Devi Bhagavatam Skanda 12 Chapter 8 – ஶ்ரீமத்³தே³வீபா⁴க³வதே த்³வாத³ஶஸ்கந்தே⁴ அஷ்டமோ(அ)த்⁴யாய꞉

ஸ்தோத்ரநிதி → தேவீ ஸ்தோத்திரங்கள் → த்³வாத³ஶஸ்கந்தே⁴ அஷ்டமோ(அ)த்⁴யாய꞉

(பராஶக்தேராவிர்பா⁴வவர்ணநம்)

அத² ஶ்ரீமத்³தே³வீபா⁴க³வதே த்³வாத³ஶஸ்கந்தே⁴ த³ஶமோ(அ)த்⁴யாய꞉ ॥

ஜநமேஜய உவாச ।
ப⁴க³வந் ஸர்வத⁴ர்மஜ்ஞ ஸர்வஶாஸ்த்ரவதாம் வர ।
த்³விஜாதீநாம் து ஸர்வேஷாம் ஶக்த்யுபாஸ்தி꞉ ஶ்ருதீரிதா ॥ 1 ॥

ஸந்த்⁴யாகாலத்ரயே(அ)ந்யஸ்மிந் காலே நித்யதயா விபோ⁴ ।
தாம் விஹாய த்³விஜா꞉ கஸ்மாத்³க்³ருஹ்ணீயுஶ்சாந்யதே³வதா꞉ ॥ 2 ॥

த்³ருஶ்யந்தே வைஷ்ணவா꞉ கேசித்³கா³ணபத்யாஸ்ததா²பரே ।
காபாலிகாஶ்சீநமார்க³ரதா வல்கலதா⁴ரிண꞉ ॥ 3 ॥

தி³க³ம்ப³ராஸ்ததா² பௌ³த்³தா⁴ஶ்சார்வாகா ஏவமாத³ய꞉ ।
த்³ருஶ்யந்தே ப³ஹவோ லோகே வேத³ஶ்ரத்³தா⁴விவர்ஜிதா꞉ ॥ 4 ॥

கிமத்ர காரணம் ப்³ரஹ்மம்ஸ்தத்³ப⁴வாந் வக்துமர்ஹதி ।
பு³த்³தி⁴மந்த꞉ பண்டி³தாஶ்ச நாநாதர்கவிசக்ஷணா꞉ ॥ 5 ॥

அபி ஸந்த்யேவ வேதே³ஷு ஶ்ரத்³த⁴யா து விவர்ஜிதா꞉ ।
ந ஹி கஶ்சித்ஸ்வகல்யாணம் பு³த்³த்⁴யா ஹாதுமிஹேச்ச²தி ॥ 6 ॥

கிமத்ர காரணம் தஸ்மாத்³வத³ வேத³விதா³ம் வர ।
மணித்³வீபஸ்ய மஹிமா வர்ணிதோ ப⁴வதா புரா ॥ 7 ॥

கீத்³ருக்தத³ஸ்தி யத்³தே³வ்யா꞉ பரம் ஸ்தா²நம் மஹத்தரம் ।
தச்சாபி வத³ ப⁴க்தாய ஶ்ரத்³த³தா⁴நாய மே(அ)நக⁴ ॥ 8 ॥

ப்ரஸந்நாஸ்து வத³ந்த்யேவ கு³ரவோ கு³ஹ்யமப்யுத ।
ஸூத உவாச ।
இதி ராஜ்ஞோ வச꞉ ஶ்ருத்வா ப⁴க³வாந் பா³த³ராயண꞉ ॥ 9 ॥

நிஜகா³த³ தத꞉ ஸர்வம் க்ரமேணைவ முநீஶ்வரா꞉ ।
யச்ச்²ருத்வா து த்³விஜாதீநாம் வேத³ஶ்ரத்³தா⁴ விவர்த⁴தே ॥ 10 ॥

வ்யாஸ உவாச ।
ஸம்யக்ப்ருஷ்டம் த்வயா ராஜந் ஸமயே ஸமயோசிதம் ।
பு³த்³தி⁴மாநஸி வேதே³ஷு ஶ்ரத்³தா⁴வாம்ஶ்சைவ லக்ஷ்யஸே ॥ 11 ॥

பூர்வம் மதோ³த்³த⁴தா தை³த்யா தே³வைர்யுத்³த⁴ம் து சக்ரிரே ।
ஶதவர்ஷம் மஹாராஜ மஹாவிஸ்மயகாரகம் ॥ 12 ॥

நாநாஶஸ்த்ரப்ரஹரணம் நாநாமாயாவிசித்ரிதம் ।
ஜக³த் க்ஷயகரம் நூநம் தேஷாம் யுத்³த⁴மபூ⁴ந்ந்ருப ॥ 13 ॥

பராஶக்திக்ருபாவேஶாத்³தே³வைர்தை³த்யா ஜிதா யுதி⁴ ।
பு⁴வம் ஸ்வர்க³ம் பரித்யஜ்ய க³தா꞉ பாதாலவேஶ்மநி ॥ 14 ॥

தத꞉ ப்ரஹர்ஷிதா தே³வா꞉ ஸ்வபராக்ரமவர்ணநம் ।
சக்ரு꞉ பரஸ்பரம் மோஹாத்ஸாபி⁴மாநா꞉ ஸமந்தத꞉ ॥ 15 ॥

ஜயோ(அ)ஸ்மாகம் குதோ ந ஸ்யாத³ஸ்மாகம் மஹிமா யத꞉ ।
ஸர்வோத்தம꞉ குத்ர தை³த்யா꞉ பாமரா நிஷ்பராக்ரமா꞉ ॥ 16 ॥

ஸ்ருஷ்டிஸ்தி²திக்ஷயகரா வயம் ஸர்வே யஶஸ்விந꞉ ।
அஸ்மத³க்³ரே பாமராணாம் தை³த்யாநாம் சைவ கா கதா² ॥ 17 ॥

பராஶக்திப்ரபா⁴வம் தே ந ஜ்ஞாத்வா மோஹமாக³தா꞉ ।
தேஷாமநுக்³ரஹம் கர்தும் ததை³வ ஜக³த³ம்பி³கா ॥ 18 ॥

ப்ராது³ராஸீத்க்ருபாபூர்ணா யக்ஷரூபேண பூ⁴மிப ।
கோடிஸூர்யப்ரதீகாஶம் சந்த்³ரகோடிஸுஶீதளம் ॥ 19 ॥

வித்³யுத்கோடிஸமாநாப⁴ம் ஹஸ்தபாதா³தி³வர்ஜிதம் ।
அத்³ருஷ்டபூர்வம் தத்³த்³ருஷ்ட்வா தேஜ꞉ பரமஸுந்த³ரம் ॥ 20 ॥

ஸவிஸ்மயாஸ்ததா³ ப்ரோசு꞉ கிமித³ம் கிமித³ம் த்விதி ।
தை³த்யாநாம் சேஷ்டிதம் கிம் வா மாயா காபி மஹீயஸீ ॥ 21 ॥

கேநசிந்நிர்மிதா வா(அ)த² தே³வாநாம் ஸ்மயகாரிணீ ।
ஸம்பூ⁴ய தே ததா³ ஸர்வே விசாரம் சக்ருருத்தமம் ॥ 22 ॥

யக்ஷஸ்ய நிகடே க³த்வா ப்ரஷ்டவ்யம் கஸ்த்வமித்யபி ।
ப³லாப³லம் ததோ ஜ்ஞாத்வா கர்தவ்யா து ப்ரதிக்ரியா ॥ 23 ॥

ததோ வஹ்நிம் ஸமாஹூய ப்ரோவாசேந்த்³ர꞉ ஸுராதி⁴ப꞉ ।
க³ச்ச² வஹ்நே த்வமஸ்மாகம் யதோ(அ)ஸி முக²முத்தமம் ॥ 24 ॥

ததோ க³த்வா து ஜாநீஹி கிமித³ம் யக்ஷமித்யபி ।
ஸஹஸ்ராக்ஷவச꞉ ஶ்ருத்வா ஸ்வபராக்ரமக³ர்பி⁴தம் ॥ 25 ॥

வேகா³த்ஸ நிர்க³தோ வஹ்நிர்யயௌ யக்ஷஸ்ய ஸந்நிதௌ⁴ ।
ததா³ ப்ரோவாச யக்ஷஸ்தம் த்வம் கோ(அ)ஸீதி ஹுதாஶநம் ॥ 26 ॥

வீர்யம் ச த்வயி கிம் யத்தத்³வத³ ஸர்வம் மமாக்³ரத꞉ ।
அக்³நிரஸ்மி ததா² ஜாதவேதா³ அஸ்மீதி ஸோ(அ)ப்³ரவீத் ॥ 27 ॥

ஸர்வஸ்ய த³ஹநே ஶக்திர்மயி விஶ்வஸ்ய திஷ்ட²தி ।
ததா³ யக்ஷ꞉ பரம் தேஜஸ்தத³க்³ரே நித³தௌ⁴ த்ருணம் ॥ 28 ॥

த³ஹைநம் யதி³ தே ஶக்திர்விஶ்வஸ்ய த³ஹநே(அ)ஸ்தி ஹி ।
ததா³ ஸர்வப³லேநைவாகரோத்³யத்நம் ஹுதாஶந꞉ ॥ 29 ॥

ந ஶஶாக த்ருணம் த³க்³து⁴ம் லஜ்ஜிதோ(அ)கா³த்ஸுராந் ப்ரதி ।
ப்ருஷ்டே தே³வைஸ்து வ்ருத்தாந்தே ஸர்வம் ப்ரோவாச ஹவ்யபு⁴க் ॥ 30 ॥

வ்ருதா²(அ)பி⁴மாநோ ஹ்யஸ்மாகம் ஸர்வேஶத்வாதி³கே ஸுரா꞉ ।
ததஸ்து வ்ருத்ரஹா வாயும் ஸமாஹூயேத³மப்³ரவீத் ॥ 31 ॥

த்வயி ப்ரோதம் ஜக³த்ஸர்வம் த்வச்சேஷ்டாபி⁴ஸ்து சேஷ்டிதம் ।
த்வம் ப்ராணரூப꞉ ஸர்வேஷாம் ஸர்வஶக்திவிதா⁴ரக꞉ ॥ 32 ॥

த்வமேவ க³த்வா ஜாநீஹி கிமித³ம் யக்ஷமித்யபி ।
நாந்ய꞉ கோ(அ)பி ஸமர்தோ²(அ)ஸ்தி ஜ்ஞாதும் யக்ஷம் பரம் மஹ꞉ ॥ 33 ॥

ஸஹஸ்ராக்ஷவச꞉ ஶ்ருத்வா கு³ணகௌ³ரவகு³ம்பி²தம் ।
ஸாபி⁴மாநோ ஜகா³மாஶு யத்ர யக்ஷம் விராஜதே ॥ 34 ॥

யக்ஷம் த்³ருஷ்ட்வா ததோ வாயும் ப்ரோவாச ம்ருது³பா⁴ஷயா ।
கோ(அ)ஸி த்வம் த்வயி கா ஶக்திர்வத³ ஸர்வம் மமாக்³ரத꞉ ॥ 35 ॥

ததோ யக்ஷவச꞉ ஶ்ருத்வா க³ர்வேண மருத³ப்³ரவீத் ।
மாதரிஶ்வா(அ)ஹமஸ்மீதி வாயுரஸ்மீதி சாப்³ரவீத் ॥ 36 ॥

வீர்யம் து மயி ஸர்வஸ்ய சாலநே க்³ரஹணே(அ)ஸ்தி ஹி ।
மச்சேஷ்டயா ஜக³த்ஸர்வம் ஸர்வவ்யாபாரவத்³ப⁴வேத் ॥ 37 ॥

இதி ஶ்ருத்வா வாயுவாணீம் நிஜகா³த³ பரம் மஹ꞉ ।
த்ருணமேதத்தவாக்³ரே யத்தச்சாலய யதே²ப்ஸிதம் ॥ 38 ॥

நோசேத்³க³ர்வம் விஹாயைநம் லஜ்ஜிதோ க³ச்ச² வாஸவம் ।
ஶ்ருத்வா யக்ஷவசோ வாயு꞉ ஸர்வஶக்திஸமந்வித꞉ ॥ 39 ॥

உத்³யோக³மகரோத்தச்ச ஸ்வஸ்தா²நாந்ந சசால ஹ ।
லஜ்ஜிதோ(அ)கா³த்³தே³வபார்ஶ்வே ஹித்வா க³ர்வம் ஸ சாநில꞉ ॥ 40 ॥

வ்ருத்தாந்தமவத³த்ஸர்வம் க³ர்வநிர்வாபகாரணம் ।
நைதஜ்ஜ்ஞாதும் ஸமர்தா²꞉ ஸ்ம மித்²யாக³ர்வாபி⁴மாநிந꞉ ॥ 41 ॥

அலௌகிகம் பா⁴தி யக்ஷம் தேஜ꞉ பரமதா³ருணம் ।
தத꞉ ஸர்வே ஸுரக³ணா꞉ ஸஹஸ்ராக்ஷம் ஸமூசிரே ॥ 42 ॥

தே³வராட³ஸி யஸ்மாத்த்வம் யக்ஷம் ஜாநீஹி தத்த்வத꞉ ।
தத இந்த்³ரோ மஹாக³ர்வாத்தத்³யக்ஷம் ஸமுபாத்³ரவத் ॥ 43 ॥

ப்ராத்³ரவச்ச பரம் தேஜோ யக்ஷரூபம் பராத்பரம் ।
அந்தர்தா⁴நம் தத꞉ ப்ராப தத்³யக்ஷம் வாஸவாக்³ரத꞉ ॥ 44 ॥

அதீவ லஜ்ஜிதோ ஜாதோ வாஸவோ தே³வராட³பி ।
யக்ஷஸம்பா⁴ஷணாபா⁴வால்லகு⁴த்வம் ப்ராப சேதஸி ॥ 45 ॥

அத꞉ பரம் ந க³ந்தவ்யம் மயா து ஸுரஸம்ஸதி³ ।
கிம் மயா தத்ர வக்தவ்யம் ஸ்வலகு⁴த்வம் ஸுராந்ப்ரதி ॥ 46 ॥

தே³ஹத்யாகோ³ வரஸ்தஸ்மாந்மாநோ ஹி மஹதாம் த⁴நம் ।
மாநே நஷ்டே ஜீவிதம் து ம்ருததுல்யம் ந ஸம்ஶய꞉ ॥ 47 ॥

இதி நிஶ்சித்ய தத்ரைவ க³ர்வம் ஹித்வா ஸுரேஶ்வர꞉ ।
சரித்ரமீத்³ருஶம் யஸ்ய தமேவ ஶரணம் க³த꞉ ॥ 48 ॥

தஸ்மிந்நேவ க்ஷணே ஜாதா வ்யோமவாணீ நப⁴ஸ்தலே ।
மாயாபீ³ஜம் ஸஹஸ்ராக்ஷ ஜப தேந ஸுகீ² ப⁴வ ॥ 49 ॥

ததோ ஜஜாப பரமம் மாயாபீ³ஜம் பராத்பரம் ।
லக்ஷவர்ஷம் நிராஹாரோ த்⁴யாநமீலிதலோசந꞉ ॥ 50 ॥

அகஸ்மாச்சைத்ரமாஸீயநவம்யாம் மத்⁴யகே³ ரவௌ ।
ததே³வாவிரபூ⁴த்தேஜஸ்தஸ்மிந்நேவ ஸ்த²லே புந꞉ ॥ 51 ॥

தேஜோமண்ட³லமத்⁴யே து குமாரீம் நவயௌவநாம் ।
பா⁴ஸ்வஜ்ஜபாப்ரஸூநாபா⁴ம் பா³லகோடிரவிப்ரபா⁴ம் ॥ 52 ॥

பா³லஶீதாம்ஶமுகுடாம் வஸ்த்ராந்தர்வ்யஞ்ஜிதஸ்தநீம் ।
சதுர்பி⁴ர்வரஹஸ்தைஸ்து வரபாஶாங்குஶாப⁴யாந் ॥ 53 ॥

த³தா⁴நாம் ரமணீயாங்கீ³ம் கோமளாங்க³ளதாம் ஶிவாம் ।
ப⁴க்தகல்பத்³ருமாமம்பா³ம் நாநாபூ⁴ஷணபூ⁴ஷிதாம் ॥ 54 ॥

த்ரிநேத்ராம் மல்லிகாமாலாகப³ரீஜூடஶோபி⁴தாம் ।
சதுர்தி³க்ஷு சதுர்வேதை³ர்மூர்திமத்³பி⁴ரபி⁴ஷ்டுதாம் ॥ 55 ॥

த³ந்தச்ச²டாபி⁴ரபி⁴த꞉ பத்³மராகீ³க்ருதக்ஷமாம் ।
ப்ரஸந்நஸ்மேரவத³நாம் கோடிகந்த³ர்பஸுந்த³ராம் ॥ 56 ॥

ரக்தாம்ப³ரபரீதா⁴நாம் ரக்தசந்த³நசர்சிதாம் ।
உமாபி⁴தா⁴நாம் புரதோ தே³வீம் ஹைமவதீம் ஶிவாம் ॥ 57 ॥

நிர்வ்யாஜகருணாமூர்திம் ஸர்வகாரணகாரணாம் ।
த³த³ர்ஶ வாஸவஸ்தத்ர ப்ரேமக³த்³க³தி³தாந்தர꞉ ॥ 58 ॥

ப்ரேமாஶ்ருபூர்ணநயநோ ரோமாஞ்சிததநுஸ்தத꞉ ।
த³ண்ட³வத் ப்ரணநாமாத² பாத³யோர்ஜக³தீ³ஶிது꞉ ॥ 59 ॥

துஷ்டாவ விவிதை⁴꞉ ஸ்தோத்ரைர்ப⁴க்திஸந்நதகந்த⁴ர꞉ ।
உவாச பரமப்ரீத꞉ கிமித³ம் யக்ஷமித்யபி ॥ 60 ॥

ப்ராது³ர்பூ⁴தம் ச கஸ்மாத்தத்³வத³ ஸர்வம் ஸுஶோப⁴நே ।
இதி தஸ்ய வச꞉ ஶ்ருத்வா ப்ரோவாச கருணார்ணவா ॥ 61 ॥

ரூபம் மதீ³யம் ப்³ரஹ்மைதத்ஸர்வகாரணகாரணம் ।
மாயாதி⁴ஷ்டா²நபூ⁴தம் து ஸர்வஸாக்ஷி நிராமயம் ॥ 62 ॥

ஸர்வே வேதா³ யத்பத³மாமநந்தி
தபாம்ஸி ஸர்வாணி ச யத்³வத³ந்தி ।
யதி³ச்ச²ந்தோ ப்³ரஹ்மசர்யம் சரந்தி
தத்தே பத³ம் ஸங்க்³ரஹேண ப்³ரவீமி ॥ 63 ॥

ஓமித்யேகாக்ஷரம் ப்³ரஹ்ம ததே³வாஹுஶ்ச ஹ்ரீம்மயம் ।
த்³வே பீ³ஜே மம மந்த்ரௌ ஸ்தோ முக்²யத்வேந ஸுரோத்தம ॥ 64 ॥

பா⁴க³த்³வயவதீ யஸ்மாத் ஸ்ருஜாமி ஸகலம் ஜக³த் ।
தத்ரைகபா⁴க³꞉ ஸம்ப்ரோக்த꞉ ஸச்சிதா³நந்த³நாமக꞉ ॥ 65 ॥

மாயாப்ரக்ருதிஸஞ்ஜ்ஞஸ்து த்³விதீயோ பா⁴க³ ஈரித꞉ ।
ஸா ச மாயா பரா ஶக்தி꞉ ஶக்திமத்யஹமீஶ்வரீ ॥ 66 ॥

சந்த்³ரஸ்ய சந்த்³ரிகேவேயம் மமாபி⁴ந்நத்வமாக³தா ।
ஸாம்யாவஸ்தா²த்மிகா சைஷா மாயா மம ஸுரோத்தம ॥ 67 ॥

ப்ரளயே ஸர்வஜக³தோ மத³பி⁴ந்நைவ திஷ்ட²தி ।
ப்ராணிகர்மபரீபாகவஶத꞉ புநரேவ ஹி ॥ 68 ॥

ரூபம் ததே³வமவ்யக்தம் வ்யக்தீபா⁴வமுபைதி ச ।
அந்தர்முகா² து யா(அ)வஸ்தா² ஸா மாயேத்யபி⁴தீ⁴யதே ॥ 69 ॥

ப³ஹிர்முகா² து யா மாயா தம꞉ஶப்³தே³ந ஸோச்யதே ।
ப³ஹிர்முகா²த்தமோரூபாஜ்ஜாயதே ஸத்த்வஸம்ப⁴வ꞉ ॥ 70 ॥

ரஜோகு³ணஸ்ததை³வ ஸ்யாத் ஸர்கா³தௌ³ ஸுரஸத்தம ।
கு³ணத்ரயாத்மகா꞉ ப்ரோக்தா ப்³ரஹ்மவிஷ்ணுமஹேஶ்வரா꞉ ॥ 71 ॥

ரஜோகு³ணாதி⁴கோ ப்³ரஹ்மா விஷ்ணு꞉ ஸத்த்வாதி⁴கோ ப⁴வேத் ।
தமோகு³ணாதி⁴கோ ருத்³ர꞉ ஸர்வகாரணரூபத்⁴ருக் ॥ 72 ॥

ஸ்தூ²லதே³ஹோ ப⁴வேத்³ப்³ரஹ்மா லிங்க³தே³ஹோ ஹரி꞉ ஸ்ம்ருத꞉ ।
ருத்³ரஸ்து காரணோ தே³ஹஸ்துரீயா த்வஹமேவ ஹி ॥ 73 ॥

ஸாம்யாவஸ்தா² து யா ப்ரோக்தா ஸர்வாந்தர்யாமிரூபிணீ ।
அத ஊர்த்⁴வம் பரம் ப்³ரஹ்ம மத்³ரூபம் ரூபவர்ஜிதம் ॥ 74 ॥

நிர்கு³ணம் ஸகு³ணம் சேதி த்³விதா⁴ மத்³ரூபமுச்யதே ।
நிர்கு³ணம் மாயயா ஹீநம் ஸகு³ணம் மாயயா யுதம் ॥ 75 ॥

ஸா(அ)ஹம் ஸர்வம் ஜக³த்ஸ்ருஷ்ட்வா தத³ந்த꞉ ஸம்ப்ரவிஶ்ய ச ।
ப்ரேரயாம்யநிஶம் ஜீவம் யதா²கர்ம யதா²ஶ்ருதம் ॥ 76 ॥

ஸ்ருஷ்டிஸ்தி²திதிரோதா⁴நே ப்ரேரயாம்யஹமேவ ஹி ।
ப்³ரஹ்மாணம் ச ததா² விஷ்ணும் ருத்³ரம் வை காரணாத்மகம் ॥ 77 ॥

மத்³ப⁴யாத்³வாதி பவநோ பீ⁴த்யா ஸூர்யஶ்ச க³ச்ச²தி ।
இந்த்³ராக்³நிம்ருத்யவஸ்தத்³வத்ஸா(அ)ஹம் ஸர்வோத்தமா ஸ்ம்ருதா ॥ 78 ॥

மத்ப்ரஸாதா³த்³ப⁴வத்³பி⁴ஸ்து ஜயோ லப்³தோ⁴(அ)ஸ்தி ஸர்வதா² ।
யுஷ்மாநஹம் நர்தயாமி காஷ்ட²புத்தலிகோபமாந் ॥ 79 ॥

கதா³சித்³தே³வவிஜயம் தை³த்யாநாம் விஜயம் க்வசித் ।
ஸ்வதந்த்ரா ஸ்வேச்ச²யா ஸர்வம் குர்வே கர்மாநுரோத⁴த꞉ ॥ 80 ॥

தாம் மாம் ஸர்வாத்மிகாம் யூயம் விஸ்ம்ருத்ய நிஜக³ர்வத꞉ ।
அஹங்காராவ்ருதாத்மாநோ மோஹமாப்தா து³ரந்தகம் ॥ 81 ॥

அநுக்³ரஹம் தத꞉ கர்தும் யுஷ்மத்³தே³ஹாத³நுத்தமம் ।
நி꞉ஸ்ருதம் ஸஹஸா தேஜோ மதீ³யம் யக்ஷமித்யபி ॥ 82 ॥

அத꞉ பரம் ஸர்வபா⁴வைர்ஹித்வா க³ர்வம் து தே³ஹஜம் ।
மாமேவ ஶரணம் யாத ஸச்சிதா³நந்த³ரூபிணீம் ॥ 83 ॥

வ்யாஸ உவாச ।
இத்யுக்த்யா ச மஹாதே³வீ மூலப்ரக்ருதிரீஶ்வரீ ।
அந்தர்தா⁴நம் க³தா ஸத்³யோ ப⁴க்த்யா தே³வைரபி⁴ஷ்டுதா ॥ 84 ॥

தத꞉ ஸர்வே ஸ்வக³ர்வம் து விஹாய பத³பங்கஜம் ।
ஸம்யகா³ராத⁴யாமாஸுர்ப⁴க³வத்யா꞉ பராத்பரம் ॥ 85 ॥

த்ரிஸந்த்⁴யம் ஸர்வதா³ ஸர்வே கா³யத்ரீஜபதத்பரா꞉ ।
யஜ்ஞபா⁴கா³தி³பி⁴꞉ ஸர்வே தே³வீம் நித்யம் ஸிஷேவிரே ॥ 86 ॥

ஏவம் ஸத்யயுகே³ ஸர்வே கா³யத்ரீஜபதத்பரா꞉ ।
தாரஹ்ருல்லேக²யோஶ்சாபி ஜபே நிஷ்ணாதமாநஸா꞉ ॥ 87 ॥

ந விஷ்ணூபாஸநா நித்யா வேதே³ நோக்தா து குத்ரசித் ।
ந விஷ்ணுதீ³க்ஷா நித்யாஸ்தி ஶிவஸ்யாபி ததை²வ ச ॥ 88 ॥

கா³யத்ர்யுபாஸநா நித்யா ஸர்வவேதை³꞉ ஸமீரிதா ।
யயா விநா த்வத⁴꞉பாதோ ப்³ராஹ்மணஸ்யாஸ்தி ஸர்வதா² ॥ 89 ॥

தாவதா க்ருதக்ருத்யத்வம் நாந்யாபேக்ஷா த்³விஜஸ்ய ஹி ।
கா³யத்ரீமாத்ரநிஷ்ணாதோ த்³விஜோ மோக்ஷமவாப்நுயாத் ॥ 90 ॥

குர்யாத³ந்யந்ந வா குர்யாதி³தி ப்ராஹ மநு꞉ ஸ்வயம் ।
விஹாய தாம் து கா³யத்ரீம் விஷ்ணூபாஸ்திபராயணா꞉ ॥ 91 ॥

ஶிவோபாஸ்திரதோ விப்ரோ நரகம் யாதி ஸர்வதா² ।
தஸ்மாதா³த்³யயுகே³ ராஜந் கா³யத்ரீஜபதத்பரா꞉ ।
தே³வீபதா³ம்பு³ஜரதா ஆஸந் ஸர்வே த்³விஜோத்தமா꞉ ॥ 92 ॥

இதி ஶ்ரீமத்³தே³வீபா⁴க³வதே மஹாபுராணே த்³வாத³ஶஸ்கந்தே⁴ பராஶக்தேராவிர்பா⁴வவர்ணநம் நாம அஷ்டமோ(அ)த்⁴யாய꞉ ॥

த்³வாத³ஶஸ்கந்தே⁴ நவமோ(அ)த்⁴யாய꞉ >>

---

மேலும் தேவீ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.