Read in తెలుగు / ಕನ್ನಡ / தமிழ் / देवनागरी / English (IAST)
ஓம் ஸஹ நாவவது । ஸஹ நௌ பு⁴நக்து । ஸஹ வீர்யம் கரவாவஹை । தேஜஸ்விநாவதீ⁴தமஸ்து । மா வித்³விஷாவஹை । ஓம் ஶாந்தி꞉ ஶாந்தி꞉ ஶாந்தி꞉ ॥
ஓம் ப்³ரஹ்மாவர்தே மஹாபா⁴ண்டீ³ரவடமூலே மஹாஸத்ராய ஸமேதா மஹர்ஷய꞉ ஶௌநகாத³யஸ்தே ஹ ஸமித்பாணயஸ்தத்த்வஜிஜ்ஞாஸவோ மார்கண்டே³யம் சிரஞ்ஜீவிநமுபஸமேத்ய பப்ரச்சு²꞉ ।
கேந த்வம் சிரம் ஜீவஸி । கேந வா(ஆ)நந்த³மநுப⁴வஸீதி । பரமரஹஸ்ய ஶிவதத்த்வஜ்ஞாநேநேதி ஸ ஹோவாச । கிம் தத் பரமரஹஸ்ய ஶிவதத்த்வஜ்ஞாநம் । தத்ர கோ தே³வ꞉ । கே மந்த்ரா꞉ । கோ ஜப꞉ । கா முத்³ரா । கா நிஷ்டா² । கிம் தத் ஜ்ஞாநஸாத⁴நம் । க꞉ பரிகர꞉ । கோ ப³லி꞉ । க꞉ கால꞉ । கிம் தத் ஸ்தா²நமிதி । ஸ ஹோவாச ।
யேந த³க்ஷிணாபி⁴முக²꞉ ஶிவோ(அ)பரோக்ஷீக்ருதோ ப⁴வதி தத் பரமரஹஸ்ய ஶிவதத்த்வஜ்ஞாநம் । ய꞉ ஸர்வோபரமகாலே ஸர்வாநாத்மந்யுபஸம்ஹ்ருத்ய ஸ்வாத்மாநந்த³ஸுகே² மோத³தே ப்ரகாஶதே வா ஸ தே³வ꞉ ।
– சதுர்விம்ஶாக்ஷர மநு꞉ –
அத்ரைதே மந்த்ரரஹஸ்யஶ்லோகா ப⁴வந்தி । அஸ்ய மேதா⁴த³க்ஷிணாமூர்திமந்த்ரஸ்ய । ப்³ரஹ்மா ருஷி꞉ । கா³யத்ரீ ச²ந்த³꞉ । தே³வதா த³க்ஷிணாஸ்ய꞉ । மந்த்ரேணாங்க³ந்யாஸ꞉ ।
ஓமாதௌ³ நம உச்சார்ய ததோ ப⁴க³வதே பத³ம் ।
த³க்ஷிணேதி பத³ம் பஶ்சாந்மூர்தயே பத³முத்³த⁴ரேத் ।
அஸ்மச்ச²ப்³த³ம் சதுர்த்²யந்தம் மேதா⁴ம் ப்ரஜ்ஞாம் ததோ வதே³த் ।
ப்ரமுச்சார்ய ததோ வாயுபீ³ஜம் ச்ச²ம் ச தத꞉ படே²த் ।
அக்³நிஜாயாம் ததஸ்த்வேஷ சதுர்விம்ஶாக்ஷரோ மநு꞉ ॥
த்⁴யாநம் –
ஸ்ப²டிகரஜதவர்ணம் மௌக்திகீமக்ஷமாலா-
-மம்ருதகலஶவித்³யாம் ஜ்ஞாநமுத்³ராம் கராக்³ரே ।
த³த⁴தமுரக³கக்ஷ்யம் சந்த்³ரசூட³ம் த்ரிநேத்ரம்
வித்⁴ருதவிவித⁴பூ⁴ஷம் த³க்ஷிணாமூர்திமீடே³ ॥
[** ஓம் நமோ ப⁴க³வதே த³க்ஷிணாமூர்தயே மஹ்யம் மேதா⁴ம் ப்ரஜ்ஞாம் ப்ரயச்ச² ஸ்வாஹா **]
– நவாக்ஷர மநு꞉ –
ப்³ரஹ்மா ருஷி꞉ । கா³யத்ரீ ச²ந்த³꞉ । தே³வதா த³க்ஷிணாஸ்ய꞉ । மந்த்ரேண ந்யாஸ꞉ ।
ஆதௌ³ வேதா³தி³முச்சார்ய ஸ்வராத்³யம் ஸவிஸர்க³கம் ।
பஞ்சார்ணம் தத உத்³த்⁴ருத்ய தத்புந꞉ ஸவிஸர்க³கம் ।
அந்தே ஸமுத்³த⁴ரேத்தாரம் மநுரேஷ நவாக்ஷர꞉ ॥
த்⁴யாநம் –
முத்³ராம் ப⁴த்³ரார்த²தா³த்ரீம் ஸ பரஶுஹரிணம் பா³ஹுபி⁴ர்பா³ஹுமேகம்
ஜாந்வாஸக்தம் த³தா⁴நோ பு⁴ஜக³வரஸமாப³த்³த⁴கக்ஷ்யோ வடாத⁴꞉ ।
ஆஸீநஶ்சந்த்³ரக²ண்ட³ப்ரதிக⁴டிதஜடாக்ஷீரகௌ³ரஸ்த்ரிநேத்ரோ
த³த்³யாதா³த்³யை꞉ ஶுகாத்³யைர்முநிபி⁴ரபி⁴வ்ருதோ பா⁴வஸித்³தி⁴ம் ப⁴வோ ந꞉ ॥
[** ஓம் அ꞉ ஶிவாய நம அ꞉ ஓம் **]
– அஷ்டாத³ஶாக்ஷர மநு꞉ –
ப்³ரஹ்மா ருஷி꞉ । கா³யத்ரீ ச²ந்த³꞉ । தே³வதா த³க்ஷிணாஸ்ய꞉ । மந்த்ரேண ந்யாஸ꞉ ।
தாரம் ப்³லூம் நம உச்சார்ய மாயாம் வாக்³ப⁴வமேவ ச ।
த³க்ஷிணா பத³முச்சார்ய தத꞉ ஸ்யாந்மூர்தயே பத³ம் ।
ஜ்ஞாநம் தே³ஹி பத³ம் பஶ்சாத்³வஹ்நிஜாயாம் ததோ வதே³த் ।
மநுரஷ்டாத³ஶார்ணோ(அ)யம் ஸர்வமந்த்ரேஷு கோ³பித꞉ ॥
த்⁴யாநம் –
ப⁴ஸ்மவ்யாபாண்டு³ராங்க³꞉ ஶஶிஶகலத⁴ரோ ஜ்ஞாநமுத்³ராக்ஷமாலா-
-வீணாபுஸ்தைர்விராஜத்கரகமலத⁴ரோ யோக³பட்டாபி⁴ராம꞉ ।
வ்யாக்²யாபீடே² நிஷண்ணோ முநிவரநிகரை꞉ ஸேவ்யமாந꞉ ப்ரஸந்ந꞉
ஸவ்யாள꞉ க்ருத்திவாஸா꞉ ஸததமவது நோ த³க்ஷிணாமூர்திரீஶ꞉ ॥
[** ஓம் ப்³லூம் நமோ ஹ்ரீம் ஐம் த³க்ஷிணாமூர்தயே ஜ்ஞாநம் தே³ஹி ஸ்வாஹா **]
– த்³வாத³ஶாக்ஷர மநு꞉ –
ப்³ரஹ்மா ருஷி꞉ । கா³யத்ரீ ச²ந்த³꞉ । தே³வதா த³க்ஷிணாஸ்ய꞉ । மந்த்ரேண ந்யாஸ꞉ ।
தாரம் மாயாம் ரமாபீ³ஜம் பத³ம் ஸாம்ப³ஶிவாய ச ।
துப்⁴யம் சாநலஜாயாம் து மநுர்த்³வாத³ஶவர்ணக꞉ ॥
த்⁴யாநம் –
வீணாம் கரை꞉ புஸ்தகமக்ஷமாலாம்
பி³ப்⁴ராணமப்⁴ராப⁴க³ளம் வராட்⁴யம் ।
ப²ணீந்த்³ரகக்ஷ்யம் முநிபி⁴꞉ ஶுகாத்³யை꞉
ஸேவ்யம் வடாத⁴꞉ க்ருதநீட³மீடே³ ॥
[** ஓம் ஹ்ரீம் ஶ்ரீம் ஸாம்ப³ஶிவாய துப்⁴யம் ஸ்வாஹா **]
– அநுஷ்டுபோ⁴ மந்த்ரராஜ꞉ –
விஷ்ணுர்ருஷி꞉ । அநுஷ்டுப் ச²ந்த³꞉ । தே³வதா த³க்ஷிணாஸ்ய꞉ । மந்த்ரேண ந்யாஸ꞉ ।
தாரம் நமோ ப⁴க³வதே துப்⁴யம் வட பத³ம் தத꞉ ।
மூலேதி பத³முச்சார்ய வாஸிநே பத³முத்³த⁴ரேத் ।
வாகீ³ஶாய பத³ம் பஶ்சாந்மஹாஜ்ஞாந பத³ம் தத꞉ ।
தா³யிநே பத³முச்சார்ய மாயிநே நம உத்³த⁴ரேத் ।
அநுஷ்டுபோ⁴ மந்த்ரராஜ꞉ ஸர்வமந்த்ரோத்தமோதம꞉ ॥
த்⁴யாநம் –
முத்³ராபுஸ்தகவஹ்நிநாக³விளஸத்³பா³ஹும் ப்ரஸந்நாநநம்
முக்தாஹாரவிபூ⁴ஷிதம் ஶஶிகலாபா⁴ஸ்வத்கிரீடோஜ்ஜ்வலம் ।
அஜ்ஞாநாபஹமாதி³மாதி³மகி³ராமர்த²ம் ப⁴வாநீபதிம்
ந்யக்³ரோதா⁴ந்தநிவாஸிநம் பரகு³ரும் த்⁴யாயேத³பீ⁴ஷ்டாப்தயே ॥
[** ஓம் நமோ ப⁴க³வதே துப்⁴யம் வடமூலவாஸிநே ।
வாகீ³ஶாய மஹாஜ்ஞாநதா³யிநே மாயிநே நம꞉ ॥ **]
மௌநம் முத்³ரா । ஸோ(அ)ஹமிதி யாவதா³ஸ்தி²தி꞉ । ஸா நிஷ்டா² ப⁴வதி । தத³பே⁴தே³ந மந்வாம்ரேட³நம் ஜ்ஞாநஸாத⁴நம் । சித்தே ததே³கதாநதா பரிகர꞉ । அங்க³சேஷ்டார்பணம் ப³லி꞉ । த்ரீணி தா⁴மாநி கால꞉ । த்³வாத³ஶாந்தபத³ம் ஸ்தா²நமிதி ।
தே ஹ புந꞉ ஶ்ரத்³த⁴தா⁴நாஸ்தம் ப்ரத்யூசு꞉ । கத²ம் வா(அ)ஸ்யோத³ய꞉ । கிம் ஸ்வரூபம் । கோ வா(அ)ஸ்யோபாஸக இதி । ஸ ஹோவாச ॥
வைராக்³யதைலஸம்பூர்ணே ப⁴க்திவர்திஸமந்விதே ।
ப்ரபோ³த⁴பூர்ணபாத்ரே து ஜ்ஞப்திதீ³பம் விளோகயேத் ॥
மோஹாந்த⁴காரே நி꞉ஸாரே உதே³தி ஸ்வயமேவ ஹி ।
வைராக்³யமரணிம் க்ருத்வா ஜ்ஞாநம் க்ருத்வோத்தராரணிம் ॥
கா³ட⁴தாமிஸ்ரஸம்ஶாந்த்யை கூ³ட⁴மர்த²ம் நிவேத³யேத் ।
மோஹபா⁴நுஜஸங்க்ராந்தம் விவேகாக்²யம் ம்ருகண்டு³ஜம் ॥
தத்த்வாவிசாரபாஶேந ப³த்³த⁴த்³வைதப⁴யாதுரம் ।
உஜ்ஜீவயந்நிஜாநந்தே³ ஸ்வஸ்வரூபேண ஸம்ஸ்தி²த꞉ ॥
ஶேமுஷீ த³க்ஷிணா ப்ரோக்தா ஸா யஸ்யாபீ⁴க்ஷணே முக²ம் ।
த³க்ஷிணாபி⁴முக²꞉ ப்ரோக்த꞉ ஶிவோ(அ)ஸௌ ப்³ரஹ்மவாதி³பி⁴꞉ ॥
ஸர்கா³தி³காலே ப⁴க³வாந் விரிஞ்சி-
-ருபாஸ்யைநம் ஸர்க³ஸாமர்த்²யமாப்ய ।
துதோஷ சித்தே வாஞ்சி²தார்தா²ம்ஶ்ச லப்³த்⁴வா
த⁴ந்ய꞉ ஸோஸ்யோபாஸகோ ப⁴வதி தா⁴தா ॥
– அத்⁴யயந ப²லம் –
ய இமாம் பரமரஹஸ்ய ஶிவதத்த்வவித்³யாமதீ⁴தே । ஸ ஸர்வபாபேப்⁴யோ முக்தோ ப⁴வதி । ய ஏவம் வேத³ । ஸ கைவல்யமநுப⁴வதி । இத்யுபநிஷத் ॥
ஓம் ஸஹ நாவவது । ஸஹ நௌ பு⁴நக்து । ஸஹ வீர்யம் கரவாவஹை । தேஜஸ்விநாவதீ⁴தமஸ்து மா வித்³விஷாவஹை । ஓம் ஶாந்தி꞉ ஶாந்தி꞉ ஶாந்தி꞉ ॥
இதி ஶ்ரீ த³க்ஷிணாமூர்த்யுபநிஷத் ॥
மேலும் ஶ்ரீ ஶிவ ஸ்தோத்ராணி காண்க. மேலும் ஶ்ரீ த³க்ஷிணாமூர்தி ஸ்தோத்திரங்கள் காண்க.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
