Aranya Kanda Sarga 59 – அரண்யகாண்ட³ ஏகோநஷஷ்டிதம꞉ ஸர்க³꞉ (59)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஏகோநஷஷ்டிதம꞉ ஸர்க³꞉ (59)

॥ லக்ஷ்மணாக³மநவிக³ர்ஹணம் ॥

அதா²ஶ்ரமாது³பாவ்ருத்தமந்தரா ரகு⁴நந்த³ந꞉ ।
பரிபப்ரச்ச² ஸௌமித்ரிம் ராமோ து³꞉கா²ர்தி³தம் புந꞉ ॥ 1 ॥

தமுவாச கிமர்த²ம் த்வமாக³தோ(அ)பாஸ்ய மைதி²லீம் ।
யதா³ ஸா தவ விஶ்வாஸாத்³வநே விரஹிதா மயா ॥ 2 ॥

த்³ருஷ்ட்வைவாப்⁴யாக³தம் த்வாம் மே மைதி²லீம் த்யஜ்ய லக்ஷ்மண ।
ஶங்கமாநம் மஹத்பாபம் யத்ஸத்யம் வ்யதி²தம் மந꞉ ॥ 3 ॥

ஸ்பு²ரதே நயநம் ஸவ்யம் பா³ஹுஶ்ச ஹ்ருத³யம் ச மே ।
த்³ருஷ்ட்வா லக்ஷ்மண தூ³ரே த்வாம் ஸீதாவிரஹிதம் பதி² ॥ 4 ॥

ஏவமுக்தஸ்து ஸௌமித்ரிர்லக்ஷ்மண꞉ ஶுப⁴லக்ஷண꞉ ।
பூ⁴யோ து³꞉க²ஸமாவிஷ்டோ து³꞉கி²தம் ராமமப்³ரவீத் ॥ 5 ॥

ந ஸ்வயம் காமகாரேண தாம் த்யக்த்வாஹமிஹாக³த꞉ ।
ப்ரசோதி³தஸ்தயைவோக்³ரைஸ்த்வத்ஸகாஶமிஹாக³த꞉ ॥ 6 ॥

ஆர்யேணேவ பராக்ருஷ்டம் ஹா ஸீதே லக்ஷ்மணேதி ச ।
பரித்ராஹீதி யத்³வாக்யம் மைதி²ல்யாஸ்தச்ச்²ருதிம் க³தம் ॥ 7 ॥

ஸா தமார்தஸ்வரம் ஶ்ருத்வா தவ ஸ்நேஹேந மைதி²லீ ।
க³ச்ச² க³ச்சே²தி மாமாஹ ருத³ந்தீ ப⁴யவிஹ்வலா ॥ 8 ॥

ப்ரசோத்³யமாநேந மயா க³ச்சே²தி ப³ஹுஶஸ்தயா ।
ப்ரத்யுக்தா மைதி²லீ வாக்யமித³ம் த்வத்ப்ரத்யயாந்விதம் ॥ 9 ॥

ந தத்பஶ்யாம்யஹம் ரக்ஷோ யத³ஸ்ய ப⁴யமாவஹேத் ।
நிர்வ்ருதா ப⁴வ நாஸ்த்யேதத்கேநாப்யேவமுதா³ஹ்ருதம் ॥ 10 ॥

விக³ர்ஹிதம் ச நீசம் ச கத²மார்யோ(அ)பி⁴தா⁴ஸ்யதி ।
த்ராஹீதி வசநம் ஸீதே யஸ்த்ராயேத்த்ரித³ஶாநபி ॥ 11 ॥

கிம்நிமித்தம் து கேநாபி ப்⁴ராதுராளம்ப்³ய மே ஸ்வரம் ।
ராக்ஷஸேநேரிதம் வாக்யம் த்ராஹி த்ராஹீதி ஶோப⁴நே ॥ 12 ॥

விஸ்வரம் வ்யாஹ்ருதம் வாக்யம் லக்ஷ்மண த்ராஹி மாமிதி ।
ந ப⁴வத்யா வ்யதா² கார்யா குநாரீஜநஸேவிதா ॥ 13 ॥

அலம் வைக்லவ்யமாலம்ப்³ய ஸ்வஸ்தா² ப⁴வ நிருத்ஸுகா ।
ந ஸோ(அ)ஸ்தி த்ரிஷு லோகேஷு புமாந் வை ராக⁴வம் ரணே ॥ 14 ॥

ஜாதோ வா ஜாயமாநோ வா ஸம்யுகே³ ய꞉ பராஜயேத் ।
ந ஜய்யோ ராக⁴வோ யுத்³தே⁴ தே³வை꞉ ஶக்ரபுரோக³மை꞉ ॥ 15 ॥

ஏவமுக்தா து வைதே³ஹீ பரிமோஹிதசேதநா ।
உவாசாஶ்ரூணி முஞ்சந்தீ தா³ருணம் மாமித³ம் வச꞉ ॥ 16 ॥

பா⁴வோ மயி தாவாத்யர்த²ம் பாப ஏவ நிவேஶித꞉ ।
விநஷ்டே ப்⁴ராதரி ப்ராப்தும் ந ச த்வம் மாமவாப்ஸ்யஸி ॥ 17 ॥

ஸங்கேதாத்³ப⁴ரதேந த்வம் ராமம் ஸமநுக³ச்ச²ஸி ।
க்ரோஶந்தம் ஹி யதா²த்யர்த²ம் நைவமப்⁴யவபத்³யஸே ॥ 18 ॥

ரிபு꞉ ப்ரச்ச²ந்நசாரீ த்வம் மத³ர்த²மநுக³ச்ச²ஸி ।
ராக⁴வஸ்யாந்தரப்ரேப்ஸுஸ்ததை²நம் நாபி⁴பத்³யஸே ॥ 19 ॥

ஏவமுக்தோ ஹி வைதே³ஹ்யா ஸம்ரப்³தோ⁴ ரக்தலோசந꞉ ।
க்ரோதா⁴த் ப்ரஸ்பு²ரமாணோஷ்ட² ஆஶ்ரமாத³பி⁴நிர்க³த꞉ ॥ 20 ॥

ஏவம் ப்³ருவாணம் ஸௌமித்ரிம் ராம꞉ ஸந்தாபமோஹித꞉ ।
அப்³ரவீத்³து³ஷ்க்ருதம் ஸௌம்ய தாம் விநா யத்த்வமாக³த꞉ ॥ 21 ॥

ஜாநந்நபி ஸமர்த²ம் மாம் ராக்ஷஸாம் விநிவாரணே ।
அநேந க்ரோத⁴வாக்யேந மைதி²ல்யா நிஸ்ஸ்ருதோ ப⁴வாந் ॥ 22 ॥

ந ஹி தே பரிதுஷ்யாமி த்யக்த்வா யத்³யாஸி மைதி²லீம் ।
க்ருத்³தா⁴யா꞉ பருஷம் வாக்யம் ஶ்ருத்வா யத்த்வமிஹாக³த꞉ ॥ 23 ॥

ஸர்வதா² த்வபநீதம் தே ஸீதயா யத்ப்ரசோதி³த꞉ ।
க்ரோத⁴ஸ்ய வஶமாபந்நோ நாகரோ꞉ ஶாஸநம் மம ॥ 24 ॥

அஸௌ ஹி ராக்ஷஸ꞉ ஶேதே ஶரேணாபி⁴ஹதோ மயா ।
ம்ருக³ரூபேண யேநாஹமாஶ்ரமாத³பவாஹித꞉ ॥ 25 ॥

விக்ருஷ்ய சாபம் பரிதா⁴ய ஸாயகம்
ஸலீலபா³ணேந ச தாடி³தோ மயா ।
மார்கீ³ம் தநும் த்யஜ்ய ஸ விக்லப³ஸ்வரோ
ப³பூ⁴வ கேயூரத⁴ர꞉ ஸ ராக்ஷஸ꞉ ॥ 26 ॥

ஶராஹதேநைவ ததா³ர்தயா கி³ரா
ஸ்வரம் மமாலம்ப்³ய ஸுதூ³ரஸம்ஶ்ரவம் ।
உதா³ஹ்ருதம் தத்³வசநம் ஸுதா³ருணம்
த்வமாக³தோ யேந விஹாய மைதி²லீம் ॥ 27 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஏகோநஷஷ்டிதம꞉ ஸர்க³꞉ ॥ 59 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

---