Sri Rama Hrudayam – ஶ்ரீ ராம ஹ்ருத³யம் (அத்⁴யாத்மராமாயணே)

ஶ்ரீ மஹாதே³வ உவாச ।
ததோ ராம꞉ ஸ்வயம் ப்ராஹ ஹநூமந்தமுபஸ்தி²தம் ।
ஶ்ருணு தத்த்வம் ப்ரவக்ஷ்யாமி ஹ்யாத்மாநாத்மபராத்மநாம் ॥ 1 ॥

ஆகாஶஸ்ய யதா² பே⁴த³ஸ்த்ரிவிதோ⁴ த்³ருஶ்யதே மஹாந் ।
ஜலாஶயே மஹாகாஶஸ்தத³வச்சி²ந்ந ஏவ ஹி ।
ப்ரதிபி³ம்பா³க்²யமபரம் த்³ருஶ்யதே த்ரிவித⁴ம் நப⁴꞉ ॥ 2 ॥

பு³த்³த்⁴யவச்சி²ந்நசைதந்யமேகம் பூர்ணமதா²பரம் ।
ஆபா⁴ஸஸ்த்வபரம் பி³ம்ப³பூ⁴தமேவம் த்ரிதா⁴ சிதி꞉ ॥ 3 ॥

ஸாபா⁴ஸபு³த்³தே⁴꞉ கர்த்ருத்வமவிச்சி²ந்நே(அ)விகாரிணி ।
ஸாக்ஷிண்யாரோப்யதே ப்⁴ராந்த்யா ஜீவத்வம் ச ததா²(அ)பு³தை⁴꞉ ॥ 4 ॥

ஆபா⁴ஸஸ்து ம்ருஷா பு³த்³தி⁴ரவித்³யாகார்யமுச்யதே ।
அவிச்சி²ந்நம் து தத்³ப்³ரஹ்ம விச்சே²த³ஸ்து விகல்பத꞉ ॥ 5 ॥

அவிச்சி²ந்நஸ்ய பூர்ணேந ஏகத்வம் ப்ரதிபத்³யதே ।
தத்த்வமஸ்யாதி³வாக்யைஶ்ச ஸாபா⁴ஸஸ்யாஹமஸ்ததா² ॥ 6 ॥

ஐக்யஜ்ஞாநம் யதோ³த்பந்நம் மஹாவாக்யேந சாத்மநோ꞉ ।
ததா³(அ)வித்³யா ஸ்வகார்யைஶ்ச நஶ்யத்யேவ ந ஸம்ஶய꞉ ॥ 7 ॥

ஏதத்³விஜ்ஞாய மத்³ப⁴க்தோ மத்³பா⁴வாயோபபத்³யதே ।
மத்³ப⁴க்திவிமுகா²நாம் ஹி ஶாஸ்த்ரக³ர்தேஷு முஹ்யதாம் ।
ந ஜ்ஞாநம் ந ச மோக்ஷ꞉ ஸ்யாத்தேஷாம் ஜந்மஶதைரபி ॥ 8 ॥

இத³ம் ரஹஸ்யம் ஹ்ருத³யம் மமாத்மநோ
மயைவ ஸாக்ஷாத்கதி²தம் தவாநக⁴ ।
மத்³ப⁴க்திஹீநாய ஶடா²ய ந த்வயா
தா³தவ்யமைந்த்³ராத³பி ராஜ்யதோ(அ)தி⁴கம் ॥ 9 ॥

இதி ஶ்ரீமத³த்⁴யாத்மராமாயணே பா³லகாண்டே³ ப்ரத²மஸர்கே³ ஶ்ரீ ராம ஹ்ருத³யம் ॥

Did you see any mistake/variation in the content above? Click here to report mistakes and corrections in Stotranidhi content.