Kishkindha Kanda Sarga 34 – கிஷ்கிந்தா⁴காண்ட³ சதுஸ்த்ரிம்ஶ꞉ ஸர்க³꞉ (34)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ சதுஸ்த்ரிம்ஶ꞉ ஸர்க³꞉ (34)

॥ ஸுக்³ரீவதர்ஜநம் ॥

தமப்ரதிஹதம் க்ருத்³த⁴ம் ப்ரவிஷ்டம் புருஷர்ஷப⁴ம் ।
ஸுக்³ரீவோ லக்ஷ்மணம் த்³ருஷ்ட்வா ப³பூ⁴வ வ்யதி²தேந்த்³ரிய꞉ ॥ 1 ॥

க்ருத்³த⁴ம் நி꞉ஶ்வஸமாநம் தம் ப்ரதீ³ப்தமிவ தேஜஸா ।
ப்⁴ராதுர்வ்யஸநஸந்தப்தம் த்³ருஷ்ட்வா த³ஶரதா²த்மஜம் ॥ 2 ॥

உத்பபாத ஹரிஶ்ரேஷ்டோ² ஹித்வா ஸௌவர்ணமாஸநம் ।
மஹாந்மஹேந்த்³ரஸ்ய யதா² ஸ்வலங்க்ருத இவ த்⁴வஜ꞉ ॥ 3 ॥

உத்பதந்தமநூத்பேதூ ருமாப்ரப்⁴ருதய꞉ ஸ்த்ரிய꞉ ।
ஸுக்³ரீவம் க³க³நே பூர்ணசந்த்³ரம் தாராக³ணா இவ ॥ 4 ॥

ஸம்ரக்தநயந꞉ ஶ்ரீமாந் விசசால க்ருதாஞ்ஜலி꞉ ।
ப³பூ⁴வாவஸ்தி²தஸ்தத்ர கல்பவ்ருக்ஷோ மஹாநிவ ॥ 5 ॥

ருமாத்³விதீயம் ஸுக்³ரீவம் நாரீமத்⁴யக³தம் ஸ்தி²தம் ।
அப்³ரவீல்லக்ஷ்மண꞉ க்ருத்³த⁴꞉ ஸதாரம் ஶஶிநம் யதா² ॥ 6 ॥

ஸத்த்வாபி⁴ஜநஸம்பந்ந꞉ ஸாநுக்ரோஶோ ஜிதேந்த்³ரிய꞉ ।
க்ருதஜ்ஞ꞉ ஸத்யவாதீ³ ச ராஜா லோகே மஹீயதே ॥ 7 ॥

யஸ்து ராஜா ஸ்தி²தே(அ)த⁴ர்மே மித்ராணாமுபகாரிணாம் ।
மித்²யா ப்ரதிஜ்ஞாம் குருதே கோ ந்ருஶம்ஸதரஸ்தத꞉ ॥ 8 ॥

ஶதமஶ்வாந்ருதே ஹந்தி ஸஹஸ்ரம் து க³வாந்ருதே ।
ஆத்மாநம் ஸ்வஜநம் ஹந்தி புரஷ꞉ புருஷாந்ருதே ॥ 9 ॥

பூர்வம் க்ருதார்தோ² மித்ராணாம் ந தத்ப்ரதிகரோதி ய꞉ ।
க்ருதக்⁴ந꞉ ஸர்வபூ⁴தாநாம் ஸ வத்⁴ய꞉ ப்லவகே³ஶ்வர ॥ 10 ॥

கீ³தோ(அ)யம் ப்³ரஹ்மணா ஶ்லோக꞉ ஸர்வலோகநமஸ்க்ருத꞉ ।
த்³ருஷ்ட்வா க்ருதக்⁴நம் க்ருத்³தே⁴ந தம் நிபோ³த⁴ ப்லவங்க³ம ॥ 11 ॥

ப்³ரஹ்மக்⁴நே ச ஸுராபே ச சோரே ப⁴க்³நவ்ரதே ததா² ।
நிஷ்க்ருதிர்விஹிதா ஸத்³பி⁴꞉ க்ருதக்⁴நே நாஸ்தி நிஷ்க்ருதி꞉ ॥ 12 ॥

அநார்யஸ்த்வம் க்ருதக்⁴நஶ்ச மித்²யாவாதீ³ ச வாநர ।
பூர்வம் க்ருதார்தோ² ராமஸ்ய ந தத்ப்ரதிகரோஷி யத் ॥ 13 ॥

நநு நாம க்ருதார்தே²ந த்வயா ராமஸ்ய வாநர ।
ஸீதாயா மார்க³ணே யத்ந꞉ கர்தவ்ய꞉ க்ருதமிச்ச²தா ॥ 14 ॥

ஸ த்வம் க்³ராம்யேஷு போ⁴கே³ஷு ஸக்தோ மித்²யாப்ரதிஶ்ரவ꞉ ।
ந த்வாம் ராமோ விஜாநீதே ஸர்பம் மண்டூ³கராவிணம் ॥ 15 ॥

மஹாபா⁴கே³ந ராமேண பாப꞉ கருணவேதி³நா ।
ஹரீணாம் ப்ராபிதோ ராஜ்யம் த்வம் து³ராத்மா மஹாத்மநா ॥ 16 ॥

க்ருதம் சேந்நாபி⁴ஜாநீஷே ராமஸ்யாக்லிஷ்டகர்மண꞉ ।
ஸத்³யஸ்த்வம் நிஶிதைர்பா³ணைர்ஹதோ த்³ரக்ஷ்யஸி வாலிநம் ॥ 17 ॥

ந ச ஸங்குசித꞉ பந்தா² யேந வாலீ ஹதோ க³த꞉ ।
ஸமயே திஷ்ட² ஸுக்³ரீவ மா வாலிபத²மந்வகா³꞉ ॥ 18 ॥

ந நூநமிக்ஷ்வாகுவரஸ்ய கார்முக-
-ச்யுதாந் ஶராந் பஶ்யஸி வஜ்ரஸந்நிபா⁴ந் ।
தத꞉ ஸுக²ம் நாம நிஷேவஸே ஸுகீ²
ந ராமகார்யம் மநஸா(அ)ப்யவேக்ஷஸே ॥ 19 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ சதுஸ்த்ரிம்ஶ꞉ ஸர்க³꞉ ॥ 34 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.