Sri Bhairava Tandava Stotram – ஶ்ரீ பை⁴ரவ தாண்ட³வ ஸ்தோத்ரம்

சண்ட³ம் ப்ரதிசண்ட³ம் கரத்⁴ருதத³ண்ட³ம் க்ருதரிபுக²ண்ட³ம் ஸௌக்²யகரம்
லோகம் ஸுக²யந்தம் விளஸிதவந்தம் ப்ரகடிதத³ந்தம் ந்ருத்யகரம் ।
ட³மருத்⁴வநிஶங்க²ம் தரளவஸந்தம் மது⁴ரஹஸந்தம் லோகப⁴ரம்
ப⁴ஜ ப⁴ஜ பூ⁴தேஶம் ப்ரகடமஹேஶம் பை⁴ரவவேஷம் கஷ்டஹரம் ॥ 1 ॥

சர்சிதஸிந்தூ³ரம் ரணபு⁴விஶூரம் து³ஷ்டவிதூ³ரம் ஶ்ரீநிகரம்
கிங்கிணிக³ணராவம் த்ரிபு⁴வநபாவம் க²ர்பரஸாவம் புண்யப⁴ரம் ।
கருணாமயவேஷம் ஸகலஸுரேஶம் முக்தஸுகேஶம் பாபஹரம்
ப⁴ஜ ப⁴ஜ பூ⁴தேஶம் ப்ரகடமஹேஶம் பை⁴ரவவேஷம் கஷ்டஹரம் ॥ 2 ॥

கலிமலஸம்ஹாரம் மத³நவிஹாரம் ப²ணிபதிஹாரம் ஶீக்⁴ரகரம்
கலுஷம் ஶமயந்தம் பரிப்⁴ருதஸந்தம் மத்தத்³ருக³ந்தம் ஶுத்³த⁴தரம் ।
க³திநிந்தி³தகேஶம் நர்தநதே³ஶம் ஸ்வச்ச²கஶம் ஸந்முண்ட³கரம்
ப⁴ஜ ப⁴ஜ பூ⁴தேஶம் ப்ரகடமஹேஶம் பை⁴ரவவேஷம் கஷ்டஹரம் ॥ 3 ॥

கடி²நஸ்தநகும்ப⁴ம் ஸுக்ருதஸுலப⁴ம் காளீடி³ம்ப⁴ம் க²ட்³க³த⁴ரம்
வ்ருதபூ⁴தபிஶாசம் ஸ்பு²டம்ருது³வாசம் ஸ்நிக்³த⁴ஸுகாசம் ப⁴க்தப⁴ரம் ।
தநுபா⁴ஜிதஶேஷம் விளமஸுதே³ஶம் கஷ்டஸுரேஶம் ப்ரீதிநரம்
ப⁴ஜ ப⁴ஜ பூ⁴தேஶம் ப்ரகடமஹேஶம் பை⁴ரவவேஷம் கஷ்டஹரம் ॥ 4 ॥

லலிதாநநசந்த்³ரம் ஸுமநவிதந்த்³ரம் போ³தி⁴தமந்த்³ரம் ஶ்ரேஷ்ட²வரம்
ஸுகி²தாகி²லலோகம் பரிக³தஶோகம் ஶுத்³த⁴விளோகம் புஷ்டிகரம் ।
வரதா³ப⁴யஹாரம் தரளிததாரம் க்ஷுத்³ரவிதா³ரம் துஷ்டிகரம்
ப⁴ஜ ப⁴ஜ பூ⁴தேஶம் ப்ரகடமஹேஶம் பை⁴ரவவேஷம் கஷ்டஹரம் ॥ 5 ॥

ஸகலாயுத⁴பா⁴ரம் விஜநவிஹாரம் ஸுஶ்ரவிஶாரம் ப்⁴ரஷ்டமலம்
ஶரணாக³தபாலம் ம்ருக³மத³பா⁴லம் ஸஞ்ஜிதகாலம் ஸ்வேஷ்டப³லம் ।
பத³நூபூரஸிஞ்ஜம் த்ரிநயநகஞ்ஜம் கு³ணிஜநரஞ்ஜந கஷ்டஹரம்
ப⁴ஜ ப⁴ஜ பூ⁴தேஶம் ப்ரகடமஹேஶம் பை⁴ரவவேஷம் கஷ்டஹரம் ॥ 6 ॥

மர்த³யிதுஸராவம் ப்ரகடிதபா⁴வம் விஶ்வஸுபா⁴வம் ஜ்ஞாநபத³ம்
ரக்தாம்ஶுகஜோஷம் பரிக்ருததோஷம் நாஶிததோ³ஷம் ஸந்மதித³ம் ।
குடிலப்⁴ருகுடீகம் ஜ்வரத⁴நநீகம் விஸரந்தீ⁴கம் ப்ரேமப⁴ரம்
ப⁴ஜ ப⁴ஜ பூ⁴தேஶம் ப்ரகடமஹேஶம் பை⁴ரவவேஷம் கஷ்டஹரம் ॥ 7 ॥

பரிநிர்ஜிதகாமம் விளஸிதவாமம் யோகி³ஜநாப⁴ம் யோகே³ஶம்
ப³ஹுமத்³யபநாத²ம் கீ³தஸுகா³த²ம் கஷ்டஸுநாத²ம் வீரேஶம் ।
கலயந்தமஶேஷம் ப்⁴ருதஜநதே³ஶம் ந்ருத்யஸுரேஶம் த³த்தவரம்
ப⁴ஜ ப⁴ஜ பூ⁴தேஶம் ப்ரகடமஹேஶம் பை⁴ரவவேஷம் கஷ்டஹரம் ॥ 8 ॥

இதி ஶ்ரீ பை⁴ரவ தாண்ட³வ ஸ்தோத்ரம் ॥

Did you see any mistake/variation in the content above? Click here to report mistakes and corrections in Stotranidhi content.