Sri Pratyangira Stotram 3 – ஶ்ரீ ப்ரத்யங்கி³ரா ஸ்தோத்ரம் – 3

ஸ்தோத்ரநிதி → தேவீ ஸ்தோத்திரங்கள் → ஶ்ரீ ப்ரத்யங்கி³ரா ஸ்தோத்ரம் – 3

ப்ரத்யங்கி³ராம் ஆஶ்ரிதகல்பவள்லீம்
அநந்தகல்யாணகு³ணாபி⁴ராமாம் ।
ஸுராஸுரேஶார்சித பாத³பத்³மாம்
ஸச்சித் பராநந்த³மயீம் நமாமி ॥ 1 ॥

ப்ரத்யங்கி³ராம் ஸர்வஜக³த் ப்ரஸூதிம்
ஸர்வேஶ்வரீம் ஸர்வப⁴யாபஹந்த்ரீம் ।
ஸமஸ்த ஸம்பத் ஸுக²தா³ம் ஸமஸ்த-
-ஶரீரிணீம் ஸர்வத்³ருஶாம் நமாமி ॥ 2 ॥

ப்ரத்யங்கி³ராம் காமது³கா⁴ம் நிஜாங்க்⁴ரி-
-பத்³மாஶ்ரிதாநாம் பரிபந்தி⁴ பீ⁴மாம் ।
ஶ்யாமாம் ஶிவாம் ஶங்கரதி³வ்யதீ³ப்திம்
ஸிம்ஹாக்ருதிம் ஸிம்ஹமுகீ²ம் நமாமி ॥ 3 ॥

யந்த்ராணி தந்த்ராணி ச மந்த்ரஜாலம்
க்ருத்யா꞉ பரேஷாம் ச மஹோக்³ரக்ருத்யே ।
ப்ரத்யங்கி³ரே த்⁴வம்ஸய யந்த்ர-தந்த்ர-
-மந்த்ராந் ஸ்வகீயாந் ப்ரகடீ குருஷ்வ ॥ 4 ॥

குடும்ப³வ்ருத்³தி⁴ம் த⁴நதா⁴ந்யவ்ருத்³தி⁴ம்
ஸமஸ்த போ⁴கா³ந் அமிதாந் ஶ்ரியம் ச ।
ஸமஸ்த வித்³யா ஸுவிஶாரத³த்வம்
மதிம் ச மே தே³ஹி மஹோக்³ரக்ருத்யே ॥ 5 ॥

ஸமஸ்த தே³ஶாதி⁴பதீந் மமாஶு
வஶே ஶிவே ஸ்தா²பய ஶத்ருஸங்கா⁴ந் ।
ஹநாஶு மே தே³வி மஹோக்³ரக்ருத்யே
ப்ரஸீத³ தே³வேஶ்வரி பு⁴க்தி முக்தி꞉ ॥ 6 ॥

ஜய ப்ரத்யங்கி³ரே தே³வி ஜய விஶ்வமயே ஶிவே ।
ஜய து³ர்கே³ மஹாதே³வி மஹாக்ருத்யே நமோ(அ)ஸ்து தே ॥ 7 ॥

ஜய ப்ரத்யங்கி³ரே விஷ்ணுவிரிஞ்சிஶிவபூஜிதே ।
ஸத்யஜ்ஞாநாநந்த³மயி ஸர்வேஶ்வரி நமோ(அ)ஸ்து தே ॥ 8 ॥

ப்³ரஹ்மாண்டா³நாம் அஶேஷாநாம் ஶரண்யே ஜக³த³ம்பி³கே ।
அஶேஷஜக³தா³ராத்⁴யே நம꞉ ப்ரத்யங்கி³ரே(அ)ஸ்து தே ॥ 9 ॥

ப்ரத்யங்கி³ரே மஹாக்ருத்யே து³ஸ்தராபந்நிவாரிணி ।
ஸகலாபந்நிவ்ருத்திம் மே ஸர்வதா³ குரு ஸர்வதே³ ॥ 10 ॥

ப்ரத்யங்கி³ரே ஜக³ந்மாதர்ஜய ஶ்ரீ பரமேஶ்வரி ।
தீவ்ரதா³ரித்³ர்யது³꞉க²ம் மே க்ஷிப்ரமேவ ஹராம்பி³கே ॥ 11 ॥

ப்ரத்யங்கி³ரே மஹாமாயே பீ⁴மே பீ⁴மபராக்ரமே ।
மம ஶத்ரூநஶேஷாம்ஸ்த்வம் து³ஷ்டாந்நாஶய நாஶய ॥ 12 ॥

ப்ரத்யங்கி³ரே மஹாதே³வி ஜ்வாலாமாலோஜ்வலாநநே ।
க்ரூரக்³ரஹாந் அஶேஷாந் த்வம் த³ஹ கா²தா³க்³நிலோசநே ॥ 13 ॥

ப்ரத்யங்கி³ரே மஹாகோ⁴ரே பரமந்த்ராம்ஶ்ச க்ருத்ரிமாந் ।
பரக்ருத்யா யந்த்ரதந்த்ரஜாலம் சே²த³ய சே²த³ய ॥ 14 ॥

ப்ரத்யங்கி³ரே விஶாலாக்ஷி பராத்பரதரே ஶிவே ।
தே³ஹி மே புத்ரபௌத்ராதி³ பாரம்பர்யோச்ச்²ரிதாம் ஶ்ரியம் ॥ 15 ॥

ப்ரத்யங்கி³ரே மஹாது³ர்கே³ போ⁴க³மோக்ஷப²லப்ரதே³ ।
ஸகலாபீ⁴ஷ்டஸித்³தி⁴ம் மே தே³ஹி ஸர்வேஶ்வரேஶ்வரீ ॥ 16 ॥

ப்ரத்யங்கி³ரே மஹாதே³வி மஹாதே³வமந꞉ப்ரியே ।
மங்க³ளம் மே ப்ரயச்சா²ஶு மநஸா த்வாம் நமாம்யஹம் ॥ 17 ॥

இதி ஶ்ரீ ப்ரத்யங்கி³ரா பரமேஶ்வரி ஸ்தோத்ரம் ।

---

மேலும் தேவீ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.