Sri Raama Sahasranama Stotram – ஶ்ரீ ராம ஸஹஸ்ரனாம ஸ்தோத்ரம்


அஸ்ய ஶ்ரீராமஸஹஸ்ரநாமஸ்தோத்ர மஹாமந்த்ரஸ்ய, ப⁴க³வாந் ஈஶ்வர ருஷி꞉, அநுஷ்டுப்ச²ந்த³꞉, ஶ்ரீராம꞉ பரமாத்மா தே³வதா, ஶ்ரீமாந்மஹாவிஷ்ணுரிதி பீ³ஜம், கு³ணப்⁴ருந்நிர்கு³ணோ மஹாநிதி ஶக்தி꞉, ஸம்ஸாரதாரகோ ராம இதி மந்த்ர꞉, ஸச்சிதா³நந்த³விக்³ரஹ இதி கீலகம், அக்ஷய꞉ புருஷ꞉ ஸாக்ஷீதி கவசம், அஜேய꞉ ஸர்வபூ⁴தாநாம் இத்யஸ்த்ரம், ராஜீவலோசந꞉ ஶ்ரீமாநிதி த்⁴யாநம் ஶ்ரீராமப்ரீத்யர்தே² தி³வ்யஸஹஸ்ரநாமஜபே விநியோக³꞉ ।

த்⁴யாநம்-
ஶ்ரீராக⁴வம் த³ஶரதா²த்மஜமப்ரமேயம்
ஸீதாபதிம் ரகு⁴குலாந்வயரத்நதீ³பம் ।
ஆஜாநுபா³ஹுமரவிந்த³த³ளாயதாக்ஷம்
ராமம் நிஶாசரவிநாஶகரம் நமாமி ॥

நீலாம் பு⁴ஜஶ்யாமள கோமளாங்க³ம்
ஸீதா ஸமாரோபித வாமபா⁴க³ம் ।
பாணௌ மஹாஸாயக சாரு சாபம்
நமாமி ராமம் ரகு⁴வம்ஶநாத²ம் ॥

லோகாபி⁴ராமம் ரணரங்க³தீ⁴ரம்
ராஜீவநேத்ரம் ரகு⁴வம்ஶநாத²ம் ।
காருண்யரூபம் கருணாகரம் தம்
ஶ்ரீ ராமசந்த்³ரம் ஶரணம் ப்ரபத்³யே ॥

த்⁴யாயேதா³ஜாநுபா³ஹும் த்⁴ருதஶரத⁴நுஷம் ப³த்³த⁴பத்³மாஸநஸ்த²ம்
பீதம் வாஸோ வஸாநம் நவகலத³ளஸ்பர்தி⁴நேத்ரம் ப்ரஸந்நம் ।
வாமாங்காரூட⁴ஸீதாமுக²கமலமிலலோசநம் நீரதா³ப⁴ம்
நாநாலங்காரதீ³ப்தம் த³த⁴தமுருஜடாமண்ட³லம் ராமசந்த்³ரம் ॥

நீலாம்போ⁴த³ரகாந்தி காந்தமநுஷம் வீராஸநாத்⁴யாஸிநம்
முத்³ராம் ஜ்ஞாநமயீம் த³தா⁴நமபரம் ஹஸ்தாம்பு³ஜம் ஜாநுநி ।
ஸீதாம் பார்ஶ்வக³தாம் ஸரோருஹகராம் வித்³யுந்நிபா⁴ம் ராக⁴வம்
பஶ்யந்தீம் முகுடாங்க³தா³தி³ விவித⁴ கல்போஜ்ஜ்வலாங்க³ம் ப⁴ஜே ॥

ஸ்தோத்ரம் –
ராஜீவலோசந꞉ ஶ்ரீமாந் ஶ்ரீராமோ ரகு⁴புங்க³வ꞉ ।
ராமப⁴த்³ர꞉ ஸதா³சாரோ ராஜேந்த்³ரோ ஜாநகீபதி꞉ ॥ 1 ॥

அக்³ரக³ண்யோ வரேண்யஶ்ச வரத³꞉ பரமேஶ்வர꞉ ।
ஜநார்த³நோ ஜிதாமித்ர꞉ பரார்தை²கப்ரயோஜந꞉ ॥ 2 ॥

விஶ்வாமித்ரப்ரியோ தா³ந்த꞉ ஶத்ருஜிச்ச²த்ருதாபந꞉ ।
ஸர்வஜ்ஞ꞉ ஸர்வதே³வாதி³꞉ ஶரண்யோ வாலிமர்த³ந꞉ ॥ 3 ॥

ஜ்ஞாநபா⁴வ்யோ(அ)பரிச்சே²த்³யோ வாக்³மீ ஸத்யவ்ரத꞉ ஶுசி꞉ ।
ஜ்ஞாநக³ம்யோ த்³ருட⁴ப்ரஜ்ஞ꞉ க²ரத்⁴வம்ஸீ ப்ரதாபவாந் ॥ 4 ॥

த்³யுதிமாநாத்மவாந்வீரோ ஜிதக்ரோதோ⁴(அ)ரிமர்த³ந꞉ ।
விஶ்வரூபோ விஶாலாக்ஷ꞉ ப்ரபு⁴꞉ பரிவ்ருடோ⁴ த்³ருட⁴꞉ ॥ 5 ॥

ஈஶ꞉ க²ட்³க³த⁴ர꞉ ஶ்ரீமாந் கௌஸலேயோ(அ)நஸூயக꞉ ।
விபுலாம்ஸோ மஹோரஸ்க꞉ பரமேஷ்டீ² பராயண꞉ ॥ 6 ॥

ஸத்யவ்ரத꞉ ஸத்யஸந்தோ⁴ கு³ரு꞉ பரமதா⁴ர்மிக꞉ ।
லோகஜ்ஞோ லோகவந்த்³யஶ்ச லோகாத்மா லோகக்ருத்பர꞉ ॥ 7 ॥

அநாதி³ர்ப⁴க³வாந் ஸேவ்யோ ஜிதமாயோ ரகூ⁴த்³வஹ꞉ ।
ராமோ த³யாகரோ த³க்ஷ꞉ ஸர்வஜ்ஞ꞉ ஸர்வபாவந꞉ ॥ 8 ॥

ப்³ரஹ்மண்யோ நீதிமாந் கோ³ப்தா ஸர்வதே³வமயோ ஹரி꞉ ।
ஸுந்த³ர꞉ பீதவாஸாஶ்ச ஸூத்ரகார꞉ புராதந꞉ ॥ 9 ॥

ஸௌம்யோ மஹர்ஷி꞉ கோத³ண்டீ³ ஸர்வஜ்ஞ꞉ ஸர்வகோவித³꞉ ।
கவி꞉ ஸுக்³ரீவவரத³꞉ ஸர்வபுண்யாதி⁴கப்ரத³꞉ ॥ 10 ॥

ப⁴வ்யோ ஜிதாரிஷட்³வர்கோ³ மஹோதா³ரோ(அ)க⁴நாஶந꞉ ।
ஸுகீர்திராதி³புருஷ꞉ காந்த꞉ புண்யக்ருதாக³ம꞉ ॥ 11 ॥

அகல்மஷஶ்சதுர்பா³ஹு꞉ ஸர்வாவாஸோ து³ராஸத³꞉ ।
ஸ்மிதபா⁴ஷீ நிவ்ருத்தாத்மா ஸ்ம்ருதிமாந் வீர்யவாந் ப்ரபு⁴꞉ ॥ 12 ॥

தீ⁴ரோ தா³ந்தோ க⁴நஶ்யாம꞉ ஸர்வாயுத⁴விஶாரத³꞉ ।
அத்⁴யாத்மயோக³நிலய꞉ ஸுமநா லக்ஷ்மணாக்³ரஜ꞉ ॥ 13 ॥

ஸர்வதீர்த²மய꞉ ஶூர꞉ ஸர்வயஜ்ஞப²லப்ரத³꞉ ।
யஜ்ஞஸ்வரூபீ யஜ்ஞேஶோ ஜராமரணவர்ஜித꞉ ॥ 14 ॥

வர்ணாஶ்ரமகரோ வர்ணீ ஶத்ருஜித் புருஷோத்தம꞉ ।
விபீ⁴ஷணப்ரதிஷ்டா²தா பரமாத்மா பராத்பர꞉ ॥ 15 ॥

ப்ரமாணபூ⁴தோ து³ர்ஜ்ஞேய꞉ பூர்ண꞉ பரபுரஞ்ஜய꞉ ।
அநந்தத்³ருஷ்டிராநந்தோ³ த⁴நுர்வேதோ³ த⁴நுர்த⁴ர꞉ ॥ 16 ॥

கு³ணாகரோ கு³ணஶ்ரேஷ்ட²꞉ ஸச்சிதா³நந்த³விக்³ரஹ꞉ ।
அபி⁴வந்த்³யோ மஹாகாயோ விஶ்வகர்மா விஶாரத³꞉ ॥ 17 ॥

விநீதாத்மா வீதராக³꞉ தபஸ்வீஶோ ஜநேஶ்வர꞉ ।
கல்யாணப்ரக்ருதி꞉ கல்ப꞉ ஸர்வேஶ꞉ ஸர்வகாமத³꞉ ॥ 18 ॥

அக்ஷய꞉ புருஷ꞉ ஸாக்ஷீ கேஶவ꞉ புருஷோத்தம꞉ ।
லோகாத்⁴யக்ஷோ மஹாமாயோ விபீ⁴ஷணவரப்ரத³꞉ ॥ 19 ॥

ஆநந்த³விக்³ரஹோ ஜ்யோதிர்ஹநுமத்ப்ரபு⁴ரவ்யய꞉ ।
ப்⁴ராஜிஷ்ணு꞉ ஸஹநோ போ⁴க்தா ஸத்யவாதீ³ ப³ஹுஶ்ருத꞉ ॥ 20 ॥

ஸுக²த³꞉ காரணம் கர்தா ப⁴வப³ந்த⁴விமோசந꞉ ।
தே³வசூடா³மணிர்நேதா ப்³ரஹ்மண்யோ ப்³ரஹ்மவர்த⁴ந꞉ ॥ 21 ॥

ஸம்ஸாரோத்தாரகோ ராம꞉ ஸர்வது³꞉க²விமோக்ஷக்ருத் ।
வித்³வத்தமோ விஶ்வகர்தா விஶ்வஹர்தா ச விஶ்வத்⁴ருத் ॥ 22 ॥

நித்யோ நியதகல்யாண꞉ ஸீதாஶோகவிநாஶக்ருத் ।
காகுத்ஸ்த²꞉ புண்ட³ரீகாக்ஷோ விஶ்வாமித்ரப⁴யாபஹ꞉ ॥ 23 ॥

மாரீசமத²நோ ராமோ விராத⁴வத⁴பண்டி³த꞉ ।
து³ஸ்ஸ்வப்நநாஶநோ ரம்ய꞉ கிரீடீ த்ரித³ஶாதி⁴ப꞉ ॥ 24 ॥

மஹாத⁴நுர்மஹாகாயோ பீ⁴மோ பீ⁴மபராக்ரம꞉ ।
தத்த்வஸ்வரூபீ தத்த்வஜ்ஞ꞉ தத்த்வவாதீ³ ஸுவிக்ரம꞉ ॥ 25 ॥

பூ⁴தாத்மா பூ⁴தக்ருத்ஸ்வாமீ காலஜ்ஞாநீ மஹாபடு꞉ ।
அநிர்விண்ணோ கு³ணக்³ராஹீ நிஷ்களங்க꞉ கலங்கஹா ॥ 26 ॥

ஸ்வபா⁴வப⁴த்³ர꞉ ஶத்ருக்⁴ந꞉ கேஶவ꞉ ஸ்தா²ணுரீஶ்வர꞉ ।
பூ⁴தாதி³꞉ ஶம்பு⁴ராதி³த்ய꞉ ஸ்த²விஷ்ட²꞉ ஶாஶ்வதோ த்⁴ருவ꞉ ॥ 27 ॥

கவசீ குண்ட³லீ சக்ரீ க²ட்³கீ³ ப⁴க்தஜநப்ரிய꞉ ।
அம்ருத்யுர்ஜந்மரஹித꞉ ஸர்வஜித்ஸர்வகோ³சர꞉ ॥ 28 ॥

அநுத்தமோ(அ)ப்ரமேயாத்மா ஸர்வாதி³ர்கு³ணஸாக³ர꞉ ।
ஸம꞉ ஸமாத்மா ஸமகோ³ ஜடாமுகுடமண்டி³த꞉ ॥ 29 ॥

அஜேய꞉ ஸர்வபூ⁴தாத்மா விஷ்வக்ஸேநோ மஹாதப꞉ ।
லோகாத்⁴யக்ஷோ மஹாபா³ஹுரம்ருதோ வேத³வித்தம꞉ ॥ 30 ॥

ஸஹிஷ்ணு꞉ ஸத்³க³தி꞉ ஶாஸ்தா விஶ்வயோநிர்மஹாத்³யுதி꞉ ।
அதீந்த்³ர ஊர்ஜித꞉ ப்ராம்ஶுருபேந்த்³ரோ வாமநோ ப³லீ ॥ 31 ॥

த⁴நுர்வேதோ³ விதா⁴தா ச ப்³ரஹ்மா விஷ்ணுஶ்ச ஶங்கர꞉ ।
ஹம்ஸோ மரீசிர்கோ³விந்தோ³ ரத்நக³ர்போ⁴ மஹாமதி꞉ ॥ 32 ॥

வ்யாஸோ வாசஸ்பதி꞉ ஸர்வத³ர்பிதா(அ)ஸுரமர்த³ந꞉ ।
ஜாநகீவல்லப⁴꞉ பூஜ்ய꞉ ப்ரகட꞉ ப்ரீதிவர்த⁴ந꞉ ॥ 33 ॥

ஸம்ப⁴வோ(அ)தீந்த்³ரியோ வேத்³யோ(அ)நிர்தே³ஶோ ஜாம்ப³வத்ப்ரபு⁴꞉ ।
மத³நோ மத²நோ வ்யாபீ விஶ்வரூபோ நிரஞ்ஜந꞉ ॥ 34 ॥

நாராயணோ(அ)க்³ரணீ꞉ ஸாது⁴ர்ஜடாயுப்ரீதிவர்த⁴ந꞉ ।
நைகரூபோ ஜக³ந்நாத²꞉ ஸுரகார்யஹித꞉ ஸ்வபூ⁴꞉ ॥ 35 ॥

ஜிதக்ரோதோ⁴ ஜிதாராதி꞉ ப்லவகா³தி⁴பராஜ்யத³꞉ ।
வஸுத³꞉ ஸுபு⁴ஜோ நைகமாயோ ப⁴வ்யப்ரமோத³ந꞉ ॥ 36 ॥

சண்டா³ம்ஶு꞉ ஸித்³தி⁴த³꞉ கல்ப꞉ ஶரணாக³தவத்ஸல꞉ ।
அக³தோ³ ரோக³ஹர்தா ச மந்த்ரஜ்ஞோ மந்த்ரபா⁴வந꞉ ॥ 37 ॥

ஸௌமித்ரிவத்ஸலோ து⁴ர்யோ வ்யக்தாவ்யக்தஸ்வரூபத்⁴ருக் ।
வஸிஷ்டோ² க்³ராமணீ꞉ ஶ்ரீமாநநுகூல꞉ ப்ரியம்வத³꞉ ॥ 38 ॥

அதுல꞉ ஸாத்த்விகோ தீ⁴ர꞉ ஶராஸநவிஶாரத³꞉ ।
ஜ்யேஷ்ட²꞉ ஸர்வகு³ணோபேத꞉ ஶக்திமாம்ஸ்தாடகாந்தக꞉ ॥ 39 ॥

வைகுண்ட²꞉ ப்ராணிநாம் ப்ராண꞉ கமட²꞉ கமலாபதி꞉ ।
கோ³வர்த⁴நத⁴ரோ மத்ஸ்யரூப꞉ காருண்யஸாக³ர꞉ ॥ 40 ॥

கும்ப⁴கர்ணப்ரபே⁴த்தா ச கோ³பீகோ³பாலஸம்வ்ருத꞉ ।
மாயாவீ ஸ்வாபநோ வ்யாபீ ரைணுகேயப³லாபஹ꞉ ॥ 41 ॥

பிநாகமத²நோ வந்த்³ய꞉ ஸமர்தோ² க³ருட³த்⁴வஜ꞉ ।
லோகத்ரயாஶ்ரயோ லோகப⁴ரிதோ ப⁴ரதாக்³ரஜ꞉ ॥ 42 ॥

ஶ்ரீத⁴ர꞉ ஸத்³க³திர்லோகஸாக்ஷீ நாராயணோ பு³த⁴꞉ ।
மநோவேகீ³ மநோரூபீ பூர்ண꞉ புருஷபுங்க³வ꞉ ॥ 43 ॥

யது³ஶ்ரேஷ்டோ² யது³பதிர்பூ⁴தாவாஸ꞉ ஸுவிக்ரம꞉ ।
தேஜோத⁴ரோ த⁴ராதா⁴ரஶ்சதுர்மூர்திர்மஹாநிதி⁴꞉ ॥ 44 ॥

சாணூரமர்த³நோ தி³வ்ய꞉ ஶாந்தோ ப⁴ரதவந்தி³த꞉ ।
ஶப்³தா³திகோ³ க³பீ⁴ராத்மா கோமளாங்க³꞉ ப்ரஜாக³ர꞉ ॥ 45 ॥

லோகக³ர்ப⁴꞉ ஶேஷஶாயீ க்ஷீராப்³தி⁴நிலயோ(அ)மல꞉ ।
ஆத்மயோநிரதீ³நாத்மா ஸஹஸ்ராக்ஷ꞉ ஸஹஸ்ரபாத் ॥ 46 ॥

அம்ருதாம்ஶுர்மஹாக³ர்போ⁴ நிவ்ருத்தவிஷயஸ்ப்ருஹ꞉ ।
த்ரிகாலஜ்ஞோ முநி꞉ ஸாக்ஷீ விஹாயஸக³தி꞉ க்ருதீ ॥ 47 ॥

பர்ஜந்ய꞉ குமுதோ³ பூ⁴தாவாஸ꞉ கமலலோசந꞉ ।
ஶ்ரீவத்ஸவக்ஷா꞉ ஶ்ரீவாஸோ வீரஹா லக்ஷ்மணாக்³ரஜ꞉ ॥ 48 ॥

லோகாபி⁴ராமோ லோகாரிமர்த³ந꞉ ஸேவகப்ரிய꞉ ।
ஸநாதநதமோ மேக⁴ஶ்யாமளோ ராக்ஷஸாந்தக்ருத் ॥ 49 ॥

தி³வ்யாயுத⁴த⁴ர꞉ ஶ்ரீமாநப்ரமேயோ ஜிதேந்த்³ரிய꞉ ।
பூ⁴தே³வவந்த்³யோ ஜநகப்ரியக்ருத்ப்ரபிதாமஹ꞉ ॥ 50 ॥

உத்தம꞉ ஸாத்விக꞉ ஸத்ய꞉ ஸத்யஸந்த⁴ஸ்த்ரிவிக்ரம꞉ ।
ஸுவ்ரத꞉ ஸுலப⁴꞉ ஸூக்ஷ்ம꞉ ஸுகோ⁴ஷ꞉ ஸுக²த³꞉ ஸுதீ⁴꞉ ॥ 51 ॥

தா³மோத³ரோ(அ)ச்யுத꞉ ஶார்ங்கீ³ வாமநோ மது⁴ராதி⁴ப꞉ ।
தே³வகீநந்த³ந꞉ ஶௌரி꞉ ஶூர꞉ கைடப⁴மர்த³ந꞉ ॥ 52 ॥

ஸப்ததாலப்ரபே⁴த்தா ச மித்ரவம்ஶப்ரவர்த⁴ந꞉ ।
காலஸ்வரூபீ காலாத்மா கால꞉ கல்யாணத³꞉ கவி꞉ ।
ஸம்வத்ஸர ருது꞉ பக்ஷோ ஹ்யயநம் தி³வஸோ யுக³꞉ ॥ 53 ॥

ஸ்தவ்யோ விவிக்தோ நிர்லேப꞉ ஸர்வவ்யாபீ நிராகுல꞉ ।
அநாதி³நித⁴ந꞉ ஸர்வலோகபூஜ்யோ நிராமய꞉ ॥ 54 ॥

ரஸோ ரஸஜ்ஞ꞉ ஸாரஜ்ஞோ லோகஸாரோ ரஸாத்மக꞉ ।
ஸர்வது³꞉கா²திகோ³ வித்³யாராஶி꞉ பரமகோ³சர꞉ ॥ 55 ॥

ஶேஷோ விஶேஷோ விக³தகல்மஷோ ரகு⁴நாயக꞉ ।
வர்ணஶ்ரேஷ்டோ² வர்ணவாஹ்யோ வர்ண்யோ வர்ண்யகு³ணோஜ்ஜ்வல꞉ ॥ 56 ॥

கர்மஸாக்ஷ்யமரஶ்ரேஷ்டோ² தே³வதே³வ꞉ ஸுக²ப்ரத³꞉ ।
தே³வாதி⁴தே³வோ தே³வர்ஷிர்தே³வாஸுரநமஸ்க்ருத꞉ ॥ 57 ॥

ஸர்வதே³வமயஶ்சக்ரீ ஶார்ங்க³பாணிரநுத்தம꞉ ।
மநோ பு³த்³தி⁴ரஹங்கார꞉ ப்ரக்ருதி꞉ புருஷோ(அ)வ்யய꞉ ॥ 58 ॥

அஹல்யாபாவந꞉ ஸ்வாமீ பித்ருப⁴க்தோ வரப்ரத³꞉ ।
ந்யாயோ ந்யாயீ நயீ ஶ்ரீமாந்நயோ நக³த⁴ரோ த்⁴ருவ꞉ ॥ 59 ॥

லக்ஷ்மீவிஶ்வம்ப⁴ராப⁴ர்தா தே³வேந்த்³ரோ ப³லிமர்த³ந꞉ ।
வாணாரிமர்த³நோ யஜ்வாநுத்தமோ முநிஸேவித꞉ ॥ 60 ॥

தே³வாக்³ரணீ꞉ ஶிவத்⁴யாநதத்பர꞉ பரம꞉ பர꞉ ।
ஸாமகா³நப்ரியோ(அ)க்ரூர꞉ புண்யகீர்தி꞉ ஸுலோசந꞉ ॥ 61 ॥

புண்ய꞉ புண்யாதி⁴க꞉ பூர்வ꞉ பூர்ண꞉ பூரயிதா ரவி꞉ ।
ஜடில꞉ கல்மஷத்⁴வாந்தப்ரப⁴ஞ்ஜநவிபா⁴வஸு꞉ ॥ 62 ॥

அவ்யக்தலக்ஷணோ(அ)வ்யக்தோ த³ஶாஸ்யத்³வீபகேஸரீ ।
கலாநிதி⁴꞉ கலாரூபோ கமலாநந்த³வர்த⁴ந꞉ ॥ 63 ॥

ஜயோ ஜிதாரி꞉ ஸர்வாதி³꞉ ஶமநோ ப⁴வப⁴ஞ்ஜந꞉ ।
அலங்கரிஷ்ணுரசலோ ரோசிஷ்ணுர்விக்ரமோத்தம꞉ ॥ 64 ॥

அம்ஶு꞉ ஶப்³த³பதி꞉ ஶப்³த³கோ³சரோ ரஞ்ஜநோ ரகு⁴꞉ ।
நிஶ்ஶப்³த³꞉ ப்ரணவோ மாலீ ஸ்தூ²ல꞉ ஸூக்ஷ்மோ விளக்ஷண꞉ ॥ 65 ॥

ஆத்மயோநிரயோநிஶ்ச ஸப்தஜிஹ்வ꞉ ஸஹஸ்ரபாத் ।
ஸநாதநதம꞉ ஸ்ரக்³வீ பேஶலோ ஜவிநாம் வர꞉ ॥ 66 ॥

ஶக்திமாந் ஶங்க²ப்⁴ருந்நாத²꞉ க³தா³பத்³மரதா²ங்க³ப்⁴ருத் ।
நிரீஹோ நிர்விகல்பஶ்ச சித்³ரூபோ வீதஸாத்⁴வஸ꞉ ॥ 67 ॥

ஶதாநந꞉ ஸஹஸ்ராக்ஷ꞉ ஶதமூர்திர்க⁴நப்ரப⁴꞉ ।
ஹ்ருத்புண்ட³ரீகஶயந꞉ கடி²நோ த்³ரவ ஏவ ச ॥ 68 ॥

உக்³ரோ க்³ரஹபதி꞉ க்ருஷ்ணோ ஸமர்தோ²(அ)நர்த²நாஶந꞉ ।
அத⁴ர்மஶத்ரு꞉ ரக்ஷோக்⁴ந꞉ புருஹூத꞉ புருஷ்டுத꞉ ॥ 69 ॥

ப்³ரஹ்மக³ர்போ⁴ ப்³ருஹத்³க³ர்போ⁴ த⁴ர்மதே⁴நுர்த⁴நாக³ம꞉ ।
ஹிரண்யக³ர்போ⁴ ஜ்யோதிஷ்மாந் ஸுலலாட꞉ ஸுவிக்ரம꞉ ॥ 70 ॥

ஶிவபூஜாரத꞉ ஶ்ரீமாந் ப⁴வாநீப்ரியக்ருத்³வஶீ ।
நரோ நாராயண꞉ ஶ்யாம꞉ கபர்தீ³ நீலலோஹித꞉ ॥ 71 ॥

ருத்³ர꞉ பஶுபதி꞉ ஸ்தா²ணுர்விஶ்வாமித்ரோ த்³விஜேஶ்வர꞉ ।
மாதாமஹோ மாதரிஶ்வா விரிஞ்சோ விஷ்டரஶ்ரவா꞉ ॥ 72 ॥

அக்ஷோப்⁴ய꞉ ஸர்வபூ⁴தாநாம் சண்ட³꞉ ஸத்யபராக்ரம꞉ ।
வாலகி²ல்யோ மஹாகல்ப꞉ கல்பவ்ருக்ஷ꞉ கலாத⁴ர꞉ ॥ 73 ॥

நிதா³க⁴ஸ்தபநோ(அ)மோக⁴꞉ ஶ்லக்ஷ்ண꞉ பரப³லாபஹ்ருத் ।
கப³ந்த⁴மத²நோ தி³வ்ய꞉ கம்பு³க்³ரீவ꞉ ஶிவப்ரிய꞉ ॥ 74 ॥

ஶங்கோ²(அ)நில꞉ ஸுநிஷ்பந்ந꞉ ஸுலப⁴꞉ ஶிஶிராத்மக꞉ ।
அஸம்ஸ்ருஷ்டோ(அ)திதி²꞉ ஶூர꞉ ப்ரமாதீ² பாபநாஶக்ருத் ॥ 75 ॥

வஸுஶ்ரவா꞉ கவ்யவாஹ꞉ ப்ரதப்தோ விஶ்வபோ⁴ஜந꞉ ।
ராமோ நீலோத்பலஶ்யாமோ ஜ்ஞாநஸ்கந்தோ⁴ மஹாத்³யுதி꞉ ॥ 76 ॥

பவித்ரபாத³꞉ பாபாரிர்மணிபூரோ நபோ⁴க³தி꞉ ।
உத்தாரணோ து³ஷ்க்ருதிஹா து³ர்த⁴ர்ஷோ து³ஸ்ஸஹோ(அ)ப⁴ய꞉ ॥ 77 ॥

அம்ருதேஶோ(அ)ம்ருதவபுர்த⁴ர்மீ த⁴ர்ம꞉ க்ருபாகர꞉ ।
ப⁴ர்கோ³ விவஸ்வாநாதி³த்யோ யோகா³சார்யோ தி³வஸ்பதி꞉ ॥ 78 ॥

உதா³ரகீர்திருத்³யோகீ³ வாங்மய꞉ ஸத³ஸந்மய꞉ ।
நக்ஷத்ரமாலீ நாகேஶ꞉ ஸ்வாதி⁴ஷ்டா²நஷடா³ஶ்ரய꞉ ॥ 79 ॥

சதுர்வர்க³ப²லோ வர்ணீ ஶக்தித்ரயப²லம் நிதி⁴꞉ ।
நிதா⁴நக³ர்போ⁴ நிர்வ்யாஜோ கி³ரீஶோ வ்யாளமர்த³ந꞉ ॥ 80 ॥

ஶ்ரீவல்லப⁴꞉ ஶிவாரம்ப⁴꞉ ஶாந்திர்ப⁴த்³ர꞉ ஸமஞ்ஜஸ꞉ ।
பூ⁴ஶயோ பூ⁴திக்ருத்³பூ⁴திர்பூ⁴ஷணோ பூ⁴தவாஹந꞉ ॥ 81 ॥

அகாயோ ப⁴க்தகாயஸ்த²꞉ காலஜ்ஞாநீ மஹாவடு꞉ ।
பரார்த²வ்ருத்திரசலோ விவிக்த꞉ ஶ்ருதிஸாக³ர꞉ ॥ 82 ॥

ஸ்வபா⁴வப⁴த்³ரோ மத்⁴யஸ்த²꞉ ஸம்ஸாரப⁴யநாஶந꞉ ।
வேத்³யோ வைத்³யோ வியத்³கோ³ப்தா ஸர்வாமரமுநீஶ்வர꞉ ॥ 83 ॥

ஸுரேந்த்³ர꞉ கரணம் கர்ம கர்மக்ருத்கர்ம்யதோ⁴க்ஷஜ꞉ ।
த்⁴யேயோ து⁴ர்யோ த⁴ராதீ⁴ஶ꞉ ஸங்கல்ப꞉ ஶர்வரீபதி꞉ ॥ 84 ॥

பரமார்த²கு³ருர்வ்ருத்³த⁴꞉ ஶுசிராஶ்ரிதவத்ஸல꞉ ।
விஷ்ணுர்ஜிஷ்ணுர்விபு⁴ர்யஜ்ஞோ யஜ்ஞேஶோ யஜ்ஞபாலக꞉ ॥ 85 ॥

ப்ரப⁴விஷ்ணுர்க்³ரஸிஷ்ணுஶ்ச லோகாத்மா லோகபா⁴வந꞉ ।
கேஶவ꞉ கேஶிஹா காவ்ய꞉ கவி꞉ காரணகாரணம் ॥ 86 ॥

காலகர்தா காலஶேஷோ வாஸுதே³வ꞉ புருஷ்டுத꞉ ।
ஆதி³கர்தா வராஹஶ்ச மாத⁴வோ மது⁴ஸூத³ந꞉ ॥ 87 ॥

நாராயணோ நரோ ஹம்ஸோ விஷ்வக்ஸேநோ ஜநார்த³ந꞉ ।
விஶ்வகர்தா மஹாயஜ்ஞோ ஜ்யோதிஷ்மாந் புருஷோத்தம꞉ ॥ 88 ॥

வைகுண்ட²꞉ புண்ட³ரீகாக்ஷ꞉ க்ருஷ்ண꞉ ஸூர்ய꞉ ஸுரார்சித꞉ ।
நாரஸிம்ஹோ மஹாபீ⁴மோ வக்ரத³ம்ஷ்ட்ரோ நகா²யுத⁴꞉ ॥ 89 ॥

ஆதி³தே³வோ ஜக³த்கர்தா யோகீ³ஶோ க³ருட³த்⁴வஜ꞉ ।
கோ³விந்தோ³ கோ³பதிர்கோ³ப்தா பூ⁴பதிர்பு⁴வநேஶ்வர꞉ ॥ 90 ॥

பத்³மநாபோ⁴ ஹ்ருஷீகேஶோ தா⁴தா தா³மோத³ர꞉ ப்ரபு⁴꞉ ।
த்ரிவிக்ரமஸ்த்ரிலோகேஶோ ப்³ரஹ்மேஶ꞉ ப்ரீதிவர்த⁴ந꞉ ॥ 91 ॥

வாமநோ து³ஷ்டத³மநோ கோ³விந்தோ³ கோ³பவள்லப⁴꞉ ।
ப⁴க்தப்ரியோ(அ)ச்யுத꞉ ஸத்ய꞉ ஸத்யகீர்திர்த்⁴ருதி꞉ ஸ்ம்ருதி꞉ ॥ 92 ॥

காருண்யம் கருணோ வ்யாஸ꞉ பாபஹா ஶாந்திவர்த⁴ந꞉ ।
ஸம்ந்யாஸீ ஶாஸ்த்ரதத்த்வஜ்ஞோ மந்த³ராத்³ரிநிகேதந꞉ ॥ 93 ॥

ப³த³ரீநிலய꞉ ஶாந்தஸ்தபஸ்வீ வைத்³யுதப்ரப⁴꞉ ।
பூ⁴தாவாஸோ கு³ஹாவாஸ꞉ ஶ்ரீநிவாஸ꞉ ஶ்ரிய꞉ பதி꞉ ॥ 94 ॥

தபோவாஸோ முதா³வாஸ꞉ ஸத்யவாஸ꞉ ஸநாதந꞉ ।
புருஷ꞉ புஷ்கர꞉ புண்ய꞉ புஷ்கராக்ஷோ மஹேஶ்வர꞉ ॥ 95 ॥

பூர்ணமூர்தி꞉ புராணஜ்ஞ꞉ புண்யத³꞉ புண்யவர்த⁴ந꞉ ।
ஶங்கீ² சக்ரீ க³தீ³ ஶார்ங்கீ³ லாங்க³ளீ முஸலீ ஹலீ ॥ 96 ॥

கிரீடீ குண்ட³லீ ஹாரீ மேக²லீ கவசீ த்⁴வஜீ ।
யோத்³தா⁴ ஜேதா மஹாவீர்ய꞉ ஶத்ருஜிச்ச²த்ருதாபந꞉ ॥ 97 ॥

ஶாஸ்தா ஶாஸ்த்ரகர꞉ ஶாஸ்த்ரம் ஶங்கர ஶங்கரஸ்துத꞉ ।
ஸாரதி²꞉ ஸாத்த்விக꞉ ஸ்வாமீ ஸாமவேத³ப்ரிய꞉ ஸம꞉ ॥ 98 ॥

பவந꞉ ஸாஹஸ꞉ ஶக்தி꞉ ஸம்பூர்ணாங்க³꞉ ஸம்ருத்³தி⁴மாந் ।
ஸ்வர்க³த³꞉ காமத³꞉ ஶ்ரீத³꞉ கீர்திதோ³(அ)கீர்திநாஶந꞉ ॥ 99 ॥

மோக்ஷத³꞉ புண்ட³ரீகாக்ஷ꞉ க்ஷீராப்³தி⁴க்ருதகேதந꞉ ।
ஸர்வாத்மா ஸர்வலோகேஶ꞉ ப்ரேரக꞉ பாபநாஶந꞉ ॥ 100 ॥

ஸர்வதே³வோ ஜக³ந்நாத²꞉ ஸர்வலோகமஹேஶ்வர꞉ ।
ஸர்க³ஸ்தி²த்யந்தக்ருத்³தே³வ꞉ ஸர்வலோகஸுகா²வஹ꞉ ॥ 101 ॥

அக்ஷய்ய꞉ ஶாஶ்வதோ(அ)நந்த꞉ க்ஷயவ்ருத்³தி⁴விவர்ஜித꞉ ।
நிர்லேபோ நிர்கு³ண꞉ ஸூக்ஷ்மோ நிர்விகாரோ நிரஞ்ஜந꞉ ॥ 102 ॥

ஸர்வோபாதி⁴விநிர்முக்த꞉ ஸத்தாமாத்ரவ்யவஸ்தி²த꞉ ।
அதி⁴காரீ விபு⁴ர்நித்ய꞉ பரமாத்மா ஸநாதந꞉ ॥ 103 ॥

அசலோ நிர்மலோ வ்யாபீ நித்யத்ருப்தோ நிராஶ்ரய꞉ ।
ஶ்யாமோ யுவா லோஹிதாக்ஷோ தீ³ப்தாஸ்யோ மிதபா⁴ஷண꞉ ॥ 104 ॥

ஆஜாநுபா³ஹு꞉ ஸுமுக²꞉ ஸிம்ஹஸ்கந்தோ⁴ மஹாபு⁴ஜ꞉ ।
ஸத்யவாந் கு³ணஸம்பந்ந꞉ ஸ்வயந்தேஜா꞉ ஸுதீ³ப்திமாந் ॥ 105 ॥

காலாத்மா ப⁴க³வாந் கால꞉ காலசக்ரப்ரவர்தக꞉ ।
நாராயண꞉ பரஞ்ஜ்யோதி꞉ பரமாத்மா ஸநாதந꞉ ॥ 106 ॥

விஶ்வஸ்ருட்³விஶ்வகோ³ப்தா ச விஶ்வபோ⁴க்தா ச ஶாஶ்வத꞉ ।
விஶ்வேஶ்வரோ விஶ்வமூர்திர்விஶ்வாத்மா விஶ்வபா⁴வந꞉ ॥ 107 ॥

ஸர்வபூ⁴தஸுஹ்ருச்சா²ந்த꞉ ஸர்வபூ⁴தாநுகம்பந꞉ ।
ஸர்வேஶ்வரேஶ்வர꞉ ஸர்வ꞉ ஶ்ரீமாநாஶ்ரிதவத்ஸல꞉ ॥ 108 ॥

ஸர்வக³꞉ ஸர்வபூ⁴தேஶ꞉ ஸர்வபூ⁴தாஶயஸ்தி²த꞉ ।
அப்⁴யந்தரஸ்த²ஸ்தமஸஶ்சே²த்தா நாராயண꞉ பர꞉ ॥ 109 ॥

அநாதி³நித⁴ந꞉ ஸ்ரஷ்டா ப்ரஜாபதிபதிர்ஹரி꞉ ।
நரஸிம்ஹோ ஹ்ருஷீகேஶ꞉ ஸர்வாத்மா ஸர்வத்³ருக்³வஶீ ॥ 110 ॥

ஜக³தஸ்தஸ்து²ஷஶ்சைவ ப்ரபு⁴ர்நேதா ஸநாதந꞉ ।
கர்தா தா⁴தா விதா⁴தா ச ஸர்வேஷாம் ப்ரபு⁴ரீஶ்வர꞉ ॥ 111 ॥

ஸஹஸ்ரமூர்தா⁴ விஶ்வாத்மா விஷ்ணுர்விஶ்வத்³ருக³வ்யய꞉ ।
புராணபுருஷ꞉ ஸ்ரஷ்டா ஸஹஸ்ராக்ஷ꞉ ஸஹஸ்ரபாத் ॥ 112 ॥

தத்த்வம் நாராயணோ விஷ்ணுர்வாஸுதே³வ꞉ ஸநாதந꞉ ।
பரமாத்மா பரம் ப்³ரஹ்ம ஸச்சிதா³நந்த³விக்³ரஹ꞉ ॥ 113 ॥

பரஞ்ஜ்யோதி꞉ பரந்தா⁴ம꞉ பராகாஶ꞉ பராத்பர꞉ ।
அச்யுத꞉ புருஷ꞉ க்ருஷ்ண꞉ ஶாஶ்வத꞉ ஶிவ ஈஶ்வர꞉ ॥ 114 ॥

நித்ய꞉ ஸர்வக³த꞉ ஸ்தா²ணுருக்³ர꞉ ஸாக்ஷீ ப்ரஜாபதி꞉ ।
ஹிரண்யக³ர்ப⁴꞉ ஸவிதா லோகக்ருல்லோகப்⁴ருத்³விபு⁴꞉ ॥ 115 ॥

ராம꞉ ஶ்ரீமாந் மஹாவிஷ்ணுர்ஜிஷ்ணுர்தே³வஹிதாவஹ꞉ ।
தத்த்வாத்மா தாரகம் ப்³ரஹ்ம ஶாஶ்வத꞉ ஸர்வஸித்³தி⁴த³꞉ ॥ 116 ॥

அகாரவாச்யோ ப⁴க³வாந் ஶ்ரீர்பூ⁴நீலாபதி꞉ புமாந் ।
ஸர்வலோகேஶ்வர꞉ ஶ்ரீமாந் ஸர்வஜ்ஞ꞉ ஸர்வதோமுக²꞉ ॥ 117 ॥

ஸ்வாமீ ஸுஶீல꞉ ஸுலப⁴꞉ ஸர்வஜ்ஞ꞉ ஸர்வஶக்திமாந் ।
நித்ய꞉ ஸம்பூர்ணகாமஶ்ச நைஸர்கி³கஸுஹ்ருத்ஸுகீ² ॥ 118 ॥

க்ருபாபீயூஷஜலதி⁴꞉ ஶரண்ய꞉ ஸர்வதே³ஹிநாம் ।
ஶ்ரீமாந்நாராயண꞉ ஸ்வாமீ ஜக³தாம் பதிரீஶ்வர꞉ ॥ 119 ॥

ஶ்ரீஶ꞉ ஶரண்யோ பூ⁴தாநாம் ஸம்ஶ்ரிதாபீ⁴ஷ்டதா³யக꞉ ।
அநந்த꞉ ஶ்ரீபதீ ராமோ கு³ணப்⁴ருந்நிர்கு³ணோ மஹாந் ॥ 120 ॥

॥ இதி ஆநந்த³ராமாயணே வால்மீகீயே ஶ்ரீராமஸஹஸ்ரநாமஸ்தோத்ரம் ॥


வேறு ஸ்ரீ ராம ஸ்தோத்திரங்கள் பார்க்க.

Report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: