜோ து³ர்க³ம் நாநாவ்யாளம்ருகா³யுதம் ॥ 4 ॥

தஸ்ய தத்³வசநம் ஶ்ருத்வா லக்ஷ்மணோ ராமசோதி³த꞉ ।
ஆசசக்ஷே மஹாத்மாநம் ராமம் த³ஶரதா²த்மஜம் ॥ 5 ॥

ராஜா த³ஶரதோ² நாம த்³யுதிமாந் த⁴ர்மவத்ஸல꞉ ।
சாதுர்வர்ண்யம் ஸ்வத⁴ர்மேண நித்யமேவாப்⁴யபாலயத் ॥ 6 ॥

ந த்³வேஷ்டா வித்³யதே தஸ்ய ந ச ஸ த்³வேஷ்டி கஞ்சந ।
ஸ ச ஸர்வேஷு பூ⁴தேஷு பிதாமஹ இவாபர꞉ ॥ 7 ॥

அக்³நிஷ்டோமாதி³பி⁴ர்யஜ்ஞைரிஷ்டவாநாப்தத³க்ஷிணை꞉ ।
தஸ்யாயம் பூர்வஜ꞉ புத்ரோ ராமோ நாம ஜநை꞉ ஶ்ருத꞉ ॥ 8 ॥

ஶரண்ய꞉ ஸர்வபூ⁴தாநாம் பிதுர்நிர்தே³ஶபாரக³꞉ ।
வீரோ த³ஶரத²ஸ்யாயம் புத்ராணாம் கு³ணவத்தம꞉ ॥ 9 ॥

ராஜலக்ஷணஸம்பந்ந꞉ ஸம்யுக்தோ ராஜஸம்பதா³ ।
ராஜ்யாத்³ப்⁴ரஷ்டோ வநே வஸ்தும் மயா ஸார்த⁴மிஹாக³த꞉ ॥ 10 ॥

பா⁴ர்யயா ச மஹாதேஜா꞉ ஸீதயா(அ)நுக³தோ வஶீ ।
தி³நக்ஷயே மஹாதேஜா꞉ ப்ரப⁴யேவ தி³வாகர꞉ ॥ 11 ॥

அஹமஸ்யாவரோ ப்⁴ராதா கு³ணைர்தா³ஸ்யமுபாக³த꞉ ।
க்ருதஜ்ஞஸ்ய ப³ஹுஜ்ஞஸ்ய லக்ஷ்மணோ நாம நாமத꞉ ॥ 12 ॥

ஸுகா²ர்ஹஸ்ய மஹார்ஹஸ்ய ஸர்வபூ⁴தஹிதாத்மந꞉ ।
ஐஶ்வர்யேண ச ஹீநஸ்ய வநவாஸாஶ்ரிதஸ்ய ச ॥ 13 ॥

ரக்ஷஸா(அ)பஹ்ருதா பா⁴ர்யா ரஹிதே காமரூபிணா ।
தச்ச ந ஜ்ஞாயதே ரக்ஷ꞉ பத்நீ யேநாஸ்ய ஸா ஹ்ருதா ॥ 14 ॥

த³நுர்நாம தி³தே꞉ புத்ர꞉ ஶாபாத்³ராக்ஷஸதாம் க³த꞉ ।
ஆக்²யாதஸ்தேந ஸுக்³ரீவ꞉ ஸமர்தோ² வாநரர்ஷப⁴꞉ ॥ 15 ॥

ஸ ஜ்ஞாஸ்யதி மஹாவீர்யஸ்தவ பா⁴ர்யாபஹாரிணம் ।
ஏவமுக்த்வா த³நு꞉ ஸ்வர்க³ம் ப்⁴ராஜமாநோ க³த꞉ ஸுக²ம் ॥ 16 ॥

ஏதத்தே ஸர்வமாக்²யாதம் யாதா²தத்²யேந ப்ருச்ச²த꞉ ।
அஹம் சைவ ஹி ராமஶ்ச ஸுக்³ரீவம் ஶரணம் க³தௌ ॥ 17 ॥

ஏஷ த³த்த்வா ச வித்தாநி ப்ராப்ய சாநுத்தமம் யஶ꞉ ।
லோகநாத²꞉ புரா பூ⁴த்வா ஸுக்³ரீவம் நாத²மிச்ச²தி ॥ 18 ॥

பிதா யஸ்ய புரா ஹ்யாஸீச்ச²ரண்யோ த⁴ர்மவத்ஸல꞉ ।
தஸ்ய புத்ர꞉ ஶரண்யஶ்ச ஸுக்³ரீவம் ஶரணம் க³த꞉ ॥ 19 ॥

ஸர்வலோகஸ்ய த⁴ர்மாத்மா ஶரண்ய꞉ ஶரணம் புரா ।
கு³ருர்மே ராக⁴வ꞉ ஸோ(அ)யம் ஸுக்³ரீவம் ஶரணம் க³த꞉ ॥ 20 ॥

யஸ்ய ப்ரஸாதே³ ஸததம் ப்ரஸீதே³யுரிமா꞉ ப்ரஜா꞉ ।
ஸ ராமோ வாநரேந்த³ஸ்ய ப்ரஸாத³மபி⁴காங்க்ஷதே ॥ 21 ॥

யேந ஸர்வகு³ணோபேதா꞉ ப்ருதி²வ்யாம் ஸர்வபார்தி²வா꞉ ।
மாநிதா꞉ ஸததம் ராஜ்ஞா ஸதா³ த³ஶரதே²ந வை ॥ 22 ॥

தஸ்யாயம் பூர்வஜ꞉ புத்ரஸ்த்ரிஷு லோகேஷு விஶ்ருத꞉ ।
ஸுக்³ரீவம் வாநரேந்த்³ரம் து ராம꞉ ஶரணமாக³த꞉ ॥ 23 ॥

ஶோகாபி⁴பூ⁴தே ராமே து ஶோகார்தே ஶரணம் க³தே ।
கர்துமர்ஹதி ஸுக்³ரீவ꞉ ப்ரஸாத³ம் ஹரியூத²ப꞉ ॥ 24 ॥

ஏவம் ப்³ருவாணம் ஸௌமித்ரிம் கருணம் ஸாஶ்ருலோசநம் ।
ஹநுமாந் ப்ரத்யுவாசேத³ம் வாக்யம் வாக்யவிஶாரத³꞉ ॥ 25 ॥

ஈத்³ருஶா பு³த்³தி⁴ஸம்பந்நா ஜிதக்ரோதா⁴ ஜிதேந்த்³ரியா꞉ ।
த்³ரஷ்டவ்யா வாநரேந்த்³ரேண தி³ஷ்ட்யா த³ர்ஶநமாக³தா꞉ ॥ 26 ॥

ஸ ஹி ராஜ்யாத்பரிப்⁴ரஷ்ட꞉ க்ருதவைரஶ்ச வாலிநா ।
ஹ்ருததா³ரோ வநே த்யக்தோ ப்⁴ராத்ரா விநிக்ருதோ ப்⁴ருஶம் ॥ 27 ॥

கரிஷ்யதி ஸ ஸாஹாய்யம் யுவயோர்பா⁴ஸ்கராத்மஜ꞉ ।
ஸுக்³ரீவ꞉ ஸஹ சாஸ்மாபி⁴꞉ ஸீதாயா꞉ பரிமார்க³ணே ॥ 28 ॥

இத்யேவமுக்த்வா ஹநுமாந் ஶ்லக்ஷ்ணம் மது⁴ரயா கி³ரா ।
ப³பா⁴ஷே ஸோ(அ)பி⁴க³ச்சே²ம ஸுக்³ரீவமிதி ராக⁴வம் ॥ 29 ॥

ஏவம் ப்³ருவாணம் த⁴ர்மாத்மா ஹநுமந்தம் ஸ லக்ஷ்மண꞉ ।
ப்ரதிபூஜ்ய யதா²ந்யாயமித³ம் ப்ரோவாச ராக⁴வம் ॥ 30 ॥

கபி꞉ கத²யதே ஹ்ருஷ்டோ யதா²(அ)யம் மாருதாத்மஜ꞉ ।
க்ருத்யவாந் ஸோ(அ)பி ஸம்ப்ராப்த꞉ க்ருதக்ருத்யோ(அ)ஸி ராக⁴வ ॥ 31 ॥

ப்ரஸந்நமுக²வர்ணஶ்ச வ்யக்தம் ஹ்ருஷ்டஶ்ச பா⁴ஷதே ।
நாந்ருதம் வக்ஷ்யதே தீ⁴ரோ ஹநுமாந் மாருதாத்மஜ꞉ ॥ 32 ॥

தத꞉ ஸ து மஹாப்ராஜ்ஞோ ஹநுமாந்மாருதாத்மஜ꞉ ।
ஜகா³மாதா³ய தௌ வீரௌ ஹரிராஜாய ராக⁴வௌ ॥ 33 ॥

பி⁴க்ஷுரூபம் பரித்யஜ்ய வாநரம் ரூபமாஸ்தி²த꞉ ।
ப்ருஷ்ட²மாரோப்ய தௌ வீரௌ ஜகா³ம கபிகுஞ்ஜர꞉ ॥ 34 ॥

ஸ து விபுலயஶா꞉ கபிப்ரவீர꞉
பவநஸுத꞉ க்ருதக்ருத்யவத்ப்ரஹ்ருஷ்ட꞉ ।
கி³ரிவரமுருவிக்ரம꞉ ப்ரயாத꞉
ஸுஶுப⁴மதி꞉ ஸஹ ராமலக்ஷ்மணாப்⁴யாம் ॥ 35 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ சதுர்த²꞉ ஸர்க³꞉ ॥ 4 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

---