Kishkindha Kanda Sarga 15 – கிஷ்கிந்தா⁴காண்ட³ பஞ்சத³ஶ꞉ ஸர்க³꞉ (15)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ பஞ்சத³ஶ꞉ ஸர்க³꞉ (15)

॥ தாராஹிதோக்தி꞉ ॥

அத² தஸ்ய நிநாத³ம் து ஸுக்³ரீவஸ்ய மஹாத்மந꞉ ।
ஶுஶ்ராவாந்த꞉புரக³தோ வாலீ ப்⁴ராதுரமர்ஷண꞉ ॥ 1 ॥

ஶ்ருத்வா து தஸ்ய நிநத³ம் ஸர்வபூ⁴தப்ரகம்பநம் ।
மத³ஶ்சைகபதே³ நஷ்ட꞉ க்ரோத⁴ஶ்சாபதிதோ மஹாந் ॥ 2 ॥

ஸ து ரோஷபரீதாங்கோ³ வாலீ ஸந்த்⁴யாதபப்ரப⁴꞉ ।
உபரக்த இவாதி³த்ய꞉ ஸத்³யோ நிஷ்ப்ரப⁴தாம் க³த꞉ ॥ 3 ॥

வாலீ த³ம்ஷ்ட்ராகராளஸ்து க்ரோதா⁴த்³தீ³ப்தாக்³நிஸந்நிப⁴꞉ ।
பா⁴த்யுத்பதிதபத்³மாப⁴꞉ ஸம்ருணால இவ ஹ்ரத³꞉ ॥ 4 ॥

ஶப்³த³ம் து³ர்மர்ஷணம் ஶ்ருத்வா நிஷ்பபாத ததோ ஹரி꞉ ।
வேகே³ந சரணந்யாஸைர்தா³ரயந்நிவ மேதி³நீம் ॥ 5 ॥

தம் து தாரா பரிஷ்வஜ்ய ஸ்நேஹாத்³த³ர்ஶிதஸௌஹ்ருதா³ ।
உவாச த்ரஸ்தாஸம்ப்⁴ராந்தா ஹிதோத³ர்கமித³ம் வச꞉ ॥ 6 ॥

ஸாது⁴ க்ரோத⁴மிமம் வீர நதீ³வேக³மிவாக³தம் ।
ஶயநாது³த்தி²த꞉ கால்யம் த்யஜ பு⁴க்தாமிவ ஸ்ரஜம் ॥ 7 ॥

கால்யமேதேந ஸங்க்³ராமம் கரிஷ்யஸி ஹரீஶ்வர ।
வீர தே ஶத்ருபா³ஹுல்யம் ப²ல்கு³தா வா ந வித்³யதே ॥ 8 ॥

ஸஹஸா தவ நிஷ்க்ராமோ மம தாவந்ந ரோசதே ।
ஶ்ரூயதாம் சாபி⁴தா⁴ஸ்யாமி யந்நிமித்தம் நிவார்யஸே ॥ 9 ॥

பூர்வமாபதித꞉ க்ரோதா⁴த் ஸ த்வாமாஹ்வயதே யுதி⁴ ।
நிஷ்பத்ய ச நிரஸ்தஸ்தே ஹந்யமாநோ தி³ஶோ க³த꞉ ॥ 10 ॥

த்வயா தஸ்ய நிரஸ்தஸ்ய பீடி³தஸ்ய விஶேஷத꞉ ।
இஹைத்ய புநராஹ்வாநம் ஶங்காம் ஜநயதீவ மே ॥ 11 ॥

த³ர்பஶ்ச வ்யவஸாயஶ்ச யாத்³ருஶஸ்தஸ்ய நர்த³த꞉ ।
நிநாத³ஸ்ய ச ஸம்ரம்போ⁴ நைதத³ள்பம் ஹி காரணம் ॥ 12 ॥

நாஸஹாயமஹம் மந்யே ஸுக்³ரீவம் தமிஹாக³தம் ।
அவஷ்டப்³த⁴ஸஹாயஶ்ச யமாஶ்ரித்யைஷ க³ர்ஜதி ॥ 13 ॥

ப்ரக்ருத்யா நிபுணஶ்சைவ பு³த்³தி⁴மாம்ஶ்சைவ வாநர꞉ ।
அபரீக்ஷிதவீர்யேண ஸுக்³ரீவ꞉ ஸஹ நேஷ்யதி ॥ 14 ॥

பூர்வமேவ மயா வீர ஶ்ருதம் கத²யதோ வச꞉ ।
அங்க³த³ஸ்ய குமாரஸ்ய வக்ஷ்யாமி த்வா ஹிதம் வச꞉ ॥ 15 ॥

அங்க³த³ஸ்து குமாரோ(அ)யம் வநாந்தமுபநிர்க³த꞉ ।
ப்ரவ்ருத்திஸ்தேந கதி²தா சாரைராப்தைர்நிவேதி³தா ॥ 16 ॥

அயோத்⁴யாதி⁴பதே꞉ புத்ரோ ஶூரோ ஸமரது³ர்ஜயௌ ।
இக்ஷ்வாகூணாம் குலே ஜாதௌ ப்ரதி²தௌ ராமலக்ஷ்மணௌ ॥ 17 ॥

ஸுக்³ரீவப்ரியகாமார்த²ம் ப்ராப்தௌ தத்ர து³ராஸதௌ³ ।
தவ ப்⁴ராதுர்ஹி விக்²யாத꞉ ஸஹாயோ ரணகர்கஶ꞉ ॥ 18 ॥

ராம꞉ பரப³லாமர்தீ³ யுகா³ந்தாக்³நிரிவோத்தி²த꞉ ।
நிவாஸவ்ருக்ஷ꞉ ஸாதூ⁴நாமாபந்நாநாம் பரா க³தி꞉ ॥ 19 ॥

ஆர்தாநாம் ஸம்ஶ்ரயஶ்சைவ யஶஸஶ்சைகபா⁴ஜநம் ।
ஜ்ஞாநவிஜ்ஞாநஸம்பந்நோ நிதே³ஶே நிரத꞉ பிது꞉ ॥ 20 ॥

தா⁴தூநாமிவ ஶைலேந்த்³ரோ கு³ணாநாமாகரோ மஹாந் ।
தத்க்ஷமம் ந விரோத⁴ஸ்தே ஸஹ தேந மஹாத்மநா ॥ 21 ॥

து³ர்ஜயேநாப்ரமேயேந ராமேண ரணகர்மஸு ।
ஶூர வக்ஷ்யாமி தே கிஞ்சிந்ந சேச்சா²ம்யப்⁴யஸூயிதும் ॥ 22 ॥

ஶ்ரூயதாம் க்ரியதாம் சைவ தவ வக்ஷ்யாமி யத்³தி⁴தம் ।
யௌவராஜ்யேந ஸுக்³ரீவம் தூர்ணம் ஸாத்⁴வபி⁴ஷேசய ॥ 23 ॥

விக்³ரஹம் மா க்ருதா² வீர ப்⁴ராத்ரா ராஜந் யவீயஸா । [ப³லீயஸா]
அஹம் ஹி தே க்ஷமம் மந்யே தேந ராமேண ஸௌஹ்ருத³ம் ॥ 24 ॥

ஸுக்³ரீவேண ச ஸம்ப்ரீதிம் வைரமுத்ஸ்ருஜ்ய தூ³ரத꞉ ।
லாலநீயோ ஹி தே ப்⁴ராதா யவீயாநேஷ வாநர꞉ ॥ 25 ॥

தத்ர வா ஸந்நிஹஸ்தோ² வா ஸர்வதா² ப³ந்து⁴ரேவ தே ।
ந ஹி தேந ஸமம் ப³ந்து⁴ம் பு⁴வி பஶ்யாமி கஞ்சந ॥ 26 ॥

தா³நமாநாதி³ஸத்காரை꞉ குருஷ்வ ப்ரத்யநந்தரம் ।
வைரமேதத்ஸமுத்ஸ்ருஜ்ய தவ பார்ஶ்வே ஸ திஷ்ட²து ॥ 27 ॥

ஸுக்³ரீவோ விபுலக்³ரீவஸ்தவ ப³ந்து⁴꞉ ஸதா³ மத꞉ ।
ப்⁴ராது꞉ ஸௌஹ்ருத³மாலம்ப³ நாந்யா கி³திரிஹாஸ்தி தே ॥ 28 ॥

யதி³ தே மத்ப்ரியம் கார்யம் யதி³ சாவைஷி மாம் ஹிதாம் ।
யாச்யமாந꞉ ப்ரயத்நேந ஸாது⁴ வாக்யம் குருஷ்வ மே ॥ 29 ॥

ப்ரஸீத³ பத்²யம் ஶ்ருணு ஜல்பிதம் ஹி மே
ந ரோஷமேவாநுவிதா⁴துமர்ஹஸி ।
க்ஷமோ ஹி தே கோஸலராஜஸூநுநா
ந விக்³ரஹ꞉ ஶக்ரஸமாநதேஜஸா ॥ 30 ॥

ததா³ ஹி தாரா ஹிதமேவ வாக்யம்
தம் வாலிநம் பத்²யமித³ம் ப³பா⁴ஷே ।
ந ரோசதே தத்³வசநம் ஹி தஸ்ய
காலாபி⁴பந்நஸ்ய விநாஶகாலே ॥ 31 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ பஞ்சத³ஶ꞉ ஸர்க³꞉ ॥ 15 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.