Kishkindha Kanda Sarga 50 – கிஷ்கிந்தா⁴காண்ட³ பஞ்சாஶ꞉ ஸர்க³꞉ (50)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ பஞ்சாஶ꞉ ஸர்க³꞉ (50)

॥ ருக்ஷபி³லப்ரவேஶ꞉ ॥

ஸஹ தாராங்க³தா³ப்⁴யாம் து ஸங்க³ம்ய ஹநுமாந் கபி꞉ ।
விசிநோதி ஸ்ம விந்த்⁴யஸ்ய கு³ஹாஶ்ச க³ஹநாநி ச ॥ 1 ॥

ஸிம்ஹஶார்தூ³ளஜுஷ்டேஷு ஶிலாஶ்ச ஸரிதஸ்ததா² ।
விஷமேஷு நகே³ந்த்³ரஸ்ய மஹாப்ரஸ்ரவணேஷு ச ॥ 2 ॥

ஆஸேது³ஸ்தஸ்ய ஶைலஸ்ய கோடிம் த³க்ஷிணபஶ்சிமாம் ।
தேஷாம் தத்ரைவ வஸதாம் ஸ காலோ வ்யத்யவர்தத ॥ 3 ॥

ஸ ஹி தே³ஶோ து³ரந்வேஷோ கு³ஹாக³ஹநவாந் மஹாந் ।
தத்ர வாயுஸுத꞉ ஸர்வம் விசிநோதி ஸ்ம பர்வதம் ॥ 4 ॥

பரஸ்பரேண ஹநுமாநந்யோந்யஸ்யாவிதூ³ரத꞉ ।
க³ஜோ க³வாக்ஷோ க³வய꞉ ஶரபோ⁴ க³ந்த⁴மாத³ந꞉ ॥ 5 ॥

மைந்த³ஶ்ச த்³விவித³ஶ்சைவ ஸுஷேணோ ஜாம்ப³வாந்நல꞉ ।
அங்க³தோ³ யுவராஜஶ்ச தாரஶ்ச வநகோ³சர꞉ ॥ 6 ॥

கி³ரிஜாலாவ்ருதாந் தே³ஶாந் மார்கி³த்வா த³க்ஷிணாம் தி³ஶம் ।
விசிந்வந்தஸ்ததஸ்தத்ர த³த்³ருஶுர்விவ்ருதம் பி³லம் ॥ 7 ॥

து³ர்க³ம்ருக்ஷபி³லம் நாம தா³நவேநாபி⁴ரக்ஷிதம் ।
க்ஷுத்பிபாஸாபரீதாஶ்ச ஶ்ராந்தாஶ்ச ஸலிலார்தி²ந꞉ ॥ 8 ॥

அவகீர்ணம் லதாவ்ருக்ஷைர்த³த்³ருஶுஸ்தே மஹாபி³லம் ।
தத꞉ க்ரௌஞ்சாஶ்ச ஹம்ஸாஶ்ச ஸாரஸாஶ்சாபி நிஷ்க்ரமந் ॥ 9 ॥

ஜலார்த்³ராஶ்சக்ரவாகாஶ்ச ரக்தாங்கா³꞉ பத்³மரேணுபி⁴꞉ ।
ததஸ்தத்³பி³லமாஸாத்³ய ஸுக³ந்தி⁴ து³ரதிக்ரமம் ॥ 10 ॥

விஸ்மயவ்யக்³ரமநஸோ ப³பூ⁴வுர்வாநரர்ஷபா⁴꞉ ।
ஸஞ்ஜாதபரிஶங்காஸ்தே தத்³பி³லம் ப்லவகோ³த்தமா꞉ ॥ 11 ॥

அப்⁴யபத்³யந்த ஸம்ஹ்ருஷ்டாஸ்தேஜோவந்தோ மஹாப³லா꞉ ।
நாநாஸத்த்வஸமாகீர்ணம் தை³த்யேந்த்³ரநிலயோபமம் ॥ 12 ॥

து³ர்த³ர்ஶமதிகோ⁴ரம் ச து³ர்விகா³ஹம் ச ஸர்வஶ꞉ ।
தத꞉ பர்வதகூடாபோ⁴ ஹநுமாந் பவநாத்மஜ꞉ ॥ 13 ॥

அப்³ரவீத்³வாநராந் ஸர்வாந் காந்தாரவநகோவித³꞉ ।
கி³ரிஜாலாவ்ருதாந் தே³ஶாந் மார்கி³த்வா த³க்ஷிணாம் தி³ஶம் ॥ 14 ॥

வயம் ஸர்வே பரிஶ்ராந்தா ந ச பஶ்யாம மைதி²லீம் ।
அஸ்மாச்சாபி பி³லாத்³த⁴ம்ஸா꞉ க்ரௌஞ்சாஶ்ச ஸஹ ஸாரஸை꞉ ॥ 15 ॥

ஜலார்த்³ராஶ்சக்ரவாகாஶ்ச நிஷ்பதந்தி ஸ்ம ஸர்வத꞉ ।
நூநம் ஸலிலவாநத்ர கூபோ வா யதி³ வா ஹ்ரத³꞉ ॥ 16 ॥

ததா² சேமே பி³லத்³வாரே ஸ்நிக்³தா⁴ஸ்திஷ்ட²ந்தி பாத³பா꞉ ।
இத்யுக்த்வா தத்³பி³லம் ஸர்வே விவிஶுஸ்திமிராவ்ருதம் ॥ 17 ॥

அசந்த்³ரஸூர்யம் ஹரயோ த³த்³ருஶூ ரோமஹர்ஷணம் ।
நிஶாம்ய தஸ்மாத்ஸிம்ஹாம்ஶ்ச தாம்ஸ்தாம்ஶ்ச ம்ருக³பக்ஷிண꞉ ॥ 18 ॥

ப்ரவிஷ்டா ஹரிஶார்தூ³ளா பி³லம் திமிரஸம்வ்ருதம் ।
ந தேஷாம் ஸஜ்ஜதே சக்ஷுர்ந தேஜோ ந பராக்ரம꞉ ॥ 19 ॥

வாயோரிவ க³திஸ்தேஷாம் த்³ருஷ்டிஸ்தமஸி வர்ததே ।
தே ப்ரவிஷ்டாஸ்து வேகே³ந தத்³பி³லம் கபிகுஞ்ஜரா꞉ ॥ 20 ॥

ப்ரகாஶமபி⁴ராமம் ச த³த்³ருஶுர்தே³ஶமுத்தமம் ।
ததஸ்தஸ்மிந் பி³லே து³ர்கே³ நாநாபாத³பஸங்குலே ॥ 21 ॥

அந்யோந்யம் ஸம்பரிஷ்வஜ்ய ஜக்³முர்யோஜநமந்தரம் ।
தே நஷ்டஸஞ்ஜ்ஞாஸ்த்ருஷிதா꞉ ஸம்ப்⁴ராந்தா꞉ ஸலிலார்தி²ந꞉ ॥ 22 ॥

பரிபேதுர்பி³லே தஸ்மிந் கஞ்சித்காலமதந்த்³ரிதா꞉ ।
தே க்ருஶா தீ³நவத³நா꞉ பரிஶ்ராந்தா꞉ ப்லவங்க³மா꞉ ॥ 23 ॥

ஆலோகம் த³த்³ருஶுர்வீரா நிராஶா ஜீவிதே ததா³ ।
ததஸ்தம் தே³ஶமாக³ம்ய ஸௌம்யம் விதிமிரம் வநம் ॥ 24 ॥

த³த்³ருஶு꞉ காஞ்சநாந் வ்ருக்ஷாந் தீ³ப்தவைஶ்வாநரப்ரபா⁴ந் ।
ஸாலாம்ஸ்தாலாம்ஶ்ச புந்நாகா³ந் ககுபா⁴ந் வஞ்ஜுளாந் த⁴வாந் ॥ 25 ॥

சம்பகாந் நாக³வ்ருக்ஷாம்ஶ்ச கர்ணிகாராம்ஶ்ச புஷ்பிதாந் ।
ஸ்தப³கை꞉ காஞ்சநைஶ்சித்ரை ரக்தை꞉ கிஸலயைஸ்ததா² ॥ 26 ॥

ஆபீடை³ஶ்ச லதாபி⁴ஶ்ச ஹேமாப⁴ரணபூ⁴ஷிதாந் ।
தருணாதி³த்யஸங்காஶாந் வைடூ³ர்யக்ருதவேதி³காந் ॥ 27 ॥

விப்⁴ராஜமாநாந் வபுஷா பாத³பாம்ஶ்ச ஹிரண்மயாந் ।
நீலவைடூ³ர்யவர்ணாஶ்ச பத்³மிநீ꞉ பதகா³வ்ருதா꞉ ॥ 28 ॥

மஹத்³பி⁴꞉ காஞ்சநை꞉ பத்³மைர்வ்ருதா பா³லார்கஸந்நிபை⁴꞉ ।
ஜாதரூபமயைர்மத்ஸ்யைர்மஹத்³பி⁴ஶ்ச ஸகச்ச²பை꞉ ॥ 29 ॥

ளிநீஸ்தத்ர த³த்³ருஶு꞉ ப்ரஸந்நஸலிலாவ்ருதா꞉ ।
காஞ்சநாநி விமாநாநி ராஜதாநி ததை²வ ச ॥ 30 ॥

தபநீயக³வாக்ஷாணி முக்தாஜாலாவ்ருதாநி ச ।
ஹைமராஜதபௌ⁴மாநி வைடூ³ர்யமணிமந்தி ச ॥ 31 ॥

த³த்³ருஶுஸ்தத்ர ஹரயோ கு³ஹமுக்²யாநி ஸர்வஶ꞉ ।
புஷ்பிதாந் ப²லிநோ வ்ருக்ஷாந் ப்ரவாளமணிஸந்நிபா⁴ந் ॥ 32 ॥

காஞ்சநப்⁴ரமராம்ஶ்சைவ மதூ⁴நி ச ஸமந்தத꞉ ।
மணிகாஞ்சநசித்ராணி ஶயநாந்யாஸநாநி ச ॥ 33 ॥

மஹார்ஹாணி ச யாநாநி த³த்³ருஶுஸ்தே ஸமந்தத꞉ ।
ஹைமராஜதகாம்ஸ்யாநாம் பா⁴ஜநாநாம் ச ஸஞ்சயாந் ॥ 34 ॥

அக³ரூணாம் ச தி³வ்யாநாம் சந்த³நாநாம் ச ஸஞ்சயாந் ।
ஶுசீந்யப்⁴யவஹார்யாணி மூலாநி ச ப²லாநி ச ॥ 35 ॥

மஹார்ஹாணி ச பாநாநி மதூ⁴நி ரஸவந்தி ச ।
தி³வ்யாநாமம்ப³ராணாம் ச மஹார்ஹாணாம் ச ஸஞ்சயாந் ॥ 36 ॥

கம்ப³லாநாம் ச சித்ராணாமஜிநாநாம் ச ஸஞ்சயாந் ।
தத்ர தத்ர ச விந்யஸ்தாந் தீ³ப்தாந் வைஶ்வாநரப்ரபா⁴ந் ॥ 37 ॥

த³த்³ருஶுர்வாநரா꞉ ஶுப்⁴ராந் ஜாதரூபஸ்ய ஸஞ்சயாந் ।
தத்ர தத்ர விசிந்வந்தோ பி³லே தஸ்மிந்மஹாப³லா꞉ ॥ 38 ॥

த³த்³ருஶுர்வாநரா꞉ ஶூரா꞉ ஸ்த்ரியம் காஞ்சித³தூ³ரத꞉ ।
தாம் த்³ருஷ்ட்வா ப்⁴ருஶஸந்த்ரஸ்தாஶ்சீரக்ருஷ்ணாஜிநாம்ப³ராம் ॥ 39 ॥

தாபஸீம் நியதாஹாராம் ஜ்வலந்தீமிவ தேஜஸா ।
விஸ்மிதா ஹரயஸ்தத்ர வ்யவாதிஷ்ட²ந்த ஸர்வஶ꞉ ।
பப்ரச்ச² ஹநுமாம்ஸ்தத்ர கா(அ)ஸி த்வம் கஸ்ய வா பி³லம் ॥ 40 ॥

ததோ ஹநூமாந் கி³ரிஸந்நிகாஶ꞉
க்ருதாஞ்ஜலிஸ்தாமபி⁴வாத்³ய வ்ருத்³தா⁴ம் ।
பப்ரச்ச² கா த்வம் ப⁴வநம் பி³லம் ச
ரத்நாநி ஹேமாநி வத³ஸ்வ கஸ்ய ॥ 41 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ பஞ்சாஶ꞉ ஸர்க³꞉ ॥ 50 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.