Kishkindha Kanda Sarga 54 – கிஷ்கிந்தா⁴காண்ட³ சது꞉பஞ்சாஶ꞉ ஸர்க³꞉ (54)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ சது꞉பஞ்சாஶ꞉ ஸர்க³꞉ (54)

॥ ஹநூமத்³பே⁴த³நம் ॥

ததா² ப்³ருவதி தாரே து தாராதி⁴பதிவர்சஸி ।
அத² மேநே ஹ்ருதம் ராஜ்யம் ஹநுமாநங்க³தே³ந தத் ॥ 1 ॥

பு³த்³த்⁴யா ஹ்யஷ்டாங்க³யா யுக்தம் சதுர்ப³லஸமந்விதம் ।
சதுர்த³ஶகு³ணம் மேநே ஹநுமாந் வாலிந꞉ ஸுதம் ॥ 2 ॥

ஆபூர்யமாணம் ஶஶ்வச்ச தேஜோப³லபராக்ரமை꞉ ।
ஶஶிநம் ஶுக்லபக்ஷாதௌ³ வர்த⁴மாநமிவ ஶ்ரியா ॥ 3 ॥

ப்³ருஹஸ்பதிஸமம் பு³த்³த்⁴யா விக்ரமே ஸத்³ருஶம் பிது꞉ ।
ஶுஶ்ரூஷமாணம் தாரஸ்ய ஶுக்ரஸ்யேவ புரந்த³ரம் ॥ 4 ॥

ப⁴ர்துரர்தே² பரிஶ்ராந்தம் ஸர்வஶாஸ்த்ரவிதா³ம் வரம் ।
அபி⁴ஸந்தா⁴துமாரேபே⁴ ஹநுமாநங்க³த³ம் தத꞉ ॥ 5 ॥

ஸ சதுர்ணாமுபாயாநாம் த்ருதீயமுபவர்ணயந் ।
பே⁴த³யாமாஸ தாந் ஸர்வாந் வாநராந் வாக்யஸம்பதா³ ॥ 6 ॥

தேஷு ஸர்வேஷு பி⁴ந்நேஷு ததோ(அ)பீ⁴ஷயத³ங்க³த³ம் ।
பீ⁴ஷணைர்ப³ஹுபி⁴ர்வாக்யை꞉ கோபோபாயஸமந்விதை꞉ ॥ 7 ॥

த்வம் ஸமர்த²தர꞉ பித்ரா யுத்³தே⁴ தாரேய வை து⁴ரம் ।
த்³ருட⁴ம் தா⁴ரயிதும் ஶக்த꞉ கபிராஜ்யம் யதா² பிதா ॥ 8 ॥

நித்யமஸ்தி²ரசித்தா ஹி கபயோ ஹரிபுங்க³வ꞉ ।
நாஜ்ஞாப்யம் விஸஹிஷ்யந்தி புத்ரதா³ராந் விநா த்வயா ॥ 9 ॥

த்வாம் நைதே ஹ்யநுயுஞ்ஜேயு꞉ ப்ரத்யக்ஷம் ப்ரவதா³மி தே ।
யதா²(அ)யம் ஜாம்ப³வாந்நீல꞉ ஸுஹோத்ரஶ்ச மஹாகபி꞉ ॥ 10 ॥

ந ஹ்யஹம் த இமே ஸர்வே ஸாமதா³நாதி³பி⁴ர்கு³ணை꞉ ।
த³ண்டே³ந வா த்வயா ஶக்யா꞉ ஸுக்³ரீவாத³பகர்ஷிதும் ॥ 11 ॥

விக்³ருஹ்யாஸநமப்யாஹுர்து³ர்ப³லேந ப³லீயஸ꞉ ।
ஆத்மரக்ஷாகரஸ்தஸ்மாந்ந விக்³ருஹ்ணீத து³ர்ப³ல꞉ ॥ 12 ॥

யாம் சேமாம் மந்யஸே தா⁴த்ரீமேதத்³பி³லமிதி ஶ்ருதம் ।
ஏதல்லக்ஷ்மணபா³ணாநாமீஷத்கார்யம் விதா³ரணே ॥ 13 ॥

ஸ்வல்பம் ஹி க்ருதமிந்த்³ரேண க்ஷிபதா ஹ்யஶநிம் புரா ।
லக்ஷ்மணோ நிஶிதைர்பா³ணைர்பி⁴ந்த்³யாத்பத்ரபுடம் யதா² ॥ 14 ॥

லக்ஷ்மணஸ்ய து நாராசா ப³ஹவ꞉ ஸந்தி தத்³விதா⁴꞉ ।
வஜ்ராஶநிஸமஸ்பர்ஶா கி³ரீணாமபி தா³ரணா꞉ ॥ 15 ॥

அவஸ்தா²நே யதை³வ த்வமாஸிஷ்யஸி பரந்தப ।
ததே³வ ஹரய꞉ ஸர்வே த்யக்ஷ்யந்தி க்ருதநிஶ்சயா꞉ ॥ 16 ॥

ஸ்மரந்த꞉ புத்ரதா³ராணாம் நித்யோத்³விக்³நா பு³பு⁴க்ஷிதா꞉ ।
கே²தி³தா து³꞉க²ஶய்யாபி⁴ஸ்த்வாம் கரிஷ்யந்தி ப்ருஷ்ட²த꞉ ॥ 17 ॥

ஸ த்வம் ஹீந꞉ ஸுஹ்ருத்³பி⁴ஶ்ச ஹிதகாமைஶ்ச ப³ந்து⁴பி⁴꞉ ।
த்ருணாத³பி ப்⁴ருஶோத்³விக்³ந꞉ ஸ்பந்த³மாநாத்³ப⁴விஷ்யஸி ॥ 18 ॥

ந ச ஜாது ந ஹிம்ஸ்யுஸ்த்வாம் கோ⁴ரா லக்ஷ்மணஸாயகா꞉ ।
அபாவ்ருத்தம் ஜிகா⁴ம்ஸந்தோ மஹாவேகா³ து³ராஸதா³꞉ ॥ 19 ॥

அஸ்மாபி⁴ஸ்து க³தம் ஸார்த⁴ம் விநீதவது³பஸ்தி²தம் ।
ஆநுபூர்வ்யாத்து ஸுக்³ரீவோ ராஜ்யே த்வாம் ஸ்தா²பயிஷ்யதி ॥ 20 ॥

த⁴ர்மகாம꞉ பித்ருவ்யஸ்தே ப்ரீதிகாமோ த்³ருட⁴வ்ரத꞉ ।
ஶுசி꞉ ஸத்யப்ரதிஜ்ஞஶ்ச ந த்வாம் ஜாது ஜிகா⁴ம்ஸதி ॥ 21 ॥

ப்ரியகாமஶ்ச தே மாஸுஸ்தத³ர்த²ம் சாஸ்ய ஜீவிதம் ।
தஸ்யாபத்யம் ச நாஸ்த்யந்யத் தஸ்மாத³ங்க³த³ க³ம்யதாம் ॥ 22 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ சது꞉பஞ்சாஶ꞉ ஸர்க³꞉ ॥ 54 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.