Sri Dakshinamurthy Hrudayam – ஶ்ரீ த³க்ஷிணாமூர்தி ஹ்ருத³யம்

அஸ்ய ஶ்ரீ த³க்ஷிணாமூர்தி ஹ்ருத³ய ஸ்தோத்ர மஹாமந்த்ரஸ்ய ப்³ரஹ்மா ருஷி꞉ கா³யத்ரீ ச²ந்த³꞉ ஶ்ரீ த³க்ஷிணாமூர்திர்தே³வதா ஶ்ரீத³க்ஷிணாமூர்திப்ரீத்யர்தே² ஜபே விநியோக³꞉ ॥

ஆமித்யாதி³ கரஹ்ருத³யாதி³ந்யாஸ꞉ ।

த்⁴யாநம் –
ப⁴ஸ்மவ்யாபாண்டு³ராங்க³꞉ ஶஶிஶகலத⁴ரோ ஜ்ஞாநமுத்³ராக்ஷமாலா-
-வீணாபுஸ்தைர்விராஜத்கரகமலத⁴ரோ யோக³பட்டாபி⁴ராம꞉ ।
வ்யாக்²யாபீடே²நிஷண்ணோ முநிவரநிகரை꞉ ஸேவ்யமாந꞉ ப்ரஸந்ந꞉
ஸவ்யாள꞉ க்ருத்திவாஸா꞉ ஸததமவது நோ த³க்ஷிணாமூர்திரீஶ꞉ ॥

லமிதி பஞ்சபூஜா ।

– ஹ்ருத³யம் –
ஓம் ஸஹ நாவவது । ஸஹ நௌ பு⁴நக்து । ஸஹ வீர்யம் கரவாவஹை । தேஜஸ்விநாவதீ⁴தமஸ்து । மா வித்³விஷாவஹை । ஓம் ஶாந்தி꞉ ஶாந்தி꞉ ஶாந்தி꞉ ॥

நாரத³முநிர்ப்³ரஹ்மாணம் ப்ரத்யாஹ । மத்தாத லோகேஶ நமஸ்கரோமி । தா⁴தாரம் த்வா ஶிரஸா । மநஸா வேத்ஸி ஶ்ரீ த³க்ஷிணாமூர்தி ஹ்ருத³யம் ஶ்ரோதுமிச்சா²மி த்வந்முகா²ம்பு³ஜாத் । ஸத்க்ருபயா வத³ ப்³ரஹ்மந் । கு³ரூபாஸகஸ்ய தே³வோ பா⁴ஸக꞉ । நாஸ்த்யந்ய꞉ ஸத்ய꞉ தஸ்மாத்³த்⁴ருத³யம் வதா³மீத்யாஹ ப்ரஜாபதி꞉ । முநே இத³ம் ஸம்ஸ்ருஷ்டம் ருக்³யஜு꞉ ஸாமாத²ர்வணோபநிஷத் ஸூக்தம் ஹ்ருத³யமிதி கா³யந்தே சது꞉ ஷஷ்டி கலாவித்³யா꞉ । யத்³த்⁴ருத³யம் தவ வக்தேதி த்⁴யாத்வா । ப⁴க்த்யா ஶ்ரத்³த⁴யா கு³ருமாதி³பூருஷம் । கு³ரு꞉ ஸந்துஷ்டோ ப⁴வதி । ஹ்ருத³யம் வக்தும் க்ஷமோ ப⁴வதீதி । த்⁴யாநாத்³விரராம । அஸௌ ஹ்ருத³யமித்யாஹ । ஆகாஶஶரீரம் ப்³ரஹ்மேதி ஜ்யோதிர்ஜாயதே । அத² வா(அ)ஸ்யாத்⁴யாத்மகோ³சரம் ப⁴வதி । அத² பிண்டா³க்ருதி꞉ । த³க்ஷிணாபி⁴முகோ² வடஸ்தி²தோ லீலார்த²ம் புருஷாக்ருதிர்ப⁴ஜதே । ஸ்வரூபாக்²யோ போ³த⁴யதி । அணோரணீயாநிதி ஶ்ருத்யா கு³ருமூர்தி꞉ ஸ்ம்ருத꞉ । ப்ரணவம் ப்ரத²மமந்யத்³வேதா³꞉ சத்வாரோ வித்³யாஶ்சதுஷ்ஷஷ்டி꞉ ஜ்ஞாநம் । ஸத்யம் தப꞉ ஶம꞉ । த⁴ர்மோ த³ம꞉ । ஶ்ரத்³தா⁴ ப⁴க்தி꞉ । ப்ரஜ்ஞா மாயா இத்யாத³யோ ப³ஹவோ ஜாயந்தே । அபரிச்சே²த்³யமய꞉ । அவயவேஷு கிம் ப⁴வதி । அஹம் த³க்ஷிணோ விஷ்ணு꞉ ஸவ்யபா⁴க³꞉ । மத்⁴யம꞉ ஶிவ꞉ । த்ரிமூர்தி꞉ ஸம்ப்ருக்தோ த³க்ஷிணாமூர்தி꞉ । அத² த்ரிமூர்தய꞉ । ஸாத்த்விக ராஜஸ தாமஸா꞉ । தஸ்யைவ கத²ம் அஹம் ரஜ꞉ । ஸாத்த்விகோ விஷ்ணு꞉ । தாமஸ꞉ ஶிவ꞉ । உமா ஶக்திரூபம் । கிம் விநியோக³꞉ । அஹம் ஸ்ரஷ்டா । விஷ்ணுர்கோ³ப்தா । ஶிவோ ஹந்தா । ப்³ரஹ்ம விஷ்ணு ஶிவாத்மகோ கு³ரு꞉ வேதா³ந்தே ச ப்ரதிஷ்டி²த꞉ । ரோமஸ்தா²꞉ ஶிரஸோ வேதா³꞉ ப்ரவர்தந்தே முநயோ கா³த்ரரோமஜா꞉ । முகா²ஶ்சதுர்வேதா³ஶ்சது꞉ஷஷ்டிகலா꞉ ஸப்தகோடி மஹாமந்த்ரா꞉ । முகா²த்³ர்பா³ஹ்மணோ ப⁴வதி । பா³ஹ்வோ ராஜந்ய꞉ । ஊர்வோர்வைஶ்ய꞉ । பத்³ப்⁴யாக்³ம் ஶூத்³ரோ அஜாயத । சந்த்³ரமா மநஸோ ஜாத꞉ । ததா² லோகாக்³ம் அகல்பயந் । அர்க வஹ்நி த்³விஜாதி⁴ப சக்ஷூம்ஷ்யாஸ்யே வர்தந்தே । கி³ரோ வேதா³꞉ । ரஜஸம் அஸ மலிநம் । ரேதோ ஹிரண்யம் । ப்ருஷ்ட²பா⁴கா³ச்சு²க்ரஶிஷ்யா வர்தந்தே । ஜிஹ்வாயாம் கிந்நரா꞉ । த³ந்தா꞉ பிதர꞉ । ஸாத்⁴யா꞉ ஜடா꞉ । யக்ஷா꞉ ஆஸ்யே । ஸ்வேதா³த்³வீரப⁴டா꞉ । பதோ³꞉ த்ரிஸ்ரோதா வர்ததோ । ஶாஸ்ய மௌளிமாலா । ஜங்கா⁴த்³த⁴ரா । கா³வ꞉ பாதா³ங்கு³ஷ்டா²த் । கிமஸ்யாயுத⁴ம் । மேருர்ப⁴வதி । ஶேஷோ(அ)ஸ்யதல்ப꞉ । கடகோ(அ)நந்த꞉ । யஜ்ஞஸூத்ரம் வாஸுகி꞉ । கடிஸூத்ரம் தக்ஷக꞉ । ஹார꞉ கர்கடகோ ப⁴வதி । பத்³மக꞉ குண்ட³ல꞉ । மஹஸ்தாடங்கம் । ருக்ஷா மாலாப⁴வந்தி । ப⁴ஸ்ம ச சந்த³நம் । ஶிரோமணி꞉ கௌஸ்துப⁴ம் । அபஸ்மார꞉ பாஶோ(அ)ஸ்ய । பா²லாக்ஷிவீக்ஷணாத் காமோ(அ)நங்கோ³ ப⁴வதி । த்ரிபுரம் ச யம꞉ । பாதா³த்தாடி³த꞉ । வாமபா³ஹ்வோ꞉ புஸ்தகம் வஹ்நி꞉ । த³க்ஷிணயோஶ்சிந்முத்³ரா ஸுதா⁴க⁴ட꞉ । ரூபம் பரப்³ரஹ்ம । அம்ப³ரம் தி³க் । ஶுக்லவர்ணம் । ஸதா³நந்தோ³ ப⁴வதி । வட ஆதா⁴ரோ(அ)ஸ்ய । ப்ரளயச்சி²தா³ த³க்ஷிணாமூர்தி꞉ । பரப்³ரஹ்மதத்த்வம் । ஜ்ஞாநமூர்தி꞉ । பர꞉ யச்ச கிஞ்சிஜ்ஜக³த்ஸர்வம் த்³ருஶ்யதே ஶ்ரூயதே(அ)பி வா । அந்தர்ப³ஹிஶ்ச தத்ஸர்வம் வ்யாப்ய த³க்ஷிணாமூர்தி꞉ ஸ்தி²த꞉ நமோ நம꞉ காரணகாரணாய நமோ நமோ மங்க³ள மங்க³ளாத்மநே । நமோ நமோ வேத³விதா³ம் மநீஷிணே உபாஸநீயாய ச வை நமோ நம꞉ । ஈஶாந꞉ ஸர்வவித்³யாநாமீஶ்வர꞉ ஸர்வபூ⁴தாநாம் ப்³ரஹ்மாதி⁴பதிர்ப்³ரஹ்மணோ(அ)தி⁴பதிர்ப்³ரஹ்மா ஶிவோ மே அஸ்து ஸதா³ஶிவோம் । ஹிரண்யபா³ஹும் பஶூநாம் பதிம் அம்பி³காயாஶ்ச நமஸ்கரோமி । மஹாஜ்ஞாநம் ஜ்ஞாநமூர்திம் நமஸ்கரோமி । தத்த்வமூர்திம் தத்த்வமத்³வயம் ப்³ரஹ்மாணம் நமஸ்கரோமி । வேத³வேத்³யம் ஸ்வாமிநம் வித்³யாதா³யிநம் நமஸ்கரோமி । ஜ்ஞாநநாத²ம் ஜக³த்³கு³ரும் மோக்ஷத³ம் நமஸ்கரோமி । ஸ்வயம்ப்ரகாஶம் தபோகு³ஹ்யம் நமஸ்கரோமி । காலகாலாந்தகம் ப⁴வச்சே²த்தாரம் நமஸ்கரோமி । ப⁴ஸ்மபூ⁴ஷம் ஶுத்³த⁴ம் ஸ்மரஹந்தாரம் நமஸ்கரோமி । வடமூலநிவாஸிநம் ஹ்ருத³யஸ்த²ம் த³க்ஷிணாமூர்திம் நமஸ்கரோமி । ஶஶிமௌளிநம் தூ⁴ர்ஜடிம் க³ங்கா³த⁴ரம் நமஸ்கரோமி । மஹாதே³வம் கு³ரும் தே³வதே³வம் நமஸ்கரோமி । லோகேஶம் சிரம் பரமாத்மாநம் நமஸ்கரோமி । வ்ருஷப⁴வாஹநம் ஶிவம் வித்³யாரூபிணம் நமஸ்கரோமி । ஆநந்த³த³ம் யோக³பீட²ம் பரமாநந்த³ம் நமஸ்கரோமி । ஶிதிகண்ட²ம் ரௌத்³ரம் ஸஹஸ்ராக்ஷம் நமஸ்கரோமி । ப⁴க்தஸேவ்யம் ஶம்பு⁴மர்த⁴நாரீஶ்வரம் நமஸ்கரோமி । ஸுதா⁴பாணிநம் ஶிவம் க்ருபாநிதி⁴ம் நமஸ்கரோமி ॥

நமோ நமோ ஜ்ஞாநவிபூ⁴ஷணாய நமோ நமோ போ⁴க³நிர்வாணஹேதவே । நமோ நம꞉ பரமபுருஷாய துப்⁴யம் நமோ நமோ யோக³க³ம்யாய தே நம꞉ । நமோ நமோ விஶ்வஸ்ருஜே து துப்⁴யம் நமோ நமோ விஶ்வகோ³ப்த்ரே ச தே நம꞉ । நமோ நமோ விஶ்வஹர்த்ரே பரஸ்மை நமோ நமஸ்தத்த்வமயாய தே நம꞉ । நமோ நமோ த³க்ஷிணாமூர்தயே பரஸ்மை நமோ நமோ கு³ருரூபாய தே நம꞉ । நமோ நமோ ப⁴க்திக³ம்யாய துப்⁴யம் நமோ நமோ ப⁴க்தஸேவ்யாய தே நம꞉ ॥

ய இத³ம் ஹ்ருத³யம் ஶம்போ⁴ர்ப்³ராஹ்மண꞉ ப்ரயத꞉ படே²த் । சதுர்வேத³ ஷட்சா²ஸ்த்ரவித்³ப⁴வதி । சதுஷ்ஷஷ்டி கலாவித்³யா பாரகோ³ ப⁴வதி । ஆத்மாநம் வேத³யதி । ருக்³யஜு꞉ ஸாமாத²ர்வண ஶீக்ஷா வ்யாகரண ஶ்ரௌத ஸ்மார்த மஹாஸ்ம்ருதயோ கௌ³தமத⁴ர்மாத³ய உபநிஷந்நாடகாலங்கார சூர்ணிகா க³த்³ய கவிதா த³ய꞉ மஹாபா⁴ஷ்ய வேதா³ந்த தர்க பா⁴ட்ட ப்ரபா⁴கர ப⁴ரத ஶாஸ்த்ர மந்த்ராக³மாஶ்வ கோ³ க³ஜஶாஸ்த்ராணீத்யாத³ய꞉ ஸர்வாஶ்சதுஷ்ஷஷ்டிவித்³யாஸ்தஸ்ய வாசி ஏவ ந்ருத்யம் தே । தே³வை꞉ ஸர்வை꞉ ஸேவிதோ ப⁴வதி । ஏதத்³த்⁴ருத³யம் ப்³ராஹ்மணாந் ஸம்யக்³க்³ராஹயேத் । ஸோ(அ)பி நிர்வாணபூ⁴த꞉ ஸ்யாத் । பக்ஷஸ்யைகவாரம் யோ விப்ர꞉ ப்ரயத꞉ படே²த் । தத்பக்ஷக்ருதபாபாந்முக்தோ ப⁴வதி । மாஸஸ்யைகவாரம் யோ விப்ர꞉ ப்ரயத꞉ படே²த் । தந்மாஸக்ருதபாபாந்முக்தோ ப⁴வதி । அத²வா வர்ஷஸ்யைகவாரம் யோ விப்ர꞉ ப்ரயத꞉ படே²த் । தத்³வர்ஷக்ருதபாபாந்முக்தோ ப⁴வதி । அத²வா ஜந்மந்யேகவாரம் யோ விப்ர꞉ ப்ரயத꞉ படே²த் । தஜ்ஜந்மக்ருதபாபாந்முக்தோ ப⁴வதி । மோக்ஷம் ப்ரயாதி । ஏதத்³த்⁴ருத³யம் ப்³ராஹ்மணத்ரயம் தா⁴ரயேத் । விஶிஷ்ட꞉ ஸமாநாநாம் ப⁴வதி । கு³ர்வந்தேவாஸிநௌ ஸமௌ ப⁴வத꞉ । கு³ரோ꞉ ஸாயுஜ்யமவாப்நோதி । ப³ந்து⁴பி⁴꞉ ஸஹ வாக்யைகவாக்யார்த²ப்ரயதோ தா⁴ரயேத் । கு³ரோர்நஹீயத இத்யாஹ ப⁴க³வாந் அத²ர்வேஶ்வர ப்³ராஹ்மணாந் ॥

ஓம் ஸஹ நாவவது । ஸஹ நௌ பு⁴நக்து । ஸஹ வீர்யம் கரவாவஹை । தேஜஸ்விநாவதீ⁴தமஸ்து । மா வித்³விஷாவஹை । ஓம் ஶாந்தி꞉ ஶாந்தி꞉ ஶாந்தி꞉ ॥

Did you see any mistake/variation in the content above? Click here to report mistakes and corrections in Stotranidhi content.