Read in తెలుగు / ಕನ್ನಡ / தமிழ் / देवनागरी / English (IAST)
ருத்³ர உவாச ।
ஸம்ஸாரஸாக³ராத்³கோ⁴ராந்முச்யதே கிம் ஜபந் ப்ரபோ⁴ ।
நரஸ்தந்மே பரம் ஜப்யம் கத²ய த்வம் ஜநார்த³ந ॥ 1 ॥
ஹரிருவாச ।
பரேஶ்வரம் பரம் ப்³ரஹ்ம பரமாத்மாநமவ்யயம் ।
விஷ்ணும் நாமஸஹஸ்ரேண ஸ்துவந்முக்தோ ப⁴வேந்நர꞉ ॥ 2 ॥
யத்பவித்ரம் பரம் ஜப்யம் கத²யாமி வ்ருஷத்⁴வஜ ।
ஶ்ருணுஷ்வாவஹிதோ பூ⁴த்வா ஸர்வபாபவிநாஶநம் ॥ 3 ॥
ஓம் ॥ வாஸுதே³வோ மஹாவிஷ்ணுர்வாமநோ வாஸவோ வஸு꞉ ।
பா³லசந்த்³ரநிபோ⁴ பா³லோ ப³லப⁴த்³ரோ ப³லாதி⁴ப꞉ ॥ 4 ॥
ப³லிப³ந்த⁴நக்ருத்³வேதா⁴ வரேண்யோ வேத³வித் கவி꞉ ।
வேத³கர்தா வேத³ரூபோ வேத்³யோ வேத³பரிப்லுத꞉ ॥ 5 ॥
வேதா³ங்க³வேத்தா வேதே³ஶோ ப³லாதா⁴ரோ ப³லார்த³ந꞉ ।
அவிகாரோ வரேஶஶ்ச வருணோ வருணாதி⁴ப꞉ ॥ 6 ॥
வீரஹா ச ப்³ருஹத்³வீரோ வந்தி³த꞉ பரமேஶ்வர꞉ ।
ஆத்மா ச பரமாத்மா ச ப்ரத்யகா³த்மா வியத்பர꞉ ॥ 7 ॥
பத்³மநாப⁴꞉ பத்³மநிதி⁴꞉ பத்³மஹஸ்தோ க³தா³த⁴ர꞉ ।
பரம꞉ பரபூ⁴தஶ்ச புருஷோத்தம ஈஶ்வர꞉ ॥ 8 ॥
பத்³மஜங்க⁴꞉ புண்ட³ரீக꞉ பத்³மமாலாத⁴ர꞉ ப்ரிய꞉ ।
பத்³மாக்ஷ꞉ பத்³மக³ர்ப⁴ஶ்ச பர்ஜந்ய꞉ பத்³மஸம்ஸ்தி²த꞉ ॥ 9 ॥
அபார꞉ பரமார்த²ஶ்ச பராணாம் ச பர꞉ ப்ரபு⁴꞉ ।
பண்டி³த꞉ பண்டி³தேட்³யஶ்ச பவித்ர꞉ பாபமர்த³க꞉ ॥ 10 ॥
ஶுத்³த⁴꞉ ப்ரகாஶரூபஶ்ச பவித்ர꞉ பரிரக்ஷக꞉ ।
பிபாஸாவர்ஜித꞉ பாத்³ய꞉ புருஷ꞉ ப்ரக்ருதிஸ்ததா² ॥ 11 ॥
ப்ரதா⁴நம் ப்ருதி²வீபத்³மம் பத்³மநாப⁴꞉ ப்ரியப்ரத³꞉ ।
ஸர்வேஶ꞉ ஸர்வக³꞉ ஸர்வ꞉ ஸர்வவித் ஸர்வத³꞉ ஸுர꞉ ॥ 12 ॥
ஸர்வஸ்ய ஜக³தோ தா⁴ம ஸர்வத³ர்ஶீ ச ஸர்வப்⁴ருத் ।
ஸர்வாநுக்³ரஹக்ருத்³தே³வ꞉ ஸர்வபூ⁴தஹ்ருதி³ஸ்தி²த꞉ ॥ 13 ॥
ஸர்வபூஜ்யஶ்ச ஸர்வாத்³ய꞉ ஸர்வதே³வநமஸ்க்ருத꞉ ।
ஸர்வஸ்ய ஜக³தோ மூலம் ஸகலோ நிஷ்களோ(அ)நல꞉ ॥ 14 ॥
ஸர்வகோ³ப்தா ஸர்வநிஷ்ட²꞉ ஸர்வகாரணகாரணம் ।
ஸர்வத்⁴யேய꞉ ஸர்வமித்ர꞉ ஸர்வதே³வஸ்வரூபத்⁴ருக் ॥ 15 ॥
ஸர்வாத்⁴யக்ஷ꞉ ஸுராத்⁴யக்ஷ꞉ ஸுராஸுரநமஸ்க்ருத꞉ ।
து³ஷ்டாநாம் சாஸுராணாம் ச ஸர்வதா³ கா⁴தகோ(அ)ந்தக꞉ ॥ 16 ॥
ஸத்யபாலஶ்ச ஸந்நாப⁴꞉ ஸித்³தே⁴ஶ꞉ ஸித்³த⁴வந்தி³த꞉ ।
ஸித்³த⁴ஸாத்⁴ய꞉ ஸித்³த⁴ஸித்³த⁴꞉ ஸாத்⁴யஸித்³தோ⁴ ஹ்ருதீ³ஶ்வர꞉ ॥ 17 ॥
ஶரணம் ஜக³தஶ்சைவ ஶ்ரேய꞉ க்ஷேமஸ்ததை²வ ச ।
ஶுப⁴க்ருச்சோ²ப⁴ந꞉ ஸௌம்ய꞉ ஸத்ய꞉ ஸத்யபராக்ரம꞉ ॥ 18 ॥
ஸத்யஸ்த²꞉ ஸத்யஸங்கல்ப꞉ ஸத்யவித் ஸத்யத³ஸ்ததா² ।
த⁴ர்மோ த⁴ர்மீ ச கர்மீ ச ஸர்வகர்மவிவர்ஜித꞉ ॥ 19 ॥
கர்மகர்தா ச கர்மைவ க்ரியா கார்யம் ததை²வ ச ।
ஶ்ரீபதிர்ந்ருபதி꞉ ஶ்ரீமாந் ஸர்வஸ்ய பதிரூர்ஜித꞉ ॥ 20 ॥
ஸதே³வாநாம் பதிஶ்சைவ வ்ருஷ்ணீநாம் பதிரீடி³த꞉ ।
பதிர்ஹிரண்யக³ர்ப⁴ஸ்ய த்ரிபுராந்தபதிஸ்ததா² ॥ 21 ॥
பஶூநாம் ச பதி꞉ ப்ராயோ வஸூநாம் பதிரேவ ச ।
பதிராக²ண்ட³லஸ்யைவ வருணஸ்ய பதிஸ்ததா² ॥ 22 ॥
வநஸ்பதீநாம் ச பதிரநிலஸ்ய பதிஸ்ததா² ।
அநலஸ்ய பதிஶ்சைவ யமஸ்ய பதிரேவ ச ॥ 23 ॥
குபே³ரஸ்ய பதிஶ்சைவ நக்ஷத்ராணாம் பதிஸ்ததா² ।
ஓஷதீ⁴நாம் பதிஶ்சைவ வ்ருக்ஷாணாம் ச பதிஸ்ததா² ॥ 24 ॥
நாகா³நாம் பதிரர்கஸ்ய த³க்ஷஸ்ய பதிரேவ ச ।
ஸுஹ்ருதா³ம் ச பதிஶ்சைவ ந்ருபாணாம் ச பதிஸ்ததா² ॥ 25 ॥
க³ந்த⁴ர்வாணாம் பதிஶ்சைவ அஸூநாம் பதிருத்தம꞉ ।
பர்வதாநாம் பதிஶ்சைவ நிம்நகா³நாம் பதிஸ்ததா² ॥ 26 ॥
ஸுராணாம் ச பதி꞉ ஶ்ரேஷ்ட²꞉ கபிலஸ்ய பதிஸ்ததா² ।
லதாநாம் ச பதிஶ்சைவ வீருதா⁴ம் ச பதிஸ்ததா² ॥ 27 ॥
முநீநாம் ச பதிஶ்சைவ ஸூர்யஸ்ய பதிருத்தம꞉ ।
பதிஶ்சந்த்³ரமஸ꞉ ஶ்ரேஷ்ட²꞉ ஶுக்ரஸ்ய பதிரேவ ச ॥ 28 ॥
க்³ரஹாணாம் ச பதிஶ்சைவ ராக்ஷஸாநாம் பதிஸ்ததா² ।
கிந்நராணாம் பதிஶ்சைவ த்³விஜாநாம் பதிருத்தம꞉ ॥ 29 ॥
ஸரிதாம் ச பதிஶ்சைவ ஸமுத்³ராணாம் பதிஸ்ததா² ।
ஸரஸாம் ச பதிஶ்சைவ பூ⁴தாநாம் ச பதிஸ்ததா² ॥ 30 ॥
வேதாலாநாம் பதிஶ்சைவ கூஷ்மாண்டா³நாம் பதிஸ்ததா² ।
பக்ஷிணாம் ச பதி꞉ ஶ்ரேஷ்ட²꞉ பஶூநாம் பதிரேவ ச ॥ 31 ॥
மஹாத்மா மங்க³ளோ மேயோ மந்த³ரோ மந்த³ரேஶ்வர꞉ ।
மேருர்மாதா ப்ரமாணம் ச மாத⁴வோ மலவர்ஜித꞉ ॥ 32 ॥
மாலாத⁴ரோ மஹாதே³வோ மஹாதே³வேந பூஜித꞉ ।
மஹாஶாந்தோ மஹாபா⁴கோ³ மது⁴ஸூத³ந ஏவ ச ॥ 33 ॥
மஹாவீர்யோ மஹாப்ராணோ மார்கண்டே³யர்ஷிவந்தி³த꞉ ।
மாயாத்மா மாயயா ப³த்³தோ⁴ மாயயா து விவர்ஜித꞉ ॥ 34 ॥
முநிஸ்துதோ முநிர்மைத்ரோ மஹாநாஸோ மஹாஹநு꞉ ।
மஹாபா³ஹுர்மஹாதா³ந்தோ மரணேந விவர்ஜித꞉ ॥ 35 ॥
மஹாவக்த்ரோ மஹாத்மா ச மஹாகாயோ மஹோத³ர꞉ ।
மஹாபாதோ³ மஹாக்³ரீவோ மஹாமாநீ மஹாமநா꞉ ॥ 36 ॥
மஹாக³திர்மஹாகீர்திர்மஹாரூபோ மஹாஸுர꞉ ।
மது⁴ஶ்ச மாத⁴வஶ்சைவ மஹாதே³வோ மஹேஶ்வர꞉ ॥ 37 ॥
மகே²ஜ்யோ மக²ரூபீ ச மாநநீயோ மகே²ஶ்வர꞉ ।
மஹாவாதோ மஹாபா⁴கோ³ மஹேஶோ(அ)தீதமாநுஷ꞉ ॥ 38 ॥
மாநவஶ்ச மநுஶ்சைவ மாநவாநாம் ப்ரியங்கர꞉ ।
ம்ருக³ஶ்ச ம்ருக³பூஜ்யஶ்ச ம்ருகா³ணாம் ச பதிஸ்ததா² ॥ 39 ॥
பு³த⁴ஸ்ய ச பதிஶ்சைவ பதிஶ்சைவ ப்³ருஹஸ்பதே꞉ ।
பதி꞉ ஶநைஶ்சரஸ்யைவ ராஹோ꞉ கேதோ꞉ பதிஸ்ததா² ॥ 40 ॥
லக்ஷ்மணோ லக்ஷணஶ்சைவ லம்போ³ஷ்டோ² லலிதஸ்ததா² ।
நாநாலங்காரஸம்யுக்தோ நாநாசந்த³நசர்சித꞉ ॥ 41 ॥
நாநாரஸோஜ்ஜ்வலத்³வக்த்ரோ நாநாபுஷ்போபஶோபி⁴த꞉ ।
ராமோ ரமாபதிஶ்சைவ ஸபா⁴ர்ய꞉ பரமேஶ்வர꞉ ॥ 42 ॥
ரத்நதோ³ ரத்நஹர்தா ச ரூபீ ரூபவிவர்ஜித꞉ ।
மஹாரூபோக்³ரரூபஶ்ச ஸௌம்யரூபஸ்ததை²வ ச ॥ 43 ॥
நீலமேக⁴நிப⁴꞉ ஶுத்³த⁴꞉ காலமேக⁴நிப⁴ஸ்ததா² ।
தூ⁴மவர்ண꞉ பீதவர்ணோ நாநாரூபோ ஹ்யவர்ணக꞉ ॥ 44 ॥
விரூபோ ரூபத³ஶ்சைவ ஶுக்லவர்ணஸ்ததை²வ ச ।
ஸர்வவர்ணோ மஹாயோகீ³ யஜ்ஞோ யஜ்ஞக்ருதே³வ ச ॥ 45 ॥
ஸுவர்ணவர்ணவாம்ஶ்சைவ ஸுவர்ணாக்²யஸ்ததை²வ ச ।
ஸுவர்ணாவயவஶ்சைவ ஸுவர்ண꞉ ஸ்வர்ணமேக²ல꞉ ॥ 46 ॥
ஸுவர்ணஸ்ய ப்ரதா³தா ச ஸுவர்ணேஶஸ்ததை²வ ச ।
ஸுவர்ணஸ்ய ப்ரியஶ்சைவ ஸுவர்ணாட்⁴யஸ்ததை²வ ச ॥ 47 ॥
ஸுபர்ணீ ச மஹாபர்ணீ ஸுபர்ணஸ்ய ச காரணம் ।
வைநதேயஸ்ததா²தி³த்ய ஆதி³ராதி³கர꞉ ஶிவ꞉ ॥ 48 ॥
காரணம் மஹதஶ்சைவ ப்ரதா⁴நஸ்ய ச காரணம் ।
பு³த்³தீ⁴நாம் காரணம் சைவ காரணம் மநஸஸ்ததா² ॥ 49 ॥
காரணம் சேதஸஶ்சைவ அஹங்காரஸ்ய காரணம் ।
பூ⁴தாநாம் காரணம் தத்³வத்காரணம் ச விபா⁴வஸோ꞉ ॥ 50 ॥
ஆகாஶகாரணம் தத்³வத்ப்ருதி²வ்யா꞉ காரணம் பரம் ।
அண்ட³ஸ்ய காரணம் சைவ ப்ரக்ருதே꞉ காரணம் ததா² ॥ 51 ॥
தே³ஹஸ்ய காரணம் சைவ சக்ஷுஷஶ்சைவ காரணம் ।
ஶ்ரோத்ரஸ்ய காரணம் தத்³வத்காரணம் ச த்வசஸ்ததா² ॥ 52 ॥
ஜிஹ்வாயா꞉ காரணம் சைவ ப்ராணஸ்யைவ ச காரணம் ।
ஹஸ்தயோ꞉ காரணம் தத்³வத்பாத³யோ꞉ காரணம் ததா² ॥ 53 ॥
வாசஶ்ச காரணம் தத்³வத்பாயோஶ்சைவ து காரணம் ।
இந்த்³ரஸ்ய காரணம் சைவ குபே³ரஸ்ய ச காரணம் ॥ 54 ॥
யமஸ்ய காரணம் சைவ ஈஶாநஸ்ய ச காரணம் ।
யக்ஷாணாம் காரணம் சைவ ரக்ஷஸாம் காரணம் பரம் ॥ 55 ॥
ந்ருபாணாம் காரணம் ஶ்ரேஷ்ட²ம் த⁴ர்மஸ்யைவ து காரணம் ।
ஜந்தூநாம் காரணம் சைவ வஸூநாம் காரணம் பரம் ॥ 56 ॥
மநூநாம் காரணம் சைவ பக்ஷிணாம் காரணம் பரம் ।
முநீநாம் காரணம் ஶ்ரேஷ்ட² யோகி³நாம் காரணம் பரம் ॥ 57 ॥
ஸித்³தா⁴நாம் காரணம் சைவ யக்ஷாணாம் காரணம் பரம் ।
காரணம் கிந்நராணாம் ச க³ந்த⁴ர்வாணாம் ச காரணம் ॥ 58 ॥
நதா³நாம் காரணம் சைவ நதீ³நாம் காரணம் பரம் ।
காரணம் ச ஸமுத்³ராணாம் வ்ருக்ஷாணாம் காரணம் ததா² ॥ 59 ॥
காரணம் வீருதா⁴ம் சைவ லோகாநாம் காரணம் ததா² ।
பாதால காரணம் சைவ தே³வாநாம் காரணம் ததா² ॥ 60 ॥
ஸர்பாணாம் காரணம் சைவ ஶ்ரேயஸாம் காரணம் ததா² ।
பஶூநாம் காரணம் சைவ ஸர்வேஷாம் காரணம் ததா² ॥ 61 ॥
தே³ஹாத்மா சேந்த்³ரியாத்மா ச ஆத்மா பு³த்³தே⁴ஸ்ததை²வ ச ।
மநஸஶ்ச ததை²வாத்மா சாத்மாஹங்காரசேதஸ꞉ ॥ 62 ॥
ஜாக்³ரத꞉ ஸ்வபதஶ்சாத்மா மஹதா³த்மா பரஸ்ததா² ।
ப்ரதா⁴நஸ்ய பராத்மா ச ஆகாஶாத்மா ஹ்யபாம் ததா² ॥ 63 ॥
ப்ருதி²வ்யா꞉ பரமாத்மா ச ரஸஸ்யாத்மா ததை²வ ச ।
க³ந்த⁴ஸ்ய பரமாத்மா ச ரூபஸ்யாத்மா பரஸ்ததா² ॥ 64 ॥
ஶப்³தா³த்மா சைவ வாகா³த்மா ஸ்பர்ஶாத்மா புருஷஸ்ததா² ।
ஶ்ரோத்ராத்மா ச த்வகா³த்மா ச ஜிஹ்வாத்மா பரமஸ்ததா² ॥ 65 ॥
க்⁴ராணாத்மா சைவ ஹஸ்தாத்மா பாதா³த்மா பரமஸ்ததா² ।
உபஸ்த²ஸ்ய ததை²வாத்மா பாய்வாத்மா பரமஸ்ததா² ॥ 66 ॥
இந்த்³ராத்மா சைவ ப்³ரஹ்மாத்மா ருத்³ராத்மா ச மநோஸ்ததா² ।
த³க்ஷப்ரஜாபதேராத்மா ஸத்யாத்மா பரமஸ்ததா² ॥ 67 ॥
ஈஶாத்மா பரமாத்மா ச ரௌத்³ராத்மா மோக்ஷவித்³யதி꞉ ।
யத்நவாம்ஶ்ச ததா² யத்நஶ்சர்மீ க²ட்³கீ³ முராந்தக꞉ ॥ 68 ॥
ஹ்ரீப்ரவர்தநஶீலஶ்ச யதீநாம் ச ஹிதே ரத꞉ ।
யதிரூபீ ச யோகீ³ ச யோகி³த்⁴யேயோ ஹரி꞉ ஶிதி꞉ ॥ 69 ॥
ஸம்விந்மேதா⁴ ச காலஶ்ச ஊஷ்மா வர்ஷா மதிஸ்ததா² ।
ஸம்வத்ஸரோ மோக்ஷகரோ மோஹப்ரத்⁴வம்ஸகஸ்ததா² ॥ 70 ॥
மோஹகர்தா ச து³ஷ்டாநாம் மாண்ட³வ்யோ வட³வாமுக²꞉ ।
ஸம்வர்த꞉ காலகர்தா ச கௌ³தமோ ப்⁴ருகு³ரங்கி³ரா꞉ ॥ 71 ॥
அத்ரிர்வஸிஷ்ட²꞉ புலஹ꞉ புலஸ்த்ய꞉ குத்ஸ ஏவ ச ।
யாஜ்ஞவல்க்யோ தே³வலஶ்ச வ்யாஸஶ்சைவ பராஶர꞉ ॥ 72 ॥
ஶர்மத³ஶ்சைவ கா³ங்கே³யோ ஹ்ருஷீகேஶோ ப்³ருஹச்ச்²ரவா꞉ ।
கேஶவ꞉ க்லேஶஹந்தா ச ஸுகர்ண꞉ கர்ணவர்ஜித꞉ ॥ 73 ॥
நாராயணோ மஹாபா⁴க³꞉ ப்ராணஸ்ய பதிரேவ ச ।
அபாநஸ்ய பதிஶ்சைவ வ்யாநஸ்ய பதிரேவ ச ॥ 74 ॥
உதா³நஸ்ய பதி꞉ ஶ்ரேஷ்ட²꞉ ஸமாநஸ்ய பதிஸ்ததா² ।
ஶப்³த³ஸ்ய ச பதி꞉ ஶ்ரேஷ்ட²꞉ ஸ்பர்ஶஸ்ய பதிரேவ ச ॥ 75 ॥
ரூபாணாம் ச பதிஶ்சாத்³ய꞉ க²ட்³க³பாணிர்ஹலாயுத⁴꞉ ।
சக்ரபாணி꞉ குண்ட³லீ ச ஶ்ரீவத்ஸாங்கஸ்ததை²வ ச ॥ 76 ॥
ப்ரக்ருதி꞉ கௌஸ்துப⁴க்³ரீவ꞉ பீதாம்ப³ரத⁴ரஸ்ததா² ।
ஸுமுகோ² து³ர்முக²ஶ்சைவ முகே²ந து விவர்ஜித꞉ ॥ 77 ॥
அநந்தோ(அ)நந்தரூபஶ்ச ஸுநக²꞉ ஸுரமந்த³ர꞉ ।
ஸுகபோலோ விபு⁴ர்ஜிஷ்ணுர்ப்⁴ராஜிஷ்ணுஶ்சேஷுதீ⁴ஸ்ததா² ॥ 78 ॥
ஹிரண்யகஶிபோர்ஹந்தா ஹிரண்யாக்ஷவிமர்த³க꞉ ।
நிஹந்தா பூதநாயாஶ்ச பா⁴ஸ்கராந்தவிநாஶந꞉ ॥ 79 ॥
கேஶிநோ த³ளநஶ்சைவ முஷ்டிகஸ்ய விமர்த³க꞉ ।
கம்ஸதா³நவபே⁴த்தா ச சாணூரஸ்ய ப்ரமர்த³க꞉ ॥ 80 ॥
அரிஷ்டஸ்ய நிஹந்தா ச அக்ரூரப்ரிய ஏவ ச ।
அக்ரூர꞉ க்ரூரரூபஶ்ச அக்ரூரப்ரியவந்தி³த꞉ ॥ 81 ॥
ப⁴க³ஹா ப⁴க³வாந் பா⁴நுஸ்ததா² பா⁴க³வத꞉ ஸ்வயம் ।
உத்³த⁴வஶ்சோத்³த⁴வஸ்யேஶோ ஹ்யுத்³த⁴வேந விசிந்தித꞉ ॥ 82 ॥
சக்ரத்⁴ருக் சஞ்சலஶ்சைவ சலாசலவிவர்ஜித꞉ ।
அஹங்காரோபமஶ்சித்தம் க³க³நம் ப்ருதி²வீ ஜலம் ॥ 83 ॥
வாயுஶ்சக்ஷுஸ்ததா² ஶ்ரோத்ரம் ஜிஹ்வா ச க்⁴ராணமேவ ச ।
வாக்பாணிபாத³ஜவந꞉ பாயூபஸ்த²ஸ்ததை²வ ச ॥ 84 ॥
ஶங்கரஶ்சைவ ஸர்வஶ்ச க்ஷாந்தித³꞉ க்ஷாந்திக்ருந்நர꞉ ।
ப⁴க்தப்ரியஸ்ததா² ப⁴ர்தா ப⁴க்திமாந் ப⁴க்திவர்த⁴ந꞉ ॥ 85 ॥
ப⁴க்தஸ்துதோ ப⁴க்தபர꞉ கீர்தித³꞉ கீர்திவர்த⁴ந꞉ ।
கீர்திர்தீ³ப்தி꞉ க்ஷமாகாந்திர்ப⁴க்தஶ்சைவ த³யா பரா ॥ 86 ॥
தா³நம் தா³தா ச கர்தா ச தே³வதே³வப்ரிய꞉ ஶுசி꞉ ।
ஶுசிமாந் ஸுக²தோ³ மோக்ஷ꞉ காமஶ்சார்த²꞉ ஸஹஸ்ரபாத் ॥ 87 ॥
ஸஹஸ்ரஶீர்ஷா வைத்³யஶ்ச மோக்ஷத்³வாரம் ததை²வ ச ।
ப்ரஜாத்³வாரம் ஸஹஸ்ராக்ஷ꞉ ஸஹஸ்ரகர ஏவ ச ॥ 88 ॥
ஶுக்ரஶ்ச ஸுகிரீடீ ச ஸுக்³ரீவ꞉ கௌஸ்துப⁴ஸ்ததா² ।
ப்ரத்³யும்நஶ்சாநிருத்³த⁴ஶ்ச ஹயக்³ரீவஶ்ச ஸூகர꞉ ॥ 89 ॥
மத்ஸ்ய꞉ பரஶுராமஶ்ச ப்ரஹ்லாதோ³ ப³லிரேவ ச ।
ஶரண்யஶ்சைவ நித்யஶ்ச பு³த்³தோ⁴ முக்த꞉ ஶரீரப்⁴ருத் ॥ 90 ॥
க²ரதூ³ஷணஹந்தா ச ராவணஸ்ய ப்ரமர்த³ந꞉ ।
ஸீதாபதிஶ்ச வர்தி⁴ஷ்ணுர்ப⁴ரதஶ்ச ததை²வ ச ॥ 91 ॥
கும்பே⁴ந்த்³ரஜிந்நிஹந்தா ச கும்ப⁴கர்ணப்ரமர்த³ந꞉ ।
நராந்தகாந்தகஶ்சைவ தே³வாந்தகவிநாஶந꞉ ॥ 92 ॥
து³ஷ்டாஸுரநிஹந்தா ச ஶம்ப³ராரிஸ்ததை²வ ச ।
நரகஸ்ய நிஹந்தா ச த்ரிஶீர்ஷஸ்ய விநாஶந꞉ ॥ 93 ॥
யமலார்ஜுநபே⁴த்தா ச தபோஹிதகரஸ்ததா² ।
வாதி³த்ரம் சைவ வாத்³யம் ச பு³த்³த⁴ஶ்சைவ வரப்ரத³꞉ ॥ 94 ॥
ஸார꞉ ஸாரப்ரிய꞉ ஸௌர꞉ காலஹந்த்ருநிக்ருந்தந꞉ ।
அக³ஸ்த்யோ தே³வலஶ்சைவ நாரதோ³ நாரத³ப்ரிய꞉ ॥ 95 ॥
ப்ராணோ(அ)பாநஸ்ததா² வ்யாநோ ரஜ꞉ ஸத்த்வம் தம꞉ ஶரத் ।
உதா³நஶ்ச ஸமாநஶ்ச பே⁴ஷஜம் ச பி⁴ஷக் ததா² ॥ 96 ॥
கூடஸ்த²꞉ ஸ்வச்ச²ரூபஶ்ச ஸர்வதே³ஹவிவர்ஜித꞉ ।
சக்ஷுரிந்த்³ரியஹீநஶ்ச வாகி³ந்த்³ரியவிவர்ஜித꞉ ॥ 97 ॥
ஹஸ்தேந்த்³ரியவிஹீநஶ்ச பாதா³ப்⁴யாம் ச விவர்ஜித꞉ ।
பாயூபஸ்த²விஹீநஶ்ச மருதாபவிவர்ஜித꞉ ॥ 98 ॥ [மஹாதாப]
ப்ரபோ³தே⁴ந விஹீநஶ்ச பு³த்³த்⁴யா சைவ விவர்ஜித꞉ ।
சேதஸா விக³தஶ்சைவ ப்ராணேந ச விவர்ஜித꞉ ॥ 99 ॥
அபாநேந விஹீநஶ்ச வ்யாநேந ச விவர்ஜித꞉ ।
உதா³நேந விஹீநஶ்ச ஸமாநேந விவர்ஜித꞉ ॥ 100 ॥
ஆகாஶேந விஹீநஶ்ச வாயுநா பரிவர்ஜித꞉ ।
அக்³நிநா ச விஹீநஶ்ச உத³கேந விவர்ஜித꞉ ॥ 101 ॥
ப்ருதி²வ்யா ச விஹீநஶ்ச ஶப்³தே³ந ச விவர்ஜித꞉ ।
ஸ்பர்ஶேந ச விஹீநஶ்ச ஸர்வரூபவிவர்ஜித꞉ ॥ 102 ॥
ராகே³ண விக³தஶ்சைவ அகே⁴ந பரிவர்ஜித꞉ ।
ஶோகேந ரஹிதஶ்சைவ வசஸா பரிவர்ஜித꞉ ॥ 103 ॥
ரஜோவிவர்ஜிதஶ்சைவ விகாரை꞉ ஷட்³பி⁴ரேவ ச ।
காமேந வர்ஜிதஶ்சைவ க்ரோதே⁴ந பரிவர்ஜித꞉ ॥ 104 ॥
லோபே⁴ந விக³தஶ்சைவ த³ம்பே⁴ந ச விவர்ஜித꞉ ।
ஸூக்ஷ்மஶ்சைவ ஸுஸூக்ஷ்மஶ்ச ஸ்தூ²லாத்ஸ்தூ²லதரஸ்ததா² ॥ 105 ॥
விஶாரதோ³ ப³லாத்⁴யக்ஷ꞉ ஸர்வஸ்ய க்ஷோப⁴கஸ்ததா² ।
ப்ரக்ருதே꞉ க்ஷோப⁴கஶ்சைவ மஹத꞉ க்ஷோப⁴கஸ்ததா² ॥ 106 ॥
பூ⁴தாநாம் க்ஷோப⁴கஶ்சைவ பு³த்³தே⁴ஶ்ச க்ஷோப⁴கஸ்ததா² ।
இந்த்³ரியாணாம் க்ஷோப⁴கஶ்ச விஷயக்ஷோப⁴கஸ்ததா² ॥ 107 ॥
ப்³ரஹ்மண꞉ க்ஷோப⁴கஶ்சைவ ருத்³ரஸ்ய க்ஷோப⁴கஸ்ததா² ।
அக³ம்யஶ்சக்ஷுராதே³ஶ்ச ஶ்ரோத்ராக³ம்யஸ்ததை²வ ச ॥ 108 ॥
த்வசா ந க³ம்ய꞉ கூர்மஶ்ச ஜிஹ்வா(அ)க்³ராஹ்யஸ்ததை²வ ச ।
க்⁴ராணேந்த்³ரியாக³ம்ய ஏவ வாசா(அ)க்³ராஹ்யஸ்ததை²வ ச ॥ 109 ॥
அக³ம்யஶ்சைவ பாணிப்⁴யாம் பதா³க³ம்யஸ்ததை²வ ச ।
அக்³ராஹ்யோ மநஸஶ்சைவ பு³த்³த்⁴யா(அ)க்³ராஹ்யோ ஹரிஸ்ததா² ॥ 110 ॥
அஹம் பு³த்³த்⁴யா ததா²(அ)க்³ராஹ்யஶ்சேதஸா(அ)க்³ராஹ்ய ஏவ ச ।
ஶங்க²பாணிஶ்சாவ்யயஶ்ச க³தா³பாணிஸ்ததை²வ ச ॥ 111 ॥
ஶார்ங்க³பாணிஶ்ச க்ருஷ்ணஶ்ச ஜ்ஞாநமூர்தி꞉ பரந்தப꞉ ।
தபஸ்வீ ஜ்ஞாநக³ம்யோ ஹி ஜ்ஞாநீ ஜ்ஞாநவிதே³வ ச ॥ 112 ॥
ஜ்ஞேயஶ்ச ஜ்ஞேயஹீநஶ்ச ஜ்ஞப்திஶ்சைதந்யரூபக꞉ ।
பா⁴வோ பா⁴வ்யோ ப⁴வகரோ பா⁴வநோ ப⁴வநாஶந꞉ ॥ 113 ॥
கோ³விந்தோ³ கோ³பதிர்கோ³ப꞉ ஸர்வகோ³பீஸுக²ப்ரத³꞉ ।
கோ³பாலோ கோ³க³திஶ்சைவ கோ³மதிர்கோ³த⁴ரஸ்ததா² ॥ 114 ॥
உபேந்த்³ரஶ்ச ந்ருஸிம்ஹஶ்ச ஶௌரிஶ்சைவ ஜநார்த³ந꞉ ।
ஆரணேயோ ப்³ருஹத்³பா⁴நுர்ப்³ருஹத்³தீ³ப்திஸ்ததை²வ ச ॥ 115 ॥
தா³மோத³ரஸ்த்ரிகாலஶ்ச காலஜ்ஞ꞉ காலவர்ஜித꞉ ।
த்ரிஸந்த்⁴யோ த்³வாபரம் த்ரேதா ப்ரஜாத்³வாரம் த்ரிவிக்ரம꞉ ॥ 116 ॥
விக்ரமோ த³ண்ட³ஹஸ்தஶ்ச ஹ்யேகத³ண்டீ³ த்ரித³ண்ட³த்⁴ருக் ।
ஸாமபே⁴த³ஸ்ததோ²பாய꞉ ஸாமரூபீ ச ஸாமக³꞉ ॥ 117 ॥
ஸாமவேதோ³ ஹ்யத²ர்வஶ்ச ஸுக்ருத꞉ ஸுதரூபண꞉ ।
அத²ர்வவேத³விச்சைவ ஹ்யத²ர்வாசார்ய ஏவ ச ॥ 118 ॥
ருக்³ரூபீ சைவ ருக்³வேத³ ருக்³வேதே³ஷு ப்ரதிஷ்டி²த꞉ ।
யஜுர்வேத்தா யஜுர்வேதோ³ யஜுர்வேத³விதே³கபாத் ॥ 119 ॥
ப³ஹுபாச்ச ஸுபாச்சைவ ததை²வ ச ஸஹஸ்ரபாத் ।
சதுஷ்பாச்ச த்³விபாச்சைவ ஸ்ம்ருதிர்ந்யாயோ யமோ ப³லீ ॥ 120 ॥
ஸந்ந்யாஸீ சைவ ஸந்ந்யாஸஶ்சதுராஶ்ரம ஏவ ச ।
ப்³ரஹ்மசாரீ க்³ருஹஸ்த²ஶ்ச வாநப்ரஸ்த²ஶ்ச பி⁴க்ஷுக꞉ ॥ 121 ॥
ப்³ராஹ்மண꞉ க்ஷத்ரியோ வைஶ்ய꞉ ஶூத்³ரோ வர்ணஸ்ததை²வ ச ।
ஶீலத³꞉ ஶீலஸம்பந்நோ து³꞉ஶீலபரிவர்ஜித꞉ ॥ 122 ॥
மோக்ஷோ(அ)த்⁴யாத்மஸமாவிஷ்ட꞉ ஸ்துதி꞉ ஸ்தோதா ச பூஜக꞉ ।
பூஜ்யோ வாக்கரணம் சைவ வாச்யம் சைவ து வாசக꞉ ॥ 123 ॥
வேத்தா வ்யாகரணம் சைவ வாக்யம் சைவ ச வாக்யவித் ।
வாக்யக³ம்யஸ்தீர்த²வாஸீ தீர்த²ஸ்தீர்தீ² ச தீர்த²வித் ॥ 124 ॥
தீர்தா²தி³பூ⁴த꞉ ஸாங்க்²யஶ்ச நிருக்தம் த்வதி⁴தை³வதம் ।
ப்ரணவ꞉ ப்ரணவேஶஶ்ச ப்ரணவேந ப்ரவந்தி³த꞉ ॥ 125 ॥
ப்ரணவேந ச லக்ஷ்யோ வை கா³யத்ரீ ச க³தா³த⁴ர꞉ ।
ஶாலக்³ராமநிவாஸீ ச ஶாலக்³ராமஸ்ததை²வ ச ॥ 126 ॥
ஜலஶாயீ யோக³ஶாயீ ஶேஷஶாயீ குஶேஶய꞉ ।
மஹீப⁴ர்தா ச கார்யம் ச காரணம் ப்ருதி²வீத⁴ர꞉ ॥ 127 ॥
ப்ரஜாபதி꞉ ஶாஶ்வதஶ்ச காம்ய꞉ காமயிதா விராட் ।
ஸம்ராட் பூஷா ததா² ஸ்வர்கோ³ ரத²ஸ்த²꞉ ஸாரதி²ர்ப³லம் ॥ 128 ॥
த⁴நீ த⁴நப்ரதோ³ த⁴ந்யோ யாத³வாநாம் ஹிதே ரத꞉ ।
அர்ஜுநஸ்ய ப்ரியஶ்சைவ ஹ்யர்ஜுநோ பீ⁴ம ஏவ ச ॥ 129 ॥
பராக்ரமோ து³ர்விஷஹ꞉ ஸர்வஶாஸ்த்ரவிஶாரத³꞉ ।
ஸாரஸ்வதோ மஹாபீ⁴ஷ்ம꞉ பாரிஜாதஹரஸ்ததா² ॥ 130 ॥
அம்ருதஸ்ய ப்ரதா³தா ச க்ஷீரோத³꞉ க்ஷீரமேவ ச ।
இந்த்³ராத்மஜஸ்தஸ்ய கோ³ப்தா கோ³வர்த⁴நத⁴ரஸ்ததா² ॥ 131 ॥
கம்ஸஸ்ய நாஶநஸ்தத்³வத்³த⁴ஸ்திபோ ஹஸ்திநாஶந꞉ ।
ஶிபிவிஷ்ட꞉ ப்ரஸந்நஶ்ச ஸர்வலோகார்திநாஶந꞉ ॥ 132 ॥
முத்³ரோ முத்³ராகரஶ்சைவ ஸர்வமுத்³ராவிவர்ஜித꞉ ।
தே³ஹீ தே³ஹஸ்தி²தஶ்சைவ தே³ஹஸ்ய ச நியாமக꞉ ॥ 133 ॥
ஶ்ரோதா ஶ்ரோத்ரநியந்தா ச ஶ்ரோதவ்ய꞉ ஶ்ரவணம் ததா² ।
த்வக்-ஸ்தி²தஶ்ச ஸ்பர்ஶயித்வா ஸ்ப்ருஶ்யம் ச ஸ்பர்ஶநம் ததா² ॥ 134 ॥
ரூபத்³ரஷ்டா ச சக்ஷு꞉ஸ்தோ² நியந்தா சக்ஷுஷஸ்ததா² ।
த்³ருஶ்யம் சைவ து ஜிஹ்வாஸ்தோ² ரஸஜ்ஞஶ்ச நியாமக꞉ ॥ 135 ॥
க்⁴ராணஸ்தோ² க்⁴ராணக்ருத்³க்⁴ராதா க்⁴ராணேந்த்³ரியநியாமக꞉ ।
வாக்-ஸ்தோ² வக்தா ச வக்தவ்யோ வசநம் வாங்நியாமக꞉ ॥ 136 ॥
ப்ராணிஸ்த²꞉ ஶில்பக்ருச்சி²ல்போ ஹஸ்தயோஶ்ச நியாமக꞉ ।
பத³வ்யஶ்சைவ க³ந்தா ச க³ந்தவ்யம் க³மநம் ததா² ॥ 137 ॥
நியந்தா பாத³யோஶ்சைவ பாத்³யபா⁴க் ச விஸர்க³க்ருத் ।
விஸர்க³ஸ்ய நியந்தா ச ஹ்யுபஸ்த²ஸ்த²꞉ ஸுக²ம் ததா² ॥ 138 ॥
உபஸ்த²ஸ்ய நியந்தா ச ததா³நந்த³கரஶ்ச ஹ ।
ஶத்ருக்⁴ந꞉ கார்தவீர்யஶ்ச த³த்தாத்ரேயஸ்ததை²வ ச ॥ 139 ॥
அலர்கஸ்ய ஹிதஶ்சைவ கார்தவீர்யநிக்ருந்தந꞉ ।
காலநேமிர்மஹாநேமிர்மேகோ⁴ மேக⁴பதிஸ்ததா² ॥ 140 ॥
அந்நப்ரதோ³(அ)ந்நரூபீ ச ஹ்யந்நாதோ³(அ)ந்நப்ரவர்தக꞉ ।
தூ⁴மக்ருத்³தூ⁴மரூபஶ்ச தே³வகீபுத்ர உத்தம꞉ ॥ 141 ॥
தே³வக்யாநந்த³நோ நந்தோ³ ரோஹிண்யா꞉ ப்ரிய ஏவ ச ।
வஸுதே³வப்ரியஶ்சைவ வஸுதே³வஸுதஸ்ததா² ॥ 142 ॥
து³ந்து³பி⁴ர்ஹாஸரூபஶ்ச புஷ்பஹாஸஸ்ததை²வ ச ।
அட்டஹாஸப்ரியஶ்சைவ ஸர்வாத்⁴யக்ஷ꞉ க்ஷரோ(அ)க்ஷர꞉ ॥ 143 ॥
அச்யுதஶ்சைவ ஸத்யேஶ꞉ ஸத்யாயாஶ்ச ப்ரியோ வர꞉ ।
ருக்மிண்யாஶ்ச பதிஶ்சைவ ருக்மிண்யாவள்லப⁴ஸ்ததா² ॥ 144 ॥
கோ³பீநாம் வல்லப⁴ஶ்சைவ புண்யஶ்லோகஶ்ச விஶ்ருத꞉ ।
வ்ருஷாகபிர்யமோ கு³ஹ்யோ முகுலஶ்ச பு³த⁴ஸ்ததா² ॥ 145 ॥
ராஹு꞉ கேதுர்க்³ரஹோ க்³ராஹோ க³ஜேந்த்³ரமுக²மேலக꞉ ।
க்³ராஹஸ்ய விநிஹந்தா ச க்³ராமணீ ரக்ஷகஸ்ததா² ॥ 146 ॥
கிந்நரஶ்சைவ ஸித்³த⁴ஶ்ச ச²ந்த³꞉ ஸ்வச்ச²ந்த³ ஏவ ச ।
விஶ்வரூபோ விஶாலாக்ஷோ தை³த்யஸூத³ந ஏவ ச ॥ 147 ॥
அநந்தரூபோ பூ⁴தஸ்தோ² தே³வதா³நவஸம்ஸ்தி²த꞉ ।
ஸுஷுப்திஸ்த²꞉ ஸுஷுப்திஶ்ச ஸ்தா²நம் ஸ்தா²நாந்த ஏவ ச ॥ 148 ॥
ஜக³த்ஸ்த²ஶ்சைவ ஜாக³ர்தா ஸ்தா²நம் ஜாக³ரிதம் ததா² ।
ஸ்வப்நஸ்த²꞉ ஸ்வப்நவித்ஸ்வப்நஸ்தா²நம் ஸ்வப்நஸ்ததை²வ ச ॥ 149 ॥
ஜாக்³ரத்ஸ்வப்நஸுஷுப்தேஶ்ச விஹீநோ வை சதுர்த²க꞉ ।
விஜ்ஞாநம் வேத்³யரூபம் ச ஜீவோ ஜீவயிதா ததா² ॥ 150 ॥
பு⁴வநாதி⁴பதிஶ்சைவ பு⁴வநாநாம் நியாமக꞉ ।
பாதாலவாஸீ பாதாலம் ஸர்வஜ்வரவிநாஶந꞉ ॥ 151 ॥
பரமாநந்த³ரூபீ ச த⁴ர்மாணாம் ச ப்ரவர்தக꞉ ।
ஸுலபோ⁴ து³ர்லப⁴ஶ்சைவ ப்ராணாயாமபரஸ்ததா² ॥ 152 ॥
ப்ரத்யாஹாரோ தா⁴ரகஶ்ச ப்ரத்யாஹாரகரஸ்ததா² ।
ப்ரபா⁴ காந்திஸ்ததா² ஹ்யர்சி꞉ ஶுத்³த⁴ஸ்ப²டிகஸந்நிப⁴꞉ ॥ 153 ॥
அக்³ராஹஶ்சைவ கௌ³ரஶ்ச ஸர்வ꞉ ஶுசிரபி⁴ஷ்டுத꞉ ।
வஷட்காரோ வஷட்³வௌஷட் ஸ்வதா⁴ ஸ்வாஹா ரதிஸ்ததா² ॥ 154 ॥
பக்தா நந்த³யிதா போ⁴க்தா போ³த்³தா⁴ பா⁴வயிதா ததா² ।
ஜ்ஞாநாத்மா சைவ தே³ஹாத்மா பூ⁴மா ஸர்வேஶ்வரேஶ்வர꞉ ॥ 155 ॥
நதீ³ நந்தீ³ ச நந்தீ³ஶோ பா⁴ரதஸ்தருநாஶந꞉ ।
சக்ரப꞉ ஶ்ரீபதிஶ்சைவ ந்ருபாணாம் சக்ரவர்திநாம் ॥ 156 ॥
ஈஶஶ்ச ஸர்வதே³வாநாம் த்³வாரகாஸம்ஸ்தி²தஸ்ததா² ।
புஷ்கர꞉ புஷ்கராத்⁴யக்ஷ꞉ புஷ்கரத்³வீப ஏவ ச ॥ 157 ॥
ப⁴ரதோ ஜநகோ ஜந்ய꞉ ஸர்வாகாரவிவர்ஜித꞉ ।
நிராகாரோ நிர்நிமித்தோ நிராதங்கோ நிராஶ்ரய꞉ ॥ 158 ॥
இதி நாமஸஹஸ்ரம் தே வ்ருஷப⁴த்⁴வஜ கீர்திதம் ।
தே³வஸ்ய விஷ்ணோரீஶஸ்ய ஸர்வபாபவிநாஶநம் ॥ 159 ॥
பட²ந் த்³விஜஶ்ச விஷ்ணுத்வம் க்ஷத்ரியோ ஜயமாப்நுயாத் ।
வைஶ்யோ த⁴நம் ஸுக²ம் ஶூத்³ரோ விஷ்ணுப⁴க்திஸமந்வித꞉ ॥ 160 ॥
இதி ஶ்ரீகா³ருடே³ மஹாபுராணே ஆசாரகாண்டே³ ஶ்ரீ விஷ்ணு ஸஹஸ்ரநாம ஸ்தோத்ரம் நாம பஞ்சத³ஶோ(அ)த்⁴யாய꞉ ॥
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
