Sri Gurumurthy Stotram – ஶ்ரீ கு³ருமூர்தி ஸ்தோத்ரம்

ஶிவமத்³பு⁴தகீர்தித⁴ரம் வரத³ம்
ஶுப⁴மங்க³ளபுண்யபராக்ரமத³ம் ।
கருணாஜலதி⁴ம் கமநீயநுதம்
கு³ருமூர்திமஹம் ஸததம் கலயே ॥ 1 ॥

ப³ஹுதை³த்யவிநாஶகரம் ப⁴க³த³ம்
ப³ஹுகாலஸுகா²வஹதா³நவரம் ।
ப³லபு³த்³தி⁴யஶோத⁴நதா⁴ந்யக³தம்
கு³ருமூர்திமஹம் ஸததம் கலயே ॥ 2 ॥

பரமம் புருஷம் பஶுபாஶஹரம்
பரயோந்மநயா பரிதோவிஹிதம் ।
ப²லத³ம் ப³லத³ம் ப⁴ஜதாம் து ஹி தம்
கு³ருமூர்திமஹம் ஸததம் கலயே ॥ 3 ॥

கரபல்லவஸல்லலிதா(அ)ப⁴யத³ம்
கு³ருராஜவரம் கு³ஹமந்த்ரக³தம் ।
ஸததம் ஶிவத³ம் ஸநகாதி³யுதம்
கு³ருமூர்திமஹம் ஸததம் கலயே ॥ 4 ॥

ஸஸுதம் ஸவ்ருஷம் ஸுலபா⁴ஸநகம்
ஸலிலாந்விதசந்த்³ரகலாகலிதம் ।
விமலம் கமலாஸநஸந்நிஹிதம்
கு³ருமூர்திமஹம் ஸததம் கலயே ॥ 5 ॥

அருணாசலமீஶமபீ⁴ஷ்டவரம்
கருணார்ணவபூரிதலோசநகம் ।
தருணாருணஶோபி⁴தகா³த்ரமமும்
கு³ருமூர்திமஹம் ஸததம் கலயே ॥ 6 ॥

வடதா³ருவநேவஸிநம் ஶஶிநம்
ஜடயாத⁴ரமாதி³மநீஶமஜம் ।
படுராயதபா⁴ரதிவாக்யக³தம்
கு³ருமூர்திமஹம் ஸததம் கலயே ॥ 7 ॥

தபஸாஹ்வயிதம் தபஸாம் ப³லத³ம்
தபநோடு³பவஹ்நிகலாநயநம் ।
குபிதாந்தகமாதி³மநாகுலத³ம்
கு³ருமூர்திமஹம் ஸததம் கலயே ॥ 8 ॥

ரஜதாசலமத்⁴யவஸம் ப⁴ஸிதோ-
-ல்லஸிதம் ப⁴வரோக³ஸுபே⁴ஷஜகம் ।
ப⁴ஸிதீக்ருதமந்மத²மீதிஹரம்
கு³ருமூர்திமஹம் ஸததம் கலயே ॥ 9 ॥

பரமேஶ்வரமம்பி³கயாஸஹிதம்
ஹரிபத்³மஜஸந்நுதபாத³யுக³ம் ।
பரமாத்³பு⁴தமோத³கரம் தநுதாம்
கு³ருமூர்திமஹம் ஸததம் கலயே ॥ 10 ॥

இதி ஶ்ரீ கு³ருமூர்தி ஸ்தோத்ரம் ॥

Did you see any mistake/variation in the content above? Click here to report mistakes and corrections in Stotranidhi content.