Sri Krishna Lahari Stotram – ஶ்ரீ க்ருஷ்ண லஹரீ ஸ்தோத்ரம்

ஸ்தோத்ரநிதி → ஶ்ரீ க்ருஷ்ண ஸ்தோத்திரங்கள் → ஶ்ரீ க்ருஷ்ண லஹரீ ஸ்தோத்ரம்

கதா³ வ்ருந்தா³ரண்யே விபுலயமுநாதீரபுலிநே
சரந்தம் கோ³விந்த³ம் ஹலத⁴ரஸுதா³மாதி³ஸஹிதம் ।
அஹோ க்ருஷ்ண ஸ்வாமிந் மது⁴ரமுரளீமோஹந விபோ⁴
ப்ரஸீதே³தி க்ரோஶந்நிமிஷமிவ நேஷ்யாமி தி³வஸாந் ॥ 1 ॥

கதா³ காளிந்தீ³யைர்ஹரிசரணமுத்³ராங்கிததடை꞉
ஸ்மரந் கோ³பீநாத²ம் கமலநயநம் ஸஸ்மிதமுக²ம் ।
அஹோ பூர்ணாநந்தா³ம்பு³ஜவத³ந ப⁴க்தைகலலந
ப்ரஸீதே³தி க்ரோஶந்நிமிஷமிவ நேஷ்யாமி தி³வஸாந் ॥ 2 ॥

கதா³சித்கே²லந்தம் வ்ரஜபரிஸரே கோ³பதநயை꞉
குதஶ்சித்ஸம்ப்ராப்தம் கிமபி லஸிதம் கோ³பலலநம் ।
அயே ராதே⁴ கிம் வா ஹரஸி ரஸிகே கஞ்சுகயுக³ம்
ப்ரஸீதே³தி க்ரோஶந்நிமிஷமிவ நேஷ்யாமி தி³வஸாந் ॥ 3 ॥

கதா³சித்³கோ³பீநாம் ஹஸிதசகிதஸ்நிக்³த⁴நயநம்
ஸ்தி²தம் கோ³பீவ்ருந்தே³ நடமிவ நடந்தம் ஸுலலிதம் ।
ஸுராதீ⁴ஶை꞉ ஸர்வை꞉ ஸ்துதபத³மித³ம் ஶ்ரீஹரிமிதி
ப்ரஸீதே³தி க்ரோஶந்நிமிஷமிவ நேஷ்யாமி தி³வஸாந் ॥ 4 ॥

கதா³சித்ஸச்சா²யாஶ்ரிதமபி⁴மஹாந்தம் யது³பதிம்
ஸமாதி⁴ஸ்வச்சா²யாஞ்சல இவ விளோலைகமகரம் ।
அயே ப⁴க்தோதா³ராம்பு³ஜவத³ந நந்த³ஸ்ய தநய
ப்ரஸீதே³தி க்ரோஶந்நிமிஷமிவ நேஷ்யாமி தி³வஸாந் ॥ 5 ॥

கதா³சித்காளிந்த்³யாஸ்தடதருகத³ம்பே³ ஸ்தி²தமமும்
ஸ்மயந்தம் ஸாகூதம் ஹ்ருதவஸநகோ³பீஸுதபத³ம் ।
அஹோ ஶக்ராநந்தா³ம்பு³ஜவத³ந கோ³வர்த⁴நத⁴ர
ப்ரஸீதே³தி க்ரோஶந்நிமிஷமிவ நேஷ்யாமி தி³வஸாந் ॥ 6 ॥

கதா³சித்காந்தாரே விஜயஸக²மிஷ்டம் ந்ருபஸுதம்
வத³ந்தம் பார்தே²தி ந்ருபஸுத ஸகே² ப³ந்து⁴ரிதி ச ।
ப்⁴ரமந்தம் விஶ்ராந்தம் ஶ்ரிதமுரளிமாஸ்யம் ஹரிமமீ
ப்ரஸீதே³தி க்ரோஶந்நிமிஷமிவ நேஷ்யாமி தி³வஸாந் ॥ 7 ॥

கதா³ த்³ரக்ஷ்யே பூர்ணம் புருஷமமலம் பங்கஜத்³ருஶம்
அஹோ விஷ்ணோ யோகி³ந் ரஸிகமுரளீமோஹந விபோ⁴ ।
த³யாம் கர்தும் தீ³நே பரமகருணாப்³தே⁴ ஸமுசிதம்
ப்ரஸீதே³தி க்ரோஶந்நிமிஷமிவ நேஷ்யாமி தி³வஸாந் ॥ 8 ॥

இதி ஶ்ரீவாஸுதே³வாநந்த³ஸரஸ்வதீ க்ருத ஶ்ரீ க்ருஷ்ண லஹரீ ஸ்தோத்ரம் ॥

---

மேலும் ஶ்ரீ க்ருஷ்ண ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.