Kishkindha Kanda Sarga 9 – கிஷ்கிந்தா⁴காண்ட³ நவம꞉ ஸர்க³꞉ (9)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ நவம꞉ ஸர்க³꞉ (9)

॥ வைரவ்ருத்தாந்தாநுக்ரம꞉ ॥

ஶ்ரூயதாம் ராம யத்³வ்ருத்தமாதி³த꞉ ப்ரப்⁴ருதி த்வயா ।
யதா² வைரம் ஸமுத்³பூ⁴தம் யதா² சாஹம் நிராக்ருத꞉ ॥ 1 ॥

வாலீ நாம மம ப்⁴ராதா ஜ்யேஷ்ட²꞉ ஶத்ருநிஷூத³ந꞉ ।
பிதுர்ப³ஹுமதோ நித்யம் மமாபி ச ததா² புரா ॥ 2 ॥

பிதர்யுபரதே(அ)ஸ்மாகம் ஜ்யேஷ்டோ²(அ)யமிதி மந்த்ரிபி⁴꞉ ।
கபீநாமீஶ்வரோ ராஜ்யே க்ருத꞉ பரமஸம்மத꞉ ॥ 3 ॥

ராஜ்யம் ப்ரஶாஸதஸ்தஸ்ய பித்ருபைதாமஹம் மஹத் ।
அஹம் ஸர்வேஷு காலேஷு ப்ரணத꞉ ப்ரேஷ்யவத் ஸ்தி²த꞉ ॥ 4 ॥

மாயாவீ நாம தேஜஸ்வீ பூர்வஜோ து³ந்து³பே⁴꞉ ஸுத꞉ ।
தேந தஸ்ய மஹத்³வைரம் ஸ்த்ரீக்ருதம் விஶ்ருதம் புரா ॥ 5 ॥

ஸ து ஸுப்தஜநே ராத்ரௌ கிஷ்கிந்தா⁴த்³வாரமாக³த꞉ ।
நர்த³தி ஸ்ம ஸுஸம்ரப்³தோ⁴ வாலிநம் சாஹ்வயத்³ரணே ॥ 6 ॥

ப்ரஸுப்தஸ்து மம ப்⁴ராதா நர்தி³தம் பை⁴ரவஸ்வநம் ।
ஶ்ருத்வா ந மம்ருஷே வாலீ நிஷ்பபாத ஜவாத்ததா³ ॥ 7 ॥

ஸ து வை நி꞉ஸ்ருத꞉ க்ரோதா⁴த்தம் ஹந்துமஸுரோத்தமம் ।
வார்யமாணஸ்தத꞉ ஸ்த்ரீபி⁴ர்மயா ச ப்ரணதாத்மநா ॥ 8 ॥

ஸ து நிர்தூ⁴ய ஸர்வாந்நோ நிர்ஜகா³ம மஹாப³ல꞉ ।
ததோ(அ)ஹமபி ஸௌஹார்தா³ந்நி꞉ஸ்ருதோ வாலிநா ஸஹ ॥ 9 ॥

ஸ து மே ப்⁴ராதரம் த்³ருஷ்ட்வா மாம் ச தூ³ராத³வஸ்தி²தம் ।
அஸுரோ ஜாதஸந்த்ராஸ꞉ ப்ரது³த்³ராவ ததோ ப்⁴ருஶம் ॥ 10 ॥

தஸ்மிந் த்³ரவதி ஸந்த்ரஸ்தே ஹ்யாவாம் த்³ருததரம் க³தௌ ।
ப்ரகாஶஶ்ச க்ருதோ மார்க³ஶ்சந்த்³ரேணோத்³க³ச்ச²தா ததா³ ॥ 11 ॥

ஸ த்ருணைராவ்ருதம் து³ர்க³ம் த⁴ரண்யா விவரம் மஹத் ।
ப்ரவிவேஶாஸுரோ வேகா³தா³வாமாஸாத்³ய விஷ்டி²தௌ ॥ 12 ॥

தம் ப்ரவிஷ்டம் ரிபும் த்³ருஷ்ட்வா பி³லம் ரோஷவஶம் க³த꞉ ।
மாமுவாச ததா³ வாலீ வசநம் க்ஷுபி⁴தேந்த்³ரிய꞉ ॥ 13 ॥

இஹ த்வம் திஷ்ட² ஸுக்³ரீவ பி³லத்³வாரி ஸமாஹித꞉ ।
யாவத³த்ர ப்ரவிஶ்யாஹம் நிஹந்மி ஸஹஸா ரிபும் ॥ 14 ॥

மயா த்வேதத்³வச꞉ ஶ்ருத்வா யாசித꞉ ஸ பரந்தப꞉ ।
ஶாபயித்வா ச மாம் பத்³ப்⁴யாம் ப்ரவிவேஶ பி³லம் மஹத் ॥ 15 ॥

தஸ்ய ப்ரவிஷ்டஸ்ய பி³லம் ஸாக்³ர꞉ ஸம்வத்ஸரோ க³த꞉ ।
ஸ்தி²தஸ்ய ச மம த்³வாரி ஸ காலோ(அ)ப்யத்யவர்தத ॥ 16 ॥

அஹம் து நஷ்டம் தம் ஜ்ஞாத்வா ஸ்நேஹாதா³க³தஸம்ப்⁴ரம꞉ ।
ப்⁴ராதரம் து ந பஶ்யாமி பாபாஶங்கி ச மே மந꞉ ॥ 17 ॥

அத² தீ³ர்க⁴ஸ்ய காலஸ்ய பி³லாத்தஸ்மாத்³விநி꞉ஸ்ருதம் ।
ஸபே²நம் ருதி⁴ரம் ரக்தமஹம் த்³ருஷ்ட்வா ஸுது³꞉கி²த꞉ ॥ 18 ॥

நர்த³தாமஸுராணாம் ச த்⁴வநிர்மே ஶ்ரோத்ரமாக³த꞉ ।
நிரஸ்தஸ்ய ச ஸங்க்³ராமே க்ரோஶதோ நி꞉ஸ்வநோ கு³ரோ꞉ ॥ 19 ॥

அஹம் த்வவக³தோ பு³த்³த்⁴யா சிஹ்நைஸ்தைர்ப்⁴ராதரம் ஹதம் ।
பிதா⁴ய ச பி³லத்³வாரம் ஶிலயா கி³ரிமாத்ரயா ॥ 20 ॥

ஶோகார்தஶ்சோத³கம் க்ருத்வா கிஷ்கிந்தா⁴மாக³த꞉ ஸகே² ।
கூ³ஹமாநஸ்ய மே தத்த்வம் யத்நதோ மந்த்ரிபி⁴꞉ ஶ்ருதம் ॥ 21 ॥

ததோ(அ)ஹம் தை꞉ ஸமாக³ம்ய ஸம்மதைரபி⁴ஷேசித꞉ ।
ராஜ்யம் ப்ரஶாஸதஸ்தஸ்ய ந்யாயதோ மம ராக⁴வ ॥ 22 ॥

ஆஜகா³ம ரிபும் ஹத்வா வாலீ தமஸுரோத்தமம் ।
அபி⁴ஷிக்தம் து மாம் த்³ருஷ்ட்வா வாலீ ஸம்ரக்தலோசந꞉ ॥ 23 ॥

மதீ³யாந் மந்த்ரிணோ ப³த்³த்⁴வா பருஷம் வாக்யமப்³ரவீத் ।
நிக்³ரஹே(அ)பி ஸமர்த²ஸ்ய தம் பாபம் ப்ரதி ராக⁴வ ॥ 24 ॥

ந ப்ராவர்தத மே பு³த்³தி⁴ர்ப்⁴ராதுர்கௌ³ரவயந்த்ரிதா ।
ஹத்வா ஶத்ரும் ஸ மே ப்⁴ராதா ப்ரவிவேஶ புரம் ததா³ ॥ 25 ॥

மாநயம்ஸ்தம் மஹாத்மாநம் யதா²வச்சாப்⁴யவாத³யம் ।
உக்தாஶ்ச நாஶிஷஸ்தேந ஸந்துஷ்டேநாந்தராத்மநா ॥ 26 ॥

நத்வா பாதா³வஹம் தஸ்ய முகுடேநாஸ்ப்ருஶம் ப்ரபோ⁴ ।
க்ருதாஞ்ஜலிருபாக³ம்ய ஸ்தி²தோ(அ)ஹம் தஸ்ய பார்ஶ்வத꞉ ।
அபி வாலீ மம க்ரோதா⁴ந்ந ப்ரஸாத³ம் சகார ஸ꞉ ॥ 27 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ நவம꞉ ஸர்க³꞉ ॥ 9 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.