Narayaneeyam Dasakam 17 – நாராயணீயம் ஸப்தத³ஶத³ஶகம்

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஸப்தத³ஶத³ஶகம்

நாராயணீயம் ஸப்தத³ஶத³ஶகம் (17) – த்⁴ருவசரிதம்

உத்தாநபாத³ந்ருபதேர்மநுநந்த³நஸ்ய
ஜாயா ப³பூ⁴வ ஸுருசிர்நிதராமபீ⁴ஷ்டா ।
அந்யா ஸுநீதிரிதி ப⁴ர்துரநாத்³ருதா ஸா
த்வாமேவ நித்யமக³தி꞉ ஶரணம் க³தா(அ)பூ⁴த் ॥ 17-1 ॥

அங்கே பிது꞉ ஸுருசிபுத்ரகமுத்தமம் தம்
த்³ருஷ்ட்வா த்⁴ருவ꞉ கில ஸுநீதிஸுதோ(அ)தி⁴ரோக்ஷ்யந் ।
ஆசிக்ஷிபே கில ஶிஶு꞉ ஸுதராம் ஸுருச்யா
து³꞉ஸந்த்யஜா க²லு ப⁴வத்³விமுகை²ரஸூயா ॥ 17-2 ॥

த்வந்மோஹிதே பிதரி பஶ்யதி தா³ரவஶ்யே
தூ³ரம் து³ருக்திநிஹத꞉ ஸ க³தோ நிஜாம்பா³ம் ।
ஸா(அ)பி ஸ்வகர்மக³திஸந்தரணாய பும்ஸாம்
த்வத்பாத³மேவ ஶரணம் ஶிஶவே ஶஶம்ஸ ॥ 17-3 ॥

ஆகர்ண்ய ஸோ(அ)பி ப⁴வத³ர்சநநிஶ்சிதாத்மா
மாநீ நிரேத்ய நக³ராத் கில பஞ்சவர்ஷ꞉ ।
ஸந்த்³ருஷ்டநாரத³நிவேதி³தமந்த்ரமார்க³-
-ஸ்த்வாமாரராத⁴ தபஸா மது⁴காநநாந்தே ॥ 17-4 ॥

தாதே விஷண்ணஹ்ருத³யே நக³ரீம் க³தேந
ஶ்ரீநாரதே³ந பரிஸாந்த்விதசித்தவ்ருத்தௌ ।
பா³லஸ்த்வத³ர்பிதமநா꞉ க்ரமவர்தி⁴தேந
நிந்யே கடோ²ரதபஸா கில பஞ்சமாஸாந் ॥ 17-5 ॥

தாவத் தபோப³லநிருச்ச்²வஸிதே தி³க³ந்தே
தே³வார்தி²தஸ்த்வமுத³யத்கருணார்த்³ரசேதா꞉ ।
த்வத்³ரூபசித்³ரஸநிலீநமதே꞉ புரஸ்தா-
-தா³விர்ப³பூ⁴வித² விபோ⁴ க³ருடா³தி⁴ரூட⁴꞉ ॥ 17-6 ॥

த்வத்³த³ர்ஶநப்ரமத³பா⁴ரதரங்கி³தம் தம்
த்³ருக்³ப்⁴யாம் நிமக்³நமிவ ரூபரஸாயநே தே ।
துஷ்டூஷமாணமவக³ம்ய கபோலதே³ஶே
ஸம்ஸ்ப்ருஷ்டவாநஸி த³ரேண ததா²(ஆ)த³ரேண ॥ 17-7 ॥

தாவத்³விபோ³த⁴விமலம் ப்ரணுவந்தமேந-
-மாபா⁴ஷதா²ஸ்த்வமவக³ம்ய ததீ³யபா⁴வம் ।
ராஜ்யம் சிரம் ஸமநுபூ⁴ய ப⁴ஜஸ்வ பூ⁴ய꞉
ஸர்வோத்தரம் த்⁴ருவபத³ம் விநிவ்ருத்திஹீநம் ॥ 17-8 ॥

இத்யூசிஷி த்வயி க³தே ந்ருபநந்த³நோ(அ)ஸா-
-வாநந்தி³தாகி²லஜநோ நக³ரீமுபேத꞉ ।
ரேமே சிரம் ப⁴வத³நுக்³ரஹபூர்ணகாம-
-ஸ்தாதே க³தே ச வநமாத்³ருதராஜ்யபா⁴ர꞉ ॥ 17-9 ॥

யக்ஷேண தே³வ நிஹதே புநருத்தமே(அ)ஸ்மிந்
யக்ஷை꞉ ஸ யுத்³த⁴நிரதோ விரதோ மநூக்த்யா ।
ஶாந்த்யா ப்ரஸந்நஹ்ருத³யாத்³த⁴நதா³து³பேதா-
-த்த்வத்³ப⁴க்திமேவ ஸுத்³ருடா⁴மவ்ருணோந்மஹாத்மா ॥ 17-10 ॥

அந்தே ப⁴வத்புருஷநீதவிமாநயாதோ
மாத்ரா ஸமம் த்⁴ருவபதே³ முதி³தோ(அ)யமாஸ்தே ।
ஏவம் ஸ்வப்⁴ருத்யஜநபாலநலோலதீ⁴ஸ்த்வம்
வாதாலயாதி⁴ப நிருந்தி⁴ மமாமயௌகா⁴ந் ॥ 17-11 ॥

இதி ஸப்தத³ஶத³ஶகம் ஸமாப்தம் ॥

---

ஸம்பூர்ண நாராயணீயம் பார்க்க.

---