Kishkindha Kanda Sarga 58 – கிஷ்கிந்தா⁴காண்ட³ அஷ்டபஞ்சாஶ꞉ ஸர்க³꞉ (58)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ அஷ்டபஞ்சாஶ꞉ ஸர்க³꞉ (58)

॥ ஸீதாப்ரவ்ருத்யுபலம்ப⁴꞉ ॥

இத்யுக்த꞉ கருணம் வாக்யம் வாநரைஸ்த்யக்தஜீவிதை꞉ ।
ஸபா³ஷ்போ வாநராந் க்³ருத்⁴ர꞉ ப்ரத்யுவாச மஹாஸ்வந꞉ ॥ 1 ॥

யவீயாந் மம ஸ ப்⁴ராதா ஜடாயுர்நாம வாநரா꞉ ।
யமாக்²யாத ஹதம் யுத்³தே⁴ ராவணேந ப³லீயஸா ॥ 2 ॥

வ்ருத்³த⁴பா⁴வாத³பக்ஷத்வாச்ச்²ருண்வம்ஸ்தத³பி மர்ஷயே ।
ந ஹி மே ஶக்திரஸ்த்யத்³ய ப்⁴ராதுர்வைரவிமோக்ஷணே ॥ 3 ॥

புரா வ்ருத்ரவதே⁴ வ்ருத்தே பரஸ்பரஜயைஷிணௌ ।
ஆதி³த்யமுபயாதௌ ஸ்வோ ஜ்வலந்தம் ரஶ்மிமாலிநம் ॥ 4 ॥

ஆவ்ருத்த்யா(ஆ)காஶமார்கே³ து ஜவேந ஸ்ம க³தௌ ப்⁴ருஶம் ।
மத்⁴யம் ப்ராப்தே தி³நகரே ஜடாயுரவஸீத³தி ॥ 5 ॥

தமஹம் ப்⁴ராதரம் த்³ருஷ்ட்வா ஸூர்யரஶ்மிபி⁴ரர்தி³தம் ।
பக்ஷாப்⁴யாம் சா²த³யாமாஸ ஸ்நேஹாத்பரமவிஹ்வலம் ॥ 6 ॥

நிர்த³க்³த⁴பக்ஷ꞉ பதிதோ விந்த்⁴யே(அ)ஹம் வாநரர்ஷபா⁴꞉ ।
அஹமஸ்மிந்வஸந்ப்⁴ராது꞉ ப்ரவ்ருத்திம் நோபலக்ஷயே ॥ 7 ॥

ஜடாயுஷஸ்த்வேவமுக்தோ ப்⁴ராதா ஸம்பாதிநா ததா³ ।
யுவராஜோ மஹாப்ராஜ்ஞ꞉ ப்ரத்யுவாசாங்க³த³ஸ்ததா³ ॥ 8 ॥

ஜடாயுஷோ யதி³ ப்⁴ராதா ஶ்ருதம் தே க³தி³தம் மயா ।
ஆக்²யாஹி யதி³ ஜாநாஸி நிலயம் தஸ்ய ரக்ஷஸ꞉ ॥ 9 ॥

அதீ³ர்க⁴த³ர்ஶநம் தம் வை ராவணம் ராக்ஷஸாதி⁴பம் ।
அந்திகே யதி³ வா தூ³ரே யதி³ ஜாநாஸி ஶம்ஸ ந꞉ ॥ 10 ॥

ததோ(அ)ப்³ரவீந்மஹாதேஜா ஜ்யேஷ்டோ² ப்⁴ராதா ஜடாயுஷ꞉ ।
ஆத்மாநுரூபம் வசநம் வாநராந் ஸம்ப்ரஹர்ஷயந் ॥ 11 ॥

நிர்த³க்³த⁴பக்ஷோ க்³ருத்⁴ரோ(அ)ஹம் ஹீநவீர்ய꞉ ப்லவங்க³மா꞉ ।
வாங்மாத்ரேண து ராமஸ்ய கரிஷ்யே ஸாஹ்யமுத்தமம் ॥ 12 ॥

ஜாநாமி வாருணாந் லோகாந் விஷ்ணோஸ்த்ரைவிக்ரமாநபி ।
மஹாஸுரவிமர்தா³ந்வா(அ)ப்யம்ருதஸ்ய ச மந்த²நம் ॥ 13 ॥

ராமஸ்ய யதி³த³ம் கார்யம் கர்தவ்யம் ப்ரத²மம் மயா ।
ஜரயா ச ஹ்ருதம் தேஜ꞉ ப்ராணாஶ்ச ஶிதி²லா மம ॥ 14 ॥

தருணீ ரூபஸம்பந்நா ஸர்வாப⁴ரணபூ⁴ஷிதா ।
ஹ்ரியமாணா மயா த்³ருஷ்டா ராவணேந து³ராத்மநா ॥ 15 ॥

க்ரோஶந்தீ ராம ராமேதி லக்ஷ்மணேதி ச பா⁴மிநீ ।
பூ⁴ஷணாந்யபவித்⁴யந்தீ கா³த்ராணி ச விதூ⁴ந்வதீ ॥ 16 ॥

ஸூர்யப்ரபே⁴வ ஶைலாக்³ரே தஸ்யா꞉ கௌஶேயமுத்தமம் ।
அஸிதே ராக்ஷஸே பா⁴தி யதா² வா தடி³த³ம்பு³தே³ ॥ 17 ॥

தாம் து ஸீதாமஹம் மந்யே ராமஸ்ய பரிகீர்தநாத் ।
ஶ்ரூயதாம் மே கத²யதோ நிலயம் தஸ்ய ரக்ஷஸ꞉ ॥ 18 ॥

புத்ரோ விஶ்ரவஸ꞉ ஸாக்ஷாத்³ப்⁴ராதா வைஶ்ரவணஸ்ய ச ।
அத்⁴யாஸ்தே நக³ரீம் லங்காம் ராவணோ நாம ராக்ஷஸ꞉ ॥ 19 ॥

இதோ த்³வீபே ஸமுத்³ரஸ்ய ஸம்பூர்ணே ஶதயோஜநே ।
தஸ்மிந் லங்காபுரீ ரம்யா நிர்மிதா விஶ்வகர்மணா ॥ 20 ॥

ஜாம்பூ³நத³மயைர்த்³வாரைஶ்சித்ரை꞉ காஞ்சநவேதி³கை꞉ ।
ப்ராகாரேணார்கவர்ணேந மஹதா ஸுஸமாவ்ருதா ॥ 21 ॥

தஸ்யாம் வஸதி வைதே³ஹீ தீ³நா கௌஶேயவாஸிநீ ।
ராவணாந்த꞉புரே ருத்³தா⁴ ராக்ஷஸீபி⁴꞉ ஸமாவ்ருதா ॥ 22 ॥

ஜநகஸ்யாத்மஜாம் ராஜ்ஞஸ்தத்ர த்³ரக்ஷ்யத² மைதி²லீம் ।
லங்காயாமத² கு³ப்தாயாம் ஸாக³ரேண ஸமந்தத꞉ ॥ 23 ॥

ஸம்ப்ராப்ய ஸாக³ரஸ்யாந்தம் ஸம்பூர்ணம் ஶதயோஜநம் ।
ஆஸாத்³ய த³க்ஷிணம் தீரம் ததோ த்³ரக்ஷ்யத² ராவணம் ॥ 24 ॥

தத்ரைவ த்வரிதா꞉ க்ஷிப்ரம் விக்ரமத்⁴வம் ப்லவங்க³மா꞉ ।
ஜ்ஞாநேந க²லு பஶ்யாமி த்³ருஷ்ட்வா ப்ரத்யாக³மிஷ்யத² ॥ 25 ॥

ஆத்³ய꞉ பந்தா²꞉ குலிங்கா³நாம் யே சாந்யே தா⁴ந்யஜீவிந꞉ ।
த்³விதீயோ ப³லிபோ⁴ஜாநாம் யே ச வ்ருக்ஷப²லாஶிந꞉ ॥ 26 ॥

பா⁴ஸாஸ்த்ருதீயம் க³ச்ச²ந்தி க்ரௌஞ்சாஶ்ச குரரை꞉ ஸஹ ।
ஶ்யேநாஶ்சதுர்த²ம் க³ச்ச²ந்தி க்³ருத்⁴ரா க³ச்ச²ந்தி பஞ்சமம் ॥ 27 ॥

ப³லவீர்யோபபந்நாநாம் ரூபயௌவநஶாலிநாம் ।
ஷஷ்ட²ஸ்து பந்தா² ஹம்ஸாநாம் வைநதேயக³தி꞉ பரா ॥ 28 ॥

வைநதேயாச்ச நோ ஜந்ம ஸர்வேஷாம் வாநரர்ஷபா⁴꞉ ।
இஹஸ்தோ²(அ)ஹம் ப்ரபஶ்யாமி ராவணம் ஜாநகீம் ததா² ॥ 29 ॥

அஸ்மாகமபி ஸௌபர்ணம் தி³வ்யம் சக்ஷுர்ப³லம் ததா² ।
தஸ்மாதா³ஹாரவீர்யேண நிஸர்கே³ண ச வாநரா꞉ ॥ 30 ॥

ஆயோஜநஶதாத் ஸாக்³ராத்³வயம் பஶ்யாம நித்யஶ꞉ ।
அஸ்மாகம் விஹிதா வ்ருத்திர்நிஸர்கே³ண ச தூ³ரத꞉ ॥ 31 ॥

விஹிதா பாத³மூலே து வ்ருத்திஶ்சரணயோதி⁴நாம் ।
க³ர்ஹிதம் து க்ருதம் கர்ம யேந ஸ்ம பிஶிதாஶிநா ॥ 32 ॥

ப்ரதீகார்யம் ச மே தஸ்ய வைரம் ப்⁴ராது꞉ க்ருதம் ப⁴வேத் ।
உபாயோ த்³ருஶ்யதாம் கஶ்சில்லங்க⁴நே லவாணாம்ப⁴ஸ꞉ ॥ 33 ॥

அபி⁴க³ம்ய து வைதே³ஹீம் ஸம்ருத்³தா⁴ர்தா² க³மிஷ்யத² ।
ஸமுத்³ரம் நேதுமிச்சா²மி ப⁴வத்³பி⁴ர்வருணாலயம் ॥ 34 ॥

ப்ரதா³ஸ்யாம்யுத³கம் ப்⁴ராது꞉ ஸ்வர்க³தஸ்ய மஹாத்மந꞉ ।
ததோ நீத்வா து தம் தே³ஶம் தீரம் நத³நதீ³பதே꞉ ॥ 35 ॥

நிர்த³க்³த⁴பக்ஷம் ஸம்பாதிம் வாநரா꞉ ஸுமஹௌஜஸ꞉ ।
புந꞉ ப்ரத்யாநயித்வா ச தம் தே³ஶம் பதகே³ஶ்வரம் ।
ப³பூ⁴வுர்வாநரா ஹ்ருஷ்டா꞉ ப்ரவ்ருத்திமுபலப்⁴ய தே ॥ 36 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ அஷ்டபஞ்சாஶ꞉ ஸர்க³꞉ ॥ 58 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.