Aranya Kanda Sarga 71 – அரண்யகாண்ட³ ஏகஸப்ததிதம꞉ ஸர்க³꞉ (71)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஏகஸப்ததிதம꞉ ஸர்க³꞉ (71)

॥ கப³ந்த⁴ஶாபாக்²யாநம் ॥

புரா ராம மஹாபா³ஹோ மஹாப³லபராக்ரமம் ।
ரூபமாஸீந்மமாசிந்த்யம் த்ரிஷு லோகேஷு விஶ்ருதம் ॥ 1 ॥

யதா² ஸோமஸ்ய ஶக்ரஸ்ய ஸூர்யஸ்ய ச யதா² வபு꞉ ।
ஸோ(அ)ஹம் ரூபமித³ம் க்ருத்வா லோகவித்ராஸநம் மஹத் ॥ 2 ॥

ருஷீந்வநக³தாந் ராம த்ராஸயாமி ததஸ்தத꞉ ।
தத꞉ ஸ்தூ²லஶிரா நாம மஹர்ஷி꞉ கோபிதோ மயா ॥ 3 ॥

ஸஞ்சிந்வந் விவித⁴ம் வந்யம் ரூபேணாநேந த⁴ர்ஷித꞉ ।
தேநாஹமுக்த꞉ ப்ரேக்ஷ்யைவம் கோ⁴ரஶாபாபி⁴தா⁴யிநா ॥ 4 ॥

ஏததே³வ ந்ருஶம்ஸம் தே ரூபமஸ்து விக³ர்ஹிதம் ।
ஸ மயா யாசித꞉ க்ருத்³த⁴꞉ ஶாபஸ்யாந்தோ ப⁴வேதி³தி ॥ 5 ॥

அபி⁴ஶாபக்ருதஸ்யேதி தேநேத³ம் பா⁴ஷிதம் வச꞉ ।
யதா³ சி²த்த்வா பு⁴ஜௌ ராமஸ்த்வாம் த³ஹேத்³விஜநே வநே ॥ 6 ॥

ததா³ த்வம் ப்ராப்ஸ்யஸே ரூபம் ஸ்வமேவ விபுலம் ஶுப⁴ம் ।
ஶ்ரியா விராஜிதம் புத்ரம் த³நோஸ்த்வம் வித்³தி⁴ லக்ஷ்மண ॥ 7 ॥

இந்த்³ரகோபாதி³த³ம் ரூபம் ப்ராப்தமேவம் ரணாஜிரே ।
அஹம் ஹி தபஸோக்³ரேண பிதாமஹமதோஷயம் ॥ 8 ॥

தீ³ர்க⁴மாயு꞉ ஸ மே ப்ராதா³த்ததோ மாம் விப்⁴ரமோ(அ)ஸ்ப்ருஶத் ।
தீ³ர்க⁴மாயுர்மயா ப்ராப்தம் கிம் மே ஶக்ர꞉ கரிஷ்யதி ॥ 9 ॥

இத்யேவம் பு³த்³தி⁴மாஸ்தா²ய ரணே ஶக்ரமத⁴ர்ஷயம் ।
தஸ்ய பா³ஹுப்ரமுக்தேந வஜ்ரேண ஶதபர்வணா ॥ 10 ॥

ஸக்தி²நீ சைவ மூர்தா⁴ ச ஶரீரே ஸம்ப்ரவேஶிதம் ।
ஸ மயா யாச்யமாந꞉ ஸந்நாநயத்³யமஸாத³நம் ॥ 11 ॥

பிதாமஹவச꞉ ஸத்யம் தத³ஸ்த்விதி மமாப்³ரவீத் ।
அநாஹார꞉ கத²ம் ஶக்தோ ப⁴க்³நஸக்தி²ஶிரோமுக²꞉ ॥ 12 ॥

வஜ்ரேணாபி⁴ஹத꞉ காலம் ஸுதீ³ர்க⁴மபி ஜீவிதும் ।
ஏவமுக்தஸ்து மே ஶக்ரோ பா³ஹூ யோஜநமாயதௌ ॥ 13 ॥

ப்ராதா³தா³ஸ்யம் ச மே குக்ஷௌ தீக்ஷ்ணத³ம்ஷ்ட்ரமகல்பயத் ।
ஸோ(அ)ஹம் பு⁴ஜாப்⁴யாம் தீ³ர்கா⁴ப்⁴யாம் ஸங்க்ருஷ்யாஸ்மிந்வநேசராந் ॥ 14 ॥

ஸிம்ஹத்³விபம்ருக³வ்யாக்⁴ராந் ப⁴க்ஷயாமி ஸமந்தத꞉ ।
ஸ து மாமப்³ரவீதி³ந்த்³ரோ யதா³ ராம꞉ ஸலக்ஷ்மண꞉ ॥ 15 ॥

சே²த்ஸ்யதே ஸமரே பா³ஹூ ததா³ ஸ்வர்க³ம் க³மிஷ்யதி ।
அநேந வபுஷா ராம வநே(அ)ஸ்மிந் ராஜஸத்தம ॥ 16 ॥

யத்³யத்பஶ்யாமி ஸர்வஸ்ய க்³ரஹணம் ஸாது⁴ ரோசயே ।
அவஶ்யம் க்³ரஹணம் ராமோ மந்யே(அ)ஹம் ஸமுபைஷ்யதி ॥ 17 ॥

இமாம் பு³த்³தி⁴ம் புரஸ்க்ருத்ய தே³ஹந்யாஸக்ருதஶ்ரம꞉ ।
ஸ த்வம் ராமோ(அ)ஸி ப⁴த்³ரம் தே நாஹமந்யேந ராக⁴வ ॥ 18 ॥

ஶக்யோ ஹந்தும் யதா²தத்த்வமேவமுக்தம் மஹர்ஷிணா ।
அஹம் ஹி மதிஸாசிவ்யம் கரிஷ்யாமி நரர்ஷப⁴ ॥ 19 ॥

மித்ரம் சைவோபதே³க்ஷ்யாமி யுவாப்⁴யாம் ஸம்ஸ்க்ருதோ(அ)க்³நிநா ।
ஏவமுக்தஸ்து த⁴ர்மாத்மா த³நுநா தேந ராக⁴வ꞉ ॥ 20 ॥

இத³ம் ஜகா³த³ வசநம் லக்ஷ்மணஸ்யோபஶ்ருண்வத꞉ ।
ராவணேந ஹ்ருதா பா⁴ர்யா மம ஸீதா யஶஸ்விநீ ॥ 21 ॥

நிஷ்க்ராந்தஸ்ய ஜநஸ்தா²நாத்ஸஹ ப்⁴ராத்ரா யதா²ஸுக²ம் ।
நாமமாத்ரம் து ஜாநாமி ந ரூபம் தஸ்ய ரக்ஷஸ꞉ ॥ 22 ॥

நிவாஸம் வா ப்ரபா⁴வம் வா வயம் தஸ்ய ந வித்³மஹே ।
ஶோகார்தாநாமநாதா²நாமேவம் விபரிதா⁴வதாம் ॥ 23 ॥

காருண்யம் ஸத்³ருஶம் கர்துமுபகாரே ச வர்ததாம் ।
காஷ்டா²ந்யாதா³ய ஶுஷ்காணி காலே ப⁴க்³நாநி குஞ்ஜரை꞉ ॥ 24 ॥

த⁴க்ஷ்யாமஸ்த்வாம் வயம் வீர ஶ்வப்⁴ரே மஹதி கல்பிதே ।
ஸ த்வம் ஸீதாம் ஸமாசக்ஷ்வ யேந வா யத்ர வா ஹ்ருதா ॥ 25 ॥

குரு கல்யாணமத்யர்த²ம் யதி³ ஜாநாஸி தத்த்வத꞉ ।
ஏவமுக்தஸ்து ராமேண வாக்யம் த³நுரநுத்தமம் ॥ 26 ॥

ப்ரோவாச குஶலோ வக்தும் வக்தாரமபி ராக⁴வம் ।
தி³வ்யமஸ்தி ந மே ஜ்ஞாநம் நாபி⁴ஜாநாமி மைதி²லீம் ॥ 27 ॥

யஸ்தாம் ஜ்ஞாஸ்யதி தம் வக்ஷ்யே த³க்³த⁴꞉ ஸ்வம் ரூபமாஸ்தி²த꞉ ।
அத³க்³த⁴ஸ்ய து விஜ்ஞாதும் ஶக்திரஸ்தி ந மே ப்ரபோ⁴ ॥ 28 ॥

ராக்ஷஸம் தம் மஹாவீர்யம் ஸீதா யேந ஹ்ருதா தவ ।
விஜ்ஞாநம் ஹி மம ப்⁴ரஷ்டம் ஶாபதோ³ஷேண ராக⁴வ ॥ 29 ॥

ஸ்வக்ருதேந மயா ப்ராப்தம் ரூபம் லோகவிக³ர்ஹிதம் ।
கிந்து யாவந்ந யாத்யஸ்தம் ஸவிதா ஶ்ராந்தவாஹந꞉ ॥ 30 ॥

தாவந்மாமவடே க்ஷிப்த்வா த³ஹ ராம யதா²விதி⁴ ।
த³க்³த⁴ஸ்த்வயாஹமவடே ந்யாயேந ரகு⁴நந்த³ந ॥ 31 ॥

வக்ஷ்யாமி தமஹம் வீர யஸ்தம் ஜ்ஞாஸ்யதி ராக்ஷஸம் ।
தேந ஸக்²யம் ச கர்தவ்யம் ந்யாயவ்ருத்தேந ராக⁴வ ॥ 32 ॥

கல்பயிஷ்யதி தே ப்ரீத꞉ ஸாஹாய்யம் லகு⁴விக்ரம꞉ ।
ந ஹி தஸ்யாஸ்த்யவிஜ்ஞாதம் த்ரிஷு லோகேஷு ராக⁴வ ।
ஸர்வாந் பரிஸ்ருதோ லோகாந் புரா(அ)ஸௌ காரணாந்தரே ॥ 33 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஏகஸப்ததிதம꞉ ஸர்க³꞉ ॥ 71 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

---

---