Sri Vinayaka Stuti – ஶ்ரீ விநாயக ஸ்துதி꞉

ஸநகாத³ய ஊசு꞉ ।
நமோ விநாயகாயைவ கஶ்யபப்ரியஸூநவே ।
அதி³தேர்ஜட²ரோத்பந்நப்³ரஹ்மசாரிந்நமோ(அ)ஸ்து தே ॥ 1 ॥

க³ணேஶாய ஸதா³ மாயாதா⁴ர சைதத்³விவர்ஜித ।
ப⁴க்த்யதீ⁴நாய வை துப்⁴யம் ஹேரம்பா³ய நமோ நம꞉ ॥ 2 ॥

த்வம் ப்³ரஹ்ம ஶாஶ்வதம் தே³வ ப்³ரஹ்மணாம் பதிரோஜஸா ।
யோகா³யோகா³தி³பே⁴தே³ந க்ரீட³ஸே நாத்ர ஸம்ஶய꞉ ॥ 3 ॥

ஆதி³மத்⁴யாந்தரூபஸ்த்வம் ப்ரக்ருதி꞉ புருஷஸ்ததா² ।
நாதா³நாதௌ³ ச ஸூக்ஷ்மஸ்த்வம் ஸ்தூ²லரூபோ ப⁴வாந் ப்ரபோ⁴ ॥ 4 ॥

ஸுராஸுரமய꞉ ஸாக்ஷாந்நரநாக³ஸ்வரூபத்⁴ருக் ।
ஜலஸ்த²லாதி³பே⁴தே³ந ஶோப⁴ஸே த்வம் க³ஜாநந ॥ 5 ॥

ஸர்வேப்⁴யோ வர்ஜிதஸ்த்வம் வை மாயாஹீநஸ்வரூபத்⁴ருக் ।
மாயாமாயிகரூபம் த்வாம் கோ ஜாநாதி க³திம் பராம் ॥ 6 ॥

கத²ம் ஸ்துமோ க³ணாதீ⁴ஶம் யோகா³காரமயம் ஸதா³ ।
வேதா³ ந ஶம்பு⁴முக்²யாஶ்ச ஶக்தா꞉ ஸ்தோதும் கதா³சந ॥ 7 ॥

வயம் த⁴ந்யா வயம் த⁴ந்யா யேந ப்ரத்யக்ஷதாம் க³த꞉ ।
அஸ்மாகம் யோகி³நாம் டு⁴ண்டே⁴ குலதே³வஸ்த்வமஞ்ஜஸா ॥ 8 ॥

இதி ஶ்ரீமந்முத்³க³ளே மஹாபுராணே ஸநகாத³யக்ருதா ஶ்ரீ விநாயக ஸ்துதி꞉ ॥

Did you see any mistake/variation in the content above? Click here to report mistakes and corrections in Stotranidhi content.