Sri Lambodara Stotram (Krodhasura Krutam) – ஶ்ரீ லம்போ³த³ர ஸ்தோத்ரம் (க்ரோதா⁴ஸுர க்ருதம்)

ஸ்தோத்ரநிதி → ஶ்ரீ க³ணேஶ ஸ்தோத்திரங்கள் →  ஶ்ரீ லம்போ³த³ர ஸ்தோத்ரம் (க்ரோதா⁴ஸுர க்ருதம்)

க்ரோதா⁴ஸுர உவாச ।
லம்போ³த³ர நமஸ்துப்⁴யம் ஶாந்தியோக³ஸ்வரூபிணே ।
ஸர்வஶாந்திப்ரதா³த்ரே தே விக்⁴நேஶாய நமோ நம꞉ ॥ 1 ॥

அஸம்ப்ரஜ்ஞாதரூபேயம் ஶுண்டா³ தே நாத்ர ஸம்ஶய꞉ ।
ஸம்ப்ரஜ்ஞாதமயோ தே³ஹோ தே³ஹதா⁴ரிந்நமோ நம꞉ ॥ 2 ॥

ஸ்வாநந்தே³ யோகி³பி⁴ர்நித்யம் த்³ருஷ்டஸ்த்வம் ப்³ரஹ்மநாயக꞉ ।
தேந ஸ்வாநந்த³வாஸீ த்வம் நம꞉ ஸம்யோக³தா⁴ரிணே ॥ 3 ॥

ஸமுத்பந்நம் த்வது³த³ராஜ்ஜக³ந்நாநாவித⁴ம் ப்ரபோ⁴ ।
ப்³ரஹ்ம தத்³வந்ந ஸந்தே³ஹோ லம்போ³த³ர நமோ(அ)ஸ்து தே ॥ 4 ॥

த்வதீ³ய க்ருபயா தே³வ மயா ஜ்ஞாதம் மஹோத³ர ।
த்வத்த꞉ பரதரம் நாஸ்தி பரேஶாய நமோ நம꞉ ॥ 5 ॥

ஹேரம்பா³ய நமஸ்துப்⁴யம் விக்⁴நஹர்த்ரே க்ருபாலவே ।
ஆதி³மத்⁴யாந்தஹீநாய தந்மயாய நமோ நம꞉ ॥ 6 ॥

ஸித்³தி⁴பு³த்³தி⁴விஹாரஜ்ஞ ஸித்³தி⁴பு³த்³தி⁴பதே நம꞉ ।
ஸித்³தி⁴பு³த்³தி⁴ப்ரதா³த்ரே தே வக்ரதுண்டா³ய வை நம꞉ ॥ 7 ॥

ஸர்வாத்மகாய ஸர்வாதி³பூஜ்யாய தே நமோ நம꞉ ।
ஸர்வபூஜ்யாய வை துப்⁴யம் ப⁴க்தஸம்ரக்ஷகாய ச ॥ 8 ॥

அத꞉ ப்ரஸீத³ விக்⁴நேஶ தா³ஸோ(அ)ஹம் தே க³ஜாநந ।
லம்போ³த³ராய நித்யம் நமோ நமஸ்தே மஹாத்மநே ॥ 9 ॥

ஸ்வத உத்தா²நபரத உத்தா²நே ப்³ரஹ்ம தா⁴ரயந் ।
தவோத³ராத் ஸமுத்பந்நம் தம் கிம் ஸ்தௌமி பராத்பரம் ॥ 10 ॥

இதி ஸ்துத்வா மஹாதை³த்ய꞉ ப்ரணநாம க³ஜாநநம் ।
தமுவாச க³ணாத்⁴யக்ஷோ ப⁴க்தம் ப⁴க்தஜநப்ரிய꞉ ॥ 11 ॥

லம்போ³த³ர உவாச ।
வரம் வ்ருணு மஹாபா⁴க³ க்ரோதா⁴ஸுர ஹ்ருதீ³ப்ஸிதம் ।
தா³ஸ்யாமி ப⁴க்திபா⁴வேந ஸ்தோத்ரேணா(அ)ஹம் ஹி தோஷித꞉ ॥ 12 ॥

த்வயா க்ருதமித³ம் ஸ்தோத்ரம் ஸர்வஸித்³தி⁴ப்ரத³ம் ப⁴வேத் ।
ய꞉ படி²ஷ்யதி தஸ்யைவ க்ரோத⁴ஜம் ந ப⁴யம் ப⁴வேத் ॥ 13 ॥

ஶ்ருணுயாத்தஸ்ய தத்³வச்ச ப⁴விஷ்யதி ந ஸம்ஶய꞉ ।
யத்³யதி³ச்ச²தி தத்தத்³வை தா³ஸ்யாமி ஸ்தோத்ரபாட²த꞉ ॥ 14 ॥

இதி ஶ்ரீமந்முத்³க³ளே மஹாபுராணே லம்போ³த³ரசரிதே அஷ்டமோ(அ)த்⁴யாயே க்ரோதா⁴ஸுரக்ருத லம்போ³த³ரஸ்தோத்ரம் ।

---

மேலும் ஶ்ரீ கணேஶ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.