Sri Dakshinamurthy Sahasranama Stotram 1 – ஶ்ரீ த³க்ஷிணாமூர்தி ஸஹஸ்ரநாம ஸ்தோத்ரம் – 1

ஸ்தோத்ரநிதி → ஶ்ரீ த³க்ஷிணாமூர்தி ஸ்தோத்திரங்கள் → ஶ்ரீ த³க்ஷிணாமூர்தி ஸஹஸ்ரநாம ஸ்தோத்ரம் – 1

அஸ்ய ஶ்ரீத³க்ஷிணாமூர்தி ஸஹஸ்ரநாமஸ்தோத்ரஸ்ய ப்³ரஹ்மா ருஷி꞉ அநுஷ்டுப் ச²ந்த³꞉ ஶ்ரீத³க்ஷிணாமூர்திர்தே³வதா ஓம் பீ³ஜம் ஸ்வாஹா ஶக்தி꞉ நம꞉ கீலகம் மேதா⁴த³க்ஷிணாமூர்தி ப்ரஸாத³ஸித்³த்⁴யர்தே² ஜபே விநியோக³꞉ ॥

ஹ்ராமித்யாதி³நா ந்யாஸ꞉ ॥

த்⁴யாநம் –
ஸித்³தி⁴தோயநிதே⁴ர்மத்⁴யே ரத்நக்³ரைவே மநோரமே ।
கத³ம்ப³வநிகாமத்⁴யே ஶ்ரீமத்³வடதரோரத⁴꞉ ॥ 1 ॥

ஆஸீநமாத்³யம் புருஷமாதி³மத்⁴யாந்தவர்ஜிதம் ।
ஶுத்³த⁴ஸ்ப²டிககோ³க்ஷீரஶரத்பூர்ணேந்து³ஶேக²ரம் ॥ 2 ॥

த³க்ஷிணே சாக்ஷமாலாம் ச வஹ்நிம் வை வாமஹஸ்தகே ।
ஜடாமண்ட³லஸம்லக்³நஶீதாம்ஶுகரமண்டி³தம் ॥ 3 ॥

நாக³ஹாரத⁴ரம் சாருகங்கணை꞉ கடிஸூத்ரகை꞉ ।
விராஜமாநவ்ருஷப⁴ம் வ்யாக்⁴ரசர்மாம்ப³ராவ்ருதம் ॥ 4 ॥

சிந்தாமணிமஹாப்³ருந்தை³꞉ கல்பகை꞉ காமதே⁴நுபி⁴꞉ ।
சது꞉ஷஷ்டிகலாவித்³யாமூர்திபி⁴꞉ ஶ்ருதிமஸ்தகை꞉ ॥ 5 ॥

ரத்நஸிம்ஹாஸநே ஸாது⁴த்³வீபிசர்மஸமாயுதே ।
தத்ராஷ்டத³ளபத்³மஸ்ய கர்ணிகாயாம் ஸுஶோப⁴நே ॥ 6 ॥

வீராஸநே ஸமாஸீநம் லம்ப³த³க்ஷபதா³ம்பு³ஜம் ।
ஜ்ஞாநமுத்³ராம் புஸ்தகம் ச வராபீ⁴தித⁴ரம் ஹரம் ॥ 7 ॥

பாத³மூலஸமாக்ராந்தமஹாபஸ்மாரவைப⁴வம் ।
ருத்³ராக்ஷமாலாப⁴ரணபூ⁴ஷிதம் பூ⁴திபா⁴ஸுரம் ॥ 8 ॥

க³ஜசர்மோத்தரீயம் ச மந்த³ஸ்மிதமுகா²ம்பு³ஜம் ।
ஸித்³த⁴ப்³ருந்தை³ர்யோகி³ப்³ருந்தை³ர்முநிப்³ருந்தை³ர்நிஷேவிதம் ॥ 9 ॥

ஆராத்⁴யமாநவ்ருஷப⁴மக்³நீந்து³ரவிளோசநம் ।
பூரயந்தம் க்ருபாத்³ருஷ்ட்யா புமர்தா²நாஶ்ரிதே ஜநே ॥ 10 ॥

ஏவம் விபா⁴வயேதீ³ஶம் ஸர்வவித்³யாகலாநிதி⁴ம் ॥ 11 ॥

லமித்யாதி³ பஞ்சோபசாரா꞉ ॥

ஸ்தோத்ரம் –

ஓம் । தே³வதே³வோ மஹாதே³வோ தே³வாநாமபி தே³ஶிக꞉ ।
த³க்ஷிணாமூர்திரீஶாநோ த³யாபூரிததி³ங்முக²꞉ ॥ 1 ॥

கைலாஸஶிக²ரோத்துங்க³கமநீயநிஜாக்ருதி꞉ ।
வடத்³ருமதடீதி³வ்யகநகாஸநஸம்ஸ்தி²த꞉ ॥ 2 ॥

கடீதடபடீபூ⁴தகரிசர்மோஜ்ஜ்வலாக்ருதி꞉ ।
பாடீரபாண்டு³ராகாரபரிபூர்ணஸுதா⁴தி⁴ப꞉ ।3 ॥

ஜடாகோடீரக⁴டிதஸுதா⁴கரஸுதா⁴ப்லுத꞉ ।
பஶ்யல்லலாடஸுப⁴க³ஸுந்த³ரப்⁴ரூவிளாஸவாந் ॥ 4 ॥

கடாக்ஷஸரணீநிர்யத்கருணாபூர்ணலோசந꞉ ।
கர்ணாலோலதடித்³வர்ணகுண்ட³லோஜ்ஜ்வலக³ண்ட³பூ⁴꞉ ॥ 5 ॥

திலப்ரஸூநஸங்காஶநாஸிகாபுடபா⁴ஸுர꞉ ।
மந்த³ஸ்மிதஸ்பு²ரந்முக்³த⁴மஹநீயமுகா²ம்பு³ஜ꞉ ॥ 6 ॥

குந்த³குட்³மலஸம்ஸ்பர்தி⁴த³ந்தபங்க்திவிராஜித꞉ ।
ஸிந்தூ³ராருணஸுஸ்நிக்³த⁴கோமளாத⁴ரபல்லவ꞉ ॥ 7 ॥

ஶங்கா²டோபக³ளத்³தி³வ்யக³ளவைப⁴வமஞ்ஜுள꞉ ।
கரகந்த³ளிதஜ்ஞாநமுத்³ராருத்³ராக்ஷமாலிக꞉ ॥ 8 ॥

அந்யஹஸ்ததலந்யஸ்தவீணாபுஸ்தோல்லஸத்³வபு꞉ ।
விஶாலருசிரோரஸ்கவலிமத்பல்லவோத³ர꞉ ॥ 9 ॥

ப்³ருஹத்கடிநிதம்பா³ட்⁴ய꞉ பீவரோருத்³வயாந்வித꞉ ।
ஜங்கா⁴விஜிததூணீரஸ்துங்க³கு³ள்ப²யுகோ³ஜ்ஜ்வல꞉ ॥ 10 ॥

ம்ருது³பாடலபாதா³ப்³ஜஶ்சந்த்³ராப⁴நக²தீ³தி⁴தி꞉ ।
அபஸவ்யோருவிந்யஸ்தஸவ்யபாத³ஸரோருஹ꞉ ॥ 11 ॥

கோ⁴ராபஸ்மாரநிக்ஷிப்ததீ⁴ரத³க்ஷபதா³ம்பு³ஜ꞉ ।
ஸநகாதி³முநித்⁴யேய꞉ ஸர்வாப⁴ரணபூ⁴ஷித꞉ ॥ 12 ॥

தி³வ்யசந்த³நலிப்தாங்க³ஶ்சாருஹாஸபரிஷ்க்ருத꞉ ।
கர்பூரத⁴வளாகார꞉ கந்த³ர்பஶதஸுந்த³ர꞉ ॥ 13 ॥

காத்யாயநீப்ரேமநிதி⁴꞉ கருணாரஸவாரிதி⁴꞉ ।
காமிதார்த²ப்ரத³꞉ ஶ்ரீமத்கமலாவள்லப⁴ப்ரிய꞉ ॥ 14 ॥

கடாக்ஷிதாத்மவிஜ்ஞாந꞉ கைவல்யாநந்த³கந்த³ள꞉ ।
மந்த³ஹாஸஸமாநேந்து³ஶ்சி²ந்நாஜ்ஞாநதமஸ்ததி꞉ ॥ 15 ॥

ஸம்ஸாராநலஸந்தப்தஜநதாம்ருதஸாக³ர꞉ ।
க³ம்பீ⁴ரஹ்ருத³யாம்போ⁴ஜநபோ⁴மணிநிபா⁴க்ருதி꞉ ॥ 16 ॥

நிஶாகரகராகாரவஶீக்ருதஜக³த்த்ரய꞉ ।
தாபஸாராத்⁴யபாதா³ப்³ஜஸ்தருணாநந்த³விக்³ரஹ꞉ ॥ 17 ॥

பூ⁴திபூ⁴ஷிதஸர்வாங்கோ³ பூ⁴தாதி⁴பதிரீஶ்வர꞉ ।
வத³நேந்து³ஸ்மிதஜ்யோத்ஸ்நாநிலீநத்ரிபுராக்ருதி꞉ ॥ 18 ॥

தாபத்ரயதமோபா⁴நு꞉ பாபாரண்யத³வாநல꞉ ।
ஸம்ஸாரஸாக³ரோத்³த⁴ர்தா ஹம்ஸாக்³ர்யோபாஸ்யவிக்³ரஹ꞉ ॥ 19 ॥

லலாடஹுதபு⁴க்³த³க்³த⁴மநோப⁴வஶுபா⁴க்ருதி꞉ ।
துச்சீ²க்ருதஜக³ஜ்ஜாலஸ்துஷாரகரஶீதள꞉ ॥ 20 ॥

அஸ்தங்க³தஸமஸ்தேச்சோ² நிஸ்துலாநந்த³மந்த²ர꞉ ।
தீ⁴ரோதா³த்தகு³ணாதா⁴ர உதா³ரவரவைப⁴வ꞉ ॥ 21 ॥

அபாரகருணாமூர்திரஜ்ஞாநத்⁴வாந்தபா⁴ஸ்கர꞉ ।
ப⁴க்தமாநஸஹம்ஸாக்³ர்யோ ப⁴வாமயபி⁴ஷக்தம꞉ ॥ 22 ॥

யோகீ³ந்த்³ரபூஜ்யபாதா³ப்³ஜோ யோக³பட்டோல்லஸத்கடி꞉ ।
ஶுத்³த⁴ஸ்ப²டிகஸங்காஶோ ப³த்³த⁴பந்நக³பூ⁴ஷண꞉ ॥ 23 ॥

நாநாமுநிஸமாகீர்ணோ நாஸாக்³ரந்யஸ்தலோசந꞉ ।
வேத³மூர்தை⁴கஸம்வேத்³யோ நாத³த்⁴யாநபராயண꞉ ॥ 24 ॥

த⁴ராத⁴ரேந்து³ராநந்த³ஸந்தோ³ஹரஸஸாக³ர꞉ ।
த்³வைதப்³ருந்த³விமோஹாந்த்⁴யபராக்ருதத்³ருக³த்³பு⁴த꞉ ॥ 25 ॥

ப்ரத்யகா³த்மா பரஞ்ஜ்யோதி꞉ புராண꞉ பரமேஶ்வர꞉ ।
ப்ரபஞ்சோபஶம꞉ ப்ராஜ்ஞ꞉ புண்யகீர்தி꞉ புராதந꞉ ॥ 26 ॥

ஸர்வாதி⁴ஷ்டா²நஸந்மாத்ர꞉ ஸ்வாத்மப³ந்த⁴ஹரோ ஹர꞉ ।
ஸர்வப்ரேமநிஜாஹாஸ꞉ ஸர்வாநுக்³ரஹக்ருச்சி²வ꞉ ॥ 27 ॥

ஸர்வேந்த்³ரியகு³ணாபா⁴ஸ꞉ ஸர்வபூ⁴தகு³ணாஶ்ரய꞉ ।
ஸச்சிதா³நந்த³பூர்ணாத்மா ஸர்வபூ⁴தகு³ணாஶ்ரய꞉ ॥ 28 ॥

ஸர்வபூ⁴தாந்தர꞉ ஸாக்ஷீ ஸர்வஜ்ஞ꞉ ஸர்வகாமத³꞉ ।
ஸநகாதி³மஹாயோகி³ஸமாராதி⁴தபாது³க꞉ ॥ 29 ॥

ஆதி³தே³வோ த³யாஸிந்து⁴꞉ ஶிக்ஷிதாஸுரவிக்³ரஹ꞉ ।
யக்ஷகிந்நரக³ந்த⁴ர்வஸ்தூயமாநாத்மவைப⁴வ꞉ ॥ 30 ॥

ப்³ரஹ்மாதி³தே³வவிநுதோ யோக³மாயாநியோஜக꞉ ।
ஶிவயோகீ³ ஶிவாநந்த³꞉ ஶிவப⁴க்தஸமுத்³த⁴ர꞉ ॥ 31 ॥

வேதா³ந்தஸாரஸந்தோ³ஹ꞉ ஸர்வஸத்த்வாவளம்ப³ந꞉ ।
வடமூலாஶ்ரயோ வாக்³மீ மாந்யோ மலயஜப்ரிய꞉ ॥ 32 ॥

ஸுஶீலோ வாஞ்சி²தார்த²ஜ்ஞ꞉ ப்ரஸந்நவத³நேக்ஷண꞉ ।
ந்ருத்தகீ³தகலாபி⁴ஜ்ஞ꞉ கர்மவித்கர்மமோசக꞉ ॥ 33 ॥

கர்மஸாக்ஷீ கர்மமய꞉ கர்மணாம் ச ப²லப்ரத³꞉ ।
ஜ்ஞாநதா³தா ஸதா³சார꞉ ஸர்வோபத்³ரவமோசக꞉ ॥ 34 ॥

அநாத²நாதோ² ப⁴க³வாநாஶ்ரிதாமரபாத³ப꞉ ।
வரப்ரத³꞉ ப்ரகாஶாத்மா ஸர்வபூ⁴தஹிதே ரத꞉ ॥ 35 ॥

வ்யாக்⁴ரசர்மாஸநாஸீந ஆதி³கர்தா மஹேஶ்வர꞉ ।
ஸுவிக்ரம꞉ ஸர்வக³தோ விஶிஷ்டஜநவத்ஸல꞉ ॥ 36 ॥

சிந்தாஶோகப்ரஶமநோ ஜக³தா³நந்த³காரக꞉ ।
ரஶ்மிமாந் பு⁴வநேஶஶ்ச தே³வாஸுரஸுபூஜித꞉ ॥ 37 ॥

ம்ருத்யுஞ்ஜயோ வ்யோமகேஶ꞉ ஷட்த்ரிம்ஶத்தத்த்வஸங்க்³ரஹ꞉ ।
அஜ்ஞாதஸம்ப⁴வோ பி⁴க்ஷுரத்³விதீயோ தி³க³ம்ப³ர꞉ ॥ 38 ॥

ஸமஸ்ததே³வதாமூர்தி꞉ ஸோமஸூர்யாக்³நிலோசந꞉ ।
ஸர்வஸாம்ராஜ்யநிபுணோ த⁴ர்மமார்க³ப்ரவர்தக꞉ ॥ 39 ॥

விஶ்வாதி⁴க꞉ பஶுபதி꞉ பஶுபாஶவிமோசக꞉ ।
அஷ்டமூர்திர்தீ³ப்தமூர்திர்நாமோச்சாரணமுக்தித³꞉ ॥ 40 ॥

ஸஹஸ்ராதி³த்யஸங்காஶ꞉ ஸதா³ஷோட³ஶவார்ஷிக꞉ ।
தி³வ்யகேலீஸமாயுக்தோ தி³வ்யமால்யாம்ப³ராவ்ருத꞉ ॥ 41 ॥

அநர்க⁴ரத்நஸம்பூர்ணோ மல்லிகாகுஸுமப்ரிய꞉ ।
தப்தசாமீகராகாரோ ஜிததா³வாநலாக்ருதி꞉ ॥ 42 ॥

நிரஞ்ஜநோ நிர்விகாரோ நிஜாவாஸோ நிராக்ருதி꞉ ।
ஜக³த்³கு³ருர்ஜக³த்கர்தா ஜக³தீ³ஶோ ஜக³த்பதி꞉ ॥ 43 ॥

காமஹந்தா காமமூர்தி꞉ கல்யாணவ்ருஷவாஹந꞉ ।
க³ங்கா³த⁴ரோ மஹாதே³வோ தீ³நப³ந்த⁴விமோசக꞉ ॥ 44 ॥

தூ⁴ர்ஜடி꞉ க²ண்ட³பரஶு꞉ ஸத்³கு³ணோ கி³ரிஜாஸக²꞉ ।
அவ்யயோ பூ⁴தஸேநேஶ꞉ பாபக்⁴ந꞉ புண்யதா³யக꞉ ॥ 45 ॥

உபதே³ஷ்டா த்³ருட⁴ப்ரஜ்ஞோ ருத்³ரோ ரோக³விநாஶந꞉ ।
நித்யாநந்தோ³ நிராதா⁴ரோ ஹரோ தே³வஶிகா²மணி꞉ ॥ 46 ॥

ப்ரணதார்திஹர꞉ ஸோம꞉ ஸாந்த்³ராநந்தோ³ மஹாமதி꞉ ।
ஆஶ்சர்யவைப⁴வோ தே³வ꞉ ஸம்ஸாரார்ணவதாரக꞉ ॥ 47 ॥

யஜ்ஞேஶோ ராஜராஜேஶோ ப⁴ஸ்மருத்³ராக்ஷலாஞ்ச²ந꞉ ।
அநந்தஸ்தாரக꞉ ஸ்தா²ணு꞉ ஸர்வவித்³யேஶ்வரோ ஹரி꞉ ॥ 48 ॥

விஶ்வரூபோ விரூபாக்ஷ꞉ ப்ரபு⁴꞉ பரிப்³ருடோ⁴ த்³ருட⁴꞉ ।
ப⁴வ்யோ ஜிதாரிஷட்³வர்கோ³ மஹோதா³ரோ விஷாஶந꞉ ॥ 49 ॥

ஸுகீர்திராதி³புருஷோ ஜராமரணவர்ஜித꞉ ।
ப்ரமாணபூ⁴தோ து³ர்ஜ்ஞேய꞉ புண்ய꞉ பரபுரஞ்ஜய꞉ ॥ 50 ॥

கு³ணாகரோ கு³ணஶ்ரேஷ்ட²꞉ ஸச்சிதா³நந்த³விக்³ரஹ꞉ ।
ஸுக²த³꞉ காரணம் கர்தா ப⁴வப³ந்த⁴விமோசக꞉ ॥ 51 ॥

அநிர்விண்ணோ கு³ணக்³ராஹீ நிஷ்களங்க꞉ கலங்கஹா ।
புருஷ꞉ ஶாஶ்வதோ யோகீ³ வ்யக்தாவ்யக்த꞉ ஸநாதந꞉ ॥ 52 ॥

சராசராத்மா ஸூக்ஷ்மாத்மா விஶ்வகர்மா தமோபஹ்ருத் ।
பு⁴ஜங்க³பூ⁴ஷணோ ப⁴ர்க³ஸ்தருண꞉ கருணாலய꞉ ॥ 53 ॥

அணிமாதி³கு³ணோபேதோ லோகவஶ்யவிதா⁴யக꞉ ।
யோக³பட்டத⁴ரோ முக்தோ முக்தாநாம் பரமா க³தி꞉ ॥ 54 ॥

கு³ருரூபத⁴ர꞉ ஶ்ரீமத்பரமாநந்த³ஸாக³ர꞉ ।
ஸஹஸ்ரபா³ஹு꞉ ஸர்வேஶ꞉ ஸஹஸ்ராவயவாந்வித꞉ ॥ 55 ॥

ஸஹஸ்ரமூர்தா⁴ ஸர்வாத்மா ஸஹஸ்ராக்ஷ꞉ ஸஹஸ்ரபாத் ।
நிராபா⁴ஸ꞉ ஸூக்ஷ்மதநுர்ஹ்ருதி³ ஜ்ஞாத꞉ பராத்பர꞉ ॥ 56 ॥

ஸர்வாத்மக³꞉ ஸர்வஸாக்ஷீ நி꞉ஸங்கோ³ நிருபத்³ரவ꞉ ।
நிஷ்கள꞉ ஸகலாத்⁴யக்ஷஶ்சிந்மயஸ்தமஸ꞉ பர꞉ ॥ 57 ॥

ஜ்ஞாநவைராக்³யஸம்பந்நோ யோகா³நந்த³மய꞉ ஶிவ꞉ ।
ஶாஶ்வதைஶ்வர்யஸம்பூர்ணோ மஹாயோகீ³ஶ்வரேஶ்வர꞉ ॥ 58 ॥

ஸஹஸ்ரஶக்திஸம்யுக்த꞉ புண்யகாயோ து³ராஸத³꞉ ।
தாரகப்³ரஹ்மஸம்பூர்ணஸ்தபஸ்விஜநஸம்வ்ருத꞉ ॥ 59 ॥

விதீ⁴ந்த்³ராமரஸம்பூஜ்யோ ஜ்யோதிஷாம் ஜ்யோதிருத்தம꞉ ।
நிரக்ஷரோ நிராளம்ப³꞉ ஸ்வாத்மாராமோ விகர்தந꞉ ॥ 60 ॥

நிரவத்³யோ நிராதங்கோ பீ⁴மோ பீ⁴மபராக்ரம꞉ ।
வீரப⁴த்³ர꞉ புராராதிர்ஜலந்த⁴ரஶிரோஹர꞉ ॥ 61 ॥

அந்த⁴காஸுரஸம்ஹர்தா ப⁴க³நேத்ரபி⁴த³த்³பு⁴த꞉ ।
விஶ்வக்³ராஸோ(அ)த⁴ர்மஶத்ருர்ப்³ரஹ்மஜ்ஞாநைகமந்த²ர꞉ ॥ 62 ॥

அக்³ரேஸரஸ்தீர்த²பூ⁴த꞉ ஸிதப⁴ஸ்மாவகுண்ட²ந꞉ ।
அகுண்ட²மேதா⁴꞉ ஶ்ரீகண்டோ² வைகுண்ட²பரமப்ரிய꞉ ॥ 63 ॥

லலாடோஜ்ஜ்வலநேத்ராப்³ஜஸ்துஷாரகரஶேக²ர꞉ ।
க³ஜாஸுரஶிரஶ்சே²த்தா க³ங்கோ³த்³பா⁴ஸிதமூர்த⁴ஜ꞉ ॥ 64 ॥

கல்யாணாசலகோத³ண்ட³꞉ கமலாபதிஸாயக꞉ ।
வாராம்ஶேவதி⁴தூணீர꞉ ஸரோஜாஸநஸாரதி²꞉ ॥ 65 ॥

த்ரயீதுரங்க³ஸங்க்ராந்தோ வாஸுகிஜ்யாவிராஜித꞉ ।
ரவீந்து³சரணாசாரித⁴ராரத²விராஜித꞉ ॥ 66 ॥

த்ரய்யந்தப்ரக்³ரஹோதா³ரசாருக⁴ண்டாரவோஜ்ஜ்வல꞉ ।
உத்தாநபர்வலோமாட்⁴யோ லீலாவிஜிதமந்மத²꞉ ॥ 67 ॥

ஜாதுப்ரபந்நஜநதாஜீவநோபாயநோத்ஸுக꞉ ।
ஸம்ஸாரார்ணவநிர்மக்³நஸமுத்³த⁴ரணபண்டி³த꞉ ॥ 68 ॥

மத³த்³விரத³தி⁴க்காரிக³திமஞ்ஜுளவைப⁴வ꞉ ।
மத்தகோகிலமாது⁴ர்யரஸநிர்ப⁴ரகீ³ர்க³ண꞉ ॥ 69 ॥

கைவல்யோத³தி⁴கல்லோலலீலாதாண்ட³வபண்டி³த꞉ ।
விஷ்ணுர்ஜிஷ்ணுர்வாஸுதே³வ꞉ ப்ரப⁴விஷ்ணு꞉ புராதந꞉ ॥ 70 ॥

வர்தி⁴ஷ்ணுர்வரதோ³ வைத்³யோ ஹரிர்நாராயணோ(அ)ச்யுத꞉ ।
அஜ்ஞாநவநதா³வாக்³நி꞉ ப்ரஜ்ஞாப்ராஸாத³பூ⁴பதி꞉ ॥ 71 ॥

ஸர்பபூ⁴ஷிதஸர்வாங்க³꞉ கர்பூரோஜ்ஜ்வலிதாக்ருதி꞉ ।
அநாதி³மத்⁴யநித⁴நோ கி³ரீஶோ கி³ரிஜாபதி꞉ ॥ 72 ॥

வீதராகோ³ விநீதாத்மா தபஸ்வீ பூ⁴தபா⁴வந꞉ ।
தே³வாஸுரகு³ருத்⁴யேயோ தே³வாஸுரநமஸ்க்ருத꞉ ॥ 73 ॥

தே³வாதி³தே³வோ தே³வர்ஷிர்தே³வாஸுரவரப்ரத³꞉ ।
ஸர்வதே³வமயோ(அ)சிந்த்யோ தே³வாத்மா சாத்மஸம்ப⁴வ꞉ ॥ 74 ॥

நிர்லேபோ நிஷ்ப்ரபஞ்சாத்மா நிர்விக்⁴நோ விக்⁴நநாஶக꞉ ।
ஏகஜ்யோதிர்நிராதங்கோ வ்யாப்தமூர்திரநாகுல꞉ ॥ 75 ॥

நிரவத்³யபதோ³பாதி⁴ர்வித்³யாராஶிரநுத்தம꞉ ।
நித்யாநந்த³꞉ ஸுராத்⁴யக்ஷோ நி꞉ஸங்கல்போ நிரஞ்ஜந꞉ ॥ 76 ॥

நிஷ்களங்கோ நிராகாரோ நிஷ்ப்ரபஞ்சோ நிராமய꞉ ।
வித்³யாத⁴ரோ வியத்கேஶோ மார்கண்டே³யவரப்ரத³꞉ ॥ 77 ॥

பை⁴ரவோ பை⁴ரவீநாத²꞉ காமத³꞉ கமலாஸந꞉ ।
வேத³வேத்³ய꞉ ஸுராநந்தோ³ லஸஜ்ஜ்யோதி꞉ ப்ரபா⁴கர꞉ ॥ 78 ॥

சூடா³மணி꞉ ஸுராதீ⁴ஶோ யஜ்ஞகே³யோ ஹரிப்ரிய꞉ ।
நிர்லேபோ நீதிமாந் ஸூத்ரீ ஶ்ரீஹாலாஹலஸுந்த³ர꞉ ॥ 79 ॥

த⁴ர்மத³க்ஷோ மஹாராஜ꞉ கிரீடீ வந்தி³தோ கு³ஹ꞉ ।
மாத⁴வோ யாமிநீநாத²꞉ ஶம்ப³ர꞉ ஶப³ரீப்ரிய꞉ ॥ 80 ॥

ஸங்கீ³தவேத்தா லோகஜ்ஞ꞉ ஶாந்த꞉ கலஶஸம்ப⁴வ꞉ ।
ப்³ரஹ்மண்யோ வரதோ³ நித்ய꞉ ஶூலீ கு³ருவரோ ஹர꞉ ॥ 81 ॥

மார்தாண்ட³꞉ புண்ட³ரீகாக்ஷோ லோகநாயகவிக்ரம꞉ ।
முகுந்தா³ர்ச்யோ வைத்³யநாத²꞉ புரந்த³ரவரப்ரத³꞉ ॥ 82 ॥

பா⁴ஷாவிஹீநோ பா⁴ஷாஜ்ஞோ விக்⁴நேஶோ விக்⁴நநாஶந꞉ ।
கிந்நரேஶோ ப்³ருஹத்³பா⁴நு꞉ ஶ்ரீநிவாஸ꞉ கபாலப்⁴ருத் ॥ 83 ॥

விஜயோ பூ⁴தபா⁴வஜ்ஞோ பீ⁴மஸேநோ தி³வாகர꞉ ।
பி³ல்வப்ரியோ வஸிஷ்டே²ஶ꞉ ஸர்வமார்க³ப்ரவர்தக꞉ ॥ 84 ॥

ஓஷதீ⁴ஶோ வாமதே³வோ கோ³விந்தோ³ நீலலோஹித꞉ ।
ஷட³ர்த⁴நயந꞉ ஶ்ரீமந்மஹாதே³வோ வ்ருஷத்⁴வஜ꞉ ॥ 85 ॥

கர்பூரதீ³பிகாலோல꞉ கர்பூரரஸசர்சித꞉ ।
அவ்யாஜகருணாமூர்திஸ்த்யாக³ராஜ꞉ க்ஷபாகர꞉ ॥ 86 ॥

ஆஶ்சர்யவிக்³ரஹ꞉ ஸூக்ஷ்ம꞉ ஸித்³தே⁴ஶ꞉ ஸ்வர்ணபை⁴ரவ꞉ ।
தே³வராஜ꞉ க்ருபாஸிந்து⁴ரத்³வயோ(அ)மிதவிக்ரம꞉ ॥ 87 ॥

நிர்பே⁴தோ³ நித்யஸத்வஸ்தோ² நிர்யோக³க்ஷேம ஆத்மவாந் ।
நிரபாயோ நிராஸங்கோ³ நி꞉ஶப்³தோ³ நிருபாதி⁴க꞉ ॥ 88 ॥

ப⁴வ꞉ ஸர்வேஶ்வர꞉ ஸ்வாமீ ப⁴வபீ⁴திவிப⁴ஞ்ஜந꞉ ।
தா³ரித்³ர்யத்ருணகூடாக்³நிர்தா³ரிதாஸுரஸந்ததி꞉ ॥ 89 ॥

முக்திதோ³ முதி³தோ(அ)குப்³ஜோ தா⁴ர்மிகோ ப⁴க்தவத்ஸல꞉ ।
அப்⁴யாஸாதிஶயஜ்ஞேயஶ்சந்த்³ரமௌளி꞉ கலாத⁴ர꞉ ॥ 90 ॥

மஹாப³லோ மஹாவீர்யோ விபு⁴꞉ ஶ்ரீஶ꞉ ஶுப⁴ப்ரத³꞉ ।
ஸித்³த⁴꞉ புராணபுருஷோ ரணமண்ட³லபை⁴ரவ꞉ ॥ 91 ॥

ஸத்³யோஜாதோ வடாரண்யவாஸீ புருஷவல்லப⁴꞉ ।
ஹரிகேஶோ மஹாத்ராதா நீலக்³ரீவ꞉ ஸுமங்க³ள꞉ ॥ 92 ॥

ஹிரண்யபா³ஹுஸ்தீக்ஷ்ணாம்ஶு꞉ காமேஶ꞉ ஸோமவிக்³ரஹ꞉ ।
ஸர்வாத்மா ஸர்வகர்தா ச தாண்ட³வோ முண்ட³மாலிக꞉ ॥ 93 ॥

அக்³ரக³ண்ய꞉ ஸுக³ம்பீ⁴ரோ தே³ஶிகோ வைதி³கோத்தம꞉ ।
ப்ரஸந்நதே³வோ வாகீ³ஶஶ்சிந்தாதிமிரபா⁴ஸ்கர꞉ ॥ 94 ॥

கௌ³ரீபதிஸ்துங்க³மௌளிர்மக²ராஜோ மஹாகவி꞉ ।
ஶ்ரீத⁴ர꞉ ஸர்வஸித்³தே⁴ஶோ விஶ்வநாதோ² த³யாநிதி⁴꞉ ॥ 95 ॥

அந்தர்முகோ² ப³ஹிர்த்³ருஷ்டி꞉ ஸித்³த⁴வேஷமநோஹர꞉ ।
க்ருத்திவாஸா꞉ க்ருபாஸிந்து⁴ர்மந்த்ரஸித்³தோ⁴ மதிப்ரத³꞉ ॥ 96 ॥

மஹோத்க்ருஷ்ட꞉ புண்யகரோ ஜக³த்ஸாக்ஷீ ஸதா³ஶிவ꞉ ।
மஹாக்ரதுர்மஹாயஜ்வா விஶ்வகர்மா தபோநிதி⁴꞉ ॥ 97 ॥

ச²ந்தோ³மயோ மஹாஜ்ஞாநீ ஸர்வஜ்ஞோ தே³வவந்தி³த꞉ ।
ஸார்வபௌ⁴ம꞉ ஸதா³நந்த³꞉ கருணாம்ருதவாரிதி⁴꞉ ॥ 98 ॥

காலகால꞉ கலித்⁴வம்ஸீ ஜராமரணநாஶக꞉ ।
ஶிதிகண்ட²ஶ்சிதா³நந்தோ³ யோகி³நீக³ணஸேவித꞉ ॥ 99 ॥

சண்டீ³ஶ꞉ ஶுகஸம்வேத்³ய꞉ புண்யஶ்லோகோ தி³வஸ்பதி꞉ ।
ஸ்தா²யீ ஸகலதத்த்வாத்மா ஸதா³ஸேவகவர்த⁴ந꞉ ॥ 100 ॥

ரோஹிதாஶ்வ꞉ க்ஷமாரூபீ தப்தசாமீகரப்ரப⁴꞉ ।
த்ரியம்ப³கோ வரருசிர்தே³வதே³வஶ்சதுர்பு⁴ஜ꞉ ॥ 101 ॥

விஶ்வம்ப⁴ரோ விசித்ராங்கோ³ விதா⁴தா புரஶாஸந꞉ ।
ஸுப்³ரஹ்மண்யோ ஜக³த்ஸ்வாமீ ரோஹிதாக்ஷ꞉ ஶிவோத்தம꞉ ॥ 102 ॥

நக்ஷத்ரமாலாப⁴ரணோ மக⁴வாந் அக⁴நாஶந꞉ ।
விதி⁴கர்தா விதா⁴நஜ்ஞ꞉ ப்ரதா⁴நபுருஷேஶ்வர꞉ ॥ 103 ॥

சிந்தாமணி꞉ ஸுரகு³ருர்த்⁴யேயோ நீராஜநப்ரிய꞉ ।
கோ³விந்தோ³ ராஜராஜேஶோ ப³ஹுபுஷ்பார்சநப்ரிய꞉ ॥ 104 ॥

ஸர்வாநந்தோ³ த³யாரூபீ ஶைலஜாஸுமநோஹர꞉ ।
ஸுவிக்ரம꞉ ஸர்வக³தோ ஹேதுஸாத⁴நவர்ஜித꞉ ॥ 105 ॥

வ்ருஷாங்கோ ரமணீயாங்க³꞉ ஸத³ங்க்⁴ரி꞉ ஸாமபாரக³꞉ ।
மந்த்ராத்மா கோடிகந்த³ர்பஸௌந்த³ர்யரஸவாரிதி⁴꞉ ॥ 106 ॥

யஜ்ஞேஶோ யஜ்ஞபுருஷ꞉ ஸ்ருஷ்டிஸ்தி²த்யந்தகாரணம் ।
பரஹம்ஸைகஜிஜ்ஞாஸ்ய꞉ ஸ்வப்ரகாஶஸ்வரூபவாந் ॥ 107 ॥

முநிம்ருக்³யோ தே³வம்ருக்³யோ ம்ருக³ஹஸ்தோ ம்ருகே³ஶ்வர꞉ ।
ம்ருகே³ந்த்³ரசர்மவஸநோ நரஸிம்ஹநிபாதந꞉ ॥ 108 ॥

முநிவந்த்³யோ முநிஶ்ரேஷ்டோ² முநிப்³ருந்த³நிஷேவித꞉ ।
து³ஷ்டம்ருத்யுரது³ஷ்டேஹோ ம்ருத்யுஹா ம்ருத்யுபூஜித꞉ ॥ 109 ॥

அவ்யக்தோ(அ)ம்பு³ஜஜந்மாதி³கோடிகோடிஸுபூஜித꞉ ।
லிங்க³மூர்திரளிங்கா³த்மா லிங்கா³த்மா லிங்க³விக்³ரஹ꞉ ॥ 110 ॥

யஜுர்மூர்தி꞉ ஸாமமூர்திர்ருங்மூர்திர்மூர்திவர்ஜித꞉ ।
விஶ்வேஶோ க³ஜசர்மைகசேலாஞ்சிதகடீதட꞉ ॥ 111 ॥

பாவநாந்தேவஸத்³யோகி³ஜநஸார்த²ஸுதா⁴கர꞉ ।
அநந்தஸோமஸூர்யாக்³நிமண்ட³லப்ரதிமப்ரப⁴꞉ ॥ 112 ॥

சிந்தாஶோகப்ரஶமந꞉ ஸர்வவித்³யாவிஶாரத³꞉ ।
ப⁴க்தவிஜ்ஞப்திஸந்தா⁴தா கர்தா கி³ரிவராக்ருதி꞉ ॥ 113 ॥

ஜ்ஞாநப்ரதோ³ மநோவாஸ꞉ க்ஷேம்யோ மோஹவிநாஶந꞉ ।
ஸுரோத்தமஶ்சித்ரபா⁴நு꞉ ஸதா³வைப⁴வதத்பர꞉ ॥ 114 ॥

ஸுஹ்ருத³க்³ரேஸர꞉ ஸித்³த⁴ஜ்ஞாநமுத்³ரோ க³ணாதி⁴ப꞉ ।
ஆக³மஶ்சர்மவஸநோ வாஞ்சி²தார்த²ப²லப்ரத³꞉ ॥ 115 ॥

அந்தர்ஹிதோ(அ)ஸமாநஶ்ச தே³வஸிம்ஹாஸநாதி⁴ப꞉ ।
விவாத³ஹந்தா ஸர்வாத்மா கால꞉ காலவிவர்ஜித꞉ ॥ 116 ॥

விஶ்வாதீதோ விஶ்வகர்தா விஶ்வேஶோ விஶ்வகாரணம் ।
யோகி³த்⁴யேயோ யோக³நிஷ்டோ² யோகா³த்மா யோக³வித்தம꞉ ॥ 117 ॥

ஓங்காரரூபோ ப⁴க³வாந் பி³ந்து³நாத³மய꞉ ஶிவ꞉ ।
சதுர்முகா²தி³ஸம்ஸ்துத்யஶ்சதுர்வர்க³ப²லப்ரத³꞉ ॥ 118 ॥

ஸஹ்யாசலகு³ஹாவாஸீ ஸாக்ஷாந்மோக்ஷரஸாம்ருத꞉ ।
த³க்ஷாத்⁴வரஸமுச்சே²த்தா பக்ஷபாதவிவர்ஜித꞉ ॥ 119 ॥

ஓங்காரவாசக꞉ ஶம்பு⁴꞉ ஶங்கர꞉ ஶஶிஶீதள꞉ ।
பங்கஜாஸநஸம்ஸேவ்ய꞉ கிங்கராமரவத்ஸல꞉ ॥ 120 ॥

நததௌ³ர்பா⁴க்³யதூலாக்³நி꞉ க்ருதகௌதுகமங்க³ள꞉ ।
த்ரிலோகமோஹந꞉ ஶ்ரீமத்த்ரிபுண்ட்³ராங்கிதமஸ்தக꞉ ॥ 121 ॥

க்ரௌஞ்சாரிஜநக꞉ ஶ்ரீமத்³க³ணநாத²ஸுதாந்வித꞉ ।
அத்³பு⁴தாநந்தவரதோ³(அ)பரிச்சி²நாத்மவைப⁴வ꞉ ॥ 122 ॥

இஷ்டாபூர்தப்ரிய꞉ ஶர்வ ஏகவீர꞉ ப்ரியம்வத³꞉ ।
ஊஹாபோஹவிநிர்முக்த ஓங்காரேஶ்வரபூஜித꞉ ॥ 123 ॥

ருத்³ராக்ஷவக்ஷா ருத்³ராக்ஷரூபோ ருத்³ராக்ஷபக்ஷக꞉ ।
பு⁴ஜகே³ந்த்³ரளஸத்கண்டோ² பு⁴ஜங்கா³ப⁴ரணப்ரிய꞉ ॥ 124 ॥

கல்யாணரூப꞉ கல்யாண꞉ கல்யாணகு³ணஸம்ஶ்ரய꞉ ।
ஸுந்த³ரப்⁴ரூ꞉ ஸுநயந꞉ ஸுலலாட꞉ ஸுகந்த⁴ர꞉ ॥ 125 ॥

வித்³வஜ்ஜநாஶ்ரயோ வித்³வஜ்ஜநஸ்தவ்யபராக்ரம꞉ ।
விநீதவத்ஸலோ நீதிஸ்வரூபோ நீதிஸம்ஶ்ரய꞉ ॥ 126 ॥

அதிராகீ³ வீதராகீ³ ராக³ஹேதுர்விராக³வித் ।
ராக³ஹா ராக³ஶமநோ ராக³தோ³ ராகி³ராக³வித் ॥ 127 ॥

மநோந்மநோ மநோரூபோ ப³லப்ரமத²நோ ப³ல꞉ ।
வித்³யாகரோ மஹாவித்³யோ வித்³யாவித்³யாவிஶாரத³꞉ ॥ 128 ॥

வஸந்தக்ருத்³வஸந்தாத்மா வஸந்தேஶோ வஸந்தத³꞉ ।
ப்ராவ்ருட்க்ருத் ப்ராவ்ருடா³கார꞉ ப்ராவ்ருட்காலப்ரவர்தக꞉ ॥ 129 ॥

ஶரந்நாதோ² ஶரத்காலநாஶக꞉ ஶரதா³ஶ்ரய꞉ ।
குந்த³மந்தா³ரபுஷ்பௌக⁴ளஸத்³வாயுநிஷேவித꞉ ॥ 130 ॥

தி³வ்யதே³ஹப்ரபா⁴கூடஸந்தீ³பிததி³க³ந்தர꞉ ।
தே³வாஸுரகு³ருஸ்தவ்யோ தே³வாஸுரநமஸ்க்ருத꞉ ॥ 131 ॥

வாமாங்க³பா⁴க³விளஸச்ச்²யாமளாவீக்ஷணப்ரிய꞉ ।
கீர்த்யாதா⁴ர꞉ கீர்திகர꞉ கீர்திஹேதுரஹேதுக꞉ ॥ 132 ॥

ஶரணாக³ததீ³நார்தபரித்ராணபராயண꞉ ।
மஹாப்ரேதாஸநாஸீநோ ஜிதஸர்வபிதாமஹ꞉ ॥ 133 ॥

முக்தாதா³மபரீதாங்கோ³ நாநாகா³நவிஶாரத³꞉ ।
விஷ்ணுப்³ரஹ்மாதி³வந்த்³யாங்க்⁴ரிர்நாநாதே³ஶைகநாயக꞉ ॥ 134 ॥

தீ⁴ரோதா³த்தோ மஹாதீ⁴ரோ தை⁴ர்யதோ³ தை⁴ர்யவர்த⁴க꞉ ।
விஜ்ஞாநமய ஆநந்த³மய꞉ ப்ராணமயோ(அ)ந்நத³꞉ ॥ 135 ॥

ப⁴வாப்³தி⁴தரணோபாய꞉ கவிர்து³꞉ஸ்வப்நநாஶந꞉ ।
கௌ³ரீவிளாஸஸத³ந꞉ பிஶசாநுசராவ்ருத꞉ ॥ 136 ॥

த³க்ஷிணாப்ரேமஸந்துஷ்டோ தா³ரித்³ர்யவட³வாநல꞉ ।
அத்³பு⁴தாநந்தஸங்க்³ராமோ ட⁴க்காவாத³நதத்பர꞉ ॥ 137 ॥

ப்ராச்யாத்மா த³க்ஷிணாகார꞉ ப்ரதீச்யாத்மோத்தராக்ருதி꞉ ।
ஊர்த்⁴வாத்³யந்யதி³கா³காரோ மர்மஜ்ஞ꞉ ஸர்வஶிக்ஷக꞉ ॥ 138 ॥

யுகா³வஹோ யுகா³தீ⁴ஶோ யுகா³த்மா யுக³நாயக꞉ ।
ஜங்க³ம꞉ ஸ்தா²வராகார꞉ கைலாஸஶிக²ரப்ரிய꞉ ॥ 139 ॥

ஹஸ்தராஜத்புண்ட³ரீக꞉ புண்ட³ரீகநிபே⁴க்ஷண꞉ ।
லீலாவிட³ம்பி³தவபுர்ப⁴க்தமாநஸமண்டி³த꞉ ॥ 140 ॥

ப்³ருந்தா³ரகப்ரியதமோ ப்³ருந்தா³ரகவரார்சித꞉ ।
நாநாவிதா⁴நேகரத்நலஸத்குண்ட³லமண்டி³த꞉ ॥ 141 ॥

நி꞉ஸீமமஹிமா நித்யலீலாவிக்³ரஹரூபத்⁴ருத் ।
சந்த³நத்³ரவதி³க்³தா⁴ங்க³ஶ்சாம்பேயகுஸுமார்சித꞉ ॥ 142 ॥

ஸமஸ்தப⁴க்தஸுக²த³꞉ பரமாணுர்மஹாஹ்ரத³꞉ ।
அலௌகிகோ து³ஷ்ப்ரத⁴ர்ஷ꞉ கபில꞉ காலகந்த⁴ர꞉ ॥ 143 ॥

கர்பூரகௌ³ர꞉ குஶல꞉ ஸத்யஸந்தோ⁴ ஜிதேந்த்³ரிய꞉ ।
ஶாஶ்வதைஶ்வர்யவிப⁴வ꞉ போஷக꞉ ஸுஸமாஹித꞉ ॥ 144 ॥

மஹர்ஷிநாதி²தோ ப்³ரஹ்மயோநி꞉ ஸர்வோத்தமோத்தம꞉ ।
பூ⁴மிபா⁴ரார்திஸம்ஹர்தா ஷடூ³ர்மிரஹிதோ ம்ருட³꞉ ॥ 145 ॥

த்ரிவிஷ்டபேஶ்வர꞉ ஸர்வஹ்ருத³யாம்பு³ஜமத்⁴யக³꞉ ।
ஸஹஸ்ரத³ளபத்³மஸ்த²꞉ ஸர்வவர்ணோபஶோபி⁴த꞉ ॥ 146 ॥

புண்யமூர்தி꞉ புண்யலப்⁴ய꞉ புண்யஶ்ரவணகீர்தந꞉ ।
ஸூர்யமண்ட³லமத்⁴யஸ்த²ஶ்சந்த்³ரமண்ட³லமத்⁴யக³꞉ ॥ 147 ॥

ஸத்³ப⁴க்தத்⁴யாநநிக³ள꞉ ஶரணாக³தபாலக꞉ ।
ஶ்வேதாதபத்ரருசிர꞉ ஶ்வேதசாமரவீஜித꞉ ॥ 148 ॥

ஸர்வாவயவஸம்பூர்ண꞉ ஸர்வலக்ஷணலக்ஷித꞉ ।
ஸர்வமங்க³ளமாங்க³ல்ய꞉ ஸர்வகாரணகாரண꞉ ॥ 149 ॥

ஆமோதோ³ மோத³ஜநக꞉ ஸர்பராஜோத்தரீயக꞉ ।
கபாலீ கோவித³꞉ ஸித்³த⁴காந்திஸம்வலிதாநந꞉ ॥ 150 ॥

ஸர்வஸத்³கு³ருஸம்ஸேவ்யோ தி³வ்யசந்த³நசர்சித꞉ ।
விளாஸிநீக்ருதோல்லாஸ இச்சா²ஶக்திநிஷேவித꞉ ॥ 151 ॥

அநந்தாநந்த³ஸுக²தோ³ நந்த³ந꞉ ஶ்ரீநிகேதந꞉ ।
அம்ருதாப்³தி⁴க்ருதாவாஸோ நித்யக்லீபோ³ நிராமய꞉ ॥ 152 ॥

அநபாயோ(அ)நந்தத்³ருஷ்டிரப்ரமேயோ(அ)ஜரோ(அ)மர꞉ ।
தமோமோஹப்ரதிஹதிரப்ரதர்க்யோ(அ)ம்ருதோ(அ)க்ஷர꞉ ॥ 153 ॥

அமோக⁴பு³த்³தி⁴ராதா⁴ர ஆதா⁴ராதே⁴யவர்ஜித꞉ ।
ஈஷணாத்ரயநிர்முக்த இஹாமுத்ரவிவர்ஜித꞉ ॥ 154 ॥

ருக்³யஜு꞉ஸாமநயநோ பு³த்³தி⁴ஸித்³தி⁴ஸம்ருத்³தி⁴த³꞉ ।
ஔதா³ர்யநிதி⁴ராபூர்ண ஐஹிகாமுஷ்மிகப்ரத³꞉ ॥ 155 ॥

ஶுத்³த⁴ஸந்மாத்ரஸம்வித்³தீ⁴ஸ்வரூபஸுக²விக்³ரஹ꞉ ।
த³ர்ஶநப்ரத²மாபா⁴ஸோ த்³ருஷ்டித்³ருஶ்யவிவர்ஜித꞉ ॥ 156 ॥

அக்³ரக³ண்யோ(அ)சிந்த்யரூப꞉ கலிகல்மஷநாஶந꞉ ।
விமர்ஶரூபோ விமலோ நித்யரூபோ நிராஶ்ரய꞉ ॥ 157 ॥

நித்யஶுத்³தோ⁴ நித்யபு³த்³தோ⁴ நித்யமுக்தோ(அ)பராக்ருத꞉ ।
மைத்ர்யாதி³வாஸநாலப்⁴யோ மஹாப்ரளயஸம்ஸ்தி²த꞉ ॥ 158 ॥

மஹாகைலாஸநிலய꞉ ப்ரஜ்ஞாநக⁴நவிக்³ரஹ꞉ ।
ஶ்ரீமாந் வ்யாக்⁴ரபுராவாஸோ பு⁴க்திமுக்திப்ரதா³யக꞉ ॥ 159 ॥

ஜக³த்³யோநிர்ஜக³த்ஸாக்ஷீ ஜக³தீ³ஶோ ஜக³ந்மய꞉ ।
ஜபோ ஜபபரோ ஜப்யோ வித்³யாஸிம்ஹாஸநப்ரபு⁴꞉ ॥ 160 ॥

தத்த்வாநாம் ப்ரக்ருதிஸ்தத்த்வம் தத்த்வம்பத³நிரூபித꞉ ।
தி³க்காலாத்³யநவச்சி²ந்ந꞉ ஸஹஜாநந்த³ஸாக³ர꞉ ॥ 161 ॥

ப்ரக்ருதி꞉ ப்ராக்ருதாதீதோ விஜ்ஞாநைகரஸாக்ருதி꞉ ।
நி꞉ஶங்கமதிதூ³ரஸ்த²ஶ்சைத்யசேதநசிந்தந꞉ ॥ 162 ॥

தாரகாநாம் ஹ்ருத³ந்தஸ்த²ஸ்தாரகஸ்தாரகாந்தக꞉ ।
த்⁴யாநைகப்ரகடோ த்⁴யேயோ த்⁴யாநீ த்⁴யாநவிபூ⁴ஷண꞉ ॥ 163 ॥

பரம் வ்யோம பரம் தா⁴ம பரமாத்மா பரம் பத³ம் ।
பூர்ணாநந்த³꞉ ஸதா³நந்தோ³ நாத³மத்⁴யப்ரதிஷ்டி²த꞉ ॥ 164 ॥

ப்ரமாவிபர்யயாதீத꞉ ப்ரணதாஜ்ஞாநநாஶக꞉ ।
பா³ணார்சிதாங்க்⁴ரிர்ப³ஹுதோ³ பா³லகேலிகுதூஹலீ ॥ 165 ॥

ப்³ரஹ்மரூபீ ப்³ரஹ்மபத³ம் ப்³ரஹ்மவித்³ப்³ராஹ்மணப்ரிய꞉ ।
பூ⁴க்ஷேபத³த்தலக்ஷ்மீகோ ப்⁴ரூமத்⁴யத்⁴யாநலக்ஷித꞉ ॥ 166 ॥

யஶஸ்கரோ ரத்நக³ர்போ⁴ மஹாராஜ்யஸுக²ப்ரத³꞉ ।
ஶப்³த³ப்³ரஹ்ம ஶமப்ராப்யோ லாப⁴க்ருல்லோகவிஶ்ருத꞉ ॥ 167 ॥

ஶாஸ்தா ஶிவாத்³ரிநிலய꞉ ஶரண்யோ யாஜகப்ரிய꞉ ।
ஸம்ஸாரவைத்³ய꞉ ஸர்வஜ்ஞ꞉ ஸபே⁴ஷஜவிபே⁴ஷஜ꞉ ॥ 168 ॥

மநோவசோபி⁴ரக்³ராஹ்ய꞉ பஞ்சகோஶவிளக்ஷண꞉ ।
அவஸ்தா²த்ரயநிர்முக்தஸ்த்வவஸ்தா²ஸாக்ஷிதுர்யக꞉ ॥ 169 ॥

பஞ்சபூ⁴தாதி³தூ³ரஸ்த²꞉ ப்ரத்யகே³கரஸோ(அ)வ்யய꞉ ।
ஷட்சக்ராந்தர்க³தோல்லாஸீ ஷட்³விகாரவிவர்ஜித꞉ ॥ 170 ॥

விஜ்ஞாநக⁴நஸம்பூர்ணோ வீணாவாத³நதத்பர꞉ ।
நீஹாராகாரகௌ³ராங்கோ³ மஹாலாவண்யவாரிதி⁴꞉ ॥ 171 ॥

பராபி⁴சாரஶமந꞉ ஷட³த்⁴வோபரிஸம்ஸ்தி²த꞉ ।
ஸுஷும்நாமார்க³ஸஞ்சாரீ பி³ஸதந்துநிபா⁴க்ருதி꞉ ॥ 172 ॥

பிநாகீ லிங்க³ரூபஶ்ரீ꞉ மங்க³ளாவயவோஜ்ஜ்வல꞉ ।
க்ஷேத்ராதி⁴ப꞉ ஸுஸம்வேத்³ய꞉ ஶ்ரீப்ரதோ³ விப⁴வப்ரத³꞉ ॥ 173 ॥

ஸர்வவஶ்யகர꞉ ஸர்வதோ³ஷஹா புத்ரபௌத்ரத³꞉ ।
தைலதீ³பப்ரியஸ்தைலபக்வாந்நப்ரீதமாநஸ꞉ ॥ 174 ॥

தைலாபி⁴ஷேகஸந்துஷ்டஸ்திலப⁴க்ஷணதத்பர꞉ ।
ஆபாத³கணிகாமுக்தாபூ⁴ஷாஶதமநோஹர꞉ ॥ 175 ॥

ஶாணோல்லீட⁴மணிஶ்ரேணீரம்யாங்க்⁴ரிநக²மண்ட³ல꞉ ।
மணிமஞ்ஜீரகிரணகிஞ்ஜல்கிதபதா³ம்பு³ஜ꞉ ॥ 176 ॥

அபஸ்மாரோபரிந்யஸ்தஸவ்யபாத³ஸரோருஹ꞉ ।
கந்த³ர்பதூணாப⁴ஜங்கோ⁴ கு³ள்போ²த³ஞ்சிதநூபுர꞉ ॥ 177 ॥

கரிஹஸ்தோபமேயோருராத³ர்ஶோஜ்ஜ்வலஜாநுப்⁴ருத் ।
விஶங்கடகடிந்யஸ்தவாசாலமணிமேக²ல꞉ ॥ 178 ॥

ஆவர்தநாபி⁴ரோமாலிவலிமத்பல்லவோத³ர꞉ ।
முக்தாஹாரளஸத்துங்க³விபுலோரஸ்கரஞ்ஜித꞉ ॥ 179 ॥

வீராஸநஸமாஸீநோ வீணாபுஸ்தோல்லஸத்கர꞉ ।
அக்ஷமாலாலஸத்பாணிஶ்சிந்முத்³ரிதகராம்பு³ஜ꞉ ॥ 180 ॥

மாணிக்யகங்கணோல்லாஸிகராம்பு³ஜவிராஜித꞉ ।
அநர்க⁴ரத்நக்³ரைவேயவிளஸத்கம்பு³கந்த⁴ர꞉ ॥ 181 ॥

அநாகலிதஸாத்³ருஶ்யசிபு³கஶ்ரீவிராஜித꞉ ।
முக்³த⁴ஸ்மிதபரீபாகப்ரகாஶிதரதா³ங்குர꞉ ॥ 182 ॥

சாருசாம்பேயபுஷ்பாப⁴நாஸிகாபுடரஞ்ஜித꞉ ।
வரவஜ்ரஶிலாத³ர்ஶபரிபா⁴விகபோலபூ⁴꞉ ॥ 183 ॥

கர்ணத்³வயோல்லஸத்³தி³வ்யமணிகுண்ட³லமண்டி³த꞉ ।
கருணாலஹரீபூர்ணகர்ணாந்தாயதலோசந꞉ ॥ 184 ॥

அர்த⁴சந்த்³ராப⁴நிடிலபாடீரதிலகோஜ்ஜ்வல꞉ ।
சாருசாமீகராகாரஜடாசர்சிதசந்த³ந꞉ ।
கைலாஸஶிக²ரஸ்ப²ர்தி⁴கமநீயநிஜாக்ருதி꞉ ॥ 185 ॥

இதி ஶ்ரீ த³க்ஷிணாமூர்தி ஸஹஸ்ரநாம ஸ்தோத்ரம் ॥

---

மேலும் ஶ்ரீ ஶிவ ஸ்தோத்ராணி காண்க. மேலும் ஶ்ரீ த³க்ஷிணாமூர்தி ஸ்தோத்திரங்கள் காண்க.

Did you see any mistake/variation in the content above? Click here to report mistakes and corrections in Stotranidhi content.