Narayaneeyam Dasakam 19 – நாராயணீயம் ஏகோனவிம்ஶத³ஶகம்

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஏகோனவிம்ஶத³ஶகம்

ஏகோனவிம்ஶத³ஶகம் (19) – ப்ரசேத்ருணாம் சரிதம்

ப்ருதோ²ஸ்து நப்தா ப்ருது²த⁴ர்மகர்மட²꞉
ப்ராசீனப³ர்ஹிர்யுவதௌ ஶதத்³ருதௌ |
ப்ரசேதஸோ நாம ஸுசேதஸ꞉ ஸுதா-
நஜீஜனத்த்வத்கருணாங்குரானிவ || 19-1 ||

பிது꞉ ஸிஸ்ருக்ஷானிரதஸ்ய ஶாஸனாத்³-
ப⁴வத்தபஸ்யாபி⁴ரதா த³ஶாபி தே |
பயோனிதி⁴ம் பஶ்சிமமேத்ய தத்தடே
ஸரோவரம் ஸந்த³த்³ருஶுர்மனோஹரம் || 19-2 ||

ததா³ ப⁴வத்தீர்த²மித³ம் ஸமாக³தோ
ப⁴வோ ப⁴வத்ஸேவகத³ர்ஶனாத்³ருத꞉ |
ப்ரகாஶமாஸாத்³ய புர꞉ ப்ரசேதஸா-
முபாதி³ஶத்³ப⁴க்ததமஸ்தவஸ்தவம் || 19-3 ||

ஸ்தவம் ஜபந்தஸ்தமமீ ஜலாந்தரே
ப⁴வந்தமாஸேவிஷதாயுதம் ஸமா꞉ |
ப⁴வத்ஸுகா²ஸ்வாத³ரஸாத³மீஷ்வியான்
ப³பூ⁴வ காலோ த்⁴ருவவன்ன ஶீக்⁴ரதா || 19-4 ||

தபோபி⁴ரேஷாமதிமாத்ரவர்தி⁴பி⁴꞉
ஸ யஜ்ஞஹிம்ஸானிரதோ(அ)பி பாவித꞉ |
பிதா(அ)பி தேஷாம் க்³ருஹயாதனாரத³-
ப்ரத³ர்ஶிதாத்மா ப⁴வதா³த்மதாம் யயௌ || 19-5 ||

க்ருபாப³லேனைவ புர꞉ ப்ரசேதஸாம்
ப்ரகாஶமாகா³꞉ பதகே³ந்த்³ரவாஹன꞉ |
விராஜி சக்ராதி³வராயுதா⁴ம்ஶுபி⁴-
ர்பு⁴ஜாபி⁴ரஷ்டாபி⁴ருத³ஞ்சிதத்³யுதி꞉ || 19-6 ||

ப்ரசேதஸாம் தாவத³யாசதாமபி
த்வமேவ காருண்யப⁴ராத்³வரானதா³꞉ |
ப⁴வத்³விசிந்தா(அ)பி ஶிவாய தே³ஹினாம்
ப⁴வத்வஸௌ ருத்³ரனுதிஶ்ச காமதா³ || 19-7 ||

அவாப்ய காந்தாம் தனயாம் மஹீருஹாம்
தயா ரமத்⁴வம் த³ஶலக்ஷவத்ஸரீம் |
ஸுதோ(அ)ஸ்து த³க்ஷோ நனு தத்க்ஷணாச்ச மாம்
ப்ரயாஸ்யதே²தி ந்யக³தோ³ முதை³வ தான் || 19-8 ||

ததஶ்ச தே பூ⁴தலரோதி⁴னஸ்தரூன்
க்ருதா⁴ த³ஹந்தோ த்³ருஹிணேன வாரிதா꞉ |
த்³ருமைஶ்ச த³த்தாம் தனயாமவாப்ய தாம்
த்வது³க்தகாலம் ஸுகி²னோ(அ)பி⁴ரேமிரே || 19-9 ||

அவாப்ய த³க்ஷம் ச ஸுதம் க்ருதாத்⁴வரா꞉
ப்ரசேதஸோ நாரத³லப்³த⁴யா தி⁴யா |
அவாபுரானந்த³பத³ம் ததா²வித⁴-
ஸ்த்வமீஶ வாதாலயனாத² பாஹிமாம் || 19-10 ||
[** அவாபரானந்த³பத³ம் **]

இதி ஏகோனவிம்ஶத³ஶகம் ஸமாப்தம் |

---

ஸம்பூர்ண நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.