Aranya Kanda Sarga 58 – அரண்யகாண்ட³ அஷ்டபஞ்சாஶ꞉ ஸர்க³꞉ (58)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ அஷ்டபஞ்சாஶ꞉ ஸர்க³꞉ (58)

॥ அநிமித்தத³ர்ஶநம் ॥

ஸ த்³ருஷ்ட்வா லக்ஷ்மணம் தீ³நம் ஶூந்யே த³ஶரதா²த்மஜ꞉ ।
பர்யப்ருச்ச²த த⁴ர்மாத்மா வைதே³ஹீமாக³தம் விநா ॥ 1 ॥

ப்ரஸ்தி²தம் த³ண்ட³காரண்யம் யா மாமநுஜகா³ம ஹ ।
க்வ ஸா லக்ஷ்மண வைதே³ஹீ யாம் ஹித்வா த்வமிஹாக³த꞉ ॥ 2 ॥

ராஜ்யப்⁴ரஷ்டஸ்ய தீ³நஸ்ய த³ண்ட³காந் பரிதா⁴வத꞉ ।
க்வ ஸா து³꞉க²ஸஹாயா மே வைதே³ஹீ தநுமத்⁴யமா ॥ 3 ॥

யாம் விநா நோத்ஸஹே வீர முஹூர்தமபி ஜீவிதும் ।
க்வ ஸா ப்ராணஸஹாயா மே ஸீதா ஸுரஸுதோபமா ॥ 4 ॥

பதித்வமமராணாம் வா ப்ருதி²வ்யாஶ்சாபி லக்ஷ்மண ।
தாம் விநா தபநீயாபா⁴ம் நேச்சே²யம் ஜநகாத்மஜாம் ॥ 5 ॥

கச்சிஜ்ஜீவதி வைதே³ஹீ ப்ராணை꞉ ப்ரியதரா மம ।
கச்சித்ப்ரவாஜநம் ஸௌம்ய ந மே மித்²யா ப⁴விஷ்யதி ॥ 6 ॥

ஸீதாநிமித்தம் ஸௌமித்ரே ம்ருதே மயி க³தே த்யயி ।
கச்சித்ஸகாமா ஸுகி²தா கைகேயீ ஸா ப⁴விஷ்யதி ॥ 7 ॥

ஸபுத்ரராஜ்யாம் ஸித்³தா⁴ர்தா²ம் ம்ருதபுத்ரா தபஸ்விநீ ।
உபஸ்தா²ஸ்யதி கௌஸல்யா கச்சித்ஸௌம்ய ந கேகயீம் ॥ 8 ॥

யதி³ ஜீவதி வைதே³ஹீ க³மிஷ்யாம்யாஶ்ரமம் புந꞉ ।
ஸுவ்ருத்தா யதி³ வ்ருத்தா ஸா ப்ராணாம்ஸ்த்யக்ஷ்யாமி லக்ஷ்மண ॥ 9 ॥

யதி³ மாமாஶ்ரமக³தம் வைதே³ஹீ நாபி⁴பா⁴ஷதே ।
புந꞉ ப்ரஹஸிதா ஸீதா விநஶிஷ்யாமி லக்ஷ்மண ॥ 10 ॥

ப்³ரூஹி லக்ஷ்மண வைதே³ஹீ யதி³ ஜீவதி வா ந வா ।
த்வயி ப்ரமத்தே ரக்ஷோபி⁴ர்ப⁴க்ஷிதா வா தபஸ்விநீ ॥ 11 ॥

ஸுகுமாரீ ச பா³லா ச நித்யம் சாது³꞉க²த³ர்ஶிநீ ।
மத்³வியோகே³ந வைதே³ஹீ வ்யக்தம் ஶோசதி து³ர்மநா꞉ ॥ 12 ॥

ஸர்வதா² ரக்ஷஸா தேந ஜிஹ்மேந ஸுது³ராத்மநா ।
வத³தா லக்ஷ்மணேத்யுச்சைஸ்தவாபி ஜநிதம் ப⁴யம் ॥ 13 ॥

ஶ்ருதஸ்து ஶங்கே வைதே³ஹ்யா ஸ ஸ்வர꞉ ஸத்³ருஶோ மம ।
த்ரஸ்தயா ப்ரேஷிதஸ்த்வம் ச த்³ரஷ்டும் மாம் ஶீக்⁴ரமாக³த꞉ ॥ 14 ॥

ஸர்வதா² து க்ருதம் கஷ்டம் ஸீதாமுத்ஸ்ருஜதா வநே ।
ப்ரதிகர்தும் ந்ருஶம்ஸாநாம் ரக்ஷஸாம் த³த்தமந்தரம் ॥ 15 ॥

து³꞉கி²தா꞉ க²ரகா⁴தேந ராக்ஷஸா꞉ பிஶிதாஶநா꞉ ।
தை꞉ ஸீதா நிஹதா கோ⁴ரைர்ப⁴விஷ்யதி ந ஸம்ஶய꞉ ॥ 16 ॥

அஹோ(அ)ஸ்மிந் வ்யஸநே மக்³ந꞉ ஸர்வதா² ஶத்ருஸூத³ந ।
கிம்ந்விதா³நீம் கரிஷ்யாமி ஶங்கே ப்ராப்தவ்யமீத்³ருஶம் ॥ 17 ॥

இதி ஸீதாம் வராரோஹாம் சந்தயந்நேவ ராக⁴வ꞉ ।
ஆஜகா³ம ஜநஸ்தா²நம் த்வரயா ஸஹலக்ஷ்மண꞉ ॥ 18 ॥

விக³ர்ஹமாணோ(அ)நுஜமார்தரூபம்
க்ஷுதா⁴ ஶ்ரமாச்சைவ பிபாஸயா ச ।
விநி꞉ஶ்வஸந் ஶுஷ்கமுகோ² விவர்ண꞉
ப்ரதிஶ்ரயம் ப்ராப்ய ஸமீக்ஷ்ய ஶூந்யம் ॥ 19 ॥

ஸ்வமாஶ்ரமம் ஸம்ப்ரவிகா³ஹ்ய வீரோ
விஹாரதே³ஶாநநுஸ்ருத்ய காம்ஶ்சித் ।
ஏதத்ததி³த்யேவ நிவாஸபூ⁴மௌ
ப்ரஹ்ருஷ்டரோமா வ்யதி²தோ ப³பூ⁴வ ॥ 20 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ அஷ்டபஞ்சாஶ꞉ ஸர்க³꞉ ॥ 58 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.